影片
更多
2018-01-31
38 瀏覽
上星期去荃灣接男朋友放工行下，甘岩係悅來坊入面經過見到呢間勁有和風裝潢既拉麵店就心思思入左去試。我地兩個人叫左一個饅魚飯同ANKAKE拉麵（醬油湯底既拉麵）試下，再加左一碟餃子一串燒紫薯同一樽日本既特色汽水。首先一黎就係個拉麵先喇，個人勁鐘意食醬油湯底，所以特別叫左呢個，入面仲要有我最愛既荀！勁正！呢碗都係屬於基本拉麵款有齊豚肉，糖心蛋，荀，昆布甘。d麵係粗身同曲個款拉麵，幾彈牙，至於個湯底就只係正正常常，唔係話好似自家製一蘭自己淆既個種湯，只係普普通通味精拉麵湯底。但整體唔錯，最緊要價錢算好平民，$68，個質素算係差不多。之後就係個饅魚飯。男友話個饅魚飯勁正，個人都好認同！個饅魚飯比拉麵仲好食！雖然饅魚飯比較貴少少（$90），但質素有番甘上下，饅魚都幾肥美同大條，所以好夠送哂成盒飯甘食！呢個推薦啊！因為兩個實在太貪食，又再叫多左兩個小食就係餃子同燒一口紫薯喇。小食就正常，口痕既都不妨叫下，送下口都唔錯。個日式汽水包裝好q，男友係餐牌見到「招財貓」呢個名好好奇係咩黎所以就叫左黎試，結果其實同忌廉係一樣味既飲品黎哈哈！鐘意個樽仔既人叫黎飲都抵既！兩個人最終食左$244，總括黎講算叫平民既
我地兩個人叫左一個饅魚飯同ANKAKE拉麵（醬油湯底既拉麵）試下，再加左一碟餃子一串燒紫薯同一樽日本既特色汽水。
首先一黎就係個拉麵先喇，個人勁鐘意食醬油湯底，所以特別叫左呢個，入面仲要有我最愛既荀！勁正！呢碗都係屬於基本拉麵款有齊豚肉，糖心蛋，荀，昆布甘。d麵係粗身同曲個款拉麵，幾彈牙，至於個湯底就只係正正常常，唔係話好似自家製一蘭自己淆既個種湯，只係普普通通味精拉麵湯底。但整體唔錯，最緊要價錢算好平民，$68，個質素算係差不多。
之後就係個饅魚飯。男友話個饅魚飯勁正，個人都好認同！個饅魚飯比拉麵仲好食！雖然饅魚飯比較貴少少（$90），但質素有番甘上下，饅魚都幾肥美同大條，所以好夠送哂成盒飯甘食！呢個推薦啊！
因為兩個實在太貪食，又再叫多左兩個小食就係餃子同燒一口紫薯喇。小食就正常，口痕既都不妨叫下，送下口都唔錯。
個日式汽水包裝好q，男友係餐牌見到「招財貓」呢個名好好奇係咩黎所以就叫左黎試，結果其實同忌廉係一樣味既飲品黎哈哈！鐘意個樽仔既人叫黎飲都抵既！
兩個人最終食左$244，總括黎講算叫平民既拉麵店，如果怕出面拉麵店好貴既人但又想食到比較好質素既拉麵呢間係唔錯既選擇☺
張貼
