影片
電話號碼
27929966
開飯介紹
位於西貢市集的海鮮酒家，您可以自帶海鮮到餐廳，由廚師為您烹煮海鮮菜式。招牌菜有脆皮風沙雞，須預訂。
繼續閱讀
獎項殊榮
米芝蓮一星餐廳 (2015-25)
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
今天的天氣特別好，我和朋友決定去西貢行山，午膳時選擇了西貢市場街的（六福菜館）。這家餐廳雖然分為三層，但每層面積不大，卻裝潢得優雅舒適，讓人感到輕鬆愉快。服務員熱情周到，老闆推薦的招牌套餐看了讓人垂涎欲滴。椒鹽奇脆豆腐（8件）這道豆腐的外皮炸得金黃酥脆，裡面卻是柔軟嫩滑，撒上椒鹽後，香氣四溢，口感非常開胃。姜蔥炒蟶子皇（4只）新鮮的蟶子皇搭配香濃的姜蔥，炒出來的味道鮮美，每一口都能感受到海鮮的鮮甜，令人陶醉。椒鹽焗鮑魚（4只）鮑魚外層微脆，內裡卻依然保持著嫩滑，椒鹽的調味讓其更加美味，適合喜愛海鮮的人士。天婦羅桶蠔生菜包（4只）這道創意菜將新鮮的生蠔和酥脆的天婦羅結合，外加清新的生菜包裹，口感層次豐富，吃起來清爽不油膩。上湯開邊龍蝦伊面（2只）作為餐廳的招牌，這道菜的龍蝦肉質鮮甜，搭配濃郁的上湯和滑順的伊面，每一口都是享受。鮮菠蘿生炒骨這道菜將甜酸的菠蘿與嫩滑的豬骨完美結合，口感豐富，菠蘿的酸甜提升了整道菜的層次感。米湯浸時蔬這道健康的米湯浸時蔬，清淡又保留了蔬菜的原汁原味，米湯的香氣為時蔬增添了不少風味。總的來說，六福菜館的每道菜都展現了廚師的創意和心思，無論是色香味還是食材的新鮮度，讓人印象深刻，實至名歸的米芝蓮一星餐廳！
繼續閱讀
天氣好好！今晚同朋友到西貢六福酒家聚餐～椒鹽奇脆豆腐 6件 $60 外層椒鹽超薄皮，而且仲超級脆！入口外脆內嫩，裡面豆腐好滑溜，即刻食會有啲熱！超好味同埋好抵食！😍😍 西貢地道魚湯 (一窩) $248大大窩新鮮魚湯，招牌蕃茄魚湯🍅 湯底鮮美魚味濃郁，濃郁嘅魚味，而且湯底無油好清！有住家魚湯味！米湯低溫慢煮元貝 (每人一隻） $540 6隻元貝肉大大粒，入口甜鮮嫩口，配搭清甜米湯，師傅用低溫烹煮可以保留原汁原味，好滿足啊🥰🥰魚湯粉絲浸花甲 粉絲吸收哂魚湯精華，花甲啖啖肉夠鮮香，口感滑嫩，感受到海鮮鮮甜與滑順～🦪椒鹽焗大連鮮鮑魚 (每人一隻） $570 6隻大大隻鮑魚！椒鹽鮑魚肉質超厚入口彈牙鮮美，椒鹽香氣濃郁，外層微焦，內裡嫩滑，估唔到咁大隻鮑魚保持到彈牙！🍖客家鹹菜木耳炆腩仔 自家製辣椒油 $188腩仔肉半肥瘦飲肉質軟腍，調味剛剛好！木耳增添口感，底部有鹹酸菜提味，配搭自家辣椒油令人驚喜🤩🍆蒜蓉粉絲蒸茄子 $148表面鋪滿蒜蓉同粉絲，底部喺已去皮嘅茄子🍆蒜蓉香濃粉絲吸附鮮美汁液，茄子清新又不油膩，好惹味呀🥰🥰 薑蔥鮑魚煲仔炒飯 $480炒飯香氣撲鼻，鮑魚鮮嫩，薑蔥提味，米粒粒分明，每口都充滿海鮮的鮮香，讓人心滿意足。🍝豉油王炒麵 (例牌) $168我哋叫咗多芝麻🤣 炒麵好夠獲氣，豉油王調味恰到好處，配搭甜醬與辣椒醬，增添層次感，經典炒麵，令人回味無窮！
繼續閱讀
在呢度食海鮮午餐、晚餐就多，都係睇你識唔識叫嘢食，你識點菜就唔算好貴，其實我都無留意，原來依家有個仲平啲嘅午市套餐(每位$198，最少2位起，已包茶芥加一)，仲要有唔少選擇，份量也不少，而且水準都唔差。午市套餐有分A)-F)項，A)項必定是粟米魚肚羹及F)項必定是上湯浸時蔬；B項可以有5款選擇，有蜜糖雞翼、芥末鮮雲耳、涼拌四季豆、黑醋拍青瓜及醬爆虎皮尖椒(3位客人內就選2款，而4位客人起就可以選3款)；C項同樣有5款選擇，可以選擇其中1款，有椒鹽焗大連鮑魚、豉椒炒蟶子皇、蒜蓉粉絲蒸元貝、天婦羅桶蠔及椒鹽鮮魷；D項就有8款選擇，如果有4個人起就可以選擇其中1款，有梅菜蒸肉餅、三色蒸水蛋、醬爆尖椒牛肉、蒜蓉粉絲蒸茄子、照燒汁炒雜菌、豉油王炒腸粉、蜜糖欖角骨及山扣北菇雞腳；E項同樣有8款選擇，可以選擇其中1款有鹹魚雞粒炒飯、瑞士汁炒牛河、鮮黃薑菜粒炒飯、濃湯肉碎泡飯、欖菜肉鬆炒飯、鮑汁炆伊麵、蟹籽海鮮炒飯及瑤柱蛋白炒飯。由於我們4個人，所以點了4人份量，B項就點了芥末鮮雲耳、黑醋拍青瓜及醬爆虎皮尖椒；而C項就點了名物椒鹽焗大連鮑魚；因為我們有4個人，所以D項可以點1款，於是我們點了又是名物的蜜糖欖角骨；而E項我們就點了瑞士汁炒牛河。其實我已經食過好多次六福嘅海鮮及小菜類，反而這個午市套餐我都係第一次食，首先A)是粟米魚肚羹，以六福的水準來說，當然是不錯；跟住是B）芥末鮮雲耳、黑醋拍青瓜之前已經經常食，水準依然保持，而醬爆虎皮尖椒我都是第一次食，朋友又喜歡吃辣，她說水準不錯；以這個便宜的價格可以食到C)這個名物椒鹽焗大連鮑魚，而且每人都有一件，基本上可以保持到平時的水準，已經值回票價；而D項就點了名物蜜糖欖角骨 ，每人一件，朋友都讚好食，名物果然是名物 ；而E項就點了瑞士汁炒牛河，六福的炒粉麵飯不嬲是可以的，牛肉也不少而且算軟熟，瑞士汁河粉炒得很均勻；最後F項的蒜蓉上湯浸生菜也絕不馬虎，非常爽甜，而且呢度會將啲菜頭菜尾去掉，淨係要靚同好嘅部份，所以保證食到最好嘅。人老了，當食到有味精(會好口乾)同唔好味的食物會不再幫襯，而這裏嘅食物我已經食過好多次都唔會覺得唔好食同唔會覺得口乾，記住呢個午市套餐好似由星期一至六(非公眾假期)，由六福開門至下午3時前都可以得叫，呢次埋單$792，$800可以有找，仲要食得飽，又可以用微信支付，你話算唔算係平價嘅米芝蓮一星餐廳？
繼續閱讀
2830 瀏覽
朋友話有個飲食達人話西貢最早出名嘅係蒸鮑魚，反而唔係椒鹽鮑魚，爭論之下我覺得可能我未夠識食，唔係達人，不如約一齊去食啦，試下咩鮑魚最好食，於是又來到六福。每次都必點嘅係西貢地道魚湯同椒鹽奇脆豆腐，重點係每次都唔會失手，最重要嘅係個椒鹽豆腐真係非常好食。椒鹽豆腐食得多，反而第一次食椒鹽鮮魷，唔夠膽講佢好有特色，但入口夠香口夠好食係唔需要懷疑。應該第一次遇上呢個整法，米湯低溫慢煮元貝，個人覺得就好似食緊一個元貝粥咁，不過以Fusion咁嘅presentation 出發。我當然要椒鹽焗大連鮮鮑魚，因為坐上客未吃過，表現一如既往，正。蜜糖欖角骨同客家鹹菜木耳炆腩仔食咗咁多次都好似冇一次試晒兩樣，但今次食完都好驚喜，原來呢度唔止海鮮係咁出色。我未試過食蠔食到咁滿足，天婦羅桶蠔生菜包大到不得了，用上新鮮雞嘅脆皮風沙雞又係一絕，直頭覺得係俾海鮮耽誤左，應該要做多啲非海鮮嘅菜式。蒜蓉粉絲蒸茄子換上了非海鮮嘅做法，又係值得一試，個感覺真係好似蒜蓉粉絲蒸蟶子咁，未食過要點。最新推出另一個鮑魚傑作，薑蔥鮑魚焗飯我地用上了4隻大連鮑魚，勁多薑同蔥，再加埋牛油，呢個又係一個必點嘅新菜式。似乎真係要試下搞番局啦，有冇興趣一齊入西貢行下。
繼續閱讀
去海鮮街都離不開呢幾個地方，分別有油塘鯉魚門屯門三聖同西貢碼頭，當然各有各出色嘅海鮮街參觀之餘，仲可以食到鮮味十足海鮮，至於今次去咗西貢係碼頭沿途一帶雖然已有多間海鮮酒家不過今次我哋嘅目標係西貢米芝蓮食肆，就係喺海鮮街牌坊行入市場街嘅六福菜館，喺門面已睇到佢連續多年獲得米芝蓮一星榮譽，已經證明廚藝出眾，我哋都急不及待入去享用，餐牌除咗有各款美食菜式仲有2人同4人套餐提供，我哋都散點了幾款特色招牌菜可以食多幾款口味，而且上菜都係順住次序先來有呢款蕃茄薯仔地道魚湯係一窩上都係$248 ，份量都有返咁上下，入口已飲到香濃鮮味魚湯，鮮甜十足仲可以飲多一碗滋潤美食開始陸續嚟，有推介小菜椒鹽奇脆豆腐12件$120，表面皮脆可口入面滑溜香軟口感食落好惹味再來係天婦羅桶蠔生菜包，賣相夠吸引大大件，粉漿炸得好鬆脆，輕輕已食到飽滿嘅蠔肉滿口啖啖肉汁之後有椒鹽焗南非鮑魚（3隻）$480連加工費$120，南非鮑魚果然肉身豐厚之餘，我估應該係三頭鮑所以先至咁大隻，灑滿粒粒蒜香，切開已見軟滑肉質口感十足鮮味除咗食海鮮又可以品嚐一下呢款客家鹹菜木耳炆腩仔，睇落去好似好肥好多脂肪，但食一啖包你上癮，入口即溶化，色香味俱全會越食越滋味，襯返個白飯食一流而另一款係生扣北菇雞腳，軟滑北菇，雞腳炆得好腍，飲埋佢嘅湯汁，真係食到家鄉風味小菜眨吓眼食到最後菜式係豉油王炒麵，睇落好簡單都要睇師傅嘅工架如何發揮，炒到色香味俱全，麵條冇油淋淋咁先至出色美食咁又品嚐完一餐星級美食之旅。
繼續閱讀
您可能會有興趣的...