元札幌拉麵 (悅來坊)

營業中

休息中

千色店29周年樂購物的大特賣由4月25日開始，所以今天早上便去到荃灣店 shopping。逛畢便到了朋友介紹位於附近的悦來坊吃日本拉麵作午餐。位於B1的元扎幌拉麵店的日式裝修和柔和的燈光，給人一種置身於日本小店的感覺。一進入店內便被那個大多啦A夢所吸引，它似是肩負起歡迎人客的任務，非常可愛！一坐下，服務員便遞上了熱茶和餐牌。看過餐牌後，我倆不約而同都各叫了雜錦拉麵和一個小食。～雜錦拉麵 （$82）這個雜錦拉麵賣相不俗，分量不少，麵質彈牙，配料豐富。淋淋軟軟的豬軟骨頗為入味，切得薄薄的日式叉燒味道不錯，蟹柳味清甜，粟米粒有咬口，芽菜爽脆，再配上大量紫菜和一個濃濃的湯底，滋味無窮，令人感覺滿足。～自家製手包餃子（$28)這日式餃子雖然不是煎得很脆，但餃子皮仍是煙韌，饀料豐富。沾了醋來吃，味道更好。～吉列蝦（$58）蝦炸至金黃色，外脆內軟，蝦肉晶瑩滑透。沾上沙律醬或沙律菜來吃，便能中和了熱氣。若再加點檸檬汁，味道就會更清新。不可不提，此店的服務員非常細心，不時為客人添上熱茶。我倆對今天的午餐都非常滿意，捧腹而回。

悅來坊好耐無行過，原來多左好多食肆，響食肆B1果層，見到有間日本裝橫既拉麵點，正正想食湯類既野～～～店內有隻超大多啦A夢，是呢度生招牌嗎？😆可愛～～先來兩杯清茶，熱度剛好！北海道櫻花蝦拉麵，先食櫻花蝦連啖湯粒粒脆口，配上肥瘦剛好既叉燒海鮮拉麵夠料wo，配菜芽菜都唔小，連d海鮮蜆同蝦都吸曬湯底既精華！冷菠菜係日本野我都會點黎食，菜上既配料絲帶來點味道，再沾上胡麻醬，菠菜鮮爽，開胃小菜之選！抹茶可樂有陣茶既回香味，清清地！晚餐$250有找 滿足

上星期喺荃灣見完客之後放工咁啱屋企冇人煮飯於是就喺附近搵吓有乜嘢食，留意到呢間餐廳咁岩入邊都幾多人又唔使等枱於是入去試吓佢哋嘅拉麵款式都幾多而且湯底同軟硬度亦可以選擇，另外亦都有飯類提供，結果我諗左好耐先決定到食咩叫咗佢哋一個ankake拉麵，有叉燒同半隻溫泉蛋，湯底係味增湯底，拉麵硬度我選擇咗適中，食落亦都非常彈牙，而且佢嘅溫泉蛋做得好出色，糖心效果一流叉燒同樣地份量都唔算細整整一大塊，呢個價錢非常抵食另外加叫咗雞軟骨串燒，一食就食到係即叫即燒，又熱又香脆食緊拉麵嘅時候因為頸渴叫咗波子汽水飲，配上拉麵真係一流呢間餐廳都幾值得再嚟，如果有一日再喺荃灣放工一定會過嚟再食

以前光顧過荔枝角嘅元札幌拉麵，佢嘅拉麵確實很有水準，爽滑彈牙。今晚去荃灣購物，原來悦來坊都有分店，一於去幫襯吓。店舖位於地庫，裝修簡潔，大大個叮噹公仔作招徕。今次食吓佢D飯餐，點左蒲燒鰻魚飯，沙律前菜很新鮮爽脆，開胃可口。麵豉湯清淡，唔會太鹹，幾好飲。鰻魚飯都幾大盒，鰻魚又大件又厚，肉質嫩滑，冇草腥味，蛋絲幾香口，特製醬汁混和熱飯，送飯好好味，份量又足夠。小食串燒牛舌夠晒爽脆，肉汁濃厚有牛味，幾有嚼口。香煎南瓜餅好香脆，南瓜饀夠清甜香滑，作為甜品係唔錯嘅選擇。

今日同我女人出荃灣行街，求奇簡左間拉麵試下，點知又簡中間偽好評餐廳。分別叫左四樣野Ankake拉麵，雜錦拉麵，自家製手包餃子，同埋燒鯖魚。全部都無樣掂，膽量收我六七十蚊🤷🏻‍♂️湯底叫左醬油，純粹係微鹹味而唔係醬油味。麵質，同茶記叫碗拉麵既麵質係一樣，無論硬度係軟定一般都無乜分別。叉燒，真唔係好掂，啲肉實既，似係啲食品批發買返黎。豬軟骨，不知所謂，成舊都係肥膏黎。其餘拉麵配料就正正常常無乜嘢。餃子，係咪自家製我唔知，質素同一般超市冷藏貨差不多。燒鯖魚，一般，份量係大，但係記唔會去埋骨。

平時過黎荃灣悅來行Aeon 同12 蚊店，好少係度搵食，今日中午想食日本野，咁我就梗係search 下open rice 睇下有咩餐廳附近岩食啦就見到元札幌拉麵，都幾多好評，見多數主要食拉麵同小食！諗住輕食個中午，咁就近近地試下吧～我就揀左一個 Lunch set 燒肉飯定食 $58一set : 個飯肉汁豐富，洋蔥味飄香， 配上蒸滑蛋好味道呀！再可以自選一款小食或者飯，例如：串燒雞翼、燒多春魚、炸豆腐、枝豆、手包餃子等等...樣樣都係我心頭好都想試，真係好難揀，最後揀左個蟹子沙律，好夠質量，不錯不錯～個餐再可選揀一款汽水，咁豐富令人開胃既午餐認真抵食！

今天與男朋友四處逛街時,當然要尋找一下荃灣的美食我們想了很久才選擇了吃日本菜這一個商場有很多的美食, 我們逛了一逛才選擇來到此拉麵店, 原來這間店鋪有另一家的分店門面十分吸引,暗暗的環境, 進內的感覺就像置身於日本一樣我們先叫了兩個拉麵,此拉麵店與街外的不同地方為他們的拉麵只有味噌,醬油及鹽味三種選擇Ankake拉麵($72)點了一個以味噌將以味噌調味的醬汁作為湯頭,以重口味的味噌拉麵為特色,甘醇香濃拉麵點了軟身,因為本人比較喜愛吃軟身的拉麵另外額外加了$18元點了一個自家製手包餃子, 小妹十分喜愛吃餃子,當然不會放過同行男朋友的拉麵,因為太忙於吃飯完全忘記了拍照來到日式的餐廳,當然也要嘗試一下燒鯖魚($58)烤鯖魚厚實大片，油亮酥香的表皮魚肉富含油脂，僅灑鹽的簡單調味，出肉質甜美。再沾少許檸檬汁，化開了魚脂的油膩感

今日Lunc又再來[ 元札幌拉麵 ] 食拉麵，食過多間的拉麵都是數這間的最合我口味！ 所以最近都愛常來吃不同款的拉麵。 多款拉麵如 ；香葱拉麵，海 鮮拉麵，牛油拉麵 ，螃蟹拉麵，叉燒拉麵，豬軟骨拉麵……等等。 都幾乎試過了，實在喜歡吃拉麵！ 今天再吃豬軟骨拉麵，又淋又滑充滿肉香的軟骨非常滋味！而麵又夠彈牙，湯底濃郁！每次連湯都喝清光！半隻流心蛋絲般軟滑，海帶粟米令這碗拉麵更添上爽爽的口感。 加一個小食：燒得甘香肉嫩的 串燒雞翼，一樣的令人回味！

與妹妹又到悅來坊購物，再心思思到"元札幌拉麵店"吃拉麵，上次吃完印象深刻好好味！ 喜歡這店小小，有東灜味也有玩味，一些卡通公仔裝飾着空間，由其大大個直立的''叮當"更是我的最愛的。 這裡小食，拉麵，燒物，飯……味道都很滋味！小食我最愛……燒年糕串 $ 28年糕煙煙韌韌醬油味帶咸甜的，微微脆口，好味！燒八爪魚餅 & 32夠爽口！塩燒五花腩 $48肥瘦，咸道都適中，口感爽而不油 膩！跟上次吃到的一樣，保持到水準！燒多春魚 $ 32甘香，脆口！串燒雞翼 $18肉質嫩而香口！豚軟骨拉麵 $ 78厚而大件的豚肉夠淋兼入味！拉面彈牙，流心蛋滑滑的，好味！吃完了小食，拉麵很滋味！吃飽飽很享受！！

今晚同老公放咗工之後行開附近， 見到呢間餐廳幾有特色，一於入去食個晚餐😊一入到去， 座位都坐得好舒服， 好有禮貌。我老公叫咗碗雜錦拉麵，佢話d食材真係好豐富😍😍， 有豬軟骨，叉燒，溏心蛋等，好足料，豬軟骨同叉燒都好林，好有口感 我就叫咗碗野菜拉麵， 雖然個名叫野菜拉麵，但都有叉燒😍 雜菜又好清甜，啱曬我呢啲鍾意食菜嘅人😋😋同埋拉麵都好入味👍👍👍 我另外仲加配咗粟米同埋海藻， 粟米就咁食都覺得好鮮甜，放落湯底到就更加入味😋😋我地又叫咗兩個小食:枝豆同埋牛舌，枝豆上面 滲咗少少鹽落去更加入味😋😋 牛舌軟脆又帶有彈性既口感👍👍👍整體上，我地都幾滿意呢間餐廳， 下次再試下其他款嘅食物😋

成日諗唔到食咩就會食日本野 種類多 食多食少都得！今日就係悅來坊見到呢間元札幌拉麵 見到佢餐牌原來唔係淨係得拉麵 有定食又有小食 所以決定試下！我地點左兩個主食加三個小食 首先黎左個蟹籽沙律 佢好大碟 同個拉麵碗咁既size😂醬都撈好左 唔會怕食到尾冇曬沙拉醬💁🏻‍♀️之後到餃子 煎得好香 皮都夠薄 脹卜卜既好多料💁🏻‍♀️最推薦係牛舌！夠厚 燒既時間岩岩好 好爽 牛味好重 少少鹽少少檸檬汁調下味已經好夠🤤🤤🤤之後到主食 我點左一個鰻魚定食 有好多配菜 個蒸蛋好滑☺️鰻魚都燒得幾香 就咁食呢個set都一定夠飽！朋友點左個牛油拉麵 牛油好大舊 溶左落啲湯度好香 唔會怕好膩 叉燒都好大塊 肥瘦都有 唔會太乾或者硬💁🏻‍♀️

作為荃灣既街坊, 今日男朋友接我收工送我返屋企就係屋企附近食, 見到D間元札幌拉麵好似幾對辨咁我地就行左入去食啦櫻花蝦拉麵-$88櫻花蝦數量都有唔少, 令到個湯底多左櫻花蝦味, 幾好飲, 而入面舊叉燒都好食, 配菜都唔錯, 另外麵都煮得岩岩好, 軟硬適中豚軟骨拉麵-$78豚軟骨煮很好入味, 軟硬適中, 幾有口感拉麵加配-$28煎得幾香脆, 而餃入面都仲有唔少肉汁, 幾好食的日式煎餃串燒雞翼-$18少少咸, 多多脆, 燒得高明, 雞肉仲保持到肉汁唔會燒到乾晒, 讚呀!另外+$16有埋汽水同埋流心蛋總結麵煮得幾好味, 小食都唔錯, 原來我一直MISS左屋企附近D間高質小店

同朋友行完超市掃貨，順便喺商場食飯，一心想食日本嘢，點知就俾我哋見到拉麵店，於是呢晚就喺度食飯。我叫咗北海道櫻花蝦拉麵，湯底有濃濃嘅蝦味，拉麵要了硬一點，邊食邊浸湯都唔會變到好淋，麵質彈牙，拉麵主要有櫻花蝦、叉燒同昆布，由於很喜歡食竹筍，所以特別加咗碟竹筍，竹筍爽脆，即時慾大增。朋友點了叉燒拉麵，份量都幾多，湯底就飲到豬骨香味。我哋另外叫咗串燒雞軟骨，雞軟骨燒得剛好，好爽脆，只係落咗少少鹽調味，已經好好食，加埋檸檬汁，就更加可以減低熱氣嘅感覺。海鮮大阪燒熱辣辣，份量剛夠2人食，面頭鋪咗好多木魚碎，粉漿比例開得剛好，大阪燒食落軟硬適中，而且仲有好多海鮮配料，好美味!

今次係第二次嚟食，上次係朋友約我嚟呢度食飯，食過一次覺得呢度又抵食、又好食、環境又舒服，所以今次帶埋屋企人嚟食講下個環境先一去到就好似去咗日本咁相當有氣氛餐廳裏面仲有隻大大隻嘅多啦A夢餐牌一坐低，職員見我哋有小朋友，大人就奉上熱茶，而小朋友就好細心咁比咗杯水小朋友，再加上一套超靚嘅餐具，小朋友好鍾意，食得超開心呢度主打拉麵，但我哋今次冇食到因為我上次食咗個飯超好味，所以介紹咗比老公食餐有湯、茶碗蒸、沙律真係超值價重點係好好食，仲要咁多份量海鮮大阪燒呢個，我同老公都一致認同好食過我哋去大阪食嘅，超多料，去大阪都食唔到呢個味道，認真推介串燒牛舌、牛粒、雞軟骨首先要讚嘅係我鍾意佢唔用竹籤，一嚟環保、二嚟d肉唔會痴實支籤牛舌超香、超重牛味牛粒肉嫩多汁雞軟骨味道剛好，唔太咸蟹籽沙律鍾意佢撈暈哂啲蟹籽後，面頭再放蟹籽除了青瓜蟹柳外，仲加了啲菜開頭食感覺唔同平時啲蟹籽沙律，但食食下越食越好食，真係超開胃臨走前，職員見到我哋個小朋友就送了一份小禮物比佢，雖然唔係啲咩特別野，但講真呢度職員係細心有禮貌，服務真係好好，所以要特別一提讚下先

今日同朋友相約行荃灣，黎個快閃lunch。行過商場見到好吸引門面既多啦A夢，就入去試下啦門口有大大塊電子menu，好新穎，裡面裝修都好日式風格。果然係札幌拉麵既感覺。食物都好平靚正，我地入座係下午茶時間，有套餐叫。我梗係要試下個拉麵啦！黎個札幌螃蟹拉麵，個蟹棒真係啖啖肉，唔係粉做既蟹柳拉麵非常彈牙爽口，湯底好入味，好耐無試過咁地道拉麵。套餐再有三隻自家制餃子🥟，d餡料真係好特別。朋友就食左個吉列炸蝦飯，個汁係好濃，蝦好香口。配飯正，