上海津味小食店

營業中

休息中

啱啱搬到附近所以隨便落街食下嘢，見到有上海麵就入去試試，九點幾都仲坐滿人，睇嚟係附近街坊嘅食堂。一睇餐牌同一般上海麵嘅配搭相近，特別留意到有獅球，一於要嗌嚟試下！嗌完豆漿一上枱真係嘩咗出聲！平時一小杯嘅豆漿飲兩飲就冇，呢度一大碗到最後飲唔晒。獅球係大大粒炸過嘅肉丸，豬扒都係厚切嘅，上海麵麵質亦有口感。所有麵食都可以揀雪菜/榨菜，同選擇加唔加腩汁。再叫咗小食煎雲吞，大隻又足料！下次要試下湯嘅雲吞先，相當抵食嘅上海麵店。