元札幌拉麵 (悅來坊)

營業中

休息中

上星期喺荃灣見完客之後放工咁啱屋企冇人煮飯於是就喺附近搵吓有乜嘢食，留意到呢間餐廳咁岩入邊都幾多人又唔使等枱於是入去試吓佢哋嘅拉麵款式都幾多而且湯底同軟硬度亦可以選擇，另外亦都有飯類提供，結果我諗左好耐先決定到食咩叫咗佢哋一個ankake拉麵，有叉燒同半隻溫泉蛋，湯底係味增湯底，拉麵硬度我選擇咗適中，食落亦都非常彈牙，而且佢嘅溫泉蛋做得好出色，糖心效果一流叉燒同樣地份量都唔算細整整一大塊，呢個價錢非常抵食另外加叫咗雞軟骨串燒，一食就食到係即叫即燒，又熱又香脆食緊拉麵嘅時候因為頸渴叫咗波子汽水飲，配上拉麵真係一流呢間餐廳都幾值得再嚟，如果有一日再喺荃灣放工一定會過嚟再食