亞南雞煲

營業中

休息中

同事介紹去咗太子嘅「亞南雞煲」，門口已經有各式各樣嘅雞煲，任你自由配搭，海鮮、帶子、花膠、蟹、花甲、牛雜、墨魚鬚等等，花多眼亂樣樣都想試呀😍脆炸牛坑腩酥脆嘅外皮包住軟稔嘅牛腩，牛腩肉質鬆化，偏瘦但一啲都唔柴，口感豐富，點上黃芥末將牛腩嘅油膩感大大減低，但牛腩味道稍為鹹咗少少，如果淡味啲就prefect喇油炸鬼墨魚滑老油條上裹上彈牙嘅墨魚滑，配上泰式辣醬送啤酒真係一流脆皮餐肉酥脆嘅外皮包住厚切嘅午餐肉，一啖咬落去仲食得出午餐肉內一絲絲嘅豬肉，加上炸蒜香口無比麻辣墨魚鬚推介👍🏻墨魚鬚鮮嫩Q彈爽脆，再加上大量芫茜同麻辣汁調味，非常惹味墨魚酥雞煲第一次食雞煲加新鮮嘅墨魚鬚，雞肉新鮮嫩滑醬汁香濃，墨魚鬚依然保持爽脆鮮嫩嘅口感，配菜有大量洋蔥、芫茜、蒜頭、香味非常特出，暫時係我食過咁多雞煲之中嘅頭三位👍🏻趁仲未加湯之前，我即刻放咗一碟芋絲落去，吸滿晒醬汁，超級好食😍亞南四式牛魔王包括手切極品肥牛、牛腩、肥牛粒、牛筋丸牛肉稔身嫩滑，只需輕輕一淥就食得，牛味香濃肥牛粒牛味超重有咬口，越咬越帶出牛油脂嘅香味牛筋丸非常爽口彈牙，每啖咬落去都會爆汁，正👍🏻👍🏻👍🏻📍亞南雞煲 (太子)太子花園街211號地下人

食咗2次都仲想食第3次, 就知呢間有幾正啦2次都好好彩冇訂位都可以坐到最後walk in位, 未到7半已經爆哂場, 而且好多人帶酒佢地雞煲嘅選擇好多, 第一次食牛雜中辣, 第二次帆立貝大辣, 2次都主攻雞煲就揀全隻雞大煲, 冇另加小菜同火鍋料一上枱立刻香氣撲鼻, 望住滿滿芫茜流住口水等個雞煲滾, 滾咗店員會代勞攪拌, 幾欣賞佢地既煲手抦位完全唔熱, 唔怕唔小心整親雞唔會有雪藏味, 雞翼雞脾數量真係啱冇偷工減料, 配料(牛雜/帆立貝)都足料, 夠麻夠香辣得過癮, 大辣唔會辣到苦, 出色計埋酒水都係二百幾一個人, 抵食

黎到太子，如果諗起雞煲我就一定黎呢間鋪，雖然店內坐得唔係太舒適，但勝在好食。雞煲味道調得剛好，辣味也很合我口味的，我點了帶子雞煲，帶子好好食，推介👍🏼 牛肉我點了拼盤，略嫌份量少了一點

每一次想食雞煲，一定係第一時間諗起亞南，因為服務，味道都超好，地點又方便，之前經常食佢嘅乾煲，非常惹味，但上次試吓個胡椒豬肚煲，又意想不到咁好食，所以今次已經係第二次食，重點係，一定要叫佢過竹笙王，吸晒啲湯味，超級正！牛肉又非常正，我經常性都係見到好嘢就即刻擺落口，好多都唔記得影相🫣，同埋佢個炸牛腩，喺個煲未嚟之前做小食，都係必須嘅，非常喜愛，同埋個雞煲，無論乾煲濕煲，都係咁好食，佢係我雞煲飯堂！

去花墟買花， 本身想去好出名果間小菜但係心思思又想試下其他，見到呢間雞煲門口介紹有好多選擇所以決定試試佢，好彩決定得快咋～ 坐低左轉頭已經爆場咁滯，佢剩係雞煲已經好多唔同款可以配搭，鮑魚、花甲、花膠、蟹、牛雜等等，最後揀左牛雜雞堡， 我自己就唔係咁鍾意用雞煲打邊爐，所以揀左「大煲」， 即係全隻雞，細煲就係半隻。好快就已經上枱喇，見到佢都好滿好足料，跟住就係大鄉里出城趣聞一則：等左一陣見佢滾滾地，又驚佢熱，於是揭開個蓋，拎張紙巾扶住個煲邊 諗住攪下佢啦， 點知店員姐姐好有禮貌走埋嚟「唔洗用紙巾～ 我地個煲外面摸唔熱㗎～」 之後佢就一手摸落去。 原來入面滾到嘭嘭聲，外面真係一啲都唔熱喎！！！ 咁就算食緊唔小心掂到都唔怕啦！ （當然，利申個煲底就熱嘅）開飯喇～ 真係好足料，滿滿嘅一煲，叫左中辣我自己都覺得夠辣但係下次會挑戰大辣，一人百零蚊食到飽到不得了， 唔怪得佢地咁旺場， 下次一定叫多幾個朋友嚟再挑戰！，

聖誕月飯局特別多 今次好友推介太子既亞南鷄煲特別推介而且朋友請客今次終於齊腳四個人可以去食雞煲 哩間雞煲第一次去好多種類選擇眼花繚亂樣樣都想試當中有兩個最吸引我的鮑魚雞煲和花甲雞煲同朋友商量之下 我們叫了花甲雞煲大煲微辣 花甲好介鮮都算大隻 雞肉都好滑同時見到其他小食都特別吸引😉😉點左幾個小食有椒鹽鮮魷 表面炸到脆卜卜 鮮魷好彈牙 好味呀第二個小食係蝦多士 仲有椒鹽鮑魚 全部都好好味火煱配料點了一碟大的牛魔王 💯💯

因為每一次來呢度都係爆哂場,  今次無訂位但又想食雞煲, 唯有一早 6點多少少就落左去搵位, 就係因為咁早先有位,  坐低即刻整份椒鹽魚片頭,  呢份魚片頭真係百吃不厭, 每次來都一定會叫, 好濃既魚肉香味, 絕對唔會腥, 再加上炸得岩岩好到主菜, 今次唔食麻辣雞煲, 叫左份川貝海底椰雞煲, 水滾倒左 D 雞入去煮左大概 15-20 分鐘就可以開始食, 雖然係冰鮮雞, 但 D 雞肉都好鮮嫩, 之後加左份和牛, 龍躉拼盤, 佢地呢度既和牛真係無得輸, 雖然唔係日本 5A 級, 但入口鮮嫩夠牛味, 厚薄適中, 而龍躉片就真係夠哂份量, 灼完入口就知道係非常新鮮, 而且叫呢份拼盤, 仲會跟埋一個菜藍仲有最正就係埋單, 因為係舊客, 有 $50 現金 coupon 同埋一張小食券, 所以亦即係會減左 $110, 非常抵食, 而且係每次食完都有 1 set 呢 D coupon 留返下次用

已經第二次幫襯亞南雞煲，今次叫多幾個FD，可以揀更多嘢食。今次我們揀咗半隻雞煲，麻辣三寶，油炸鬼墨魚滑，豬潤拼豬紅，大份手切肥牛，蔬菜拼盤，凍豆腐，牛百葉同萵筍等。半隻雞煲已經好多，四個人食完都半飽。雞肉好惹味，肉仲好幼滑，加埋啲洋蔥一齊食，好味。手切肥牛好大一份，叫一份仲送埋蔬菜拼盤，有娃娃菜，生菜同油麻菜。牛肉燙下已經可以食，牛肉好嫩，牛味好重，大份肥牛已經好夠食，食完都有少少膩。食左更多肉，當然要食啲菜啦。菜是好fresh，質數OK，冇咩特別。因為上次老細送左兩張優惠劵，送一份小食同100HKD優惠，所以食左好多，埋單都唔夠800HKD，真是好抵食！

約朋友太子食飯, 唔知食咩好時, 好多時都會諗起佢, 既然諗起就行動呢晚係星期四, 人唔算多, 所以無訂位都可以唔使等就有位, 摷下銀包仲有上次食完俾低既 coupon, 咁就梗係要叫個小食啦, 呢 D 小食好多款, 樣樣都想食, 不過兩個人就梗係揀至愛既 - 魚片頭- 來食跟住就要揀下食咩雞煲, 朋友可以食到少少辣, 咁就叫左個麻辣雞煲,  等左陣就來到, 香噴噴少少熱, 再係位個爐到加熱, 5分鐘左右, 服務員埋來幫我地整, 一打開蓋就香到不得了 即時更加肚餓, 呢個少少辣雞煲, 辣味岩岩好之餘, 最主要係香味十足, 雞肉好滑, 就算雞胸都唔會 , 食到咁上下, 就再點左 D 火鍋配料, 因為朋友唔食牛, 所以點左個黑毛豬, 仲有四寶丸同埋蔬菜籃, 邊食邊聊, 真係一樂也 ! 

食材與味道都不錯，可以選擇的款式都多樣，所以食過都會再去，唯獨是環境較擠迫。吃雞煲前點了脆牛腩，口感不錯，配冰凍啤酒好正，除了雞煲也點了海鮮，質量新鮮食得過，4個人平均每人約200蚊，尚算合理。

🔸麻辣亞南雞煲（半隻）呢間雞煲有6種辣度同4種麻度揀。食咗咁多次，覺得中辣大麻最過癮。雞煲嘅味道好有層次感，因為落咗好多香料，有花椒、八角、豆蔻、甘草等等，仲有芫茜、芹菜同洋蔥。味道比之前推介過嘅米走雞豐富好多啦，不過米走雞嘅酒香甜味就比較突出啦。🔸手切極品肥牛（大）賣相好好喎😂 牛肉有一定厚度，食落牛味濃郁，牛肉又唔鞋口。🔸冬菇釀雙式滑蝦滑同墨魚滑釀咗喺冬菇裡面，味道幾夾喎又😂🔸蒿荀片食雞煲或者邊煲必食呀，我鍾意食爽口啲，所以唔洗煮太耐。🔸凍豆腐比米走雞遜色少少啦，雖然都吸滿咗湯，但味道冇米走雞咁正🥲🔸鯇魚腩🐟魚肉厚切，咬落爽口鮮甜！🔸亞南四寶丸四寶丸有花枝丸、貢丸、牛丸同蟹籽粉包。牛丸最好食，其他丸就好普通啦🥲🔸三寶餃子🥟三寶有鳳城水餃、魚皮餃同韭菜餃。韭菜餃好香，其他餃好普通🥲🔸刀削麵最後先落，麵條差唔多熟嗰時啲湯已經煮到好黏稠，掛咗喺麵條上面，好似台灣嘅拌麵😂😂 麻辣味都好出色

年初二都開既雞煲 附近都冇咩地方開仲可以借爐🥳免費送魚皮同菜好抵食！雞煲小辣再加牛同其他配料配料新鮮好味雞就好多肉而且價錢完全唔貴好抵食！最好食係牛同墨魚滑🤩🤩

又到左 happy Friday, 約朋友仔一齊聚下，搵左去食雞煲…好彩有 book 到位…入到去有位坐，唔係就等排隊。我哋叫左好多款野食，有花甲鮮雞煲，麻辣豬耳，椒鹽鴨舌，麻辣鴨舌伴雲耳，脆果蒜香鮮魷，脆皮牛坑腩，手切極品肥牛，油炸鬼釀墨魚滑，凍豆腐，蘿蔔片，炸響玲，生根，酥炸原裝桶蠔，野生竹笙，蝦多士，冰鎮墨魚鬚，花甲，麒麟啤酒，藍妹啤酒～叫左好多好多野野～我就比較特別鍾意食冰鎮墨魚鬚，配合 豉油…非常爽口彈牙

收工同同事食宵夜，因為無食晚餐，所以去到食肆已經非常肚餓，侍應哥哥提議我地食海鮮+半隻雞，就咁話啦。前菜叫左個尖椒皮蛋同冰鎮八爪魚，皮蛋麻麻辣辣好正，八爪魚處理得好好，夠晒爽，唔係冧同梅雞煲非常足料，鮑魚，蝦，蜆，樣樣齊，哥哥仔提失地先食海鮮，剛剛好熟唔好韌。我最鍾意個雞煲嘅汁，有少少甜甜地，同事話食到南乳味，我只係覺得好好味🤣，雞唔會煮得過老，加埋個汁真係無得頂除左食物，食肆嘅侍應同老闆會成日同客吹水，攞下客人嘅意見，又會理性傾下社會現況，唔會偏頗任何一面，好有人情世故

今天和舊同學慶祝生日，壽星公喜歡食雞煲，其中一個同學之前試過這間《亞南雞煲》，所以今天就選了來這裡，我和兩個同學準時到了，還有三個未到，就先叫了幾個小食來食下先。首先是椒鹽墨魚咀，這個一般炸粉太多，再來是尖椒皮蛋，這個汁和皮蛋夾得很好，味道不錯！然後是油炸鬼墨魚滑，這個味道可以很脆。差不多食完小食同學到齊，由於有人不吃得太辣，我們就點了一個麻辣雞煲小辣，這𥚃的雞煲有新鮮雞和冰鮮雞選，十分鐘左右雞煲到了，我們點了冰鮮雞，香辣味道也很好，很快我們已把雞煲清了，就再加了一點火鍋配料再吃，火鍋配對和平常食的差不多，但價錢不算平，寫是入坐2小時，但我們坐了2個半小時也沒有趕我們走。