元札幌拉麵 (悅來坊)

營業中

休息中

今天想吃拉麵，突然想起這間朋友曾提及的元札幌拉麵店，於是便和朋友到來吃下午茶。甫入座，已被舒適的環境吸引，裝潢很有日本格調。雖然地方不算很大，但座位與座位之間不會太擠迫。打開餐牌，有頗多的選擇哩！一個拉麵套餐配一個小食加一罐汽水才七十多元，非常實惠。不喜歡吃拉麵的，可吃其他定食。我和朋友選了叉燒拉麵和豬軟骨拉麵。拉麵麵質彈牙，豬軟骨和叉燒用料十足，湯底濃淡適中。小食方面，我們點了煎餃子和迷你咖喱飯，還點了一個煎鯖魚，非常美味。

今天放假同老婆行荃灣悅來坊。 正正是下午茶時間有朋友介紹一間日式拉麵館，由於過了午餐時段所以唔需要等好耐就有位。 見到menu就叫了一碗櫻花蝦拉麵和札幌螃蟹拉麵， 啲麵質好煙韌而且碗麵都好大碗最緊要係櫻花蝦 ，其實是蟹柳不過吃落都幾特別。 而螃蟹拉麵其實包括有一大塊叉燒以及有啲蝦米放在麵上所以食落好有咬感味道都不錯。 還有雞軟骨小食以及章魚丸， 雞軟骨味道非常爽口 ，而且燒得剛剛好。 章魚丸味道好煙韌而且不油利 ，所以食多兩粒都冇問題。 總括環境都不錯。

今天放工後去咗荃灣區，朋友話不如去熊貓酒店悅來下面食野，原來樓下有好多食肆，今次揀咗一間拉麵舖，原因係被門口D叮噹吸引咗點咗二碗拉麵，分別係雜錦拉麵同豬軟骨拉麵什錦拉麵係樣樣都有D，蟹棒同豬軟骨都有拉麵分量好足，豬軟骨好淋新，個湯底仲要唔肥，不錯。另外，叫咗三款小食，包括炸魚餅，大阪燒同餃子。我特別鐘意食大阪燒，木魚的香味配上沙律醬，蛋香同章魚的質地，係我小食的最愛。呢款餃子跟拉麵一齊叫係有折扣架！

好耐冇去荃灣，原來悅來坊商場入面都有好幾間餐廳， 見到間嘢有好多叮噹，咁搞笑就去試下。 一坐低我嘅左右兩張枱都係外國人，好可能因為間餐廳正正喺酒店下面，所以有好多遊客都喺度食飯。我叫咗個地獄拉麵，個湯底唔油 又夠辣（本人食得辣的），我仲加咗28蚊要四隻餃子，餃子即叫即煎，外皮脆卜卜熱辣辣， 我仲叫咗杯啤酒，好識嘆！我最欣賞就係個溫泉蛋，隻蛋唔會太鹹，味道啱啱好，隻蛋黃仲係漏黃嘅，唔會太熟男朋友話個湯好好味道，好味到飲曬啲湯，最後碗底有「多謝」兩個字，睇見都開心呀！

上星期和朋友去悅來坊 商場shopping， 剛好是晚餐時間 ，朋友提議去食拉麵， 我們就 在悅來坊找到一間 元札幌拉麵店。 這間拉麵店裝修很有特色， 門口掛上紅燈籠 還有幾張枱 擺置在門口可以供給客人， 自由舒適地 坐出餐廳外面 可以輕鬆自然地享受晚餐。order了一碗豚軟骨拉麵 ，只需72蚊 ，很快便有一碗份量十足 ，材料豐富 的豚軟骨拉麵 ，內容有紫菜， 溫泉蛋 ，還有肉質軟滑 ，美味的豚軟骨。再襯托 質感彈牙的拉麵 ，已經滿足到肚福要求。而且很飽足。再加一杯 名字有趣的 招財貓 原來是一尊 特別的飲品 冰凍清甜可口 的 果汁汽水 令人 意想不到 。我們還order咗個小食， 自家製手包餃子， 28蚊。 餃子餡內 的肉 質美味。

路過就被隻叮噹吸引左入去食拉麵地獄拉麵 $68其實好多拉麵睇落都好吸引，但我太鍾意食辣喇，最後都係抵唔住地獄拉麵的誘惑！辣度係容易接受的，唔會話辣到入唔到口，平時食開小辣已經ＯＫ架喇！麵質軟硬適中，咬落口感唔錯～而且唔夠辣仲可以問店員拎「勁辣粉」，我加左少少已經辣到飛起！但真係建議要加，辣得好好味架！自家製手包餃子 $28跟餐總覺得拉麵同餃子係一個SET，如果一間餐龐的拉麵煮得好食，都一樣唔可以錯過餃子！皮薄餡靚，可以一試！北海道芝士忌廉炸雞飯 $73呢個就邪惡喇.....見到咁多忌廉芝士就知，一定係又香又滑啦！炸雞好香口，皮脆而且肉嫩。波子汽水 $24童年回憶，除左好飲，聽到波子碌來碌去的聲都開心！綠茶可樂 $24平時鍾意飲可樂同埋綠茶，合二為一當然要試！個人覺得冇普通可樂咁甜，多左Ｄ綠茶清香，係幾特別的汽水。

喺荃灣熊貓酒店商場裏面有一間拉麵店，係荃灣拉麵店中少數有質素的一間。食嘅時候，真係有喺日本食拉麵嘅感覺！ 原本阿囝起初都唔肯去，因為佢又話要去樓下元乜食壽司！好彩我話佢聽係去叮噹餐廳食拉麵！咁至攪得掂佢！所以鋪頭有一隻卡通公仔，真係會吸引到有小朋友嘅家庭嘅。今晚我地叫咗一份牛肋條飯套餐、一碗地獄拉麵、一碗雜錦拉麵！牛肋條飯餐好豐富，有味噌湯、沙律、蒸蛋及大大碗牛肋條飯，牛肋條肉質夠淋，味道夠濃，仲有蟹柳同溫泉蛋！好味道！地獄拉麵同雜錦拉麵嘅麵質係非常高質素！面本身比較粗而且彈牙爽口！真係非常之好食，地獄湯底個味道唔錯，但係可以再辣啲！呢間荃灣酒店內的拉麵店，一定會再返嚟幫襯。

今日同老公去開荃灣，行經見到食拉麵餐廳就入去食晚餐。我叫了豬軟骨拉麵，碗麵好大碗，好飽肚，麵質煮到剛好，豬軟骨都有4大件，好足料好淋，又夠味，溫泉蛋又係煮到剛好，流心狀，味道唔會過咸，好好味。老公叫了溫泉蛋牛肉飯，個餐真係好抵食，除了飯外還有湯同蒸蛋，日式蒸蛋好滑，唔咸，麵豉湯都唔錯，牛肉飯就不得了，好大碗，好多牛肉，好足料，一啖飯一啖肉，男人食一定好夠。另外，我地叫了一些小食，包括：海鮮大阪燒，好好食，蛋醬唔會過厚，加埋木魚絲食，唔錯。而串燒牛舌，啖啖肉，都幾厚身，同埋肉質都淋，好味。雞翼串燒就燒得剛好，仲有肉汁，加埋檸檬汁食，酸酸地，好夾好好味。食餐飯我地食到好飽又抵食。

是日補假，便到屋企附近找點好食的，此店都曾經來過，位置於電梯後，不過旁邊都是食店，順著行便看到。今次一行過，便見到叮噹於是就選了它！午市套餐 有拉麵 加 小食，一次滿足兩個願望先上的烤雞翼！外皮烤得很脆，略帶鹹味焦香，一口咬進去，肉汁輕輕流出，雞肉滑拉麵是雜錦，有叉燒有蛋有蟹柳，都是滿足幾個願望，味道也因而豐富，湯底是豬骨湯，拉麵彈性口感都不過不失配上鮮磨蒜蓉，香味立即提升再加上勁辣粉這個麵的味道極致提升，豐富的味道多了一點刺激。

星期三落去超市掃貨，人來人往，掃到平貨，排隊俾錢發覺慳左唔少當堂心情靚靚，係商場四圍行吓搵間餐廳食個靚lunch先見到拉麵店，午餐又好似幾扺喎，一於入去試吓先我們叫咗兩個拉麵套餐， 72蚊，有拉麵，有小食再加汽水蟹子沙律清新甜美，清清涼涼，好爽啊日式豆腐滑到不得了，豉油汁淡淡地，木魚絲飄下飄下，令人食慾大增雜錦拉麵，豬軟骨好好味，糖心蛋入口即化十分出色拉麵屬於粗面質地，爽滑彈牙，湯底不會太濃入門口有隻小叮噹，見到佢即刻有返童年回憶，但係細個淨係食出前一定咋，邊有拉麵食咁幸福呀！

約咗朋友到悅來坊 行街， 再去元扎幌 食拉麵， 朋友鍾意 這裏因為 有佢喜歡嘅叮噹公仔同食物味道好，唔貴！有重份量嘅叮噹 坐陣……除左叮當仲有其他卡通公仔，好有趣味性嘅拉麵店！仲有飯定食，串燒物，沙律，梅洒……等選擇！、揀左小食 ;鹽燒五花腩 $ 47一客有六片，配有青瓜絲同沙律醬加上一件檸檬。燒得甘香鬆脆爽口，一啲 肥膩感覺都冇，好惹味！叉燒拉麵 $ 75湯濃味略咸左一點點，麵味道剛剛好！札幌螃蟹拉麵 $ 72蟹柳爽口，溫泉蛋香滑， 拉麵煙韌彈牙！濃湯夠味！份量足夠！小食~北海道南瓜炸薯餅 $ 18炸得好鬆脆甘香绵滑！可口！不错的拉麵店！

我地一家三口經常食呢間拉麵，因為近同又係有bb 櫈呆！開頭覺得好食，但宜家個拉麵質地好似味千咁，有啲失望！另外叫左個免豬便當，不過不失啦，兩個人加埋bb食份量都岩岩好！希望下次有所改善個拉麵唔好咁硬，湯不要這樣咸就好了？每次都有優惠卷但每次都忘記用哈哈！

荃灣熊貓酒店地庫近年不斷有唔同嘅食肆加盟，選擇非常之豐富，今次去元札幌拉麵試吓好唔好味先。揀佢係因為裝修好吸引，特別係大大隻嘅叮噹公仔，非常搶眼。餐廳位於地庫，手機訊號接收不良，幸好餐廳提供免費wi-fi，上網打卡冇難度。餐廳店名寫明拉麵，當然有好多唔同款嘅拉麵供食客選擇。一時間花多眼亂，唔知揀咩好，最終有啲貪心，決定一口氣食曬 餐廳嘅特色，所以揀咗一碗雜錦拉麵(HKD75)。顧名思義叫得做雜錦拉麵，係咩都有，由叉燒、豬軟骨，到札幌螃蟹，樣樣都有得試。 叉燒雖然只係得一塊但非常之大，能夠好好品嚐到當中嘅滋味。札幌螃蟹同樣都係得一件，不過拍埋件叉燒到，視覺效果就蝕底咗少少，鍾意食蟹的話都係叫返一碗螃蟹拉麵啦。豬軟肋骨比較特別，啫喱狀嘅軟骨，好軟滑，感覺有好多骨膠原，食完感覺非常良好。湯底麵底跟返廚師嘅推介，所以味道同現實都係取其中庸之道，無論軟硬同埋鹹淡， 都係恰到好處。另外加了一客日式章魚丸(HKD38)。一客共有五粒，即叫即製，熱辣辣，bite size，既好食又容易食。無額外叫飲品，飲番餐茶，簡簡單單又係一餐。

這天來到悅來坊的元扎幌拉麵，喜見多拉A夢於店面歡迎客人！是日㕑師推介頗吸引。小小的麵店裝修骨子整潔，侍應服務面帶笑容又有禮，讓心情也加了分。蟹子沙律 $25 蟹子晶凝，蔬菜新鮮，份量也剛剛好。鹽燒海馬友 $98 肉質鮮香的海馬友，足有八吋長度，價錢很實惠。豬軟骨拉麵 $72 大大碗拉麵，非一個女仔能消烕，四、五片豬軟骨香稔軟嫩，拉麵滑滑爽彈。炸豆腐 軟滑的豆腐，蘸點帶淡淡醬油香的醬汁，簡單的食材，有驚喜！枝豆 $22 枝豆非常新鮮脆綠，又有豆香。

以前係附近返工都未食過呢間拉麵所以有機會約舊同事食飯既時候，等放工到附近嘅呢間拉麵店試試呢間拉麵店地方唔大，但衛生相當好同好乾淨，服務員亦好有禮貌！抵讚！接近夜晚9點，所以人唔算太多，坐得好舒服！拉麵同小吃方面選擇都唔少而我同我朋友都簡咗地獄拉麵，而小吃方面加28蚊有4隻餃子，同埋叫咗雞軟骨地獄拉麵 $68地獄湯底相比其他嘅拉麵黎講唔算咸，不過唔夠辣，如果可以再辣啲會更加perfect!個人好中意食竹筍，見佢比多好感動麵質彈牙，幾軟身，平靚正！自家製手包餃子 $28如果叫咗拉麵，可以以優惠價28蚊(原價$32)加4隻餃子。餃子味道唔錯，不過淋身小小，可以點下啲拉麵湯更好味！串燒雞軟骨 $181份有2串雞軟骨，加上七味粉會更好食！整體黎講係平靚正！下次有機會再黎食過～