劉興記生煎包專門店

最近減少醣類飲食，今日特別掛住碳水，去咗劉興記食生煎包😅

招牌生煎包8隻 $60 - 趁熱咬咗一小口，即見內裏湯汁豐盈，肉鮮汁多，包底一如既往酥脆可口，係掛念嘅味道😊

招牌炸豬扒菜飯 $45 - 大塊酥香即炸豬扒切咗6件， 外脆肉嫩，配一口清爽菜飯，超滿足😋

麻醬青瓜雞絲粉皮 $45 - 份量好大，麻醬另上，根據個人口味自己涼拌，簡簡單單勝在refreshing👍🏻

店舖大方，冰凍豆漿免費奉送，食物水準又一直保持到，如果掛住啲爆汁生煎包可以隨時過嚟滿足一下。