六福菜館

營業中

休息中

唔係嚇你 。4個人 午餐 $3600 ！好，開始： 星期日 4個人行完山，話好耐冇嚟過呢邊食，仲讃唉當年D老闆有幾咁好，個個月會帶D team members 嚟西貢食海鮮 bla bla bla~~ 於是乎就去咗呢間佢以前成日跟team嚟食嘅「正」嘢！叫咗3個海鮮，1個炒菜，1個小菜⋯⋯是真的，海鮮好新鮮，勁大！紅瓜子，鮮，甜，冇泥味瀨尿蝦，長過隻男人手掌，超多超厚肉元貝 甜，鮮，勁大隻我感覺係，呢間係真材實料，不過如果要食靚海鮮又冇咩錢，都係去返街市買，自己煮低D！因為食完都幾肉赤！始終，而家D公司都越嚟越莓，entertainment expenses cut得就cut，想食好嘢就真係要努力搵錢自己請自己食。。。抵唔抵食我有啲迷惘！如果我係有錢人，我覺得ok，因為真係新鮮，煮得又剛剛好。。。可惜，我未至於有錢，所以食完有肉赤嘅感覺！

一家人5人難得嚟西貢，首選一定去六福飲茶食下海鮮，除咗佢得到米芝蓮外，仲有2道我至愛必點菜式！六福門面好細，地下果層只有一枱....我想係for takeaway 為主，次次堂食都要上2或3樓....店內比一般酒樓decent 啲~ 整體感覺高檔少少及衛生，想幽靜啲同屋企人飲個茶必選呢度! 屋企人好鍾意魚湯，侍應向我們介紹一道地貢地道魚湯...我們即刻要一個大既，嘩~果然鮮甜好滋潤，一啲都唔腥，我地每人都飲咗起碼2碗，飲完個胃暖曬 跟住就嚟我既至愛 "椒鹽奇趣豆腐" 及 "蜜糖雞翼"，呢兩道菜可以係全香港我覺得最好味既 ~!!豆腐外皮炸到又薄又脆，椒鹽味道啱啱好，裡面豆腐好滑嫩，沾上醋簡直perfect，絕對係屋企整唔到!! 而蜜糖雞翼一上枱時係熱到辣口的，香濃蜜糖加芝麻既外皮，入面雞肉又入味，成隻雞翼都炸到脹卜卜咁，好正!!   我爸媽比較愛叫海鮮，叫咗個蟶子及開邊蝦俾佢地，蟶子都夠鑊氣，不過味道及蟶子質感差少少。 蒜茸半邊蝦，啲蝦都幾鮮甜，整得幾乾淨無蝦腸果啲，鋪滿蒜茸及葱，好惹味!! 可以一試~下次要試下油鹽水花甲及鮑魚先~

快將一年沒有來過六福菜館這天突然痴起條根好想食海鮮午餐星期六中午，walk in 入座椒鹽豆腐依然是招牌沒有可能在家裏可以煮到椒鹽鮑魚還是很Sharp 必點之選賴尿蝦還好 椒鹽味道略為太淡不點蒜蓉粉絲好像沒有吃過海鮮所以便點了個蒜蓉粉絲蒸矮瓜🍆 淡淡口味蜜糖雞翼伴芝麻 還是好juicy 不知道是否外遊人少了，好像收費有比以前平啲 😆還是我太過敏感呢？

新冠疫情下已盡量留家防疫，但適逢中秋佳節，還是決定跟惡人和親友外出應應節，豪食一餐！今次我倆舊地重遊，直奔西貢══「六福菜館」。餐館位於西貢市場街，佔地三層，已連續十年獲得米芝蓮一星榮譽，吸引不少食客慕名而來，假日一般都全院滿座，一位難求。記很多年前惡人第一次帶我來「六福」，那時候它剛摘星，名氣還沒有現在那麼大，卻多了份簡樸親切感，實而不華，收費亦較現在的親民，初嘗它的招牌椒鹽鮑魚便驚為天人，念念不忘，所以此菜式已放進必吃清單內下午三時我便和惡人到觀塘海鮮檔選購新鮮海鮮，買好海鮮後便接親友入西貢，到埗後發現很多海鮮餐館都坐滿人，幸好惡人預先訂位，可以直接上二樓入座。店員默默取走兩大袋海鮮，我見許久都未有人查問菜式煮法，主動跟店員了解，原來他們會先拿進廚房核對海鮮數量。原本想跟店員查詢一下加伊麵收費，他直接叫我們自己看餐牌，揭開發現海鮮加工費的計法原來挺複雜，對於我這個數學白癡來說，還是要套用一下惡人的口頭禪：『好食就得，唔好理價錢！』前菜有花生、酸菜各一小碟，然後第一款上來的是【芝士龍蝦伊麵】，惡人的金舌頭第一口嘗到的是「燶」味。是的，你沒看錯，我亦沒打錯，不是「濃」味，是「燶」味！親

冇雞，冇生果，冇甜品。有魚，得返最貴嗰啲。清炒白菜$128。六個人分，一人一口。一口$20。雖然西貢滿是同樣的遊客海鮮餐廳，你能找到這麼珍貴的白菜，難怪米芝蓮要推薦你🙄。

呢間位於西貢普通巷子的米之蓮餐廳，由門面到內裏裝橫都給人一種踏實低調的感覺。眼掃了掃餐牌，菜式真的很多，雖然價錢卻翻了個倍似的，但畢竟有粒星，還是有少許期待。點了好幾道菜，味道確實非一般，員工還分享蟹、龍蝦等心得，對於海鮮的事情，他們十分健談，任何問題都一一解答到。 我們自己在外買了新鮮蟹，交給了大廚烹調，大約好像收了三，四十元的加工費，這方面卻是抵食。另外，粉絲蒸扇貝是必點的，味道高質。扇貝的鮮味及濃濃蒜香的粉絲，味道好極。這種新鮮至極的海鮮及大廚烹調海鮮的經驗，足以證明這就是為餐廳摘到星的證據了。

原本游完船可朋友推介去食呢間六福，其實去到門口我都感覺會中招，明明訂咗位，佢都要我哋喺門口等，嗰時講緊只係6:00 ，之後我哋上咗2樓，一行10人分兩張枱楚（預咗啦因為禁制令），但係我問佢可唔可以坐近少少，明明好多台都係可以比較接近，佢就俾咗另外兩張分隔到老年咁遠嘅枱我哋，藉口話已經俾人訂晒，但當時只係得我哋上咗去。咁算數啦咪食飯囉，落單問佢有啲乜，個地中海侍應就話餐牌咪寫晒囉自己睇啦，咁我哋就話要賴尿蝦，佢話冇，咁白灼蝦呢，佢又話冇，之後我就問佢有啲乜，佢話休漁期好多海鮮都冇，我即刻啤左一聲，咁咪一開始問佢有啲乜又唔講！之後求其點左啲嘢食，難食到我真係要拍枱！灼螺 - 煮得太耐冇晒鮮味，份量少到每樣食一粒就冇晒 （失敗）豉椒炒聖子 - D聖子有怪味，同埋份量少到好似比廚房偷食一樣 （失敗）椒鹽鮑魚 - 擺到個名個廚師唔識煮，佢應該用咗滾水整熟咗隻鮑魚，之後再落粉去炸，出到嚟又唔趣，又冇咬口，同食罐頭鮑魚冇分別（失敗）墨魚刺身 - 叫做成晚好食啲啦，因為唔使煮生炒骨 - 應該係啲青椒問題，同豉椒炒聖子一樣有怪味，d粉又落得勁多，食粉多個食肉（失敗）瑤柱蛋白炒飯 - 成晚最難食嘅一樣野，

難得放半日，和同事到西貢行下放鬆下，對上一次入西貢食六福已經成年前，今次推介俾好少入西貢嘅同事。佢嘅椒鹽鮑魚係招牌菜之一，好特別，唔韌，好味，但由於我哋得三個人，只叫左三隻，除左市價一隻鮑魚，另加$180海鮮油料費，share返都幾貴，多人就會抵食啲。嗰晚仲有叫其他招牌菜，風沙雞和椒鹽豆腐，風沙雞皮脆肉嫩，豆腐外脆內滑，都係美味之選！

讚：1. 菜式保持水準，椒鹽鮑魚係做得好香口同埋唔硬身，火喉好；東風螺好好好辣但勁勁勁惹味；賴尿蝦肉質好爽，基本上樣樣都做得好好彈：1. 價錢的確係貴左好多，亦可能因為咁，客少左好多，晚上八時，得六檯，真係難以想像既少人

食海鮮，咁梗係去西貢食啦，過下口癮都好。1️⃣象拔蚌刺身盤 點左豉油之後，象拔蚌d鮮味即刻出晒嚟，爽口彈牙。🙆🏻‍♀️美味指數:8.95/102️⃣阿拉斯加蟹🦀蟹味鮮甜，而且唔會有雪藏味🤤🙆🏻‍♀️美味指數:8.53/103️⃣灼油蝦🦐蝦算爽口，比較大隻👍🏻🙆🏻‍♀️美味指數:7.34/104️⃣椒鹽豆腐(半份) 皮好脆囗，不過椒鹽落得有d多，令到有少少過醎，豆腐就嫩滑到好似少女d皮膚咁！🙆🏻‍♀️美味指數:7.62/105️⃣豉油皇炒麵🍝佢地嘅皇牌，不過偏醎！麵炒得夠乾身，好有火喉。🙆🏻‍♀️美味指數:7.52/106️⃣薑汁芥蘭🥬佢算好有鑊氣🔥，薑味好重同偏油，我就浸咗水先食啦🙆🏻‍♀️美味指數:6.02/10💡性價比唔高，不過想一班人食下海鮮，吹下水，就不妨食啦！

是日去西貢行山. 經歷行完香港三尖中最難的蚺蛇尖後. 當然累到雙腳不是自己. 由北潭凹坐巴士返回西貢市中心. 當然去那條海鮮街找食. 發現很多食店也已吃過. 再行前多點. 發現了這間格局企理整齊乾淨的食店. 一於他吧. 入內感覺乾淨整潔. 打開餐牌很多東西也想吃. 可惜我們只有2人. 叫的數量有限. 我們叫了三樣菜式. 椒鹽豆腐--外面香脆內裡非常滑. 他可以叫6條或12條. 我們2人叫了6條便夠了. 豉椒抄蜆 -- 蜆的數量很多, 豉汁很濃, 餸飯一流. 蔬菜蛋抄飯-- 抄飯乾身. 不算很油. 也很好吃. 金銀蛋時菜--時菜當然選了我最愛的西蘭花, 湯也很入味. 菜亦很新鮮 !!

上次來六福點了太多油炸的食物今次輕輕的點幾個菜，慢慢試清楚味道。我們預約的時候留了奄仔蟹，到店時老闆娘說今天的奄仔蟹唔夠靚，於是我們點了其他食物。吃海鮮我必吃椒鹽賴尿蝦，這是我從小到大都最喜歡的海鮮。然後是辣煮花螺，今天的花螺很瘦、辣汁很油，所以一般般。另外從來沒吃過魷魚刺身所以好奇點了來試試，刀工一流，魷魚都几有咬口几鮮味。來六福如果沒有吃蜜糖雞翼便等於沒來過，炸得很juicy , 表皮的蜜糖衣（拔絲）好香好脆啊！實在巧功夫。成功的點菜是吃的八分飽剛好，下次還想回來！

我個人認為好好食， 佢哋啲海鮮好新鮮，煮法好好，我最鍾意個賴尿蝦好鮮甜，鮑魚好好味一啲都唔un，椒鹽味啱啱好唔會太咸，隻蟹爆哂糕，d糕好香，我一向鍾意食佢既豆腐，好滑，個魚湯真係好鮮甜，唔知有冇落味精嘅呢。個辣酒煮花螺唔會太辣味道啱啱好，每樣海鮮都好好味，個人認為係西貢甘多間海鮮餐廳最好食既一間，同佢都有另一間米芝蓮都推介過，但個人認為呢一間好食啲，服務好，侍應有禮貌，落單時亦清楚說明海鮮價錢，很愉快既一餐

六福係我去西貢食海鮮指定餐廳， 海鮮好食夠新鮮就唔使多講， 我最欣賞佢係其他小菜都係非常非常之有水準。 好食過好多酒店裏面嘅中菜館。最近每次去都一定要食呢個薑黃炒飯， 喺個menu裏面其實唔係好顯眼， 我之前都係叫一啲大路嘅炒飯， 例如海鮮炒飯又或者瑤柱蛋白炒飯之類。 但有一次就想試下特別啲嘅炒飯 就叫咗呢個薑黃炒飯。 點知非常之有意外驚喜。 個味道有啲似海南雞飯個雞油飯， 但係佢係炒出嚟所以外面非常乾身有鑊氣， 仲有薑嘅香味同埋雞油味。 我都係第一次食呢一種炒飯。 之後我食咗幾次都唔厭。非常值得推介。

第一次食已經係最少10年前，因為聽講係米之蓮推介餐廳，特登入嚟西貢食，果然冇令我地失望。最近請同事食飯，佢哋鍾意食海鮮，就諗起呢間餐廳，收工一齊搭車入嚟，地點就比較遠，唔係咁方便，但同事食完都大讚好食我哋叫咗椒鹽鮑魚，呢個係超好食！咁整鮑魚好特別，鮑魚仲好彈牙，唔會好un, 連我平時唔鍾意食鮑魚既同事都讚好食！黃金磚豆腐，皮脆內軟滑！正！好香口！辣酒東風螺、薑蔥焗蠔，仲有蝦避風塘賴尿蝦！樣樣都好正！4個人食左大概$1800，份量少，偏貴。