亞南雞煲

營業中

休息中

友人離港重回崗位，又是獨處亂吃之時。小人心心不忿，胡亂再試雞煲。在太子附近，找到一間店子一試，竟是出奇蛋般有驚喜！牛什雞煲惹味濃郁，由頭至尾味道如一，牛什很難做到既爽且腍的效果，這個雞煲做到。雞肉滑滑的，不是太油，汁的烯杰及調味恰到好處，淨吃或佐飯都不錯，好得很。待友人下次回來，小人可以回敬！

凍冰冰令人心思思想打邊爐，於是朋友介紹黎左呢間亞南雞煲刺激一下啦！ 餐廳門口好多明星合照，等左一陣就有位，不過係坐正門口位，坐左一陣職員示意裡面有位，都幾好招呼呀！ 叫左個牛雜雞煲，雞可以選擇冰鮮雞或新鮮雞，我們選擇了冰鮮雞。這是半隻雞既分量，好足料呀，好似食極都有咁，牛雜都係好多件，都幾滑可能係簡左小辣既關係吧，味道未算好辣，加左湯之後，辣感更小，不過整體都幾野味。另外叫左平時打邊爐既熱門食物：響鈴、唐生菜、水餃、午餐肉，食哂呢d真係好飽！有一個餸係油炸鬼包住墨魚丸，幾好味！但最好加水之前放落煲，因為太淋會無咁好口感。 不能不提，凍檸檬茶好大杯！飲得好爽！一邊食辣一邊飲住佢，感覺可以消除部分熱氣

在太子警署後邊，有兩條街。行人並不多，但神奇的是竟然有很多不同的食肆。有麵館、泰國菜館、茶餐廳... 還有這次吃的雞煲。這家雞煲的店外店內貼滿了老闆跟不同演員歌手的照片，看似很受他們歡迎。店內座位不算很多，大約二十個位左右。老闆侍應服務還算不錯。雞煲有不同程度的辣度和麻度可以選擇，火鍋配料亦不少。可能今次選的麻辣度點太低，味道並不麻不辣味道還算可以，但雞件不夠滑，有點失望。當吃完了雞後，加湯作火鍋，味道便很淡了...其他火鍋配料還不錯，只是份量有點少 (哭)飲品除了啤酒汽水外，還有特色飲品。幾款不同的特色飲品是特大裝...甚麼是特大裝？就是大大杯的啤酒杯那麼大 這裡吃飯，若果是想邊吃邊聊天，便要留意一下，因為有時限的哦~

今日食完好失望! 本來食開小辣雞煲....今日小辣都好辣! 同佢講話好辣喎今日, 諗住比d意見! 佢話辣可以落d湯又或者下次叫小小辣! 我話你係咪應該同廚房講下呢? 佢話不嬲小辣都係咁! 我食過超過30次, 我點會唔知小辣我食唔到呢? 態度非常之差! 差! 差!雞煲辣到咩味都冇, 食完加左湯打邊爐就當然係冇咁辣. 但就冇哂味! 但直得一提既佢既真打烏冬, 真係好好食, 日本靚烏冬, 同出面烏冬不同之處就係幼d. 溫馨提示9:30pm 後雞煲半價

同朋友一齊食雞煲, 於是就BOOK 左太子花園街一既阿南阿南雞煲係一間細店,入面坐到大慨30人,通常每一張枱2 至4人最適合朋友小聚,環境都算OK食物方面有雞煲,四川小食類,同咪雞煲之後既打邊爐料我地叫左個尖椒皮蛋,有少少辣,皮蛋都算新鮮,輕微流心,不錯,但若果用四川皮蛋更佳雞煲係多湯底嗰類,雞肉算幾多,湯底偏濃,充滿住洋葱同辣椒,十分惹味但雞煲後既打邊爐料就冇乜特別,一般貨式總括黎講食下雞煲同四川小食都係一個不錯既選擇黎

是咁的，一群人心痕食麻辣野來個痾辣屎團，最後因為地點關係改來亞南吃，看到花園街地址原以為是旺角區，怎知走呀走走到太子花墟。門口看到一堆名人合影，沒仔細留意，只看著冰鮮與新鮮雞煲的分別，入到內坐下雞煲香味傳來。雞煲好香，比隨變的更香，味道不錯。點了小麻中辣，原來沒想像中辣，就請侍應加多點麻粉與辣醬，攪拌更足麻辣味，原來自己是那麼吃得辣。✌️✌️✌️加湯後味道淡了，又麻煩侍應為我們加麻辣，我們加了幾轉麻粉與辣醬才頂到口癮。點了可愛的鬼馬油炸鬼，幾好味。老闆推薦品：餃子、牛丸與響鈴。 餃子人手包，牛丸爽口，不錯。三牛拼，牛坑腩幾爽口彈牙，牛柳粒新鮮，還是那一句，不要燙太久！ 被我們用來當醬點的麻粉，每燙好一片牛就點一次！正！舌頭都麻卑了。忍不住叫了青瓜豆漿，幾止辣和感覺很清新，如在森林和原野........整體食材新鮮，味道不錯，店舖地址是伏。

朋友介紹下今日約左幾個朋友一齊試下呢間雞煲。雞煲係香港越開越多，但呢間都算幾好味。因為我前一晩已訂左枱6：30pm，所以今晚準時到都唔使等位。坐底左，order左好少餸。因為朋友請食飯，所以唔好意思叫得多~~ 雞煲有冰鮮與新鮮分別，我們選左冰鮮一隻（$188）。再加左美國肥牛（個名好似係咁）同牛肉粒。可能係平啲個兩款，所以味道麻麻。但雞煲一來，待應叫我們等5分鐘先開蓋食。打開後，聞到已經好香。食落仲好惹味，由於其中啲朋友仔唔食辣，小辣對我來講真真係唔辣。朋友就覺得辣同麻，我只覺得越食啲雞越入味同有啲啲麻~~~😋當我們食到咁上下先加湯打邊爐，個湯都keep到唔會淡左。加上呢度有Hoegaarden啤酒，我們開開心心咁又傾又講就食完我們個晚餐啦~~~我唸我會再去多次~

是日冬至，同daddy同男友做冬。因為要喺花墟搵朋友，就喺呢條街覓食了。7點去，唔洗等，daddy泊車又方便!男友唔食得辣，先叫小辣半隻雞。味濃，切合小辣原則，就係一啲都唔辣 連男友都話唔辣雞肉都滑，夠味。後加:1. 皇帝菜，油麥菜:菜尚算新鮮，菜葉夠綠。2. 雞子: 份量多，但質素參差，一啲脹卜卜，一啲就收晒水3. 菜苗餃: 打邊爐一定要食餃!呢個自家菜苗餃，皮薄，但成隻餃係冇味。4. 本地肥牛: $68得5塊，十個唔抵，下次要牛粒好過!5. 烏冬: 叫係因為打邊爐都會叫烏冬，冇咩特別。上食物速度其慢，催樣上一樣。

離開香港兩周，雞煲小隊又要再次出動，因為有一段時間沒吃，隊友們都很雀躍，打算一個晚上連吃兩家。是晚第一場的雞煲店先前已經寫過，慶幸水準仍然能夠保持，再次光顧就不再寫多次了。第二回合來到這裡，是其中一個隊友提議的，因為她看到某位blogger提到這裡的雞煲是用新鮮雞的，而且在短時間之內光顧了兩次，又說好好吃，既然這裡厲害，我們當然不會錯過。前幾天我和鬆弛行經的時候看到店的門口貼著雞煲九點半後半價，正中我們下懷，吃完第一家再來，應該剛好可以享受到這個優惠。來到之後才發現原來只有冰鮮雞是半價，新鮮雞是沒有的，我覺得店家應該寫清楚一些，否則會誤導客人，雖然下單之前店員有提到半價的只是指冰鮮雞，但寫清楚一點始終比較好。我們一心想來吃新鮮雞的，所以就算沒有半價也會吃，最後經過一輪討論之下，我們點了半隻新鮮雞和半隻冰鮮雞。我們新鮮雞($168)要了中辣，冰鮮(128)就要了大辣，其實這裡還有供應勁辣。雞煲上檯是先焗四五分鐘才開始吃，吃的時候完全分別不到兩者辣度的差別，應該是說這個雞煲的醬汁味道有點像沙嗲湯底，連隊員們也同意，吃起來不香不麻也不辣，大概是我們誤會了她是麻辣雞煲。半隻雞份量有點小，而且雞

叫左半隻鮮雞煲大辣($1xx)，兩個人份量岩岩好！雞夠嫩滑！而且香料好足！完全係非常開胃！同埋佢既汁非常之濃香，讚！(我覺得加烏冬入去應該會ok好食)後來就加湯入去開始打邊爐，呢種邊爐係湯汁好濃果種！因為唔太餓只係order左脆肉脘片同生菜。脘片就不過不失啦，有鮮味不過略為多骨！但生菜非常新鮮！唔係一般街市果種生菜！有好靚仔既翠綠色！總括黎講佢既鮮雞煲真係值得一試！！！會再光顧！p.s 眼尾望到間野右邊有間冰沙店，下次餓既時候可以去埋食甜品=)

唉！原本抱住試下嘅心態點知一試就...我地點左個新鮮雞中辣煲！好啦個煲黎左個賣相仲係good ge但因為食左一舊發覺未熟嘅關係，我們決定煮多陣，好啦，過左陣再開蓋，夾左一舊，點知個伙記哥哥話驚個煲會𤓓，突然幫我地加左湯，叫都叫唔切，搞到個煲無哂味...咁都仲係雞煲???再食呢間，我相信無下次😲