影片
更多
2023-04-15
667 瀏覽
西貢食海鮮已經出哂名：出名貴同水準一般。今日放假入去行吓，有住响入邊嘅同事介紹，試咗間比較低調嘅菜館：六福菜館門面唔起眼，仲要响橫街入面，相信一定係D食物有質素先吸引到街坊幫襯我哋一行四人，頭盆點咗椒鹽豆腐拼涼伴四季豆各半份，咁就可以試多幾味。椒鹽豆腐炸醬薄，裡面滑溜有豆香。四季豆爽口蒜味濃，幾開胃鹽蒸魚仔，睇當天什麼魚新鮮，今日係烏絲魚，細細條魚味都唔錯，蒸得剛剛熟，店家說唔係新鮮魚都唔敢用鹽蒸，因為咁先可以食到百分百嘅鮮味再嚟係豉油皇龍蝦炒球，比較少見嘅做法，而鼓油落得好輕手，純粹係為咗帶出龍蝦嘅鮮味，而龍蝦肉就炒到八九成熟，一D都唔韌，好過日式鐵板嘅做法多多聲，算係我食過最正嘅炒龍蝦球，值100分椒鹽鮑魚，選用南非鮑魚，大大隻，又腍身，不失鲍魚嘅鮮味，最後用椒鹽炒一炒，加添咗鹹香味炸生蠔係同事指定推介，果然冇介紹錯，炸粉鬆脆又薄，有少少牛油香，為咗減低油膩感，店家提供生菜包住嚟食，加埋沙律醬，一人食兩隻都唔夠喉薑蔥蟶子米粉底，成個餸係用砂鍋上，一打開個蓋香噴噴，蟶子用好多薑蔥炒，而墊底嘅米粉就脆卜卜，吸收咗豉汁，米粉仲好食過蟶子食咗咁多濃味嘢，要嚟個清清地嘅菜，揀咗用米水浸白菜心
門面唔起眼，仲要响橫街入面，相信一定係D食物有質素先吸引到街坊幫襯
我哋一行四人，頭盆點咗椒鹽豆腐拼涼伴四季豆各半份，咁就可以試多幾味。椒鹽豆腐炸醬薄，裡面滑溜有豆香。四季豆爽口蒜味濃，幾開胃
鹽蒸魚仔，睇當天什麼魚新鮮，今日係烏絲魚，細細條魚味都唔錯，蒸得剛剛熟，店家說唔係新鮮魚都唔敢用鹽蒸，因為咁先可以食到百分百嘅鮮味
再嚟係豉油皇龍蝦炒球，比較少見嘅做法，而鼓油落得好輕手，純粹係為咗帶出龍蝦嘅鮮味，而龍蝦肉就炒到八九成熟，一D都唔韌，好過日式鐵板嘅做法多多聲，算係我食過最正嘅炒龍蝦球，值100分
椒鹽鮑魚，選用南非鮑魚，大大隻，又腍身，不失鲍魚嘅鮮味，最後用椒鹽炒一炒，加添咗鹹香味
炸生蠔係同事指定推介，果然冇介紹錯，炸粉鬆脆又薄，有少少牛油香，為咗減低油膩感，店家提供生菜包住嚟食，加埋沙律醬，一人食兩隻都唔夠喉
薑蔥蟶子米粉底，成個餸係用砂鍋上，一打開個蓋香噴噴，蟶子用好多薑蔥炒，而墊底嘅米粉就脆卜卜，吸收咗豉汁，米粉仲好食過蟶子
食咗咁多濃味嘢，要嚟個清清地嘅菜，揀咗用米水浸白菜心，係選用白菜最嫩嘅部份，幾斤菜摘埋先得一碟，好矜貴。白菜嫩口米水清甜，潤一潤個喉
最後個結尾就係用龍蝦嘅頭爪拆肉煲粥，再加炸香嘅米粒做成泡飯，粥底加咗大地魚特別清甜，頭爪都仲有好多肉，食埋就非常滿足同事推介果然好正，小店每道菜都好用心，食得出有誠意。下次入西貢一定再幫襯
張貼
