元札幌拉麵 (悅來坊)

營業中

休息中

今日黎到荃灣行街, 行行下先發現原來熊貓酒店呢個商場多左咁多野食, 搵到呢間拉麵店, 呀, 都幾多日本人黎食ga bo, 後來發現原來大廚係日本人來的, 唔怪得知啦. 我和朋友一人叫左一個set, 再加左2款小食.呢款係溫泉蛋牛肉飯$62, 超抵食low 我覺得, 因為除左呢個大大碗飯之外, 仲有麵鼓湯, 日式蒸蛋, 沙律菜tim ar, 切開溫泉蛋, 讓蛋汁流在飯裡, 每一粒飯都被蛋汁&牛肉汁包住, 超正, 牛肉一d都唔鞋口, 而且份量仲好多tim, 哈哈…..食飯前食個沙律十分開胃, 酸酸甜甜好清新. 日式蒸蛋超滑. 再加埋呢個麵鼓湯真係令到成個餐變得超級圚滿.朋友的芝士白汁炸雞飯, 都係一樣配上了麵鼓湯, 日式蒸蛋 & 沙律菜, 呢個炸雞一d都唔乾, 仲好juicy tim, 外脆內軟.小食有呢個燒鯖魚$58, 外面燒得香脆, 啖啖肉, 再加上青檸汁可令味道提升.呢個係海鮮大板燒$42, 呢個唔會只係食到粉, 裡面有d椰菜絲&海鮮, 剛剛燒起, 熱辣辣, 面頭d 木魚絲仲識動架, 哈哈…仲可以加埋d沙律醬一齊食, yummy yummy!!

唔知大家朋友之間會唔會有搵食團之類嘅群組？而我大專時期就有一個「拉麵團」，朋友會專登尋覓唔同區嘅拉麵鋪逐間食。雖然好耐無活動，但偶爾見到唔同嘅拉麵鋪都會習慣一試。 今日介紹嘅呢間拉麵鋪，位於大窩口熊貓酒店商場，而B1就即係落一層。由於接近黃昏時間，趁未多人先解決咗晚餐先，所以店內唔算太多人。睇睇餐牌個人覺得唔算太貴，基於都餓嘅原因，所以有得加錢就加，想食就叫。所以最後叫咗兩碗拉麵加溏心蛋同汽水、另再加餃子同一個冷菠菜。另外一提，叫拉麵時如果有指定想要湯底同麵嘅硬度，記得下單前要同侍應講埋啊！否則店家會按照原定嘅豬骨湯落單。最先到係頭盆嘅冷菠菜，預期嘅水準，出乎意料嘅份量。其實本人平時不喜歡食菠菜，但之前試過其他餐店都係用麻醬木魚配冷菠菜嘅配搭後，變得容易入口，而且食後有開胃嘅感覺！其後二人所叫嘅拉麵及額外加嘅溏心蛋都同時上枱，真係大驚喜，無諗到份量都幾多。我柯打嘅係「豚軟骨拉麵・醬油湯底」，而男友個碗係「叉燒拉麵・味噌湯底」，兩個湯底對比過後，二人都一致覺得「醬油湯底」濃厚啲好味啲。拉麵嘅份量都算多，而且頗粗身，所以飽肚感極高。然而呢到嘅豚軟骨及叉燒都唔孤寒，多肉之餘，豚軟骨炆得夠林夠

去完日本旅行無耐, 時不時都掛住日本既美心, 所以今晚一於食拉麵吊下引.呢間既裝修好日本feel, 木質枱凳, 好似去左日本既拉麵小店.除左拉麵, 仲有小食或者飯, 餐牌易睇易明.因為好鍾意食流心蛋, 所以揀左豬軟骨拉麵, 本身就有隻流心蛋.湯底濃郁既豬骨味, 唔會有層油響面, 就咁飲都好好味.豬軟骨炆得夠入味但唔會太咸, 味道剛剛好, 肉質夠腍身, 軟骨部份都夠腍.拉麵份量都唔小, 拉質彈牙爽口, 可以索入個口, 硬度控制得好好, 唔錯.另外仲要多款小食炭燒牛舌, 基本上每次食日本野都想食, 牛吞厚度唔會太薄, 燒得剛剛好, 好香口惹味.牛舌外彈內嫩, 唔會咬唔開, 好好味.食物質素不錯, 服務好好, 侍應勤力加茶.

呢間日本拉麵環境唔錯，寜靜得黎又舒服，地方環境都算寬敞。張枱都好大張好舒服架！因為早到左，所以人流唔算多，但平時會好多人架，所以要提早book位！餐廳最近都推出左好多新款式新口味嘅拉麵，份量大碗之餘，味道湯底都非常香濃，而且拉麵嘅口感非常彈牙，除左拉麵之外，仲有其他小食架。呢款小食就係煎餃子呢款係日式煎炸雞翼，鹹鹹地，都好脆口架！呢款係蟹柳棒紫菜拉麵，配菜非常豐富，有栗米、紫菜、芽菜等。份量大大碗。

定期都會來悅來坊，因為男人要來這裡看玩具，而來這裡，多會到元札幌拉麵，貪其價錢親民，質素又不錯。踏入12月，餐廳加添了聖誕佈置。每次來這個手寫餐牌都一樣，主餐牌以外也可以考慮這個板上的食物呢。炸豆腐 $38外層粉漿不算厚，沾了醬汁所以都不脆了，內裡豆腐算炸得嫩滑，味道偏淡。燒多春魚 $32沒有燒到很乾，不錯。最新推介好像很吸引。北海道芝士忌廉炸蝦飯 $75飯會跟沙律、茶碗蒸和麵豉湯，味道也不錯的。這個北海道芝士忌廉汁有濃淡適中的芝士味，炸蝦的粉漿厚薄剛好，外面香脆，內裡的蝦不會過熟。豚軟骨拉麵 $72這裡的豚骨湯底味道濃郁但不會太鹹，吃完也不會覺得口乾，沒有太重味精。豚軟骨煮到肉質軟稔，入口啖啖膠質，拉麵軟硬度恰到好處，有彈性好咬感。跟拉麵加配自家製餃子 $28皮薄餡多，菜肉比例剛剛好，不會太乾太油。價錢算便宜，食物質素和服務亦不錯，下次會再去。

每次諗唔到食咩, 最後決定一定係日本野, 永恆唔會厭.其實商場都有唔同既拉麵店或麵店之類, 不過呢間個感覺pro D, 裝修都似日本鋪頭.拉麵款式大約有10款左右, 小食就有好多款, 除左餐牌, 仲有時令推介既小食寫左黑板仔.食最original既元拉麵, 即係义燒拉麵, 湯頭濃郁味噌味, 口感唔會太咸同太油膩.覺得個拉麵做得好唔錯, 食極都好夠彈牙, 麵質粗度剛好, 太粗好易食到好飽好濟.配搭煎餃子, 皮薄但無穿, 煎到微微燶, 特別香口, 而且唔會太多油.仲有章魚燒, D木魚鋪到滿晒, 章魚燒粒粒都夠晒大粒, 粉漿唔算太厚, 有一粒粒既章魚.

上星期去荃灣接男朋友放工行下，甘岩係悅來坊入面經過見到呢間勁有和風裝潢既拉麵店就心思思入左去試。我地兩個人叫左一個饅魚飯同ANKAKE拉麵（醬油湯底既拉麵）試下，再加左一碟餃子一串燒紫薯同一樽日本既特色汽水。首先一黎就係個拉麵先喇，個人勁鐘意食醬油湯底，所以特別叫左呢個，入面仲要有我最愛既荀！勁正！呢碗都係屬於基本拉麵款有齊豚肉，糖心蛋，荀，昆布甘。d麵係粗身同曲個款拉麵，幾彈牙，至於個湯底就只係正正常常，唔係話好似自家製一蘭自己淆既個種湯，只係普普通通味精拉麵湯底。但整體唔錯，最緊要價錢算好平民，$68，個質素算係差不多。之後就係個饅魚飯。男友話個饅魚飯勁正，個人都好認同！個饅魚飯比拉麵仲好食！雖然饅魚飯比較貴少少（$90），但質素有番甘上下，饅魚都幾肥美同大條，所以好夠送哂成盒飯甘食！呢個推薦啊！因為兩個實在太貪食，又再叫多左兩個小食就係餃子同燒一口紫薯喇。小食就正常，口痕既都不妨叫下，送下口都唔錯。個日式汽水包裝好q，男友係餐牌見到「招財貓」呢個名好好奇係咩黎所以就叫左黎試，結果其實同忌廉係一樣味既飲品黎哈哈！鐘意個樽仔既人叫黎飲都抵既！兩個人最終食左$244，總括黎講算叫平民既

不止拉麵禁簡單，飯出奇也很好吃。我們3人 分別叫了:招牌牛油拉麵$68海鮮燒餅$42糖心蛋免治豬肉飯定食$62雞軟骨2串$18 自家制餃子$28 安格斯肉眼串$38。門面很東洋感覺*^O^*枱上有生蒜，7味粉，麻油，芝麻等……很欣賞有生蒜~大愛糖心蛋免治豬肉飯 超驚喜! 糖心蛋流心而有醬油味道，免治豬肉不單夠碎夠滑，笋片3片，紫薑少量，醬汁有點鹵肉飯味道，很惹味大大碗的飯，居然全食清，因為醬汁太好味了!有健康沙律，和茶碗蒸蛋，麵豉湯。 超級滿足，男仕一定喜歡!牛油拉麵，真是滑嘟嘟，义燒薄而軟腍， 有海帶，粟米，芽菜，筍片，牛油味道很濃，大大件一邊食一邊溶真的招牌麵海鮮燒餅，木魚碎大量，沙律醬剛剛好，材料很多，有蜆肉，八爪魚，帶子肉，椰菜絲。味道正常，熱辣辣♡餃子跟餐加的，4隻剛剛好，因為個餐已經夠食，皮薄，底部煎得脆，配上餃子汁酸酸的，都不錯。安格斯肉眼串上枱很香，嗅到陣陣BBQ香和牛肉味，咬下有口感而軟腍，真的很便宜!雞軟骨洒上淮鹽，燒得乾身先微焦，很爽口完全滿意!

臨到月尾就真係山窮水盡地過活，好彩遇到間平價日式料理先可以幫到下手位於荃灣悅來坊其實都幾方便，可以由荃灣站出，經過綠楊坊行下，再行下荃豐商場，再行埋悅來坊。岩晒中意行室內嘅朋友餐廳好有日本居酒屋嘅感覺，佈滿了燈籠，周圍亦有日文字及圖案。小食點了份南瓜薯餅。非常重南瓜味，而且炸粉又唔會太厚，由於本身薯仔係無味嘅，但因為南瓜配搭埋，就好鮮味了。另外又點了大阪海鮮燒餅。燒餅蛋味非常濃，而且都好香好滑，食過日本燒餅嘅朋友都知道日本燒餅係好有蛋味。主食方面就點了最新出嘅吉列蝦忌廉飯。個醬汁好忌廉味，而且好滑。加上有薯仔粒，所以都好滑。而吉列蝦唔會炸到好油好乾。蝦亦好大隻，絕對唔係炸粉出來的。

今次黎到荃灣呢間拉麵店，係一個旺中帶靜的地方，位於荃灣悅來商場。近年，香港進駐不少拉麵店，今次呢間餐廳比較難得的地方是餐廳很寬敞，可以坐得舒服咁享用晚餐。Menu內拉麵款式不少，湯底有三款可選 （分別有味噌/ 醬油/ 鹽味），再按個人喜好自選麵質 （硬/ 一般/ 軟）。友人的「叉燒拉麵 $75」配醬油湯底。我呢碗係「雜錦拉麵 $75」，拉麵有雜錦比較少有，蠻好的，一碗有晒唔同材料。我要左味噌湯底，湯底有麵鼓香，重點是香而不咸，一碗份量十足，麵條的掛湯力不錯，叉燒軟熟，油脂位恰好，不會太瘦或者太肥，豬軟骨同樣值得一讚之作，炆得入味之外，時間夠，肉質入口林滑。選拉麵再配「餃子 $28 4隻」，皮薄餡多，最重要是外層煎得好香，一點油膩感都沒有。除左拉麵外，呢到燒肉值得推介，「安格斯肉眼串 $38」，肉眼燒得外層脆，入面有肉汁，肉味好濃郁 ，再吱少許鮮檸檬汁，更醒胃，讚！

同表妹行開哩頭，見有啲餓，就行入商場度搵嘢食。表妹一向最鍾意食拉面，係底層食肆一兜就見到哩間充滿日式居酒屋風味的拉面店。由於接近下午打烊的時段，店內唔算多人。啲四人檯好寬鬆，同六人卡位差唔多。除咗店內日常供應午餐定食拉面同小食外，侍應姐姐仲好親切咁溫馨提示我哋有是日精選推介。環境清靜又坐得舒服，見到啲小食價錢又實惠，決定試多幾款。（其實係選擇困難見到咁平點可以唔揀多幾樣）等咗唔係好耐，啲嘢食就陸續送上。我點咗餐牌上完全無圖片，用手寫既貼紙「安格斯牛肋條飯」。結果出乎意料地好味，值得一試再試。唔好睇佢咁大舊，但一啲都唔會鞋唔會韌，啲肉汁滲曬入牛肋條的肉入面，越嚼越滋味，齒頰留香，送飯真係一流。順帶一提，蒸蛋好滑，淡淡蛋香，千祈唔好錯過。表妹揀咗豚軟骨拉面，分咗一舊豚軟骨我食。可能係我食過最冧最入味既豚軟骨啦。我聽講唔係個個人食豬軟骨都會將舊軟骨食埋，但minipapa一向會食埋。佢哩度豚軟骨啲肉冧得嚟唔會散之餘，佢啲骨好容易咬，冧果種程度有啲似硬身少少既牛筋，而且仲有啲膠質果種少少癡牙感覺。兩個主食都證明火候同醃肉都非常好。跟餐餃子，有三隻咁多，抵食。最愛食雞軟骨，好好味，雞腎略嫌乾咗少

今天與同事到公司附近的元札幌拉麵店🍜吃午餐~ 一坐下，店員便奉上温熱綠茶🍵一杯。蟹籽沙律，份量比想像中大，可二人share，椰菜絲/青瓜絲/蟹籽口感豐富， 加上沙律醬酸香醒胃。☺️自家製包餃子，外皮微薄焦香，內餡豬肉香口，蘸上醋汁更酸香鮮美~😊豚軟骨拉麵餐🍜，豬軟骨帶肥美甘香的油膏，溏心蛋軟熟入味，麵條彈性適中，湯底加入味噌/奶油/粟米/長蔥，味道鮮甜濃厚，濃而不膩!😊北海道南瓜炸薯餅，外層炸得金黃香脆，內層灼熱香軟的南瓜蓉混合薯蓉，甜美香口~😋跟餐飲品。溫泉蛋牛肉飯餐🍚，份量十足，軟嫩多汁的牛肉鋪滿白飯，温泉蛋🍳為牛肉飯添上馥郁蛋香，滋味十足~😆 跟餐還包沙律、味噌湯及燉蛋，飽肚抵食!👍臨走時，發現這裏有免費玩具給小朋友呢~ 我們也問店員要了一個🎁， 這個午餐真心抵! 😍

荃灣嘅熊貓商場嘅餐廳就去得多喇，皆因我都係係嗰頭返工，但幫襯得最多嘅，就係呢間日本拉麵店---元札幌拉麵。一直都覺得佢地嘅湯底好正，所以一路都有幫襯，而且餐牌款式都好多選擇，豬骨湯好飲到我連個湯都食哂，唔洗10分鐘就食完。不過除左拉面，炸五花楠都係少見，食落好香口又唔太肥，啱哂我地呢d OL。即刻胃口大開，唔理會否吃得太飽........有質素嘅拉麵，真係每個星期都至少要食一次!!!!!!😝😝😝

係大窩口或荃灣區真係好少有好食既拉麵店，今次係大窩口悦來酒店終於有間又好食又抵食拉麵店了。【元拉麵】$55鹽味湯底，湯底同平時係日本食唔同，佢係用豬骨湯底既鹽味拉麵。麵質我們點選硬身，所以麵質都幾彈牙，掛湯能力不錯。有一塊好大塊既叉燒，叉燒又幾厚身而煮得好淋。超好有味。【叉燒拉麵】$75 +$12【糖心蛋】鹽味湯底，叉燒拉麵有成三大塊叉燒，鍾意食日本叉燒的朋友，必選這個，溏心蛋煮得非常入味，流心程度亦不俗！值得一讚。【自家製手包餃子】跟麵+$28拉麵加$28就有一客煎餃子，餃子煎得唔會太燶，但仍保持脆口，而且皮薄餡又多。【北海道南瓜炸薯餅】$18小食就選左北海道炸南瓜薯餅，薯餅做得唔錯，外脆內軟，入面已有軟軟甜甜既南瓜蓉，配埋伴碟既清瓜絲清新不膩。【日式章魚丸】$38之後再選了個章魚丸，比我想像中出色，脆脆的外皮加上咬落裡面大部份都係章魚粒，仲要熱辣辣，這個值得推介。

話說早排隔離屋的陳生在明愛深切治療，家下情況大好，已轉咗去仁濟普通病房留院。我和阿媽去探佢，見佢好精神，睇嚟可以好快返出來，同阿媽和街坊打麻雀了。見阿媽心情咁好，就同佢過去醫院隔離個悅來坊食晏，食拉麵。麵店的主打是札幌拉麵。店子都唔細，有好多位，啲裝修充滿和風，尤其是掛咗好多日式燈籠。對住餐牌，阿媽又係六神無主，唔知揀咩嚟食好，所以又係我幫佢揀。其實，我想食鰻魚飯同拉麵，所以兩樣都叫咗，再叫兩個小食，就夠晒飽。阿媽話飲茶就OK，我就叫多罐可樂歎下。【北河道炸南瓜餅 $18】一件切開上碟。外皮炸得鬆脆，南瓜軟熟香甜。阿媽話南瓜餅永遠都比薯餅好吃。【安格斯肉眼串燒 $38】一串四粒，燒得幾香，不過可能肉太厚，所以有些少韌。【蒲燒鰻魚飯 $90】是定食，所以跟埋麵豉湯、沙律和蒸蛋一齊上。【蒸蛋】幾滑，易入口，味道適中。【麵豉湯】就嫌淡了少少。【沙律】的生菜幾新鮮，啲沙律汁內似乎加咗少少wasabi，所以有少少攻鼻嗰種辣，我鍾意!【鰻魚飯】夠晒大盒。兩條燒鰻魚好肥美。如果啲鰻魚汁再甜少少就更好。【什錦拉麵 $75】可以自選湯底和麵質，我揀咗鹽味湯底和一般麵質。份量又係夠晒大。配料有叉燒、豬軟骨