影片
更多
2010-07-29
42 瀏覽
還記得加入OpenRice寫食評的原因, 是這為這間店, 我的第一篇食評, 也是寫這家店自從搬左出黎住之後, 很少再黎幫襯, 今天, 因緣際會, 老婆話好懷念津味既味道, 就再黎幫襯了平時因為近投注站, 賽馬日人流不少, 午市可能要坐到出商場走廊, 此商場是香港碩果僅存無冷氣既商場之一, 所以如果想涼冷氣就要坐番小店裡面了今天, 七點來到, 因為五點食左個麥記, 兩公婆決定只叫一個麵兩隻煎雲吞就算, 怎料阿姐好細心咁講左句：『要唔要加底? 因為你地只係叫左一個麵』, 當然好, 因為我地正諗緊一個麵未必夠但兩個麵又太多, 如此服務態度, 真是貼心又街坊值得一提既係每檯既筷子匙羮係放在一個盤, 再用一塊濕布遮住, 你可以話乾淨也可以話係唔乾淨, 睇你點睇塊布啦, 但我食左咁多年, 塊布我都未見過係污穢的, 大可放心叫了一碗紅燒牛腩雙菜麵加底, 兩只煎雲吞, 一個大豆漿紅燒牛腩麵只要$18, 加底再加$3, 雙菜再加$1, 非常底, 而且味道一點不差。只要在這裡叫麵食, 就會配雪菜或榨菜, 通常我也會叫雙菜, 多一個口味也只需$1, 榨菜不是很辣但很爽口, 可以放心, 雪菜也不會太咸但也很爽
自從搬左出黎住之後, 很少再黎幫襯, 今天, 因緣際會, 老婆話好懷念津味既味道, 就再黎幫襯了
平時因為近投注站, 賽馬日人流不少, 午市可能要坐到出商場走廊, 此商場是香港碩果僅存無冷氣既商場之一, 所以如果想涼冷氣就要坐番小店裡面了
今天, 七點來到, 因為五點食左個麥記, 兩公婆決定只叫一個麵兩隻煎雲吞就算, 怎料阿姐好細心咁講左句：『要唔要加底? 因為你地只係叫左一個麵』, 當然好, 因為我地正諗緊一個麵未必夠但兩個麵又太多, 如此服務態度, 真是貼心又街坊
值得一提既係每檯既筷子匙羮係放在一個盤, 再用一塊濕布遮住, 你可以話乾淨也可以話係唔乾淨, 睇你點睇塊布啦, 但我食左咁多年, 塊布我都未見過係污穢的, 大可放心
叫了一碗紅燒牛腩雙菜麵加底, 兩只煎雲吞, 一個大豆漿
紅燒牛腩麵只要$18, 加底再加$3, 雙菜再加$1, 非常底, 而且味道一點不差。只要在這裡叫麵食, 就會配雪菜或榨菜, 通常我也會叫雙菜, 多一個口味也只需$1, 榨菜不是很辣但很爽口, 可以放心, 雪菜也不會太咸但也很爽口。牛腩共分五香或紅燒, 也有牛筋 (也是五香或紅燒) 供應, 我比較喜歡紅燒, 紅燒的比較腍, 也比較惹味, 牛腩切得很小, 加上炆得腍, 不黐牙, 女士也可以一口一件。麵條是上海麵, 即是陽春麵沒味道那一款, 軟硬適中, 再加上那個牛腩汁的湯一點都不油, 我真的可以把那碗麵吃個『照鏡』
煎雲吞只賣$2一只, 以前可以只叫一隻, 但自從新年後變成兩隻起錶, 不過, 店子始終人情味濃, 如果隔離檯有人叫左個爐已經開左, 阿姐會好好心咁提你搭單都可以的, 其實佢都係保障番自己既電費煤氣費吧了。煎雲吞很大隻, 好像元寶一樣, 煎的金黃也少油, 印象中我未見過佢有一次係煎濃的。一咬開, 裡頭除了正常豬肉、菜之外, 還有蛋花, 加左蛋花之後既味道多了一層次, 是真正的外脆內香, 有幾可食到咁有心思既手工雲吞? 我比較喜歡點少少豆瓣醬, 豆瓣醬有少少辣, 配合煎雲吞很好味
豆漿, 大的是一個麵碗, 只賣$6, 飲唔晒唔緊要, 加錢叫阿姐俾個杯你拎走亦得。豆漿是傳統上海菜的甜豆漿, 不燶不苦不澀不溝水, 也有豆味, 非常好飲
食左咁多野, 都只係$32, 仲要係除番兩個人, 仲要食得飽, 去邊度搵?
其實如果這間店開在鬧市, 可能已經成為名店而大排長龍, 我覺得佢甚至比唯一等等更好味, 是真正的『大隱隱於市』
張貼
