劉興記生煎包專門店

營業中

休息中

今日佛誕公眾假期，大人話想食網紅生煎包，咁咪去睇下排幾耐嘍，去到門口，條龍吾算長只有10個人，但以剛剛做網紅同埋公眾假期，真系吾系咁樂觀。舖頭裡面吾大，但比之前川龍街堅x號舊鋪大，裝修簡單。因為真系條龍太慢，所以決定買外賣，等左差不多5分鐘就有，行去公園食好過。外貌比堅x號靚仔，一邊白一邊煎黃，煎果面仲脆卜卜。芝麻系多但無味。4個裡面有一個得好少汁，其他就都可以話爆汁，味道幾甜同回味。肉就系鬆軟同吾彈口，肉味都OK。米醋吾酸，幾和味。堅X號4個$42，哩間$30，咁就性價比高啦！

最近多區都開咗生煎包專門店《劉興記》適逢假日嚟到荃灣離遠已經見到長長嘅人龍不過翻枱速度都好快 等一陣就可以入座啦🔸招牌生煎包 HKD30/4隻本身想試吓蟹粉生煎包 可惜賣哂於是就揀咗招牌生煎包！生煎包底部煎至金黃酥脆 包住調味肉餡上枱時熱辣辣 咬開嘅時候要好小心因為真係會爆哂肉汁出嚟🔹雞絲酸辣湯小雲吞 HKD32/6粒小雲吞大約5毫子大小 一啖一粒雲吞皮夠薄 每粒都包住鮮肉 酸辣湯酸中帶微辣有荀絲 冬菇 木耳 好足料🔸排骨蔥油拌麵 HKD42排骨偏薄身 炸至酥脆 拌麵用上細麵 口感煙韌 配上蔥油特別香口🔹生炸雞扒湯麵 HKD42生炸雞扒金黃香脆 炸完後雞肉依然有肉汁湯麵用上粗麵 感覺有啲似刀削麵 軟硬度適中🚩劉興記生煎包專門店 荃灣荃灣街市街37號地舖

近排大熱嘅生煎包店「劉興記」日日大排長龍，個個都係等新鮮熱辣出爐嘅爆汁生煎包。不論堂食或外賣都要預咗要等好耐，因為生煎包一造起就賣清光，而且每一隻都爆汁，用上本地的新鮮梅頭肉，以人手搓製、推皮、包餡，再放到特製上海生鐵鍋上以混水煎法煎製，最後再加芝麻、蔥花增加香味，承諾唔爆汁包換。的確生煎包一篤已經有湯汁爆出。做到皮薄、多汁、脆底。除咗生煎包都有麵食、小雲吞、豬扒等上海菜式不過最出色都係生煎包喇。

今天要去荃灣買東西，於是就叫母親陪我去順便搵個地方吃晚飯，經過街市街見這店很多人，於是就進入餐廳。我們第一次來這店，原來這店是用QR code自行下單。我們第一次來不知叫什麼菜，於是問店員，店員都非常細心的跟我們講解介紹。不得不說店員都很溫和友善，不會在大叫下單。我們叫了一個招牌生煎包、一客糖醋炸排骨湯麵，一碗麻醬手撕雞粉皮、鮮雞湯小雲吞和兩杯豆漿這裏的食物最大的特色是新鮮熱辣，即叫即煮。生煎包來到是爆漿的，一邊煎香一邊薄皮裏面多汁味道濃郁。另外糖醋炸排骨湯麵也是熱辣辣，糖醋排骨酸甜有道，炸得非常脆和香。湯麵當然也很爵勁。至於麻醬手撕雞粉皮，麻醬非常香濃，也非常足夠，手撕雞的雞我覺得很有雞味，肯定不是雪藏雞塊。另外兩杯豆漿是凍的，不過食完熱熱辣辣又有些香口的生煎包和糖醋排骨，飲少許凍豆漿也不為過。

如果一早睇咗呢度嘅食評我一定唔會幫襯！我一入店同收銀櫃亞姐講外賣，佢冇理我，對眼望一望堂食出嚟比錢嘅人示意同我講佢要收錢先，但人龍越嚟越長，不斷有人出嚟比錢，佢都係堅持收哂先到我！我order咗四個生煎包等咗25分鐘，見到遲過我號碼，一樣係四個生煎包都已經有得拎，我再入去同員工講：我話唔好意思請問會唔會漏單呢，遲過我嘅都已經拎咗。員工個樣好唔耐煩口𥚃細細聲唔知講乜。再等多一陣間遲我十個號碼一樣生煎包都拎埋，我再入去問，一樣係嗰位好唔耐煩嘅亞姐話：同你跟咗喇！用咗半個鐘等4個生煎包，員工態度唔係咁，同埋唔會咁亂，其實都唔會咁嬲！等候期間，我聽到等外賣嘅人講，食埋今次算數喇，唔好再有下次！食物質數我中立評分係正常分數，唔見得有幾咁驚訝，不過就算識飛，態度唔好嘅食店我都絕對唔會幫襯，如果唔反省唔改善，祝你好運

🥟劉興記生煎包專門店📌荃灣街市街37號地舖路經荃灣街市街有間近日幾紅的生煎包店，不用排大隊買點回家試試。招牌生煎包皮薄餡料多，底部煎得鬆脆，咬下一口，爆汁的情景出現，小心燙口。做到瀑汁的效果，是他們用豬肉凍加埋新鮮豬肉做餡料，味道不錯、好味，下次要試下其他產品。

今天要去荃灣買東西,於是就叫母親陪我去順便搵個地方 吃晚飯,經過街市街見這店很多人,於是就進入餐廳。我 們第一次來這店,原來這店是用QR code自行下單。我們 第一次來不知叫什麼菜,於是問店員,店員都非常細心的 跟我們講解介紹。不得不說店員都很溫和友善,不會在大 叫下單。我們叫了一個招牌生煎包、一客糖醋炸排骨湯麵,一碗麻 醬手撕雞粉皮、鮮雞湯小雲吞和兩杯豆漿這裏的食物最大的特色是新鮮熱辣,即叫即煮。生煎包來 到是爆漿的,一邊煎香一邊薄皮裏面多汁味道濃郁。另外 糖醋炸排骨湯麵也是熱辣辣,糖醋排骨酸甜有道,炸得非 常脆和香。湯麵當然也很爵勁。至於麻醬手撕雞粉皮,麻 醬非常香濃,也非常足夠,手撕雞的雞我覺得很有雞味, 肯定不是雪藏雞塊。另外兩杯豆漿是凍的,不過食完熱熱 辣辣又有些香口的生煎包和糖醋排骨,飲少許凍豆漿也不為過。

嘩嘩嘩！呢間餐廳真係非同少可！勁多人喺門口排隊😱。店員話生煎包都係即叫即製，製作需時所以請大家耐心等候～🙏🏻大家要有排隊等嘅心理準備啦。❤️招牌生煎包❤️蟹皇生煎包入面有蟹肉絲和蟹膏，蟹味好香，夠晒鮮甜味美～😋見有員工喺店面即席包生煎包，證明係全人手包👍🏻。生煎包上枱時夠晒熱，一咬爆汁，小心辣親嘴仔呀！生煎包全部皮薄餡靚，煎到個底好脆，超正！😋❤️糖醋炸排骨湯麵糖醋炸排骨和湯麵分開上，確保糖醋炸排骨保留到乾身微脆👍🏻。糖醋炸排骨酸酸甜甜好開胃。湯麵軟硬適中好有口感。❤️生炸雞扒蔥油拌麵生炸雞扒炸漿夠薄，炸得香口。拌麵上放了炸蔥絲，入口好香。麵條是幼身的。❤️低糖豆漿可選冷或熱，揀左凍。低糖真係低糖，甜度適中👍🏻。❤️脆皮豆沙鍋餅煎到皮微脆，餅食落有口感，中間豆沙微甜。

前排行過街市街附近，發現開左間新野，門口仲有條人龍，今日6:00pm過黎，條人龍嚇死人🙈，好彩係外賣隊，堂食岩岩好仲剩一張格枱。點左幾款野食都吾錯，價錢不貴，所有野即叫即整，都等左十分鐘先上齊所有菜。招牌生煎包 $20 兩隻原本想點蟹皇生煎包，但甘早以經賣晒🙊，點個普通版過下口癮先。生煎包每日即包即煎，一啖咬開，濃郁的湯汁嗶晒出來，吾小心仲辣埋個嘴👅。上海排骨菜飯$42排骨同飯係分開上，不得不讚個排骨真係炸到外脆內軟，食到椒鹽香味，切到細細條又方便進食。個菜飯就咁食都好香。雞絲酸辣湯$30雞絲份量不多，但其他配料份量充足，勁多冬菇同荀。湯都夠晒酸帶少少微辣，好開胃。

以前要去到上環先有得食嘅劉興記，而家終於喺荃灣都有得食啦😍🛎 $20 招牌生煎包/2隻話明係生煎包專門店，梗係要試吓生煎包啦！呢度嘅生煎包會用平底鍋中煎至底部金黃酥脆，然後加入少量水蒸煮～咁樣包嘅頂部就保持自住軟嫩，同時保持到外皮嘅酥脆度💯內餡亦都不能忽視！有豬肉、蔥末和高湯，一啖咬落去，口腔裡充滿住肉汁同香味🥹🥹🥹令人回味無窮🛎 $18 蟹皇生煎包/1隻蟹黃生煎包非常正！！！呢個包結合左酥脆既外皮同濃郁既蟹黃內餡🫶🏻一啖咬落去好易爆汁🤣蟹黃非常鮮甜～散發出誘人的海鮮香氣～真係想食多個🤩🛎 $35 麻醬手撕雞絲粉皮一到夏天就好想食啲清爽可口嘅野😳粉皮質地軟滑，充分吸收曬麻醬醬汁嘅風味🤣仲食得出麻醬係足料既！有芝麻、花生、等等既濃郁香味😋😋😋手撕嘅方式都令到雞肉絲更加鮮嫩！！！撈埋曬一齊，形成左和諧嘅口感🤩令人一試難以忘懷👍🏻🛎 $42 招牌擔擔麵麵條細長～質地滑嫩有彈性😳煮完仲保持到適中嘅咬勁👍🏻完美吸收曬啲醬汁🤤擔擔麵嘅配料包括肉絲、花生碎、蔥花等～為個麵增添左肉香同埋口感，提供左額外嘅香氣同脆口🫶🏻🛎 $28 手工豆沙窩餅好耐冇食過啲咁傳統既中式甜點啦！豆沙餡質地滑順，甜度適中～外

我本身自己都已經好鍾意食生煎包😍，荃灣又多一間，可以食生煎包嘅好選擇，劉興記開咗喺荃灣街市，方便新界嘅朋友仔去食🤪。生煎包最鍾意食佢爆汁嘅感覺，然後生煎包底煎到脆口就最正。招牌生煎包 $20/2佢哋寫明如果生煎包唔爆汁包換😆，當然唔好令大家失望佢哋嘅個生煎包當然係爆汁啦，肉汁鮮甜。佢哋嘅底皮又真係煎到脆口，而且肉餡份量都多。蟹黃生煎包 $18/1蟹黃生煎包，蟹黃味都幾足夠~ 蟹黃鮮味十足雞絲粉皮 $35叫返個涼拌食下可以開胃下，雞絲同青瓜絲嘅分量夠，撈埋麻醬一齊食，真係一個好好嘅配搭☺️☺️上海排骨菜飯 $ 42佢哋嘅排骨新鮮即炸，口感酥脆 ，另外菜飯略嫌唔夠香，整體也不錯👍🏻另外再點咗小雲吞同埋豆沙窩餅，如果想食小雲吞嘅朋友可以試吓叫炸嘅小雲吞應該會好食啲😋😋，佢哋嘅豆沙窩餅唔會好甜，啱晒做飯後甜品

我總共購買了五樣東西，但對方竟然幫我落漏咗其中一張我都冇為意 價錢係冇計多都算數啦，但又話跟豆漿俾 漏咗杯豆漿外賣等咗半個鐘先有得拎山長水遠落到去太多人啦，所以先叫外賣間野太多人 10分擠迫未必立即check到齊唔齊野返到屋企先發現漏野 雖然係只係一杯豆漿，但我又唔好意思再落去追因為都有一段路程，所以都係算數希望下次佢哋包裝得好啲，唔好漏嘢第一次幫襯竟然漏嘢仲有落漏咗想落麻醬粉皮有啲失望

今日同屋企人去開荃灣，行經街市街既時候見到間生煎包勁多人排隊，一於試下先！ 叫左幾款招牌試一試！招牌生煎包店員拎上嚟嘅時候已經再三提醒小心爆汁睇熱🫢😂心諗有冇咁誇張呀？ 生煎包皮薄爆汁，啲湯汁好多，而且好熱！食嘅時候真係要小心！我就鍾意食原味嘅，唔鍾意落辣椒醬、醋嗰啲～排骨蔥油麵蔥油麵勁香，睇落去深色但係就唔會死咸，仲有一陣陣嘅蔥油香添，食嘅時候，我仲連埋辣椒油一齊撈埋食又辣又香口，唔錯哦！排骨啖啖肉，唔算好厚，炸得非常香口！鮮湯小雲吞呢個絕對有意外驚喜！雲吞皮薄餡靚，一啖一粒，正！仲食到鮮甜味～食完蔥油麵，整啖小雲吞，相當清新(⁎⁍̴̛ᴗ⁍̴̛⁎)舖頭細細，上菜速度都好快，唔會話等好耐，除咗堂食多人之外，原來都有好多人叫外賣！新開冇耐，原來已經咁受歡迎！

呢間野外賣一條隊，堂食一條隊，望落好巴閉。11:17 落單買6隻生煎包外賣，$45 唔係平，收錢亞姐話要等20分鐘，諗住買完野再返去拎就啱啱好，點知返轉頭見到一大群外賣客圍住門口，原來佢哋出外賣唔係跟外賣號碼，後來者竟然先取食物，門口枱面又幾袋外賣出左冇人拎，伙記個個愛理不理，收錢亞姐又繼續放人入去堂食，根本出唔切食物，仲放人入去做乜，全部職員樹瀨咁做野，加上黃雨，外賣客又比佢門口個漏水帳篷滴濕晒。我份外賣終於11:57拎到。垃圾服務態度，普通味道，唔使旨意再有下次。

呢間嘢係垃圾之中嘅垃圾，貼幾幅明星相喺舖頭門口就當自己係名店。首先，呢間嘢唔值得排隊，行過都唔使望多一眼，唔使錢都唔好食。上咗東張西望，加埋明星照，個個走去排隊真係有病。大家可以睇吓我今日食咗啲乜嘢，包其中一個係凍嘅，可能係上一盤賣剩嘅。但係四個都一樣，個包底好似包公塊面。告訴店員個包帶太燶，根本食唔到，店員只係敷衍說一句，好的，我們會改善。大佬，個包燶成咁根本食唔到，你都要換過幾個食得嘅俾人掛。我已經唔會再食，你改不改善對我一啲關係都冇。🤬🤬🤬🤬