上海津味小食店

大窩口有一個好噏耷嘅商場平時我都盡量避免行入去，但呢間上海麵店真係值得試下。店面好細得幾張枱，清一色全部食上海麵。重點推介係上海獅子頭，其實係一個炸過嘅肉丸，豬扒亦幾唔錯，夠林唔韌，由於唔鍾意食韭菜所以就冇叫過佢嘅雲吞，鍾意食韭菜嘅朋友可以一試，聽講都唔錯。每碗麵可以揀榨菜和雪菜，榨菜麻麻地，雪菜好食，佢嘅豆漿有杯裝，樽裝，細碗，大碗，如果叫大碗夠兩個人飲，佢會畀兩支飲管你分甘同味。價錢亦好親民，今日三個人去食，叫咗三碗麵兩碗豆漿都唔使150蚊，下次會再去試下其他款式。…查看更多

呢間自從搬咗過嚟就食足咁耐，差唔多接近飯堂咁滯。佢嘅紅燒牛肉同埋五香牛肉都做得好出色，牛肉好腍之餘仲好有肉味，個湯底都好香配埋雪菜真係食到停唔到口，仲有佢嘅豆漿都係係值得讚嘅，唔係好甜嗰種。…查看更多

性價比平靚正，自選喺香港地仲可以好難得搵到本三十零蚊嘅上海麵 真係要好好珍惜由細食到大嘅上海麵到今時今日都keep到個質素同埋個水準 一碗大豆漿都係$10今次就叫咗一個獅子頭牛腩麵 湯濃少味精炸餃子 少油外內涵多❤️大家繼續支持地方小店總評分：8/10…查看更多

📍  上海津味小食店🗓️ 21 July 2023呢間小店喺大窩口附近，已經開咗好多，真係由細食到大。最記得嘅係呢到嘅豆漿非常之大碗，細個會同屋企人幾支飲筒一齊飲。上海麵可免費配榨菜或雪菜，我叫咗最常叫嘅雪菜雞翼上海麵。入面有雞翼、雞鎚同雞翼尖，味道亦好濃，非常滿足。🍴雪菜雞翼上海麵 $32🍴 煎雲吞 $11 (2隻) $16 (3隻) 好似炸咁脆嘅煎雲吞，好大粒同飽肚，建議同人share食。不過鋪頭位置都幾隱蔽。舖位唔大，所以我比較鍾意買外賣食，推薦大家支持呢間有多年歷史嘅小店。…查看更多

我最近去了一間上海麵的外賣店，真係好正啊！我同朋友傾計，發現佢哥哥都好中意呢間店，原來都係好多人鐘意呀。不過，呢間店位置唔係好顯眼，要自取啦。但係我地都想支持老街坊，所以就去試下啦。我嗌咗雪菜豬扒加獅子頭，好好味啊！我對面果位靚女嗌咗水餃麵，都好好味甘樣。舖仔細細，冷氣都夠凍。唔會辛苦，甘平去邊度搵？總括來講，上海麵係一間好正嘅外賣店，值得一試！不過，要提醒各位，呢間店位置唔係好顯眼，要留意，花多少少耐性搵。…查看更多

同事介紹，個位置都幾隱蔽。舖位唔大，但不斷有客人入坐，好多人幫襯。我叫左豆漿，食梅菜煎雲吞牛腩麵。梅菜甜甜地好喜歡，味道會掛住，唔怪得如果再加梅菜/炸菜要另外加錢，煎雲吞好似炸咁脆，好似金元寶咁，到似即炸咁，唔係好多肉，但香口好味可以加腩汁，牛腩林，麵可以加腩汁。豆漿唔太甜，挺健康，一進入店舖就聞倒豆香。…查看更多

呢間店我係第一次嚟食.其實佢哋都幾隱蔽.又唔喺正大街.又喺正橫街.佢哋佢喺後街嘅街舖.所以唔喺度嘅街坊.未必知道喺邊度位置.講返正題先.我都係喺綱上睇到介唔.今日有空檔時間過嚟試吓佢哋啲美食！嚟到門口都見到幾多人.舖內已經全塲滿座.舖外還有三張枱.但每張枱都有一至二個人.要搭枱.我哋決定等舖內座位.等咗十五分鐘.才有一張二人方枱.眼見枱枱啲麵食個個都好大碗.還有一大碗白豆漿！佢哋嗰餐牌價目.好得意.喺係個儲物櫃門上面.價目表一開二.正好貼左係儲物櫃左/右邊門上。今日點餐如下：1. 雲吞拼紅燒牛腩麵 X1 $50元2. 紅燒牛腩麵 X1 $34元3. 煎炸雲吞 X3隻 $16元4. 大碗熱豆漿 X1 $10元👉雲吞拼紅燒牛腩麵.雲吞有三隻.牛腩份量超多！👍😋👉雲吞超大粒.好好食.紅燒牛腩炆得好冧入味.份量好足夠👍😋👉大大粒煎炸雲吞.炸得香口.一碟有三隻！👍😋👉煎炸雲吞.餡料足夠.大大隻香口👍😋👉紅燒牛腩麵.大大碗.牛腩入味好冧！👍😋👉牛腩夠大件入味軟冧👍😋👉超大碗鮮熱豆漿😋📌上海津味小食店 (荃灣)荃灣德士古道富麗商場地下…查看更多

因為返工又去咗荃灣，呢個位唔算放便，但最緊要就搵到好野食啦 😋 圍住荃貴街呢個圈都有好多餐廳小店～呢間鋪唔起眼，簡單裝修，但原來啲食物好有驚喜 😳餐廳位置唔多有大概6張枱14個位，過咗午市繁忙時段所以唔使等位～嗌咗一碗牛筋&雞翼上海麵$44 🍜 + 一碗大豆漿 $10 🥣 上海麵可免費配榨菜滑雪菜 (好足料!)，湯底濃得黎唔太咸 👍🏻 (純分享："雞翼"原來係1隻雞全翼～仲以為係2隻雞中翼 😅 因為我唔識食雞翼尖) 豆漿大大碗，注意 $10係兩人份！重豆味，唔太甜，同埋可以麻煩樓面姨姨幫手煲返暖～😘 …查看更多

平心意論、其實係抵、但係$17郊外油菜（芥蘭）得2條份量太過少豆漿份量色澤味道係值得一讚價值$10超級抵飲、講到個面仲更加抵有咩事大大碗份量十足一個大男人都食得飽價值$4x內…查看更多

啱啱搬到附近所以隨便落街食下嘢，見到有上海麵就入去試試，九點幾都仲坐滿人，睇嚟係附近街坊嘅食堂。一睇餐牌同一般上海麵嘅配搭相近，特別留意到有獅球，一於要嗌嚟試下！嗌完豆漿一上枱真係嘩咗出聲！平時一小杯嘅豆漿飲兩飲就冇，呢度一大碗到最後飲唔晒。獅球係大大粒炸過嘅肉丸，豬扒都係厚切嘅，上海麵麵質亦有口感。所有麵食都可以揀雪菜/榨菜，同選擇加唔加腩汁。再叫咗小食煎雲吞，大隻又足料！下次要試下湯嘅雲吞先，相當抵食嘅上海麵店。…查看更多

呢間野係呢個舖位都唔知幾多年由細到大，以前細個去完隔離商場就一定會黎呢度食野我仲要係食咗20幾年都係食同一樣就係「雪菜肉絲米」佢呢度嘅雪菜好入味肉絲佢地用以腩汁一齊煮有咬口得黎又入味米粉爽口，唔好過軟啖啖索晒d湯汁，真係好正另外而家都會叫多2隻煎雲吞，佢地d煎雲吞即叫即煎，仲要外脆內爆餡爆汁真心勁好食同抵食，所以我每次去到必點佢地豆漿有暖同凍嘅，同埋又係唔甜，但又唔會淡到水咁其實香港小店買少見少，只此一間嘅津味希望長做長有啦🤤（眼見都換左好多人了，仲記得細個係一個後生哥哥煮麵，同四眼姨姨幫手落單出菜）PS : 呢度咁耐以黎都係野食黎齊就比錢，食完就走得🤣…查看更多

而家咁地道嘅上海麵店真係買少見少，食落特別有風味。但係佢嘅位置比較迫，如果介意嘅都係買外賣返屋企食啦。雖然呢度附近嗰兩三間質素都差唔多，但係都會選擇去呢間，個感覺比較老字號同有保證。…查看更多

呢間野老公話由細食到大佢講左好耐呢日終於黎試左間野係個鐺商場入面唔係食過應該唔會搵到黎入面鋪面好細心諗係咪真係咁好食呀叫左個炸菜肉絲淨雲吞（$42）同一杯熱豆漿（$7）一食落去不得了湯底好濃而且唔油肉絲好入味雲吞有6粒勁大粒而且好足料我一個女仔真係唔係咁食得哂44蚊黎講性價比真係幾高我本身食野都幾腌尖所以一d都冇誇張不過如果想環境又靚又好食呢度環境黎講就相對比較迫少少喇至於豆漿我個人鍾意飲熱既佢豆味好濃都幾好味見到隔離台叫左一碗大碗既用個舊式碗幾得意不過咁大碗應該好大食先飲得哂食完之後都成日諗起呢間野想再去食多次…查看更多

平安夜早咗放工 想食炸雲吞 想起呢間小店 為咗不只幫襯兩只炸雲吞 多叫了一碗豬扒麵 奈何豬扒外觀已經看出又乾又硬 結果口感也是又乾又硬 真的無法嚥下 無奈浪費食物 反映給店員女仕 換來說我今天運氣不佳 😓 食客們 下次有機會幫襯 除非想測試運氣 否則點別樣吧😝…查看更多

讚1.老字號，口味無乜點變，雪菜榨菜都好夠味，夠鹹香，麵質煮得爽滑，夠煙韌，豆漿都幾好飲，同埋份量好大2.雖然係老鋪，但執得幾企理彈1.肉絲好似退步左，無以前咁入味…查看更多