劉森記麵家 (褔榮街)

營業中

休息中

今次專程去深水埗幫襯呢間開業近70年嘅老字號，連《舌尖上的中國》同蔡瀾都力推，果然名不虛傳！👏【牛筋牛腩虾籽撈麵 🐮】🦐一上枱就聞到好濃郁嘅蝦籽香！撈麵係用傳統竹昇麵，師傅每日用人手「騎竹昇」打製，口感彈牙得來又冇鹼水味👍🏼重點係鋪滿蝦籽，撈埋滴豬油之後鹹香惹味，啖啖都嗦嗦聲~😍牛腩同牛筋🥩 燜得軟腍入味，牛腩肉質鮮嫩，筋膜位入口即化，滷汁醇厚帶微微甜，完全唔韌！牛筋晶瑩剔透，咬落膠質滿滿，簡直係「食到黏嘴唇」！🤤【虾籽淨雲吞 🥟】雲吞即叫即煮，皮薄到透光，每粒都包住成隻爽脆蝦仁，仲加咗少少豬肉提鮮，咬落鮮甜爆汁！湯底用大地魚、蝦米同豬骨熬成，襯托出蝦籽同雲吞嘅鮮味🦐枱頭擺住一大樽任食唔嬲嘅 自家醃蘿蔔🥒酸酸甜甜又爽脆，解膩一流！聽講連蔡瀾都大讚呢個「鎮店之寶」👍

今次去咗深水埗嘅劉森記麵家，呢間店外觀就係典型嘅香港舊式麵店，入面空間唔算好大，但勝在充滿煙火氣，人頭湧湧，好有熱鬧嘅氛圍。先睇下餐牌，價錢幾親民，嗰啲麵食同小食嘅價位基本喺$30-$60左右，對於想醫下肚又唔想花太多錢嘅朋友嚟講，呢度真係唔錯嘅選擇。叫咗碗雲吞麵，個麵條爽彈有韌性，屬於典型嘅竹昇麵口感，咬落“咯咯”聲。雲吞個皮滑溜，入面嘅蝦肉鮮甜彈牙，湯底清澈但味道濃郁，充滿蝦籽同大地魚嘅鮮香。同日本拉麵相比，呢種港式雲吞麵嘅湯底更加清爽，唔會有種濃厚嘅油膩感。再試下招牌蝦子豬手撈麵，豬手炆得好淋，入口即化，而且滷味十足，香氣四溢。撒上嘅蝦子為味道加添多一重層次。但有個小缺點就係，食到後面會覺得有啲膩。至於個菜心，炒得幾嫩，不過豉油味可以再淡啲，會更能突出菜心本身嘅鮮甜。其實港式麵食呢類嘢，就好似香港人嘅生活調味料。每日返工放學，路過麵店入去食碗麵，簡簡單單，但又充滿住溫暖。呢種味道唔單止係味蕾上嘅享受，更係一種情感嘅寄託，無論行到幾遠，都會掛住呢種家鄉嘅味道，只要一食到，就好似返到咗香港嘅大街小巷，充滿住熟悉嘅感覺 。

唔知係咪太大期望，我觉得麻麻地⋯.- 云吞捞面（蝦子好足夠，但再配上豉油变得好咸）- 炸酱面🤨不是那回事，其實就係茄汁肉絲面🍜價錢偏貴拍得住中環價⋯⋯我就覺得唔太抵食😌

深水埗一向都好多好嘢食係文記車仔麵對面就有一間好岀名既老字號劉森記店鋪有提自制醃蘿蔔任食酸甜甜酸好開胃👍我地叫左蝦子牛腩牛筋撈麵$52蝦子份量好驚人 遠處都聞到好香個麵真係好正食落一啲鹼水味都冇麵質彈牙又爽口夾埋蝦子既鹹香味一流牛筋牛腩都炆得好入味好淋身另外仲叫左蝦子雲吞撈麵 不過掛住食唔記得咗影雲吞都好大粒足料望番啲相好想再去食過唯一唔好就係位置較細 坐得好逼不過去得深水埗小店都預咗食物夠岀色就ok la

This noodles eatery is located in Shum Shui Po with two outlets, one in Fuk Wing Street and the original shop at Kweilin Street. It has been a popular place for both locals and tourists. Now managed by the third generation, they still insist to prepare their own noodles by the traditional method of kneading the dough by sitting on a bamboo pole and jumping up and down.Arriving to the Fuk Wing Street branch on a Sunday afternoon there is already a queue outside. But without waiting too long we ca

幾個月前大島龍威介紹過，因為對蝦子沒有特別興趣，所以未有去試。今日點幾鐘收工，忽然諗番起，立即出發開餐。去到差唔多兩點半(坐86真係好耐😵‍💫），不用等位直入，已經餓到黐肺，立刻點咗蝦子雲吞撈麵，枱上面有最愛的酸蘿蔔，味道啱啱好！雲吞和撈麵是分開上的，麵下面有幾條菜芯。麵條淥得幾煙靭，略帶點咬囗，蝦子分量十足，不過有少許蝦腥味，但不太影響用餐感受，反而係聽到隔離枱叫鵝腸撈，就有D唔開心！太心急叫餐冇睇餐牌，如果唔係一定係雲吞鵝腸蝦子撈😩掙扎咗一陣，叫唔叫一碗鵝腸米，但係又驚食唔晒，所以最後冇叫，下次嚟先再試啦！是日消費：雲吞蝦子撈麵$56

在深水埗想吃碗竹升面，总会想到刘森记。有两家店都在深水埗，离得很近，之前吃了桂林街上的刘森记，福荣街这家近来频繁光顾。🪴环境：在文记车仔面的马路对面，店面温馨，干净卫生。内部空间宽敞，桌位多，就餐高峰需要拼桌。🍜虾子捞面，点单最多的是双拼或三拼的虾子捞面。细细的竹升面，捞面油润弹牙。虾子品质一般，量给得非常足。黑牛百叶，未漂白的千层肚，作为经常吃毛肚千层肚的川渝人，这黑牛百叶品质可以说非常好，有韧劲又爽口。鹅肠脆嫩，姜葱压住了腥气，也处理了大部分油筋。鲜牛肉片，口感细嫩，会搭配一个蘸碟。面底也有搭配青菜，捞面配的汤里也是满满的虾子。汤面，只吃过墨鱼丸鲜虾云吞面。云吞没什么卖相，不过内容扎实，虾仁新鲜，也有虾籽，味道正常。墨鱼丸不是圆形，每颗丸子都有一个缺口。能吃出墨鱼肉，但墨鱼味不浓郁。蚝油菜心，蔬菜处理得很干净，口感清甜，腐乳通菜用的辣腐乳，蔬菜分量很足。可能生活在深水埗的多是从事底层劳动的老百姓，分量很足，价格实惠，良心店家。🛎️服务：服务态度挺好，上菜迅速。香港少有面底会加青菜的面家，桌上有提供免费的泡萝卜，酸爽解腻。📍香港特别行政区深水埗区福荣街80号地铺。

星期日嚟到深水埗突然間好想試吓呢間老字號！ 入到去依舊係擠逼 搭枱是必須的！枱面有啲橋頭可以自己任夾來做開胃菜！我叫咗個雙拼牛腩水餃河牛腩好腍又入味！水餃更加係必點另外朋友亦叫咗個雲吞黑柏葉麵雲吞好爽好好食讚！下次經過深水埗都會再encore！希望下次weekday嚟食唔使咁迫

香港少有既自制竹昇麵牛腩麵牛腩燉得軟爛入味，充滿濃郁牛肉味。麵條爽滑彈牙，與牛腩的軟嫩形成鮮明的對比。湯底清澈鮮美，融合了牛腩的精華，好味。*酸蘿蔔*是牛腩麵的最佳拍檔，酸酸甜甜的滋味，解膩開胃，讓每一口麵都更加美味。酸蘿蔔的脆爽口感。**總體而言，劉森記麵家一定要嗌佢地既竹昇麵。係劉森記麵可以感受到老香港的懷舊氣息，但可惜人流唔算多，同一時間連所快餐廳已經要等位既時侯，佢地就唔駛等位，希望佢地可以一直保存落去。

係有偷米其林認證嘅餐廳～因為Tommy先嚟食有睇開Tommy Channel嘅人應該都唔會陌生😆蝦子撈麵係好食嘅！麵無鹼水味有蝦子嘅湯同無蝦子嘅湯差好遠但唔飽肚😂雲吞餡好足料 大大隻蝦係裡面👍🏻

路經深水埗，突然好想食雲吞麵，就想起這間。點了蝦子雲吞麵，好味，但同行友人却表示他點的蝦子雲吞撈麵更好味，說撈面彈牙，沾了海量蝦子後更好味。但我覺得我點的湯麵🍜較好，海量蝦子令湯很鮮甜，結果成碗飲晒。雲吞是港式味道，細細粒那種。雲吞麵彈牙，沒簡水味。同行友人叫牛肉麵，他說也不錯，牛肉鮮嫩。另點了菜和鵝腸。菜不用多講。鵝腸新鮮、大碟、好味！很滿足呢！總結：香港傳統雲吞麵，水準keep 到，價錢亦合理。

好開心今次返香港同媽咪爹d一齊食地道雲吞麵。雖然餐單上都係偏貴，但一分錢一分貨，我覺得今次呢餐喺物有所值。每粒雲吞、水餃都落足料，材料好新鮮。望一望，原來隔離檯有位姨姨同老闆係到親自落手落腳包雲吞水餃。佢地自家醃製既蘿蔔好好味，啱啱好唔太算或太甜。牛筋腩好入味，食到五香既味道，保留到肉 + 筋既口感，黏度啱啱好。唔似其他麵店牛腩死鹹死鹹。老闆好好人，對街坊好好。環境感覺唔太吵，可能大家都已經好專心食麵

米芝蓮必比登推介劉森記麵家可算係香港老字號始創於1956年，香港碩果僅存自製竹昇麵麵家，每日手工製作以竹竿一下一下壓製麵糰，打出軟中帶韌勁竹昇麵。必試招牌蝦籽撈麵，連蝦籽都係自家製!!可見老店對美食的堅持同執著!!🎍🎍- 蝦子雲吞撈麵 HK$54 🦐🥟🍜鮮美咸香蝦籽撈麵!!竹昇麵富有蛋香味且充滿彈性，表面灑滿了滿滿自家炒蝦籽，每一條麵都沾滿濃郁咸香蝦籽，超滿足!!雲吞內餡有大量蝦肉，雲吞皮又薄又滑，超好食!!- 蝦子牛腩牛筋撈麵 HK$54 🦐🐂🍜啖啖肉配啖啖蝦籽!!牛腩及牛筋炆得非常柔軟入口，濃郁腩汁非常惹味!!- 醃蘿蔔 🥒🌶️非常開胃!!麵家提供免費醃蘿蔔作為開胃菜，味道酸酸甜甜，一定唔可以錯過!!

今日三點幾出去深水埗買嘢之後有啲肚餓就走咗入去，坐低等咗一段時間都未有人執枱，兩位樓面女士可能都係時運高睇唔到張枱邋遢，當時舖頭亦都唔忙，除咗我之外另外仲有總共三枱客，都係坐咗喺度想叫嘢都冇人理，不過今時今日香港飲食業請人難唔好要求咁多喇，終於叫咗一碗淨雲吞，一碗水餃麵加碟油菜，先上雲吞其中一粒竟然散晒，都由得佢啦反正仲喺隻碗入邊咪算囉，食雲吞麵嘅人第一件事梗係飲啖湯先，飲咗一啖竟然係淡而無味😳唔好講話有蝦子味啦連最基本嘅大地魚味都冇😫以劉森記個招牌對呢啲咁嘅出品真係好失望，我哋搭枱給兩個年青人每人各叫咗兩碟撈粗麵，上枱嘅時候竟然會係一粗一幼🤔️兩個年青人唔斤斤計較照食，跟手再叫多一點撈粗麵，點知嚟到竟然又係佢幼麵！個人感覺而家啲所謂啦比較有少少名嘅食店都係如果唔係食物參差就係招呼全無，唔通真係唔憂做？

經過十多年都沒有再來，今日再訪不過是分店，年齡不同，期待不變。當然」年被那酸蘿蔔和大量蝦子所震撼，今天就是想找回那種震撼。沒有排隊的人龍，不知道是否跟網民都說這店的水準下降有關，不過未試不能作準吧。進店第一件事當然是食蘿蔔！ 不過不知道是否不是蘿蔔的季節或是其他原因，似乎蘿蔔只有酸味，沒有了清甜感。當然仍然是合格水平啦。點了，雲吞蝦子撈麵。雲吞有整個蝦，和肉搭配，比例可以，不會太多亦不會太少。鮮味可以，大少亦合適，一口一隻。不過只有3隻就分量略少。麵質彈牙，沒有鹼水味，蝦子很多，不過我就覺得太多食得只有蝦子味。（投訴蝦子太多，似乎奇怪，但我覺得味道平衡融合才是我追求的）咁加支豆漿和魚皮，$72埋單，滿足。不過可惜的是找不到當年那種震撼，蘿蔔也只食了一少碗，沒有添食的衝動。麵食到最後，滿腦子都是蝦子太多。🫠