影片
更多
2018-01-21
142 瀏覽
話說早排隔離屋的陳生在明愛深切治療，家下情況大好，已轉咗去仁濟普通病房留院。我和阿媽去探佢，見佢好精神，睇嚟可以好快返出來，同阿媽和街坊打麻雀了。見阿媽心情咁好，就同佢過去醫院隔離個悅來坊食晏，食拉麵。麵店的主打是札幌拉麵。店子都唔細，有好多位，啲裝修充滿和風，尤其是掛咗好多日式燈籠。對住餐牌，阿媽又係六神無主，唔知揀咩嚟食好，所以又係我幫佢揀。其實，我想食鰻魚飯同拉麵，所以兩樣都叫咗，再叫兩個小食，就夠晒飽。阿媽話飲茶就OK，我就叫多罐可樂歎下。【北河道炸南瓜餅 $18】一件切開上碟。外皮炸得鬆脆，南瓜軟熟香甜。阿媽話南瓜餅永遠都比薯餅好吃。【安格斯肉眼串燒 $38】一串四粒，燒得幾香，不過可能肉太厚，所以有些少韌。【蒲燒鰻魚飯 $90】是定食，所以跟埋麵豉湯、沙律和蒸蛋一齊上。【蒸蛋】幾滑，易入口，味道適中。【麵豉湯】就嫌淡了少少。【沙律】的生菜幾新鮮，啲沙律汁內似乎加咗少少wasabi，所以有少少攻鼻嗰種辣，我鍾意!【鰻魚飯】夠晒大盒。兩條燒鰻魚好肥美。如果啲鰻魚汁再甜少少就更好。【什錦拉麵 $75】可以自選湯底和麵質，我揀咗鹽味湯底和一般麵質。份量又係夠晒大。配料有叉燒、豬軟骨
麵店的主打是札幌拉麵。
店子都唔細，有好多位，啲裝修充滿和風，尤其是掛咗好多日式燈籠。
對住餐牌，阿媽又係六神無主，唔知揀咩嚟食好，所以又係我幫佢揀。
其實，我想食鰻魚飯同拉麵，所以兩樣都叫咗，再叫兩個小食，就夠晒飽。
阿媽話飲茶就OK，我就叫多罐可樂歎下。
【北河道炸南瓜餅 $18】一件切開上碟。外皮炸得鬆脆，南瓜軟熟香甜。阿媽話南瓜餅永遠都比薯餅好吃。
【安格斯肉眼串燒 $38】一串四粒，燒得幾香，不過可能肉太厚，所以有些少韌。
【蒲燒鰻魚飯 $90】是定食，所以跟埋麵豉湯、沙律和蒸蛋一齊上。
【蒸蛋】幾滑，易入口，味道適中。【麵豉湯】就嫌淡了少少。
【沙律】的生菜幾新鮮，啲沙律汁內似乎加咗少少wasabi，所以有少少攻鼻嗰種辣，我鍾意!
【鰻魚飯】夠晒大盒。
兩條燒鰻魚好肥美。如果啲鰻魚汁再甜少少就更好。
【什錦拉麵 $75】可以自選湯底和麵質，我揀咗鹽味湯底和一般麵質。
份量又係夠晒大。配料有叉燒、豬軟骨、蟹柳、雞蛋、昆布和粟米。
麵質爽口彈牙。
豬軟骨煮得好腍滑，連骨都可以吃。
叉燒好大塊，肥肉唔多，唔油膩。
我問阿媽呢餐覺得點? 佢話都唔錯，大件抵食，味道又有番咁上下，仲好食過兩年前去北海道食過嗰啲添，何須坐四個幾鐘飛去北海道去食?
張貼
