亞南雞煲

天氣一轉凍，最啱就係相約好友打邊爐、食雞煲暖一暖胃！🌬🍲 這次由契女帶路，嚟到太子花園街的【亞南雞煲】，一間香氣四溢、氛圍熱鬧的好地方。餐廳隔籬街就係花墟，門外燈光柔和，入面熱氣升騰、香味撲鼻，一坐低就令人食指大動。蟲草花野生竹笙花膠湯濃雞煲 主角當然係佢哋招牌嘅「蟲草花野生竹笙花膠湯濃雞煲」🐔。一上枱就香氣四散，湯底乳白，充滿雞香與花膠鮮味。雞肉採用新鮮雞一隻，肉質嫩滑，煮耐都唔會老。湯頭飲落濃郁順喉，帶少少膠質感，非常滋補！椒鹽鮮鮑魚 除了雞煲，其他小菜都相當有誠意，「椒鹽鮮鮑魚」香脆入味，鮑魚彈牙得嚟唔會過鹹。 蝦多士 炸得金黃酥脆，蝦膠厚實，配茶最一流。 麻辣牛𦟌 麻香辣惹味，辣勁夠但唔嗆喉，配啤酒真係絕配！🍺 極品黑豚肉（小） 極品黑豚肉」肉香濃厚，油脂分布均勻，落湯後滑嫩無比。 頂級牛根丸 鮮蝦雲吞 手打雙拼滑 打邊爐配料方面亦精彩：「頂級牛根丸」爽彈多汁、「手打雙拼滑」滑溜入味、「鮮蝦雲吞」肉蝦比例剛好，每粒啖啖鮮。海底椰雪梨茶 最後以清潤的「海底椰雪梨茶」作結，完美。整體，亞南雞煲無論食材質素、湯底味道定環境氣氛都屬上乘。四個人一枱美食，邊食邊傾，滿足又開心。冬天來臨，想暖胃又暖心，呢間太子雞煲店絕對係好選擇！🔥…查看更多

星期四晚放工，和同事聯誼一下，走到太子食雞煲。山長水遠搭過去全因為同事極力推介！9個人可以食到好多野，當然所有招牌小食都要試。分別點了：椒鹽鮮鮑魚 、酥炸桶蠔、麻辣墨魚鬚 、尖椒皮蛋 、蝦多士 、油炸鬼釀墨魚滑 、油炸鬼釀墨魚滑併蝦多士 、皇牌脆炸牛坑腩 。真係每樣都好好食，基本上一上枱，就被秒清！同事戲言，完全係被雞煲耽誤咗嘅小食。主角雞煲點了兩個，一個係蟲草花野生竹笙花膠湯濃雞煲 ，因為想飲靚湯，加了$200轉做鮮雞。上枱一刻大家都好驚艷，因為湯底好似牛奶咁雪白，加上好多竹笙、花膠鋪面，睇得出好足料。一人先黎一碗，湯頭鮮甜帶奶香，鮮雞果然係唔同啲，雞肉嫩滑有雞味，仲有雞內臟跟湯，飲完一碗再接一碗。另一個惹味路線的日本帶子雞煲，加了一份花甲，開蓋一刻，麻辣香撲鼻而來。點了2碟安格斯牛小排，紋理超級靚，成碟藝術品咁，睇得出小店用料真係好有heart！將牛小排放入雞煲入面淥熟黎食，真係人間滋味！我地仲點左、極品黑豚肉、極級芝士牛丸 、鳳城水餃等，每樣都好好食，呢間小店真係臥虎藏龍，難怪成條街啲食肆都好靜，唯獨推門而入呢間店，竟然坐滿人，原來真係有原因！小店仲有自家製飲品，但因為我哋嚟得有啲遲，所以好多都賣晒。我點的鮮製菠蘿冰 ，用上新鮮菠蘿，解辣一流！同事們就主要飲啤酒多。呢一餐飯因為人多，所以試咗好多招牌，大家都食得好滿足。埋完單大家已經諗緊下次幾時encore。…查看更多

一班人聚舊相約太子亞南雞煲 ，除左雞煲呢度仲有好多前菜小食都幾出色！椒鹽鮮鮑魚薄薄炸漿包住鮮鮑魚，咬落啖啖厚肉好有滿足感酥炸桶蠔大大隻桶蠔炸得好厚脆，咬開熱辣一口爆汁皇牌脆炸牛坑腩 外脆內軟稔果然係王牌！ 蝦多士 脆卜卜蝦膠爽彈！油炸鬼釀墨魚滑油炸鬼釀滿墨魚滑超足料放落雞煲吸滿湯汁夠滿足🔸冬瓜花膠瑤柱花甲雞煲(大) +$200(新鮮雞)冬瓜瑤柱、花甲都令整個雞煲湯頭更清甜！花膠令骨膠原滿滿，新鮮雞雞皮爽脆脂肪少雞肉口感彈牙結實！有別於平時食到的惹味雞煲🔸花膠雞煲非常惹味，花膠桶亦掛滿湯汁，非常出色涼拌小食🔸尖椒皮蛋🔸麻辣墨魚鬚資辣過癮，口感爽彈，好味到停唔到口火鍋配料：安格斯牛小排(大)睇相都知肉質紋理幾靚極品黑豚肉（大） 同一般坊間食到更爽彈懷舊特飲都好值得點，$35大大杯鮮製菠蘿冰 凍鹹檸檬七喜…查看更多

這天火鍋癮起即時找朋友仔一齊去滾！飲飲食食一晚好開心朋友嘛就是要見面食好西哈哈。選上地點勁方便的亞南雞煲！由太子地鐵站行過去都只係約5分鐘超級就腳。除了雞煲出色之外這兒的飲品亦很用心！除了自家泡製的特色飲品外還有涼茶店的真材實料飲品供應。凍檸茶已經飲不少次這天就來試試涼茶！熱氣的我選了清熱降火五花銀菊茶$30，喝下去完全是家的味道而且甜度恰好，我覺得是吃火鍋的最佳配飲。這兒除了雞煲之外前菜和炸物亦做得挺出色！麻辣墨魚鬚$65口感煙靭配搭麻辣吃下份外惹味。尖椒皮蛋$55那種甘香的味道真係無可替代！這溫柔的辣度叫我吃得非常舒服所以每次必點。蝦多士$65！炸得超級香脆而且一點也不油膩，爆多的芝麻令到多士香氣更濃，如果喜歡嘆兩杯真的是佐酒恩物。椒鹽鮮鮑魚$48/隻！今次再重溫感覺做得更加仔細好吃，脆皮輕薄了不少加上鮑魚夠新鮮彈牙真心不錯吃。頂級炸魚皮$48！平時打邊爐我也十分喜歡吃魚皮，這兒的炸魚皮口感好鬆脆，放進雞湯內索至入味才吃真的超迷人。酥炸桶蠔$48/隻！完全是小時候吃的味道，香脆炸皮內是剛剛熟的肥美桶蠔，吃著香口惹味又鮮甜超讚啊。這次我們選來兩個鍋來品嚐！蟲草花野生竹笙花膠湯濃雞煲$468好豐富，好友更另加$200提早預訂了新鮮雞一隻，令這個雞煲更加精彩和美妙。什麼也不用說先來一碗濃香雞湯！然後再慢慢品嚐吸滿雞湯爽滑的野生竹笙和軟滑的養顏花膠，這雞煲絕對是滋補養顏之物呢。最後當然要品嚐超美味的新鮮雞，雞肉非常彈牙肉香味也濃這就是新鮮雞的「味」力。另一鍋我們選了日本帶子雞煲$318/半隻！貪嘴的我們更加上一份大蜆$98超豐富耶。濃香的醬汁滲入了雞肉之中帶有微辣香氣超級惹味，日本帶子和大蜆也十分新鮮甜美，很推介給喜歡惹味的朋友。吃罷雞煲後我們點來些生料繼續打邊爐！貼心的大家為我點來極品黑豚肉$188/小，這兒的豚肉非薄切所以吃下口感非常豐富，加上濃濃肉香每次品嚐也是享受。安格斯牛小排$328/大另送雜菜籃原價$48！這是車爸爸每次來這兒都會點的牛肉，光看這個油花就算我不吃牛也覺得吸引。雜菜籃內有生菜、油麥菜及白菜，全部都非常翠綠新鮮度十足。邪惡的我們更點來雞子$78！大大粒的雞子灼熟後如豆腐般嫩滑，好吃得已忘記膽固醇這壞分子了。手打雙拼滑$88！一客有齊蝦滑及墨魚滑最合貪吃的我，是店家自己手打口感彈牙又鮮味，絕對值得點來好好品嚐。魚腐四拼$52！內裏包括有魚腐、魚片頭、墨魚春卷及鮮蝦卷，這些食材吸了雞湯後味道就更加吸引。鳳城水餃$58！亦是店家自己包製的出品，水餃外皮非常滑溜加上滿滿的鮮香餡料真好吃。多謝好友們不怕熱氣又陪我去滾！下次大家想吃什麼即管跟我說必定奉陪到底。…查看更多

以往一星期都會去一次花墟買鮮花, 自從炎夏, 我也少去了.  最近再去, 也因為美食之神召喚, haha. 朋友喜歡亞南雞煲, 一於gogogo~  等待雞煲期間, 不得不點一些小食及飲品, 因為都好吸引! 例如咸檸七及凍檸茶, $35/杯, 好大杯.  凍檸茶沒有得走冰及走甜, 是固定的, 甜度還好, 不會太甜, 幾適合配雞煲.  尖椒皮蛋($55)及麻辣墨魚鬚($65), 兩者都好吸引, 但對我來說太辣~ 尖椒皮蛋, 吃時不妨與伴碟的芫茜一起吃.  墨魚鬚的麻辣是越吃越想吃, 爽滑~ 皇牌脆炸牛坑腩($88)是必食的! 皆因外層夠酥脆而牛腩仍然嫩滑多汁, 超讚! 美食接著來~  酥炸原裝桶蠔($48/隻), 脆漿不會太厚, 剛剛好包著蠔, 一口咬下, 蠔汁溢出, 鮮嫩~ 吃鮑魚, 一向都是以陳皮蒸, 原來也可以椒鹽鮑魚($48/隻), 咬下也是軟滑之中帶點彈牙. 終於, 主角上場! 冬瓜瑤柱花甲煲(大) $668, 這煲可不便宜, 但是用了新鮮雞, 吃起來確實是不同, 肉質較彈牙. 煲內有粟米、紅蘿蔔、芹菜、冬瓜片等, 湯頭好香濃及鮮甜~ 另一煲是帶辣的花膠雞煲(大) $438, 趁未滾得好大時, 立即吃了一件雞, 這種辣是過癮, 但已超越了我的受辣程度~  不過用以灼牛肉片是很配的.手切極品肥牛(大) $328, 脂肪分佈很平均, 我們都喜歡有少少咬口的, 因為肉味會濃些~ 其他火鍋料我們都有點, 包括手打雙拼滑($88)- 蝦滑及墨魚滑, 這是火鍋不能缺的~  白蘿蔔片($33)煮至接近透明, 夠甜~ 壓軸登場野生竹笙皇($128), 認真好大條!!! 我就放入瑤柱花甲煲, 吸汁又爽口. 亞南雞煲有好多不同種類的雞煲選擇, 實有一款適合~…查看更多