元札幌拉麵 (悅來坊)

營業中

休息中

係日本返黎之後 一路都好掛住佢地啲拉麵今晚襯住星期三 捉媽媽陪我回味下咁就去左熊貓酒店樓下嘅元札幌拉麵啦裝修方面的確有啲似日本嘅居酒屋嘅我地一人叫左一碗拉麵同一款小食拉麵方面 除左有三款湯底(味噌/醬油/鹽味)之外連麵質都可以㨂 硬/一般/柔 都算係相當細心我㨂左最出名嘅叉燒拉麵 配上味噌湯底麵質都算彈牙 而且有四大塊叉燒媽媽就㨂左佢至愛嘅豬軟骨 小食方面 加左優惠價嘅煎餃子 啖啖肉 中間有汁不過略嫌唔夠脆身 但都已經好好味

北海道櫻花蝦拉麵醬底：鹽味麵硬度：硬跟餐$28 煎餃子因為湯底係豬骨湯，第一啖會覺得濃口蓋過櫻花蝦嘅味道醬底揀咗鹽味，吊返起海鮮既味，第二、三啖開始有啲鮮味出返黎，湯底濃而不膩櫻花蝦嘅量一點都不少，整個湯面都佈滿櫻花蝦，每一啖都有櫻花蝦既味，加埋少少鹽水味互相映襯此店主打札幌拉麵用嘅麵係曲麵，掛到湯又帶起到啲蝦，叉燒選用厚切，半肥瘦，肥位濃香、瘦位唔韌，但略嫌腌得咸左啲啲最後係另加嘅煎餃子，餡料足，皮唔厚，整體成個餐滿足感十足，食完暖身繼續工作

呢間拉麵鋪係熊貓商場裡面，食過唔止一次啦。lunch time去食，真係可以包埸，我地食果1個鐘裡面，只係得我地一枱人，好正。😅—拉麵鋪既選擇向來唔多，離不開果幾款。—叉燒拉麵4塊叉燒，中等厚度，軟硬度適中，有少少肥膏，唔會太乾。🙂湯底有少少咸，鹼水味偏重，藍妹認為麻麻。🙂—北海道南瓜炸薯餅薯餅比拉麵出色，炸得夠香脆，炸漿亦唔會太厚。南瓜味唔會太重，夾埋薯蓉一齊好香。😍—以lunch黎講，呢間拉麵都幾貴，今次藍妹呢個餐，一個麵＋小食＋野飲，都已經要接迎80蚊。😥就近有更多平啲同好食啲既選擇，如果好鐘意食拉麵，可以試下。但藍妹認為回頭率唔會高。😕

依家荃灣好多大型商場俾你行，行到攰亦都可以去美食區搵你一間想食嘅餐廳入去，而我，就入左食拉麵，因為見佢啲裝修都好日本風，仿如置身於日本一樣。佢地除左拉麵之外亦有飯俾你選擇，都好貼心呢。覺得個麵唔夠味？唔夠辣？唔緊要，調味架上有蒜蓉，七味粉，麻油，辣油。佢地啤酒好冰凍，就連個杯都係雪凍左先，保凍亦好持久。呢個小食係炸豆腐，黎到好香豆腐味，外脆內軟，亦都好熱辣辣。同朋一人一個拉麵，佢叫左地獄拉麵，顧名思義係紅色，亦即是辣既，但朋友就略嫌唔夠辣，需要調整一下。呢個係豚軟骨拉麵，豬軟骨好舊，d肉好林，亦好入味，拉麵份量剛剛好，整體唔錯。另外再叫左雞軟骨同雞腎既串燒，燒得好香口，不過雞軟骨較硬。如果你食得好辣的話，就需要向店員索取一樽超級辣粉，但我食得辣既黎講就覺得無店舖講得咁辣呢。

熊貓酒店商場有唔少餐廳，呢晚去咗元札幌拉麵。餐廳在B1樓，地庫上網訊號或許會爭啲，餐廳貼心地提供 wi-fi，確保訊號無阻。見到餐牌上面嘅推介北海道櫻花蝦拉麵，於是叫左一碗。櫻花蝦非常之多，滿滿的，香脆可口；櫻花蝦下邊就係叉燒，十分大塊，有咬口；仲有半隻溏心蛋！麵質恰到好處，無話太硬又唔會太軟。湯底夠熱，食完成個人暖笠笠。加咗個燒多春魚做餸，一碟總共有三條，燒到好香脆；加少少檸檬汁，味道更加吸引，而且開胃。呢餐埋單HKD132。

今日放假，落到荃灣悅來坊睇有咩嘢食，結果比餐廳個裝潢吸引住，所以入黎食碗拉麵先😋😋餐廳內部環境富有日本風格，主要用木同埋竹等材料黎裝修，比到客人置身其中嘅感覺。好鍾意店舖裡面依嘅茶杯❤️❤️特別鍾意依個pattern！一邊欣賞店內環境，嘢食落單唔洗等好耐就有得食😋😋吉列蝦：送到黎仲熱辣辣，外層好薄、好鬆化，唔係好油膩，加埋青瓜絲食，感覺好fresh。札幌螃蟹拉麵：拉麵份量好足，湯底好夠味、唔太油，拉麵軟硬度適中，螃蟹柳都好鮮甜，食落唔會好易散開😋❤️鰻魚飯：另外朋友叫咗一個鰻魚飯食。鰻魚有炭烤嘅焦香，加上蒲燒醬汁，非常出色。連埋撈左鰻魚汁嘅白飯一齊食，美味立即升級。

朋友在悅來坊商場工作， 適逢 我今天放早，便 到悅來坊等朋友放工， 然後 一齊食晚餐 ，再找地方消遣下。 朋友工作 地方附近 有間'元札幌 '日式拉麵， 朋友介紹這間餐館的拉麵口碑不錯， 所以我們便到元扎幌拉麵進餐。餐牌上有很多款式選擇， 我先選了 北海道芝士忌廉吉列炸蝦飯 。 芝士味香濃 ， 吉列炸蝦也很酥脆， 配合忌廉汁加入，飯 味更有西式效果個人很喜歡。朋友選了 招牌牛油拉麵， 厚厚的一舊牛油放在麵上， 只需搞兩搞，便 很快融化，湯底即時溢出牛油香氣，拉麵的麵質 彈牙爽滑， 湯底香濃。朋友叫咗小食，安格斯肉眼串燒 和炸南瓜。值得再試。

同朋友去悅來坊廣場shopping後， 在悅來坊一樓 有間"元札幌拉麵"吃晚餐， 這間餐廳是在大街地舖， 門口掛上大大個 紅色的 燈籠， 非常易搵。我先揀選咖哩钣 套餐 $62，配料有 甘筍粒， 薯仔粒，少許肉碎 。咖哩汁味特別香濃 ，味道美味認真醒胃。 還有餐前雜菜沙律 ，蒸水蛋和麵豉湯。朋友便 揀選了櫻花蝦拉麵$88， 拉麵滑口彈牙， 配合三隻天父嚟蝦 ，炸到脆卜卜 賣相吸引， 湯底 味道 一般、 個人感覺有調較空閒。我們還選了一個小食， 燒多春魚 和北海道南瓜炸薯餅， 燒多春魚可能 時間燒多咗， 感覺有點,燒燶， 但都可以接受。 北海道炸薯餅， 每份有兩件， 薯餅脆口香甜，如果份量多些就最理想。 餐廳內有清茶供應， 服務態度值得 讚許。

難得放假 約媽媽一起去逛街來到了悅來酒店的商場原來比以前多了很多餐廳肚子餓了 跟老媽一起吃拉麵來到了札幌拉麵餐廳乾淨 舒適 位置很舒服而且還有寶寶餐凳提供服務很周到中間擺了個巨型的多啦A夢 吸引不少小朋友來拍照首先來了個蟹仔沙律很多沙律 很JUICE青瓜絲很脆 很新鮮本人點了一個地獄拉麵辣度剛剛好 拉麵軟度適中豚肉肥瘦均勻濃濃的湯汁配上2個溫泉蛋媽媽叫了一個叉燒拉麵好幾塊叉燒 媽媽吃不完 還給我夾了點一塊塊厚厚的昆布我們加$28 多了4個手製的餃子餡料豐富 配上醬汁 非常搭配還叫了甜薯給兒子自己拿來吃迷你版的甜薯 兒子超級愛吃連皮一起吞很甜 小朋友愛吃h

朋友介紹荃灣有間正宗日式拉麵館，裝潢是日式風格，加上兩隻極可愛叮噹，都吸引唔少客人。我當然食地獄拉麵，因我喜歡食辣。湯低味道好特別，辛辣味不會搶去濃湯味道，如果你想再辣D,可以再加入七味粉。地獄拉麵都有好多配菜，有一隻溫泉蛋，好好食的，叉燒等。拉麵彈牙爽口，叉燒肉質嫩滑，都有正宗日式拉麵味道。雜錦拉麵$82，是濃郁豬骨湯低配有豬軟骨、蟹棒和半隻溫泉蛋等。湯低好好飲，拉麵和湯一起吃，真是回味無窮。小食方面，就選了日式章魚丸，面上灑上好多好輕盈片，食落仲係熱騰騰，一粒粒章魚煙靭彈牙。好食迷你甜薯，都係大家必吃食品。外面好難買到咁甜又軟身番薯。最後要一讚店員，好勤力有空時就幫每個客人添加茶水，又有禮貌。

今日約了朋友到荃灣悅來坊商場食飯，這裡已開了不同大小食店，任君選擇。有一間放了2隻大型叮噹嘅拉麵館，我就入去回味吓童年回憶。店內裝潢都幾特別，坐位舒適。餐牌上有圖片列名，容易選擇。我就選了個鰻魚飯套餐，有味噌湯、沙律，蒸蛋。果盒鰻魚飯都幾大盒，可以兩個人食都得，鰻魚好新鮮，配上特製燒汁，好味。另外個蒸蛋好滑，送上來時仲係好熱。沙律係鮮果薯仔，配小量沙律醬，味道適中。整體來說$90/套餐，都係幾低食。另外朋友叫左個叉燒拉麵$82。大大塊日式叉燒，我都忍不住攞件來吃，味道不錯，肉質鮮嫩，湯低是用濃郁豬骨湯，不肥膩。我朋友食得好滋味。野菜魚餅$38，我覺得呢個魚餅應該自家制的。因為食落富有魚肉鮮味，又夠彈牙有口感。

放工時間來到荃灣搵好好野食才回家，來到悅來酒店,想起很久沒有吃過拉麵，便決定到元扎幌一試！雖然時間尚早，但已有不少食客用餐，店子雖不大座位舒適。其實拉面以外的選擇也不少，不少小食跟飯類可供選擇！還有是日精選的店長推介可供選擇！最後我們選擇了地獄拉麵，北海道芝士忌廉吉烈炸蝦飯和兩款小食—- 農田揚炸雞及牛舌串燒作為晚餐！先來北海道芝士忌廉吉烈炸蝦飯！炸蝦香脆，熱辣辣的，配上極香濃的芝士忌廉汁，好好送飯哦！！完全是要人吃掉所有飯的醬汁！白汁內還有薯仔！吸收了芝士的味道好好味！燒牛舌燒得剛好，外微焦，內裡肉嫩！juicy 的！農田揚炸同樣不會乾爭爭的，保留了內裡的肉汁！又不會過咸！地獄拉麵，湯底濃，味道剛好！嗜辣的我就不覺得好辣，面質幼身，軟硬適中，但其實店家可按你要求改變口感配合你喜好啦！我個人較喜愛硬身麵食。大滿足的一餐，兩人吃以上其實有點多😂，但價錢平民哦！😉

今日放工自己一個搵野食就喺公司附近簡單d食拉麵啦座位好有空間感，基本上每枱都有自己既空間櫻花蝦拉麵湯底係拉麵既靈魂，豬骨湯底係我鍾意既，我好怕有d豬骨湯話就話係濃其實得個咸字又漿住晒咁，而哩個香濃得黎係比較清爽既口感，飲埋d湯都完全唔會覺得膩。櫻花蝦亦濃淡得宜，少少咸香好吸引。除此之外仲有一大片叉燒，帶少少脂肪，口感軟嫩。拉麵方面係彈牙偏軟，可以掛到足夠既湯好正。綜合一句就係好好味雖然位置係有少少僻，但真係值得搵黎試下

約左朋友收工在荃灣食晚飯，因為無訂位，就在商場入面搵食。見到一排食店當中，呢間拉麵店有好多叮噹，幾得意，就入去試下。店內除左有好多叮噹公仔，重有幾多特色日式擺設，好有心思隻茶杯都好日式食麵加少少錢28蚊就可以有一份四隻既home made韭菜豬肉餃子，兩個人share 都夠食，餃子足料，味道岩岩好，而且煎得岩岩好朋友叫左個雜錦拉面，有蟹柳、义燒、豬軟骨同半隻蛋。佢話都唔錯，湯底味道岩岩好，麵不會太林太硬，义燒同豬軟骨都好夠味。而我呢個地獄拉麵呢，就有幾塊义燒，我覺得個辣度岩岩好，唔會太辣，少少辣，湯底都ok,麵都算彈牙炸豆腐比我地想像中大份，性價比高，而且味道不錯燒雞翼串賣相幾好，燒得好香，但如果鹹少少會更好整體黎講，餐廳環境不錯，食物都比想像中好，始終是價錢比較親民的日式餐廳，能有這樣的水準算不錯了

黎到荃灣，一定要同朋友黎食呢間＂光札幌拉麵＂，外面及餐廳內的佈置充滿日式風格，而且仲好乾淨添，都食得非常開心😃食物方面，有好多唔同嘅選擇，餐牌好豐富，而且價錢唔貴除了日本定食之外，仲有好多小食俾食客選擇添！呢個日去煎餃，佢嘅餡料仲非常豐富美味架！呢個沙律，好新鮮！呢個當然係牛肉飯定食啦！美味之餘，份量十足！仲有溫泉蛋添呢個係炸豆腐，有好多食客都支持呀！一口牛，一定要試，肉質味道香濃大大碗！好好食