劉興記生煎包專門店

營業中

休息中

當日在門口排隊一排就是45分鐘已經心知不妙外賣隊叫外賣時，他說又要等30分鐘即係逼你返去食堂食。我的天哦！你是做街坊生意的地舖為何可以這樣？生煎包可以一試、豬扒非常韌，而且好乾。小雲吞湯如白開水，雲吞可以。總結經過行開可以一試、唔好特登嚟。大圍店老闆收銀、態度勁差！其貌可增面目猙獰！千祈唔好搵佢落單，如果唔係佢一定小到你上天花板。總結真是有點失望，是問一間網上炒到上天的餐廳居然以這種味道和態度去服務，你真的想趕客嗎

最近成為城中熱話既劉興記開咗幾間分店，行過荃灣街市街見到個靚仔喺度叫賣米芝蓮生煎包，門口貼咗發哥同老細嘅合照，仲要係兩套唔同衫，可見發哥都係常客😎有四款皇牌套餐，有主食+生煎包，再送豆漿，見到價錢算經濟入去試吓招牌生煎包同蟹黃生煎包都超大粒，做到外脆內軟爆曬汁，比出面食過嘅生煎包個汁冇咁鹹，可能有啲人嫌唔夠味，但我覺得幾好，會食到肉嘅鮮味麻醬手撕雞粉皮係粗身粉皮，連埋青瓜絲同雞絲麻醬，夏天食夠晒涼爽鮮鮮雞湯小雲吞個湯真係唔錯！冇味精係飲得嘅質素，雲吞皮好滑，雖然雲吞細細粒但係肉都飽滿上海排骨菜飯塊豬扒比較薄同埋乾身，單點$42來講算過得去啦，下次再來會叫返每人半打生煎包😎

荃灣嘅餐廳種類好多好少有一間要大排長龍今日冒着大雨過去食晚餐竟然見到街坊打晒蛇餅門口仲貼咗店主同發哥嘅合照真係信心保證招牌生煎包好貼心可以兩件四件或者六件咁樣叫生煎包係現場嘅師傅人手包制需要等一等，但係慢工出細火上枱嘅時候店員會提醒生煎包係爆汁嘅果然包皮薄脆入面嘅豬肉餡好鮮甜 浸住熱辣辣嘅肉汁真係會上癮招牌擔擔麵$42一份 湯底花生芝麻味道濃郁面嘅份量充足個人最鍾意加少少辣椒醬提味排骨蔥油拌麵又係另外一道推介菜式排骨超大嚿 炸皮薄入面嘅豬扒趁熱食仲有少少肉汁欣賞佢嘅蔥油拌麵細麵質地煙靭 撈埋炸香嘅蔥油食指大動手工豆沙鍋餅上海家常菜 即叫即煎啱啱上枱嘅時候真係會辣到嘴豆沙嘅味道比較甜 配豆漿食好正

放工後，諗住去試呢間聲稱用鮮肉做生煎包嘅新開小店，點知一去到已經排晒長龍，我同老公兩個人在門口外排咗一個半小時才被安排入座。入座後並不是即時點餐，店員說要先清上一輪訂單，才可以再安排我們點餐，所以我們又在店內再呆等了15分鐘！點餐後，才發現忘了點甜品豆沙窩餅，所以再去排隊加單，點知店員說堂食唔可以加單，而且回覆態度非常惡劣。生煎包並不像預期般好味，多汁但皮好硬，其他拌麵及雞絲粉皮味道都一般，匙羹沒有洗乾淨有污漬，再加上食嘢都要受店員氣，相信沒有下次了！

一個人食飯時通常都會想搵啲又平又飽肚既野食，而且個人又鐘意食上海野，經過見到呢間新開張既鋪頭，門口有人排隊，感覺幾吸引就入左去。蟹皇生煎包 $18一隻叫左2隻生煎包，外皮微微脆，入面好多汁，豬肉混左啲蟹膏，食到有蟹既味道，湯汁都有啲蟹味。仲有溫馨提示，所以建議咬開一個細窿先，吸哂啲汁先再食會比較安全。擔擔麵 $42擔擔麵既湯底濃郁，好香花生醬味，肉醬混埋蝦米粒，少少辣椒，食落吾會好辣，個人幾鐘意個湯底，完全系我鐘意既味道。上海炸排骨 $22排骨炸得酥脆，炸粉幾薄，肉質都算易咬。

虛有其表運作混亂，出品極之一般，吹噓製作過程，如有惡意抹黑本人願意天打雷劈！$18一隻嘅蟹黃生煎包完全食唔到有蟹粉，$35一份嘅麻醬雞絲粉皮份量少冇味道，麻醬只不過係花生醬，垃圾中嘅垃圾

荃灣馳名生煎包專門店劉興記終於去荃灣再重開，價錢繼續親民合理，即刻去幫襯～招牌生煎包 & 蟹皇生煎包爆湯生煎包真係好正！生煎包脹卜卜，要小心慢慢食，因為裏面嘅熱湯係多到爆出嚟；湯頭好鮮甜，生煎包裡面嘅肉好juicy好嫩，食到停唔到口～兩個味都好好食，如果鍾意蟹粉味嘅朋友，一定要試蟹味，勁正～蔥油雞扒菜飯脆炸雞扒配上炸香左嘅蔥絲，超開胃～菜飯大大個又新鮮～麻醬手撕雞絲粉皮粉皮好薄好爽身，青瓜好清新，配埋秘製麻醬同手撕雞，非常開胃～鮮雞湯小雲吞 自家製小雲吞，細細粒但勁多料，12粒好抵食～低糖豆漿唔甜重豆香味～

大圍店所有食物都唔熱淨係暖暖地，叫佢換換完新嘅都係暖暖哋一啲都唔熱！個生炸雞扒蔥油麵個雞扒一啲都唔熱凍嘅！全部都係預先整定淋嘅！蔥油餅一啲都唔好食都係凍嘅，食到成口粉！仲要所有蟹黃產品全部都冇！諗住去食辣蟹黃嘅就真係唔使去永遠都冇！雞絲酸辣湯嘅雞絲完全唔係雞絲係雞塊係雞胸肉一啲都唔好食！服務仲要勁差！所有店員淨係掛住外賣部份糖食菇客一啲都唔會理會，環境勁逼夾坐得超唔舒服！！！！！！！永不錄用餐廳！

劉興記生煎包專門店最紅的一定是招牌生煎包，招牌生煎包焦香味隨著熱氣飄上來，相當迷人。招牌生煎包皮鬆軟，包底香脆，搭配湯汁四溢的豬肉內餡，肉餡鮮美好吃，果然是劉興記生煎包專門店的代表作，沒點這個別說吃過劉興記生煎包專門店。蟹黃生煎包底部煎到金黃香酥，每一顆都小巧可愛，手工製作的外皮上面灑滿了黑白芝麻，並包覆細緻的蟹肉餡，加上蟹黃的油潤鮮香逼人，一口咬下蟹黃生煎包蟹汁馬上湧出，吃到滿口鮮汁，吃的時候真的要小心燙到。秘製上海炸排骨看起來還不錯，排骨本身輕裹炸粉，整個炸粉牢牢包覆著排骨，炸排骨醃得蠻入味，外皮酥脆裡肉嫩，秘製上海炸排骨挺有肉感，肉香十足，真的超強，這是少數令朋友驚艷的炸排骨。每次吃上海菜，我和朋友均會點上一杯凍低糖豆漿，劉興記生煎包專門店的凍低糖豆漿不錯的喝，凍低糖豆漿冰冰涼涼，微甜順口，豆味濃郁，頗有水準的。糖醋炸排骨湯麵是熱銷的上海菜經典，其酸甜的滋味老少咸宜，男女老幼都愛，湯麵麵條粗粗的富彈勁，不會軟爛，炸排骨外層即使有裹上糖醋汁，炸排骨依然香脆，肉部份亦醃得透徹，放進嘴裡有明顯醋香湧現，排骨肉細嫩不乾柴，吃了會涮嘴。夏天沒胃口或是天氣太熱，吃麻醬手撕雞絲冷麵最好不過，麻

今日同屋企人去荃灣街市買餸嘅時候就見到對面有間新開嘅生煎包，勁多人排隊，一定要試下。叫左佢哋嘅招牌生煎包，同埋排骨蔥油麵，生煎包皮薄多汁，至少有成兩匙羹嘅湯汁，加埋辣椒醬非常好食。蔥油麵一上枱就勁香，食落去調味啱啱好，睇落去好深色但係唔咸，食完個口都勁香蔥油味。本來想試埋豆沙鍋餅，但係佢哋嘅份量都唔細，唯有等下次先試。雖然舖頭細細，但係嘢食嘅種類都唔少，而且佢哋侍應做嘢好快手好有禮貌，所以都唔駛等好耐，食完先發現原來周潤發都嚟過。

麻醬手撕雞絲粉皮：這道美食以Q彈的粉皮搭配濃郁的麻醬和青瓜同埋手撕雞絲，麻醬好香花生味！生煎包：內部鮮嫩多汁的肉汁和酥脆的外皮，口感極佳蟹粉生煎包黃油蟹粉真係超滿足，啲湯汁好鮮甜！招牌上海排骨菜飯：香嫩多汁的排骨搭配蔬菜和米飯，營養豐富。菜飯入邊菜嘅比例好多，最鍾意呢啲比例！鮮雞湯小雲吞12粒麵：這道湯麵以鮮雞湯為基底，配上12粒鮮嫩的小雲吞和粗身的麵條。湯汁鮮美濃郁，仲有兩條青菜，夠晒健康！蔥油餅：煎至金黃酥脆的蔥油餅散發出誘人的香氣，一口咬下可以感受到酥脆的外皮和蔥的香味，呢啲立體嘅蔥油餅個樣有啲似bagel呢🤣鮮豆漿：口感滑順，喝起來清爽

最新荃灣新開左主打爆汁生煎包嘅劉興記，都幾多人排隊，星期日晏晝都要等一陣先入到去。食物種類都幾多，除左包仲有各種上海麵食同小食，亦有套餐可供選擇。今次試左兩款生煎包 – 原味同蟹黃味。原味生煎包新鮮熱辣，包底煎得香脆，一咬立即湧出唔少熱辣辣湯汁，連埋豬肉一齊食好正！而蟹黃味亦都有幾多蟹肉喺個餡到，好有蟹肉香，同時帶有蟹膏香同淡淡薑味。而擔擔麵都幾多肉碎，麵質爽彈好掛湯！另一款排骨蔥油拌麵嘅味道比較簡樸，如果多啲蔥就更好，至於排骨炸粉好薄，炸到好脆身。仲叫咗12粒上湯雲吞，雲吞皮好薄好滑，餡料充滿肉香，一啖一粒岩岩好。飲品叫左豆漿，雖然分量比預期細杯，但充滿豆香味，亦唔會過甜。價錢幾親民，難怪咁多街坊幫襯啦！

新開嘅生煎包店堂食同外賣都幾好生意一於試吓堂食要先喺收銀落單俾錢 然後入去坐呢個安排都幾好食物都幾快有 新鮮整好 夠晒熱辣辣.- 招牌生煎包- 蟹皇生煎包生煎包不錯 有滿滿嘅肉汁外皮厚度唔係話好厚不過兩款味道分吃不大🤣.- 上海排骨好大份!夠晒多肉 唔會得骨同炸皮外皮好香脆 忍唔住食咗啲🤣.- 擔擔麵望落色水同平時食嘅擔擔麵好似有啲唔同不過食落味道都唔錯 有花生醬味肉醬都幾惹味 仲有一堆蝦皮.- 豆沙鍋餅好耐無食過喇而家好似好少地方食度?! 味道唔錯.- 凍豆漿味道正常 略嫌細杯咗啲

朋友帶我黎荃灣新開無耐既小店話要食上海菜，呢間鋪頭分開左堂食同外賣既，所有食物都要先俾錢後入座，座位都唔算太多，而且要食佢都要俾d時間排下隊入去坐低叫左招牌生煎包，即叫即整所以制作需時要等下，而最後既蟹肉3粒生煎包都俾我地叫到，招牌生煎包外皮有芝麻响面咬落啖啖肉而且入面仲有滿滿既湯汁同涵料，另外蟹肉包就入面包滿左好多蟹肉同樣好多湯汁咬落要小心d熱辣辣甘既，不過如果唔鐘意有少少腥味既朋友就食反招牌會比較好。

見到呢間新開嘅生煎包, 招牌仲係用紅紙遮住, 已經人來人往, 不斷有食客入內進餐, 我地都好想試下😻🔹招牌生煎包, 蟹黃生煎包既然黎到, 生煎包又咁signature, 一於兩款都試下😛招牌生煎包的外皮薄而脆, 一咬係會噴汁的😂😂😂要好小心食🤣非常juicy得很, 食落爆汁有層次, 招牌裡面係新鮮豬肉, 蟹黃裡面蟹粉, 兩者味道都超級夾, 生煎包果然係招牌菜, 必食😋😋😋💯🔹上海排骨菜飯排骨外皮煎到好酥脆, 裡面依然保持軟嫩的肉質, 味道夠鹹香, 加土埋菜飯嘅香氣, 更有嚼勁👍🔹生炸雞扒湯麵香脆嘅炸雞扒, 鮮美而濃郁嘅湯汁, 彈牙嘅麵條, 溫飽又滿足嘅感覺🔹鮮雞湯小雲吞(12粒)鮮雞湯係核心主角呀🫨🫨🫨充滿雞肉的鮮香味道, 小雲吞皮薄而有彈性, 包裹著鮮嫩的雞肉餡料, 充滿了咬勁, 為左飲呢個湯, 好值得叫黎食😍🤤🤤🔹手工豆沙窩餅精緻又小巧嘅甜點, 每一口都能品嘗到豆沙嘅香甜和滑順, 質地鬆脆, 食落吃起來口感輕盈而不油膩🥛豆漿微溫, 好香黃豆味, 入口順滑無渣👍