劉興記生煎包專門店

性價比超高嘅上海生煎包專門店——劉興記。不但款式多樣，價格親民，最正係一坐低就已經有免費豆漿任飲，絕對係街坊良心店！豆漿係店家自家製，，口感醇厚香濃又唔會死甜，refill又快，絕對係解膩首選！必食推薦：🦐「瀨尿蝦生煎包」$54/4隻劉興記無論傳統口味還是創新款式都做得出色，「瀨尿蝦生煎包」每隻都採用原隻生拆瀨尿蝦入餡，保留蝦汁鮮味！一啖咬落去湯汁瞬間爆發，鮮甜濃郁毫無腥味。外皮焦脆內餡彈牙，口感層次極豐富！🥟「原味生煎包」$20/2隻經典之選！外皮金黃香脆，一咬開熱辣辣肉汁即刻湧出。豬肉餡鮮嫩多汁，湯汁豐盈卻唔油膩，皮薄餡多，絕對係必點！🍙「原味小龍包」$40/4隻皮薄透光卻極具彈性，內餡湯汁豐滿。咬落去汁液四溢，肉香濃郁，湯頭鮮美，水準拍得住上海老店！🍜「担担麵」$45麵條筋道有嚼勁，香辣花生醬同芝麻醬完美融合，濃郁香氣撲鼻而來。重口味愛好者必試！🥒「麻醬青瓜雞絲粉皮」$45清爽之選！粉皮滑嫩冰涼，雞絲鮮美搭配青瓜絲，淋上香濃唔膩嘅特製麻醬，夏日食簡直一流！#劉興記 #生煎包 #瀨尿蝦創新 #任飲豆漿 #抵食之選 #上海老味道 #香港美食…查看更多

今日喺荃灣經過呢間食爆汁生煎包專門店，門口d相已經好吸引，保證生煎包一定爆汁，見到餐牌價錢唔貴，就入去試吓。招牌炸雞扒菜飯套餐係包咗一隻生煎包，生煎包底部煎到勁香脆，而入面勁juicy,肉涵好嫩滑，都幾大隻，炸雞排炸到外脆內嫩，菜飯都幾大碗，套餐真係好抵食。招牌炸豬排挫缅+生煎包炸豬排d肉質唔會柴，都幾嫩，而d麵都好彈牙，吸晒d醬油味，唔錯。瀬尿蝦生煎包呢個係佢地新出品，瀬尿蝦生煎包真係第一次見，咬開d皮，見到好多瀬尿蝦肉，真材實料，先飲飲佢個湯汁，真係好鮮味，好鮮嘅海鮮味道，加埋d嫩滑肉涵，勁正。豆漿係免費無限refill,豆味非常濃郁，唔算太甜，好味。…查看更多

酸辣雞絲搭雲吞＋生煎包套餐酸辣湯落咗胡椒，飲落好暖辣度方面，起初唔辣，愈食愈辣靠豆漿豆漿有豆香，偏濃偏澀，無糖我有少少飲唔慣，但為咗解辣所以不知不覺飲咗三杯豬肉薄皮雲吞嘅肉餡打得好細膩、好彈牙咬落好似食緊蝦滑咁～雞絲意料之外嘅嫩滑原來以為係雞胸果種結實但居然係軟嘅！生煎包嘅底部煎到好硬身，但唔會好油肉餡同湯水好食，但品唔到更細因為我食得太急本來以為放左陣會涼一啖落焫到我條脷⋯唔可以好好享受建議唔好太急去食底皮…查看更多

招牌生煎包😍絕對要食！每人食2個起跳，都未必夠喉🤣，生煎包底脆餡飽滿又juicy，要好小心咬😆，入面真係多汁到好易彈出黎咁，超級好食😋，價錢仲要唔貴，必食名物仲叫咗另外兩款蟹黃生煎包，瀨尿蝦生煎包都係勁爆Juicy多汁，仲多咗一層鮮味雞絲酸辣湯叫左細，上枱都好大碗😆，足料，酸爽開胃酥炸小雲吞一粒一啖，超級香脆👍🏻招牌炸雞扒拌麵雞扒都好出色，炸得好甘香，外皮酥脆，肉質細嫩，拌麵都好惹味🥰…查看更多

真心想推介呢間唔止好食，仲超級細心嘅街坊小店！每次幫襯都感受到佢哢對食物品質嘅堅持，令人食得特別安心～佢哋嘅招牌炸豬排菜飯真係無得彈，豬排炸到金黃香脆，咬落去肉質鬆化得嚟又鎖住肉汁，配埋清淡嘅菜飯，平衡得啱啱好！另一個必食係招牌炸雞扒，雞肉醃得超級入味，外皮脆得嚟唔會過硬，裡面保持到Juicy口感，真係忍唔住一粒接一粒！個拌麵加生煎包套餐都係我嘅心水，拌麵嘅醬汁香濃唔膩，生煎包做得特別出色～講開生煎包，真係要讚下店家對品質嘅執著，如果萬一你嗰籠生煎包唔夠熱，或者咬開冇爆出嚟嘅肉汁，店員都會好樂意同你換過新鮮出爐嘅，務必讓你食到最完美嘅狀態！仲有個超貼心服務就係凍豆漿可以免費添飲，飲完一杯覺得唔夠？隨便加，真係大方到不得了！同三五知己一齊嚟，叫份招牌生煎包（8隻）慢慢歎就最開心～，…查看更多

🌟上海小籠包麵皮包裹著滿滿湯汁，先咬破一個小口吸吮鮮甜的肉汁，再連皮帶肉一起入口 jenggg2.招牌生煎包底部煎得金黃酥脆，咬下去會發出"卡滋"聲響。麵皮厚實有嚼勁，內餡飽滿多汁！3. 招牌炸雞扒菜飯雞排外皮炸得酥脆不油膩，搭配的菜飯粒粒分明4. 鮮蝦濃湯生煎包這款創意口味讓人驚艷。每顆包子裡都藏著完整鮮蝦，蝦肉的甜味與豬肉餡完美融合5. 瀨尿蝦生煎包特別限定口味，將整隻瀨尿蝦包入生煎包中。蝦肉的鮮甜與生煎包的肉汁意外地搭，咬開時還能看見完整的蝦肉，真材實料…查看更多

再訪劉興記🤤 一想食生煎包第一時間就會諗起劉興記，聽聞連發哥都係常客😱 一坐低姐姐已經擺低一壺豆漿俾我哋任斟任飲❤️🥟 生煎包招牌必食！皮薄底脆，煎得金黃香口，一咬爆汁，肉餡鮮甜多汁，用梅頭豬肉人手包製，湯汁飽滿，芝麻蔥花點綴更添香氣。🦀 蟹粉生煎包升級版生煎！蟹粉香濃足料，與豬肉餡融合得宜，湯汁更鮮更濃👍🏻🍘 豆沙鍋餅外皮香脆，內餡綿密唔膩，豆沙甜度剛好，鍋餅煎得焦香而唔會過硬。🍜 麻醬雞絲拌麵麻醬香濃，雞絲嫩滑、份量好多，麵條爽滑👍🏻 亦可以選擇有青瓜嘅版本，口感更清爽。…查看更多

劉興記生煎包專門店 (荃灣) 🍜🦐一想食生煎包，一定係諗起劉興記！🌈今次去咗荃灣嘅劉興記，真係食到我心花怒放！🌟 佢哋嘅招牌真係唔可以錯過，要同大家分享一下！😋 瀨尿蝦湯麵 $108呢碗瀨尿蝦湯麵真係勁震撼！🍤 大隻瀨尿蝦，仲係斑馬瀨尿蝦，長過靜靜雞手臂！😱 湯底鮮甜，搭配滑滑嘅麵條，食落去真係一口接一口，完全停唔到！每一口都好滿足，真係超級推介！💖招牌炸雞扒菜飯 + 生煎包（1隻） $54呢個套餐更係好抵！🍗 招牌炸雞扒外脆內軟，咬落去先至發現裡面嘅鮮嫩，搭配香噴噴嘅菜飯，簡直係完美組合！而且生煎包一咬就爆汁，肉餡鮮美，質素絕對保證！🥟🔥😋 靜靜雞指數 🐥🐥🐣🥚🥚 🔂 再偷食指數 ✅✅✅☑️☑️ 💲 減荷包指數 💸💵💵💵💵 —————————————————— 店舖資料 📍荃灣荃灣街市街37號地舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood #chinesefood #香港美食 #foodie #hkfoodie #instafoodie #foodlover #yum #delicious #劉興記 #荃灣美食 #中菜 …查看更多

每次經過劉興記都被煎包香氣勾住腳步！招牌生煎包絕對是必點經典，金黃酥脆的底殼咬下會發出「咔滋」聲，隨之而來的爆汁熱浪讓人又愛又恨——記得先咬小口吸湯汁，否則後果自負（笑）內餡豬肉鮮甜不膩，肉香與麵皮焦香完美交融。驚喜發現限定版蟹皇生煎，橙黃蟹油滲透薄皮，海鮮的奢華感瞬間爆發！更特別的是瀨尿蝦生煎，將港式風味包進上海點心，彈牙蝦肉與肉汁的組合意外和諧，吃完忍不住舔指尖。同場加映的上海小籠包同樣出色，皮薄如紙卻能兜住滿盪湯汁。招牌擔擔麵濃郁花生醬香撲鼻，粗麵掛汁力強，麻辣餘韻層層堆疊，配生煎包根本是罪惡雙人舞。這家絕對是生煎控的秘密基地，每口爆汁的瞬間總能治愈煩躁心情，已經預約明天再戰！…查看更多

朋友向筆者介紹了荃灣的一間生煎包店，更表示餐廳甚具人氣，飯點時間非常好生意。於是，今晚便叫朋友帶路，來到街巿街的這間「劉興記生煎包專門店」。店舖招牌的生煎包，必須一試！生煎包外皮薄身，底部香脆，咬開更有爆汁效果。肉餡味道很香，據知是用了本地新鮮豬肉製作。食完一個仍意猶未盡，再點了一個瀨尿蝦口味。豬肉混合了蝦肉，多了海鮮的鮮味。2款口味都各有千秋！豬扒一大塊，切件上碟。外皮炸至很脆身，肉質軟嫩，但稍嫌肉味未夠香。拌麵條偏粗，入口略帶煙韌彈牙感。因為加入了蔥油，味道很香很惹味。酸辣湯非常足料，除了雞絲，還有木耳絲、冬菇片等。湯頭順滑濃稠，味道既鹹既酸既辣，層次夠豐富。酸酸辣辣，夠開胃！豆漿更是可以任飲，大滿足！…查看更多

餐廳主打即叫即製生煎包，仲有豆漿任飲唔另收費，人均六十蚊有找，抵到爛！必試「雞湯小雲吞加生煎包」組合，小雲吞皮薄餡靓，雞湯清澈鮮甜，飲到底仲見到湯底有金華火腿絲！配搭即煎生煎包，咬開瞬間爆汁，豬肉餡混入少少薑蓉，完美中和油膩感。另一個驚喜係「香煎豬扒湯麵」，豬扒厚度十足，用刀背拍鬆過特別入味，外層香脆內裡juicy。湯底用豬骨熬足八個鐘，飲完唔會口渴。跟餐生煎包保持水準，底部煎到金黃脆口，芝麻香氣撲鼻。最正係豆漿任斟，豆味濃郁完全唔輸坊間十幾蚊杯嘅貨色。兩個人食到捧住個肚都係百零蚊，性價比爆燈！…查看更多

去咗荃灣，朋友話未試過生煎包，OK即刻安排！到埗時人流唔多，環境舒適，氣氛輕鬆。入座即有店員奉上一壺任飲豆漿，豆漿濃郁，唔太甜😍🍞 生煎包叫咗原味、瀨尿蝦同蟹黃餡，3款都爆汁到驚喜！蟹黃味道濃郁，鮮香撲鼻瀨尿蝦帶淡淡海鮮味，仲有整隻蝦肉，口感豐富原味肉味濃郁，咬落好juicy3款共通點係爆多汁，每一口都滿足！🥟 原味上海小籠包招牌原味上海小籠包，皮薄加上熱騰騰湯汁，內內餡料同濃郁湯底完美融合。🍗 招牌炸雞扒即炸上枱，熱辣辣外脆內嫩，質素不錯。但如果有汁醬點綴，味道會更豐富…查看更多

之前同媽咪係電視睇香港原味道🇭🇰見到呢間店舖用本地瀨尿蝦去做餡料 做成隻隻香脆又有肉汁的生煎包 真心覺得要支持一下屬於香港既原味道 我地就選左最近屋企既荃灣店 店舖座位不多 建議避開繁忙用餐時段 一座低就送豆漿 豆漿係任飲的 豆香味濃 而且夠冰凍 店家好有誠意 🥤套餐性價比比較高 點了招牌炸豬扒湯麵加生煎包 招牌炸雞扒菜飯加生煎包 另外再點瀨尿蝦生煎包鮮蝦濃湯生煎包 生煎包必定要趁熱食 外皮真係超香脆 而且爆哂湯汁 私心推薦瀨尿蝦生煎包 真係食得出鮮味十足 ❗️食生煎包 一定係本地薑 劉興記❤️…查看更多

嘢食好唔好食，見仁見智，但係三部冷氣機都污糟邋遢，眼望已經成個抽氣位同埋出風位啲邊都黐晒塵，仲不時食食吓撇啲水落嚟，撇咗好幾嘢都頂唔順，同工作人員講，佢話同老細講咗，老細唔搞都冇辦法，佢又唔夠高冇得搞。我眼望到咗嘅嘢食，你覺得我會有冇興趣知道佢好好味呢？樓面客人見到嘅地方都咁樣，咁廚房客人見唔到嘅地方會係點呢？ Openrice 都有問題，要評一個舖頭好唔好要寫200字，咁會令好多人卻步，費事用咁多時間寫咁多字，所以嗰三個樣嘅數字都不能反映事實。…查看更多

叫左兩個正常生煎包，濃蝦味各瀨尿蝦味生煎包各一由淡到濃味，先食正常味，非常熱（第一啖請勿大口）。倒出黎湯 多過匙，仲勁過小籠包，底層包是脆的。真係不得了。瀨尿蝦生煎包 有呢個諗頭真係有創意，真材實料。濃蝦包，喜歡海鮮的我 第一口咬落去，真係嘩左聲，好海鮮味，入面肉加左少少魷魚，食落去有彈牙，面上有蝦籽粉。咁細心？！豆漿仲可以任添，呢間真係一間有質素有誠意店。不過飲得多豆漿好易飽，豆漿係比較‘潔’身，唔係水寥寥。係坐得有點迫…查看更多