劉森記麵家 (褔榮街)

劉森記係深水埗區另一間必比登既雲吞麵佢直頭就係全區最旺既黃金商場附近方便指數係爆燈不過我一次都無食過佢係深水埗都有兩間店而且兩間仲好近舊店係桂林街見唔少人都話呢間比較好食但呢間就唔是米芝蓮官網果間所以我就去左福榮街果間係正文記霸權對面佢地門口就見唔到打麵既不過麵檔就係門口劉森記同麵麵棧係兄弟關係之前係紅磡仲有間劉燊記呢度係大哥同三弟打理咁劉森記同坤記麵麵棧又好唔同佢係旺到7彩我星期六黃昏去入面係爆晒既不過因為流轉度太高所以唔洗等都可以塞到個位佢地全部都係大圓檯細細張木凳需要搭檯得黎又坐得唔舒服蔡瀾係就算近年都有黎劉森記拍片既話劉森記係佢最鍾意既雲吞麵舖圓檯大大張如果迫迫埋埋都可能要坐6-8個調味料餐牌係檯底如果搭檯有人食緊野根本就睇唔到所以呢間劉森記就完全唔係以客既角度出發既不過佢蝦籽撈麵50加個餸8蚊基本係同麵麵棧一樣米芝蓮黎講又真係平過坤記不過無茶無野飲送連水都無除左坐得唔舒服環境比較污糟仲有服務態度都係好差既因為佢地唔憂做姐姐完全唔會理你個個客想落單佢地都一定會講句等陣然後又要再搵第個係好典形果種茶記阿姐水準劉森記其中一個大賣點就係檯面呢大樽醃蘿蔔可能其他檯都清晒無refill啦成日有格離檯既人走埋黎開黎筆好快就得番半樽都無我自己本身唔好蘿蔔都拎左幾件黎試下係幾開胃既如果夏天食就更加好今次我食同麵麵棧一樣既三餸蝦子雲吞豬手上檯無骨碟同埋雲吞係放係一乾三濕入面呢間蝦子係最深色但都係淡味撈暈望落似豉油王炒麵麵身都係唔算好爽有咬口要用力先咬得開感覺竟然都係麵麵棧最好豬手唔入味呢樣一樣係雲吞最好食有三粒入面就係豬肉同蝦肉比例好好就係細細食到果隻鮮蝦雲吞既味道個大地魚湯係熱既唔似麵麵棧同坤記既暖湯清清地甜甜地劉森記就係個湯同雲吞最好無鹼水味亦都唔會口乾食到尾原來有幾條菜放係麵下面可惜係度食野真係好辛苦張凳細張又無位擺野又要搭檯價錢係唔錯既同麵麵棧一樣68收八達通各有各好輸麵同蝦子但湯同雲吞都好可惜小二毫無禮貌環境算污糟難坐食個快麵可以但想享受就唔得了…查看更多

深水埗的米芝蓮餐廳劉森記真係令我大開眼界！我點了牛腩牛筋蝦子撈麵，同埋雲吞撈麵，兩碗都令人驚艷。首先講下牛腩牛筋蝦子撈麵，首先面條夠彈，捲起來時就像私人定製一樣。牛腩煮得剛剛好，軟嫩入味，牛筋的膠質讓每一口都充滿了口感，搭配上新鮮的蝦子，真係一絕！配湯清而不失風味，令人欲罷不能。再來講雲吞撈麵，雲吞皮薄餡多，鮮蝦的鮮味直逼你的味蕾，湯底清爽，輕輕一撈，就深深吸引了我的心。整個味道均衡，醬油都不會搶了主角的風頭。呢度的服務亦相當到位，職員友善又有效率，令整體用餐氣氛都覺得舒服。總括來講，劉森記絕對值得再來，多謝他們提供這麼好食的美味！…查看更多

放假睇完風林火山,又出去搵野食。今次plan好去深水埗搵食,一共有4間餐廳。第一站,劉森記麵家。依家店出名係依然堅持人手打竹昇麵,蝦子撈麵同鮮蝦雲吞麵都係招牌菜。十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。鮮蝦雲吞麵 $44蠔油菜心 $24…查看更多

有醋浸的蘿蔔小食免費。水餃雲吞大大粒有蝦大大隻。面底算可以，不是梘水那味道。不加蝦子都覺得雲吞水餃有大地魚味道的。雖然蝦子要錢但都值得加只是我敏感不要了。加支可樂已經好好。…查看更多

長期呢間舖都係爆場，搭枱係常事🤣其實食過好多次，蝦子撈麵嚟，呢間算係好食，份量足，價錢正常。🍽️豬手雲吞雙拼蝦子撈麵豬手味道就正常，不過唔會話好腍嗰隻，雲吞就係好食嘅，不過唔算太大粒。蝦子個人認為一定係要撈幼麵。🍽️牛腩牛筋墨魚丸三拼蝦子撈粗牛筋入味好食牛腩正常，墨魚丸有驚喜，大大粒同埋幾有墨魚味。不過撈粗就冇撈幼麵咁好食。撈粗份量會再多啲😗#hkfoodie #香港美食 #香港劣食 #中伏 #避伏 #hkfood #深水埗美食 #香港菜 #雲吞麵 #雲吞麵推介 #ccloveating #深水埗餐廳 #九龍餐廳 #九龍美食…查看更多