劉興記生煎包專門店

營業中

休息中

好耐冇入嚟荃灣，行行下經過見到一間新開嘅生煎包專門店叫（劉興記）個名有啲熟。入到去原來係先買嘢食再入座嘅，店面乾淨衛生，隨便搵個位坐低咗冇耐之後，就聽到叫號碼自己手上嘅票，上菜速度又幾快喎👍生煎包可能太耐冇食，一咬落去啲汁射到自己件衫度😂好彩隔離枱冇人睇到🤣估唔到生煎包可以做到咁爆汁而且個被做到咁薄個底又沾到咁香脆👍👍👍真係值得一讚👍👍👍不過可以提醒客人小心爆汁就更加好，下次試下排骨湯麵，聽講係用新鮮豬扒製作。

上圖先生炸雞扒蔥油拌麵🙌🏻塊雞扒都幾細 亦完全唔係生炸應該有嘅脆皮個蔥油完全唔香 食到晒個麵本身嘅麵味生煎包🙌🏻2個鮮肉 + 2個蟹皇一嚟都見到佢凹晒 食落唔係熱辣辣湯汁係有嘅 但只可以話好normal 咁細粒嚟講個價錢都幾進取小雲吞🙌🏻加幾條浸到爛晒嘅菜心落個味精湯度小雲吞正常味道 見到咁多foodie推介間新嘢，滿懷期待去食，食第一啖就知出事啦，絕對冇下次，希望大家唔好中伏🙏🏻🙏🏻

荃灣新開劉興記生煎包專門店 主打無敵爆汁生煎包 上海湯麵 新開已經好多客人圍住 今次去試試🥰.當然必點⭐️招牌生煎包2/4/6隻 $20/$30/$45😱唔係講小 個生煎包好高質 🔥外面煎到香脆👍🏻內裏包住大量湯汁 要小心熱 同慢慢食👍🏻做到好似小籠包咁 皮薄 夾起唔易穿 好高分如果一啖咬落去 可能爆到成身都係湯汁佢地仲有⭐️蟹粉生煎包$18選擇😍同樣高質 入面變左金黃色蟹粉湯汁.如果鐘意上海菜 路過荃灣 一定要試試下次再試試 酸辣湯 炸排骨.#hkfunfoodrecord窮遊香港#hkfunfoodrecord_荃灣. @lauhingkee #劉興記生煎包專門店 （民豐旁邊） 地址：荃灣街市街37號地舖.⭐️評分：味道：4.5/5 爆汁程度誇張環境：3/5服務：3.5/5抵食：4/5 .（記住分享比朋友 追蹤/like 感謝你哋支持🙏🏻）..#飲食 #美食 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #香港美食 #旺角必食 #葵涌美食 #葵興美食 #葵芳美食 #荃灣西美食 #荃灣西

佢呢個味道係我十幾年前的祥興記味道爆汁，鮮味，但我排左半小時。講真不太高興。但好好食值得排。買完才可入去食包我無好似其他人甘又叫麵又叫飯。去煎包店當然食煎包個個話麵唔好食飯唔好食真心想笑你唔去腸粉店食牛雜？我覺得個煎包好好值得推介佢呢個包絕對係世一個包係香港最好我去上海食煎包都無甘好食我覺得佢好好keep住呢個包唔好似祥興記越做越差越加越貴30蚊4個包真心平希望唔好出名就加價最憎就係甘做無一陣就加加加

前兩日親戚黎我屋企開大餐，就陪媽咪去荃灣街市買餸加料，買完仲有一個鐘先食晚飯，見到對面有間新既餐廳，門口好多等外賣既人，行去望下原來係主打生煎包既上海湯麵店，裝修簡潔坐位闊落，個肚有少少餓但又怕食太多，晚飯食唔落咁就岩晒試下新鮮熱辣既生煎包，店員十分親切，叮囑我們生煎包岩岩出爐，𥚃面湯熱辣辣小心燙咀，生煎包包底煎到金黃色入口鬆脆，一咬就爆曬啲肉汁出，味道鮮嫩加少少醋減少油膩感之餘又可以增加味道層次，酸酸地令人忍唔住再食多粒！皇牌推介招牌生煎包 $30/4隻

唔明白套餐價錢貴過單點？另外，真心要改善落單上菜嘅問題，超碼俾塊號碼牌唔使咁混亂！本身睇reels期望好高，望到啲食物好吸引！但去到發現嘢食大部分用膠兜盛裝，有少少失色，感覺好似俾個位你食外賣咁！麻醬手撕雞粉皮+生煎包2個青瓜份量唔算多，但其他材料更寥寥可數！呢個餐真心唔抵食！蟹黃生煎包兩款生煎包其實都好味嘅，一咬真係會爆哂啲汁出嚟。但湯汁嘅熱度完全唔夠，失望！蟹黃拌麵唔知係咪未到蟹嘅季節，蟹膏顏色唔金黃，但蟹膏蟹肉份量算頗多。而且麵條有陣陣嘅蔥油香，雖然賣相麻麻唔吸引，但食落唔錯，蟹香味十足。百步香蔥油餅酥皮少厚，但勝在夠哂熱辣辣，蔥油味好香，而且幾濃味，算唔錯。

外賣多數都唔會寫食評，因為外賣味道一定冇堂食好食。但今次唔算講味道，想講整體。唔講脆唔脆，外賣有焗過唔脆好正常，但第一次見到生炸雞排炸完都咁淺色，而且份量好少，四塊拼埋冇我一隻手掌大。菜飯都唔係用小棠菜整既上海菜飯。生煎包汁係夠多但餡少。皮底唔燶既，厚薄就一般。個人就唔覺得特別厚但都唔係薄個啲。糖醋炸排骨，吉列既炸皮，唔係平時其他上海鋪頭食個款，糖醋汁一般，唔明點解個汁唔係撈埋上。可能上海野都分派系，做法都不盡相同。我見識少，食過既上海菜唔多。雞湯小雲吞ok，最正常係佢

本想食祥興記，點知執左。咁啱經過見到呢間新開又以爆汁生煎包排長龍，叫劉興記，諗會唔會係祥興記嘅分身？諗住買外賣試試，點知，未食先受氣受飽。首先得一個收銀，堂食外賣只可以喺呢到俾錢，最攪笑係堂食要喺呢個收銀落order ，外賣呢請你等到堂食全部落曬order 先可以叫。重點係……堂食嘅人企喺個收銀到……慢…慢…諗叫咩食？然後更外嘅堂食插隊落order ?!見到咁我已經話唔係喺到慢慢傾叫咩呀？然後堂食就不停打尖。同個阿姐講佢話堂食等左好耐⋯⋯What?我都有排，仲要被你啲堂食客打尖？咁外賣等到天荒地老啦？仲要之前喺收銀排第二，被個阿姐不禮貌叫岀門口排，然後被堂食打尖。咁仲唔走咩，我都要俾錢架！好彩無買到咋，啲人話好難食。

見呢間野新開，經過貪新鮮就試下，點知中曬伏！服務安排好差，無論堂食定外賣都要逼去收銀排隊買飛先。我今次選擇堂食，買完飛就自己揾位坐，枱與枱之間好逼，基本上客人係背貼背，如果有背囊或者買完嘢想搵位置放係無空間既。然後店員送餐會周圍叫飛號碼，通常啲客坐低之後都無為意飛既號碼，變相要叫幾次先有人應，都幾煩擾下。然後就講下啲野食😂今次叫左3款食物(6隻招牌生煎包、上海排骨菜飯同排骨蒽油拌麵)，重有2杯豆漿招牌生煎包勉強叫合格，咬開有汁但肉餡調味差啲，個底煎得還好未至於係其他食評講既燶底個伏就落係排骨菜飯同拌麵上枱即食都只係微溫，塊排骨一定係預先炸好放左一段時間，有單就直出，因為落單到上枱2分鐘都無，食落又粉又無味，再加埋外賣碗上枱，完全零食慾，頹飯咁款😅飯就正常，拌麵欠缺葱油香氣，當然食落都係無味！完全唔建議大家曬金錢同時間去試🥲荃灣重有大把好嘢食

分享下我做超級大傻仔既經歷去到鋪頭首先就叫你比錢先入座本來都冇為意點解佢要咁做，後面就知道了出面大大個皇牌套餐，以皇牌3：小餛飩12個+2個生煎包為例，要$54，咁心唸出面食都正常價錢。我地幾個人比錢坐低之後睇餐牌發現：12個小餛飩$306個生煎包$45 姐係$7.5個生煎包咁加埋都係$45。。。咁我一開始就應該全部單點跟住叫6個生煎包share食啦。入座後即刻就上到餐，食食下先發現蝕左9蚊，唔怪得知要比錢先啦。呢間餐廳提醒我我真係一個白癡

生煎包爆汁好味。。。勁好食30蚊4粒 我記得十年前祥興記都係呢個價排隊有d長。。。。真心覺得有病但等得好快。。。。半小時左右整體來講幾好，好快有得食。。。不過買飛後才可入坐不太好。。。腳軟但係食完後覺得好值得等。。。我見有人話唔好食。。。。我覺得好神奇。。。。。。點先好食？我以前成日去祥興記食。。。尖沙咀樂道幾年前就無食了原因係香港人都明真係唔同左。好多時夠熱個味道真係有唔同一次又一次比機會。。。最後放棄之後有堅信號。。。但又係甘明明幾好食。。。轉頭比翠華買左。最後說再見。。。希望今次唔好龍頭蛇尾

見到最近有條生煎包爆汁既片係出自呢間店，咁吸引即刻去左試招牌擔擔麵上枱第一時間我以為叫錯，冇見過湯底咁清嘅擔擔麵，食咗幾啖覺得唔對路，撩下個底先知原來個醬係底，但店員冇提過要撈勻食味道方面中規中矩，麻醬都算濃郁，但一定唔係出色蔥油雞扒菜飯上枱係已經凍凍到，肉量明顯份少，而且感覺好乾，賣相已經扣分，識落個雞扒唔脆，味道偏淡，菜飯冇特別蟹粉生煎包、招牌生煎包生煎包的確出色，如圖一樣係爆曬汁，特別推薦蟹粉味，味道好鮮，湯汁夠多夠鮮甜，而招牌生煎包肉餡就冇乜特別，但同樣爆汁，而包皮既做得好好，上面嗰層係偏軟身，一咬就穿，而底層煎到硬脆既口感，有唔同層次整體感受一般，堂食好似快餐店咁，叫完野食先坐低，用既多數都係即棄碗同餐具，好唔環保。

伏嘅指數係五粒星上星期係IG睇到有foodie介紹呢間新開嘅餐廳講到生煎包好多汁又好好食咁咁今日就黎試下一去到嘅時候有兩個樓面姐姐淨係係度處理外賣訂單冇理排堂食嘅客人有兩個冇排隊嘅客人想入去係要本身排緊隊嘅客人嘈話排曬隊先有人理我地 有個唔知係老闆定經理嘅男人先搵員工黎安排入坐 但明明入面有最少十個員工係度到叫野食嘅時候叫左個排骨菜飯套餐，連一隻生煎包$56 加埋一杯豆漿$8仲有一個蔥油雞扒菜飯$42兩隻生煎包$20一隻蟹皇生煎包$18 Total$142後尾睇埋原來一開始唔叫套餐 散叫四隻生煎包$30 同埋正價豆漿$10 同我依家咁樣叫都係一樣價錢 即係同樣價錢下我少咗隻生煎包係野食到嘅時候 樓面侍應要逐張枱搵返客人張單number 嗌咗咩嘢食 出餐都有混亂嘅情況係食嘅時候 生煎包的確係多汁但完全冇食物溫度又細隻 仲係講緊任何一樣食物都冇食物溫度 只係叫做微暖 當黎左個蔥油雞扒菜飯嘅時候發現點解得個炸雞扒同埋菜飯 搵返個侍應係咪冇比蔥油 個侍應一嚟就直接話我哋係冇蔥油嘅我問返佢 咁咩叫蔥油雞扒？ 佢先再入去問返廚房同事 再話轉頭攞比我 啫係明明就有 但當有問題出現嘅時候就推卸左責任

招牌擔擔麵味道偏淡唔香亦無辣 唔掛湯麵質無口感 似超市買的蛋麵排骨菜飯 排骨唔酥香 皮肉分離菜飯係菜心 飯菜不均勻飯質偏軟 不分明生煎包算最正常$45 6粒 價錢算唔貴包嘅Size亦唔算細咬入口會爆湯 肉亦多汁 夠熱包底算脆身 口感還好單計生煎包嚟講性價比算唔錯（不過食完後十分口乾）但因為只有外賣餐具提供而隻膠匙係承唔住成個包同啲湯 所以食上嚟亦唔方便膠碗亦影響賣相豆漿偏細杯 如果要排隊的話覺得唔值得唔洗排隊嘅可以去試下生煎包不過唔好太大期望

social media 好多foodies都拍哂片介紹，又話穩世美食，又拎哂發哥合照去介紹。所以就即管去一試環境：門口落單同俾錢，拎張有冧巴嘅單坐低食。然後，不停聽到職員嗌56號邊個？！57號邊度？！噪到拆天食物：想試蟹粉生煎包無得叫生煎包的確多汁，但十分厚底，同濃底（接近苦），隔離枱嘅仲黑，真係食唔到個底⋯⋯麻醬雞絲粉皮，正正常常，無咩特別。蔥油撈面，蔥係炸過，係香嘅。但個撈面係一早撈好放入碗，原個倒及岀黎，係原個俾個客，用筷子搞左好耐先夾得起一注，啲汁又一忽有味一忽無咁。唔好咁hea好無⋯⋯餐具又用即棄為主，堂食碟就用另一餐廳（？）嘅一致食完都話無下次