六福菜館

營業中

休息中

趁放假入西貢遊玩兼食海鮮，朋友話走過最大間最多人個間，就係佢最推薦的一間，果然係好介紹，估唔到有咁多驚喜👍🏻👍🏻👍🏻👍🏻我都會推薦朋友食呢間！椒鹽豆腐拼涼伴四季豆外皮出奇地薄同好味既椒鹽豆腐，認真讚🤩🤩🤩🤩鹽蒸魚仔上枱嘅時候我哋都覺得有啲驚訝，因為沒有豉油，沒有薑，心想：一定好有信心啲魚好新鮮，如果唔係點敢咁樣蒸。魚好鮮好嫩完全冇腥味👍🏻👍🏻👍🏻👍🏻仲要係一人一條🤣薑蔥蟶子米粉底我向來好鍾意食薑蔥，呢味聖子嘅精髓在於米粉底，完全吸收晒聖子嘅鮮甜同埋薑蔥嘅惹味，食光晒！🤣🤣🤣豉油皇龍蝦🦞炒球+拆肉煲粥龍蝦可以做到咁鮮甜，肉咁鬆軟，真係好唔簡單，十分推薦！將龍蝦頭煲粥，好味到冇得頂。😋😋😋😋😋炸蠔🦪本來我最鍾意就係薑蔥蠔，但夥計好推薦炸蠔，我哋就諗住試新嘢，上碟嘅時候竟然有生菜沙律醬夾埋食，意外地好食🤤😋，嗰啲炸醬係真係好出色，鬆脆到不得了。南非大鮑魚見到真係咩都唔使講，又大隻又新鮮，用椒鹽拖過油，好特別嘅食法，好味。😋😋米水白菜🥬都係未食過咁樣嘅煮法，好味，米水好似粥水咁，別有一番滋味！