劉興記生煎包專門店

營業中

休息中

之前留意到周潤發都幫襯劉興記生煎包，一直都想去上環食但太遙遠。劉興記短短2個月開6間店，港九新界都有分店，荃灣店都好熱鬧好多人等堂食及買外賣。平日晚上大約六點半到餐廳等了十多分鐘入座。招牌上海排骨上枱熱辣辣酥脆惹味，炸皮薄身不乾身。麻醬雞絲粉皮係我經常食嘅清爽開胃前菜，粉皮咬落彈牙配爽脆青瓜。生煎包是鎮店之寶，堅持用傳統人手的方法去做，選用梅頭豬肉較少肥肉。咬落即時爆肉汁香味四溢（需要小心不要燙傷舌頭！)生煎包個包底煎得好脆令口感更有層次。而蟹粉生煎包更有驚喜，咬開會看到溢出的蟹油食到蟹的鮮味，餡料好足料有一絲絲的蟹肉。見到店舖生意好好，不斷有生煎包出爐👍🏼所以都熱辣辣好新鮮😍