元札幌拉麵 (悅來坊)

營業中

休息中

臨到月尾就真係山窮水盡地過活，好彩遇到間平價日式料理先可以幫到下手位於荃灣悅來坊其實都幾方便，可以由荃灣站出，經過綠楊坊行下，再行下荃豐商場，再行埋悅來坊。岩晒中意行室內嘅朋友餐廳好有日本居酒屋嘅感覺，佈滿了燈籠，周圍亦有日文字及圖案。小食點了份南瓜薯餅。非常重南瓜味，而且炸粉又唔會太厚，由於本身薯仔係無味嘅，但因為南瓜配搭埋，就好鮮味了。另外又點了大阪海鮮燒餅。燒餅蛋味非常濃，而且都好香好滑，食過日本燒餅嘅朋友都知道日本燒餅係好有蛋味。主食方面就點了最新出嘅吉列蝦忌廉飯。個醬汁好忌廉味，而且好滑。加上有薯仔粒，所以都好滑。而吉列蝦唔會炸到好油好乾。蝦亦好大隻，絕對唔係炸粉出來的。