上海津味小食店

營業中

休息中

早陣子去大窩口，翻一翻食評，就走進這家「上海津味小食店」。我挺喜歡吃上海麵，那種麵質少黏帶粉的感覺像鳥冬，卻幼一點，彈牙一點。這天點的紅燒牛腩麵盛惠 22 元，份量還過得去，牛腩是不少，但整碗吃完不夠飽。湯底調得不錯，濃一點，正合我的口味，在五香牛腩和紅燒牛腩之間要下決定也很困擾，兩款也想試，不過有一份感覺就是「紅燒一定好吃」，點了，吃了，下次還是想試五香 (笑)另一碗是雲吞豬扒麵，盛惠 32 元。麵底份量相約，豬扒味道不錯的，有些人不喜歡這種扁扁的豬扒，但我挺喜歡，易咬，也吸湯。雙拼麵雲吞也有三隻，價錢物有所值。雲吞不確定是否手工餃子，但我超喜歡 @_@是我最愛的多菜少肉，尤其是韮菜餡更是我的心頭好。若單點雲吞價錢也只要 19 元有七隻，愛吃雲吞的可以來試試。但順帶一提，包的方法是雲吞，但吃下去我就覺得是餃子，吃了就懂。整體感覺，不是一家特別的食店，但以上海麵家而言總算是不錯的一家，普通平淡的感覺卻百試不厭。店舖環境比較狹小，別打算跟情人來浪漫一番，但去大窩口時不妨來試試，這價錢總比吃老麥好吧。

上星期一連兩天在1881 heritage都有聖誕市集，本來滿心期望會有很多小食，結果卻失望而回，最後只吃了些parma ham芝士和焦糖果仁，但總算吃了些東西，所以鬆弛就提議到遠一點的地方吃晚餐，最後他帶我來到大窩口。我們跟著開飯網寫的地址去，上面沒有電話，本來很擔心她會關了門，可是我們在那個商場繞了兩個圈也找不到，後來發現這個商場是有兩個部份的，店子就在隔一條小馬路的另一端。店子很小，裡面只有十多個座位，有一張檯放在室外。餐牌上的選擇不多，有雲吞、雞翼、豬扒、牛腩等，自由配搭，而無論你點那一款餸，店員都會問你要榨菜還是雪菜，似乎店家對這兩款醃菜很有信心。我們最後點了一碗榨菜豬扒麵，要一份煎雲吞，另外還要了一個大豆漿。本來以為大豆漿應該是一大杯的，沒想到來的竟然是一個大湯碗，滿滿的豆漿附上兩支飲管，足夠兩個人喝。豆漿的豆味很濃，不太甜，雖然不算是很幼滑，不過還不錯的，很有自家製的味道。上海麵是較為幼身的，麵條彈牙，湯底加了腩汁，濃郁好喝，而且喝完不會覺得口渴。豬扒看樣子有點乾，但吃起來卻是肉質鬆化，只是欠了一些肥肉的部份。榨菜是這碗麵的一大亮點，爽脆夠味，不太鹹，和麵條是絕配。煎雲吞

想食好麵的地方愈來愈少，但想食上海麵，除了佐敦的唯珍，一定會去荃灣的津味。此食店位於荃灣與大窩口之間的富麗商場，除了做賽馬日，基日上都是冷冷清清，卻大隱隱於市。此店出名正靚正，由好幾年前的15蚊碗上海麵，到家下都是20蚊一碗。而餃子，豬排和豆漿是此小店的招牌菜之一。餃子，由店內幾位婆婆姐姐每天即日包製，韮菜和豬肉是八二之比，喜歡韮菜的朋友一定不要放過。而今次食的煎餃麵亦是上品，餃子的外皮煎成金黃色，香脆可口，雖然油比較多，但放上一段時間都沒有變軟，配上店內的荔枝醋，比沾急汁的還要好食。7元有3隻如此煎餃子，抵食。值得一提，店內的豆漿只是6蚊一麵碗，冷熱皆好飲。

有人說,縱使你天天珍饈百味,魚翅鮑魚,都總會有吃膩的一天.作為一對赤贫線以上,中產之下的working "rice-less" couple,,當然無資格天天吃鮑魚龍蝦.但又與父母又住到無雷公咁遠,有時真的吃味精吃到味覺也失蹤.每當仰望長空,除了引頸長嘆,懷念昔日以前做仔做女的時候,老媽子闢大喉嚨叫開飯,你還是懶懶閒唔願郁在電視前邊做植物人的日子;對比現在的日子,真的唯有嘆句世上只有媽媽好.既然一齊俱往矣,面對現實的最佳方案,就是和阻住來到津味這裏,懷緬一下那段曾經"燦爛"的日子.環境雖然簡陃,但裏邊的侍應都是操上海口音的婆婆嬸嬏,十分乾淨整齊,不像後生仔女或大叔侍應般,fe ne fair net~最愛的前點,公關熱烈推介,就是這個煎餃子了!每次都熱辣辣,外皮很脆,入邊又肉汁豐盈,裏邊有豬肉,菜和蛋,加上店內的醋和豆瓣醬,真係極之好味,十分有heart的一只煎餃!而且每只只是賣$2一隻,真的是街坊小店獨有!另一款我每次必點的是豬扒上海麵.再加雪菜和腩汁,每次點麵時,嬤嬤們都會關切地問:要榨菜還是雪菜?要不要腩汁?我一向都是一個熱氣不得的人,不喜歡吃炸豬扒,這裏的豬扒雖然不是厚切那種,

琴朝早同左女友去左呢店食野,呢度基本上似係做街坊生意,唔係住呢頭,真係唔知會有間咁o既店,但一食過你就知其實間店o既野食係屈機的.先飲左碗豆漿,超大碗自家製,而且好滑有豆味,兩個人飲都未必飲得曬,賣$8,係$8,我諗邊度都飲唔到啦.之後叫左個炸鍋貼,雖唔至於好好食,但都有汁,而且足料,唔係交貨.跟住食左個雞翼麵同紅燒牛腩麵,佢d麵都幾彈牙,湯底都幾好味,像樣了,佢d牛腩勁淋勁入味,分量都幾多,價錢真係平到呀,我地食左咁多野都$60到,飽到嘔了,而!且質素幾好,出面食邊有呀.值得再去.

見有咁多,一於今晚唔開心,買野回家吃淨雲吞,晤問阿姐,有多少粒。有七粒之多!看到雪菜好像很好吃,留待下次吃湯麵時試吧。阿姐煮好雲吞時,還問我：「要雪菜還是炸菜?」太好了,「淨雲吞」也有配菜。然後又問：「要唔要腩汁?」我：「要呀要呀!」又試多一樣喇!回家打開蓋,湯稀又深色!心知不妙。腩汁/湯,得個咸字,完全無腩味。加埋雪菜的咸.....oh no!!十個「咸」呀!!忠告:若非吃麵,都不要加腩汁了。雲吞是韮菜肉餃,味道沒什特別,只是不會有太多一舊舊的肥肉。我諗,大家都給笑哈哈,是因為這裡暗地裡的街坊人情味吧!

通過“OR”得知荃灣有間評價不錯的上海麵店，便抽空前往試食，誰叫我是那麼的為食呢？ 地點真不好找，綱上又沒有詳細的門牌號碼，來到富麗商場，轉來轉去在一條內街里才看到這家店，在它的旁邊有間“7-11”，下次來就好認些了！ 由於事先已看過綱友寫的食評，所以一進店我就叫了一碗雙菜紅燒牛腩麵，可一看菜牌有獅球，也就是獅子球，馬上改成榨菜紅燒牛腩麵外加一粒獅球。店中有位老太太在榨豆漿，每有客人進來她都問吃什麼，想必是老板娘，雖然她沒什麼笑容，其實還蠻體貼的，我要獅球時，她對我說可叫一粒，原來餐牌上9元一份是兩個的，而且我見有一媽媽帶小孩來吃麵時，要了一杯豆漿，老板娘馬上告訴說是凍的，那位媽媽又問有沒有暖的，老太太說：“我幫你煲煲”，這就是街坊小店的人情味呀！還有我一聽老板娘的口音就知道她是我的老鄉（阿拉上海人），於是我一直是和她用上海話溝通的，上海人做上海麵一定很正宗吧，馬上揭曉： 先說湯底是啡褐色的，對辦，紅燒牛腩也入味，煮

睇完醫生，老公話架小巴原來可以係富麗附近落，可以黎呢度食上海麵，真係好～呢間真係好好味，百吃不厭～叫左碗雙菜牛腩麵，即係雪菜炸菜牛腩麵，老公就要左碗雙菜豬扒麵，我地再加左兩隻煎雲吞同豆漿。雙菜牛腩麵既腩汁好夠味，飲湯都唔會口乾，一ｄ味精都無呀，牛腩更係腍到唔駛用牙都食到，每次黎都必叫～老公碗雙菜豬扒麵，我第一次係度食豬扒，豬扒無骨，都算幾腍，醃過既豬扒都幾入味，但比起牛腩當然係牛腩更出色了。煎雲吞好似元寶咁，咬開入面有韭菜豬肉同蛋花，好好味～豆漿都好夠豆味，成個湯碗，兩個人飲都未必飲得晒呀～食左咁多野都係$49，呢間真係強烈推介呀～正～

還記得加入OpenRice寫食評的原因, 是這為這間店, 我的第一篇食評, 也是寫這家店自從搬左出黎住之後, 很少再黎幫襯, 今天, 因緣際會, 老婆話好懷念津味既味道, 就再黎幫襯了平時因為近投注站, 賽馬日人流不少, 午市可能要坐到出商場走廊, 此商場是香港碩果僅存無冷氣既商場之一, 所以如果想涼冷氣就要坐番小店裡面了今天, 七點來到, 因為五點食左個麥記, 兩公婆決定只叫一個麵兩隻煎雲吞就算, 怎料阿姐好細心咁講左句：『要唔要加底? 因為你地只係叫左一個麵』, 當然好, 因為我地正諗緊一個麵未必夠但兩個麵又太多, 如此服務態度, 真是貼心又街坊值得一提既係每檯既筷子匙羮係放在一個盤, 再用一塊濕布遮住, 你可以話乾淨也可以話係唔乾淨, 睇你點睇塊布啦, 但我食左咁多年, 塊布我都未見過係污穢的, 大可放心叫了一碗紅燒牛腩雙菜麵加底, 兩只煎雲吞, 一個大豆漿紅燒牛腩麵只要$18, 加底再加$3, 雙菜再加$1, 非常底, 而且味道一點不差。只要在這裡叫麵食, 就會配雪菜或榨菜, 通常我也會叫雙菜, 多一個口味也只需$1, 榨菜不是很辣但很爽口, 可以放心, 雪菜也不會太咸但也很爽

祖母說過給我聽, 這間店在我未出世之前已經存在啦,為什麼她依然仍能屹立在這人繁榮的城市裡,我相信是人們與她產生了感情...嗯, 她的麵條與湯底都配合得天依無縫, 一流呀...聽老闆說湯底是由肉汁淆成的, 所以比較濃一點每隻窩貼只售兩元一隻, 我想其實的店不會這麼平!!!每次來到都有種親切感, 令我喜愛的是她不變的水準.

跟得他多我也有時會來這間店幫襯~ 我每次也會點 「雪菜肉絲麵」，味道夠濃，而且大大碗，有時食唔晒仲可以分一點比他，都係16蚊乍~~ 呵~ 最近，試了「煎餃子」，即叫即煎，熱辣辣，又夠大隻，仲要係2蚊一隻乍，怪唔得成日見到咁多人食呢個喇~ 推介~ 順帶一提，雖然食店細細間，但衛生情況絕不差，那些餐俱是用毛巾蓋住的，比起很多小食店，這是很細心~ 抵讚~

看到各飯友的評價，碰巧經過附近，於是慕名一試。甫坐下點了紅燒牛筋麵加腩汁和大碗豆漿。點麵的時候大姐會問要跟榨菜還是雪菜，與及要不要腩汁，即使首次光顧的顧客也不會錯過。豆漿不太甜，味道也不太濃，跟麵棧的比豆味略淡一點，不過也不錯，至少喝得出跟開水的行貨不同。夾起麵吃了一口，味道有點淡；不過如果和著湯來吃就剛好了。牛筋則煮得很腍很夠味，很好。不知道是否沒有加底的關係，吃完也只是八分飽而已，於是又點了飯友另一推介——煎餃試試看。點了兩隻，來的時候熱呼呼的。形狀很好看，包得像元寶一樣。咬下去就有很濃的蒜蓉味，蘸著豆瓣醬吃十分美味。店子位於一個不太繁忙的地方，外面對著一個類似公園的地方；雖然耳邊傳來陣陣的鑽地聲，可是又不太覺得煩擾，反而好像因此而更加覺得悠閒。不過找起來不太容易就是了。總括而言，這店的水準是不錯的，而且我覺得這種街坊小店是值得支持的，總比光顧逆市加價而質素下降的港式快餐集團好。值得一試。

雖然經常"開飯", 但都係岩岩今日先成為會員原因係因為心血來潮想睇下呢間野既食評, 點知竟然無乜人評佢間野我由細食到大, 真係好好食, 平靚正絕對岩形容佢先講份量, 一碗麵唔駛20蚊, 份量又唔細, 抵如果你叫豆漿, 細既係正常size, 大既, 係一個你平時麵既大湯碗, 都只係6蚊 (我無記錯的話), 而且佢既豆漿係好飲的, 唔會有出面街邊既濃味 / 苦味 / 澀味味道, 鐘意腩汁既一定要加, 好夠味最好食既係紅燒牛腩, 紅燒牛筋 (呢個係隱藏item, 佢無寫menu架), 煎餃 (有得一隻隻叫, 只係兩蚊隻, 去邊度搵丫), 雲吞豬排, 獅球, 雞翼相比起就無乜特別, 雖然都係好食既

一碗肉絲面 16蚊,, 好Q抵食!*(雪菜/榨菜 加埋比你)D肉絲好有口感,,入哂味好正!!D牛腩好林好入味,好香好可口唔會UN~牛根可以用入口即溶既感覺黎形容!加底+3蚊 ,, 兩個女仔都食得飽。煎餃子2蚊隻,,可以淨係嗌1,2隻!!不過稍嫌佢多油左少少咁啦~~~各位食咩面都好,一定要加腩汁,,D湯好濃好香,索返落D面度簡直係一流呀~~如果經過悅來坊果頭，不妨一試！呢間野正位於馬會個商場地下，開左都接近廿年。由細食到大，真係令人回味，搬左出九龍都要專登返黎食今日落單果陣,個呀姐話新出左個紅燒牛腩,不過我都係唔敢博,食返五香牛腩,不過下次我會試下~~~

呢間野我食過好多次架啦...又平又好味!!!佢係食粉麵的,有牛腩/豬扒/炸獅球等等的"食送"配番麵,米粉等等啦,無論你叫乜麵都好,淨麵都好,佢都會問你要乜菜(炸菜/雪菜),唔洗加錢的~~~個度仲有菜叫的...豆漿好得意,有大有細揀細的係一小個碗,大的佢係比裝麵個個碗裝比你,係超級大碗!!!!!!!!!!正我平日食開牛腩米($17)/淨米($10),要炸菜...豬扒食過,本人覺得麻麻地如果住得近都知有呢間,地方不大,但有冷氣,有兩個waitress:一個阿姐同阿婆