六両三 (已結業)

之前喺尖沙咀返工都成日嗌外賣嘅小店，因為佢真係好好食，佢嘅辣湯底好正，次次都必點！因為有少少喉嚨痛，今次就淨係叫咗紅燒湯底唔叫辣湯，但係一樣都好好食！本身呢度嘅牛丸係我最鍾意食，食落好彈牙同埋中間會有啲汁爆出嚟，所以即使無論個湯底辣定唔辣都一樣好出色😂同埋佢嘅台灣粗麵係會煙煙韌韌嘅食落好有質感，正！但係因為掛住食，連相都唔記得咗影🫣我男朋友就嗌咗半筋半肉麵，佢揀嘅係幼麵食落都煙韌韌咁，佢都覺得呢間餐廳都幾好，有質素，已經嚟第二次啦☺️另外都叫咗呢個滷肉湯青菜($28)食落個生菜都幾脆口，唔會話太老，同埋加埋少少滷肉汁喺上面，可以話係調到個眉出嚟！估唔到係平日夜晚都全場爆滿，我之前喺呢邊返工嗰陣係訂外賣有嘅仲會有discount添都真係幾抵食！

琴晚去尖沙咀搵食，嚟到呢間好多好評嘅餐廳嚟試一試佢！我地大約6點幾入座，去到唔使等位，七點左右開始就好多人啦呢邊係用手機落單嘅，所以唔使收加一服務費！🍚滷肉飯 - $32滷肉肥瘦相間，肉同飯嘅比例啱啱好，每啖飯都可以食到滷肉嘅油香👍🏻🍜三寶牛肉麵 - $125呢個價錢係加多咗隻糖心蛋&小食！糖心蛋醃得好入味，入邊非常流心。本身會擔心牛肋條會好韌，好多時出去食嘅牛肋條都係黐牙同埋好難咬，但呢度嘅牛肋條煮得好腍，而且大大條👍🏻🍜半筋半肉麵 - $133呢個價錢係加多咗隻糖心蛋&小食&飲品&轉麻辣湯底！真係超抵wo!!😆牛筋好彈牙，唔會好似煮到溶咗咁～呢個麻辣大概係三少辣嘅程度，食得辣先好叫呀！🧆涼拌麻辣豬大腸 & 麻辣鴨血豆腐 （半份）食完啲辣嘢，食個涼拌豬大腸都幾好👍🏻涼拌豬大腸我就覺得唔太辣，食唔到辣嘅人都可以試吓～🥤冬瓜茶配埋杯冬瓜茶可以解辣又解膩😋-總結：成餐兩個人食咗$290，食到超級飽！呢個價錢可以有兩碗麵、一個飯、兩個小食、一杯飲品，晚市嚟講真係冇得輸🤭

好耐冇食台灣嘢～今日帶大家黎到尖沙咀一間小店，即使平日夜晚都係滿座，門口仲經常有人等位，果然厲害🙌🏼餐廳採用木系裝修，聽聞老闆來自台灣，而招牌係牛肉麵，無落任何味精，湯底使用牛筒骨熬至少30小時。🌟三寶牛肉麵 $95 加溏心蛋+$12招牌紅燒牛肉湯麵系列絕對必試🔥！三寶牛肉包括牛腱、牛筋和牛肋條，紅燒湯底入味，可自選粗/幼麵底🍜，三款牛肉的口感各不同，餐廳仲有建議食法～加辣後更惹味，同時餐廳仲建議加醋，呢個配搭出奇地驚喜，食到最後令整體感覺冇咁漏，同時酸酸辣辣咁好開胃～🌟麻辣乾拌麵 $48加溏心蛋+$12麵條偏幼身，其椒麻味非常突出，辣味帶後勁🌶️，然後同青瓜絲撈埋一齊🍜，口感豐富同時惹味😋！另外加配咗溏心蛋🥚食落好似日本拉麵舖嘅感覺，有事先醃製過，咬開帶流心蛋漿，蛋味濃郁。🌟涼拌麻辣豬大腸 (半份)+$18 / 涼拌麻辣牛腱頭 (半份) +$18兩者是用同一款汁～豬大腸清得好乾淨無異味，同時醃得超級入味；而牛腱頭出邊好少見，食落爽口惹味😙🌟麻辣鴨血豆腐 (半份) +$28鴨血沒有腥味，豆腐索晒啲汁好惹味～🌟滷甜不辣 (半份) +$8口感煙靭，味道酸甜開胃。🌟皮蛋豆腐 $38豆腐霸氣地原

係香港有好多間台灣菜，每一間都各有特色，今次就去試試屢獲好評嘅「六兩三」😋去到就已經見到有一群外國人喺門口排隊，睇嚟餐廳都好受遊客歡迎👀👨🏼👩🏼餐廳唔算太大，但裝修就好有心思，有個水bar 位可以睇到店員煮食，而且有啲燈籠吊喺度，好似去咗台灣嘅夜市咁有feel🏮麻醬麵 $48 (加糖心蛋$12) 麵條係幼身個隻，唔好見到佢就咁一碗麵好似好寡咁，濃稠嘅麻醬加埋芝麻同青瓜絲撈埋一齊🍜令到成碗麵口感更豐富，冇咁單調，而且麻醬好香，簡簡單單已經好出色，餐廳仲附有「加辣」選項，應該會更惹味😋另外加配嘅糖心蛋好香甜🥚一咬開啲蛋醬係個口入面爆出嚟，成個口俾蛋醬「醬」住嘅感覺好正🤤麻辣鴨血豆腐 $48我個人比較鍾意食鴨血，因為佢冇豬紅咁容易散，更有口感，佢一份小食啲鴨血都幾大舊，連埋芫荽同麻辣汁一齊食，超夾😳不過最令我驚喜嘅唔係鴨血，而係匿埋咗喺下面嘅百頁豆腐，第一次食就已經愛上咗，因為百頁豆腐有好多層一絲絲嘅texture，所以成塊豆腐都完美咁索哂啲麻辣汁，超級滿足😋半筋半肉麵 $98終於嚟到今日嘅重頭戲牛肉麵啦😍因為我鍾意食牛筋，所以就嗌咗半筋半肉，佢啲肉就係牛腱🐮餐廳仲係牆上印咗食麵5 步曲，教

黎到尖沙咀搵野食，想食台式野就搵左呢間唔錯評分既試下~牆身有推薦食法，可以參考下~呢間係QR Code落單，好方便～麻辣鴨血豆腐，蜂巢豆腐吸晒湯汁精華，鴨血又滑又多汁，口感過癮！涼拌麻辣牛腱頭，粒粒有嚼勁，麻辣味夠晒香辣，好有辣勁！滷肉燙青菜，生菜熱辣辣，保持咗生菜嘅脆口同鮮，淋上滷肉汁一齊食，有少少偏油，唔太食得慣~三寶牛肉麵加滷蛋，嗌左佢地既招牌麵！配料有齊牛腱、牛筋和牛肋條，肉質口感偏淋身，紅燒湯夠入味，三款配材各有特色，最中意係牛腱～店舖推介食法，加牛骨髓入湯，令湯底更加還原台灣地道口味，加完之後湯底會香濃，同有少少辣～手打牛筋丸麵，中意食瀨尿牛丸一定要試！因為佢啲牛筋丸真係有勁多汁，而且又濃又入味，好有驚喜！一碗有成7粒，食起上黎好滿足，又唔怕分比人，而麵質呢碗揀左粗麵，係比較烏冬更煙韌既口感。溏心蛋，溏心好入味，好推薦加～檸檬冬瓜茶，一般冬瓜茶我都幾中意，加左檸檬之後，冇咁甜清新左，仲更加good!

最近搬咗去尖沙咀，試吓附近食肆，經過橫街中一間台灣食店，名字特別，於是入來一事。因為下午茶時間，比較少人，地方非常寬敞。座位雖然比較細小，但座位與座位之間有空間，舒服。全店裝修有台灣特色，加上台灣的流行曲播放，在店內感覺猶如在台灣。因為下午茶時間，兩個人淨係叫咗碗牛筋丸麵，小型滷肉飯，加幾款小食，以為樣樣細細碟，點知碟碟大大份，食唔晒。本來想試出名的牛筋腩麵，因為名字源自他們的選了，對牛筋腩嘅重量要求，非常特別。但因為朋友好想食牛筋丸，於是乎點了。以為普通牛丸，點知佢哋嘅牛筋丸超好食，彈牙，湯龍得好味，粗麵條也有道地味道。至於滷肉飯，好似醬爆滷肉飯，個飯成座山，又有半隻蛋，子薑，這個組合好好味。至於小食，甜不辣，同埋百折豆腐，加上特製醬汁，煙靭好味。特別推介皮蛋豆腐，以及辣辣豬大腸，兩款餸菜，一個清新入味，另一個喜歡豬大腸的人，絕對不會失望。至於佢哋嘅薑母茶，恰到好處，飲完暖暖哋，好舒服。雖然小店，但係店員充足，親切友善。

今日同屋企人在尖沙咀食台灣菜 呢間六兩三都幾有人氣🙌🏻😆 我地都叫左2個餐 當中包左小食 主食 跟飲品🤪首先係手打牛筋丸麵 因為之前見到其他post都蠻多人推介 😆湯底叫左川味紅燒 而麵底就揀左台灣粗麵 👍 牛筋丸好彈牙 食落口又唔會好有硬既筋 同埋都幾多汁 手打既果然係唔同啲既 😚 粗麵也很掛汁 整體上個湯味道剛好 唔會過油也沒有太咸另一個主食則是 三寶牛肉麵 🍜 三寶係指牛肉 牛筋 同埋 牛肚！ 滿足哂我地咩都想食既人☺️所有配料都非常新鮮 牛肉好鮮甜 🙌🏻牛筋都很好腍 牛肚也軟嫩可口🥹 大推呀！跟餐小食則是半份麻辣鴨血豆腐❤️喜歡它既麻辣後勁很香很重 😍 豆腐也夠軟嫩滑爽 鴨血也夠彈口！ 且大大舊好好食 其獨特風味令人難忘😚另一款小食則揀左涼拌麻辣豬大腸 豬大腸勁爽口 口感勁豐富 風味十足 鮮甜可口至於飲料方面 冬瓜檸檬茶唔會太甜 好解渴 飲落去好清新 仲點了 無糖白桃烏龍 飲落我陣陣芳香 滋味醇厚👍最後我地仲叫左 涼拌麻辣牛腱頭 同滷肉燙青菜個牛腱頭好腍身易入口 作為一個開胃小食一流青菜🥬上有啲滷肉 青菜好清爽！加埋滷肉就相益得彰 會推薦大家嚟呢到食台灣菜！

今日嚟到尖沙咀食台灣食物，因為天氣涼涼哋，想食下一些濃郁嘅台灣牛肉麵，去到門口嘅時候，見到好多人排隊，證明呢一間餐廳好受歡迎，而且呢間餐廳嘅服務質素好高，侍應好主動開口親切，非常有禮貌，有賓至如歸的感覺，同埋我都好認同佢哋嘅廚師好用心製作食物，每次幫襯嘅時候，我都一定會叫牛筋丸，佢哋嘅牛筋丸真係好好食，因為湯底好濃郁，每一個牛筋丸都係大大粒，好多汁，有非常濃郁嘅牛肉味，而且呢度仲有麵類，有湯飯，有唔同款式嘅小食，仲有飲品，都好友豐富嘅台灣特色，而且佢哋嘅紅燒湯底，辣辣地，真係好滋味呀，仲有三寶牛肉麵都係非常推介㗎，有牛腱，牛筋，仲有牛肋條，湯底都幾濃郁，而且牛骨味都好重呀，呢一度嘅裝修到好靚，衛生程度好高，所以我覺得好推介

我一向好鍾意食台灣食物，喺香港要搵一間台灣食物都唔容易，於是有一日去尖沙咀放工，想搵嘢食嘅時候，見到好多人推介亦都好多人排隊嘅台灣食物，於是好想去試吓，估唔到一食就愛上咗，而且食物質素好高，呢度我非常推介牛肉麵，因為牛肉好香話，湯底都好濃郁啊，真係好似去咗台灣咁呀，而且呢度嘅紅燒手打牛筋丸湯都係我非常推介㗎，牛筋丸非常彈牙，而且好多汁，食完一粒又一粒，真係好惹味呀，而且呢一度嘅款式豐富，有牛肉，有牛筋，牛肋條等等唔同嘅部位，所以呢呢度嘅食物質素感覺吸引咗唔少嘅食客，每次夜晚嚟食飯嘅時候，都係要滿座同排隊，真係有一定嘅歡迎程度，而且質素有保證啊，而且呢度嘅裝修係用木係嘅，所以都好舒服，同埋好有個人特色，而且呢一度嘅小食多好多種類，所以一定要泥試

餐廳外邊裝飾好有舊民屋風格，有dd居酒屋feel咁。一入座已經聞到牛肉香味。晚市8點左右入座，等左5分鐘就有位，唔少外國人食緊。入座後qr code落單，除左麵食，餐廳好貼心加入白飯類，可以配牛肉食品湯。手打牛筋丸麵($76)，一大碗有6粒牛筋丸，超彈牙，仲爆汁添。初時見到湯底顏色深，以為會好鹹好重調味。但飲完，好清爽，完全唔油膩。麵底可以揀粗/幼麵，粗麵有咬口，食完好滿足，男/女仔食，都會飽到上心口。麻醬麵($48)，大量麻醬、白芝麻淋上，麵條拌勻後，唔會黏到一patpat。加配溏心蛋，一咬就爆醬。溏心部分甜，蛋黃拌麵，一樣好多。牛三寶拼盤($98)，3款食材堆疊係煎pan上，非常豐富。每款既份量都好足料。牛肋條啖啖肉，大大條，炆到軟，入味，唔鹹。而牛板腱軟身厚切。牛筋夠林，充滿骨膠原。底部仲有滷汁菜，夠誠意。另外再跟餐加配滷蘭花乾，好少聽蘭花乾，原來係平時台灣夜市滷菜入面既豆卜，但切成有紋。滷水少少鹹，但配合一齊食，就ok。好地道既台灣小食～主食配飲品會有優惠價，熱冬瓜檸檬茶，一開始酸酸地，但飲落就係甜既冬瓜茶，愈飲愈好味。而白桃烏龍清新無糖。整體，主打台灣風味既牛肉食品，唔駛飛到

食得出佢地用心做啲食物，啲牛好好食我兩個朋友分別都認同牛筋丸最好食服務員都友善，不過有幾點覺得怪怪的最近食左兩次，一次紅燒粗麵，一次麻辣幼麵啲麵係好食，但都不掛湯有種麵同湯係分開的感覺至於麻辣，佢係齋辣！自問鐘意食辣的，但佢的辣欠缺一啲層次食得有啲辛苦，而唔係享受果種舖頭細細間，都明香港係細同要賺錢，畢竟舖租貴如果繁忙時間，會食得辛苦啲但我去果時非繁忙，雖然限時45分鐘，但店員無趕我地走，幾彈性呀

今晚收工我和朋友去了尖沙咀行街, 朋友說想吃台灣菜, 於是我們便來了這間餐廳吃晚餐.薑母茶( 熱) : $20今晚真的太冷了, 所以點了薑母茶, 非常好飲, 薑味很重, 很香, 飲完個身暖笠笠, 幾好飲.無糖白桃烏龍茶(凍) (跟餐+$10): 無糖剛剛好, 不會太甜, 飲到淡淡的白桃味, 不錯.牛肉麵 ($77): 牛肉幾香滑, 幾好食.個湯底又幾香濃, 好重牛味, 不錯.紅燒手打牛筋丸湯 ($62):牛筋丸好彈牙, 好重牛味, 幾好食, 又多汁, 同外面一般凍肉鋪的牛丸完全不同.牛肋條麵 ($90):牛肋條又幾香口, 好好食, 好鬆軟, 不錯, 湯底又好香濃, 幾好飲.涼拌麻辣牛腱頭 (半份) $18:麻辣好香口, 又唔會太辣, 幾好食.牛腱頭又好香滑, 幾正.作為開胃前菜真的不錯.冬瓜茶(跟餐加$8):都幾好飲.唔會太甜, 味道剛剛好, 清清地.埋單大約$290, 真的不貴, 是不錯的台灣餐廳, 值得一去.

人氣台灣牛肉麵店「六両三」，以絕不落味精的湯底作招來，吸引到不少食客！🫡平日晚上到訪都是滿座，果然厲害🙌🏼✨三寶牛肉麵 加溏心蛋招牌的紅燒牛肉湯麵系列是非點不可！🔥款式豐富，牛肉、牛筋、牛肋條等等的部位都有🐮想試多幾款，不妨吃三寶麵，集齊牛腱、牛筋和牛肋條🤟🏼紅燒湯底入味，可自選麵底🍜三款牛肉的口感軟腍，最愛牛肋條又軟又帶一點骨膠原👏🏼✨麻辣乾拌麵 加滷蛋台式乾拌麵系列也是焦點之一🫶🏼推薦麻辣口味，其椒麻味非常突出，辣味也是有後勁🌶️久久不散，令人一口接一口🤤✨滷蘭花乾✨皮蛋豆腐✨滷甜不辣✨涼拌麻辣牛腱頭滷盤和涼菜都挺古早味，份量也很多🤭以滷蘭花乾和涼拌麻辣牛腱頭最特別😋前者其實類似豆卜，吸了充充的湯汁😃後者是較少吃到的牛腱頭，爽口惹味😙✨荔枝烏龍茶✨冬瓜檸檬茶兩款飲料都有驚喜😄荔枝烏龍茶的荔枝味比平時喝到的突出，很清新👏🏼而冬瓜檸檬茶不但有冬瓜的甜味，同時又有檸檬的酸味，兩者很夾呢🥤

今日去尖沙咀「六両三」食台灣牛肉麵😊午市套餐，除了一客主食和一杯飲品，亦可以追加小食………不止一款，可以多款的啊😚三寶牛肉麵，有牛腱，牛筋，牛肋條…..湯底都幾濃，牛骨味都重！牛腱幾有咬口，牛筋夠淋，夠入味！麻辣鴨血半份，味道不錯！涼拌麻辣牛腱頭半份，牛展切粒，幾爽口，麻辣味濃，幾惹味😁百頁豆腐一份，醬汁甜甜地，味道不錯.滷甜不辣一份，口感煙靭☺️冬瓜檸檬茶，原來冬瓜茶加咗檸檬又幾好好飲😂

位於尖沙咀橫街，店門精緻，舊式木牌匾，非常顯眼。主麵食可以加配最多六款小食，基本可以試均各款小食，又可加配飲品，性價比高。 🔅牛腱牛肋條麵 $85 (加滷蛋 $8)牛腱同牛肋條都幾大塊，入口軟腍，滷蛋亦好入味湯底亦充滿牛骨清香，濃而不膩，一口湯一口麵，最佳配搭🔅滷肉拌麵 $52 (加溏心蛋 $12)滷肉半肥瘦，用嚟拌麵，充滿滷汁同油脂香氣建議好似小編咁加隻溏心蛋，會再多一從香口“醬汁” 🔅百頁豆腐 (半份) +$8綿軟但又帶點彈性，口感有趣 🔅滷甜不辣 (半份) + $8煙煙靭靭，醬汁甜甜地🔅麻辣鴨血豆腐 (半份) +$18鴨血爽口，湯汁夠麻辣，令豆腐入晒味，食完要即時飲啖涷飲🔅皮蛋豆腐 $38木魚香酥，豆腐嫩滑，皮蛋精瑩通透