上海津味小食店

營業中

休息中

搵openrice爬左文先去左十分鐘先到，唔易搵應該係隱世好食店即時叫左啲網民推薦牛腩雪菜麵 ok 牛腩夠林 有腩汁 一啲都唔油 唔知點做到 仲有啲中藥味 食完無口乾 應該無味精 不過三樣野唔算好夾雲吞麵 麻麻地 個雲吞（其實似水較多啲）有啲唔熟 仲有啲生肉味 韭菜味好出豬扒2塊 入口.....凍嘅。咬落......好硬。由細到大都未食過咁硬嘅豬扒。好想退左佢....煎雲吞 熟嘅 好食。 大家直接買煎雲吞麵就可以。宜家仲食緊止瀉藥.....

今次黎到位於大窩口既富麗花園商場裏面有一間應該都有四十年歷史店內座位不多，人多時需坐到店外，商場內的位置大大張餐牌大大碗雲吞肉絲面($36) 有3大隻雲吞餡用左韮菜好香好足料麵質好，煮完唔會太淋絕對要試，腩汁既湯頭唔錯，雖然好似好深色，但其實唔會好重味。用湯碗裝既豆漿（$8）（附送2支飲管比你）無咩豆味，豆味比較淡呢間野我經常黎食架，店內姐姐嬸嬸好好人架

有三十年歷史以上既麵店，上海麵係主打一向食開豬扒榨菜麵，今次試下呢個牛腩雙菜麵(雪菜榨菜)，都好好味。牛腩入味夠軟，加埋腩汁真係不得了。上海麵係粗麵，口感好好又唔係好軟牛腩雙菜麵 $36呢個炸雲吞真係必食item, 皮脆內軟，仲要係即叫即炸，保持口感。炸雲吞 $20/4隻大大碗豆腐，豆腐有豆味 唔係幾多間做到圓滿的一餐經過荃灣一定要試下，下午茶時段去都仲keep住好多人食

放工後行左去荃薈果頭搵食行下行下就搵倒間舊式上海小食店,內裡不是太正式上海菜,主要食粉麵,價格親民好喜歡食佢個紅燒牛腩麵 ,牛腩數量多, 麵底又多,仲可選雪菜或炸菜另外點了菜肉雲吞配清湯, 雲吞包得很大粒,很飽肚心思思就叫多2粒獅子頭,啖啖肉的,好味記得點埋碗大豆漿

超heavy的麵餐，肚皮大🈵足，正❗傳統的上海麵檔裝潢🎶現代的餐牌, 想起阿茲與海默🦁炸菜獅球麵，兩個紅燒獅子頭，炸肉球比酒樓山竹牛肉體積略大，炸完實的的，表面係紅燒的，浸湯食唔熱氣🍜上海雲吞麵，雲吞共三隻，外形和味道十足韮菜餃，韮菜份量重手，口氣維持到夜晚😷至於煎雲吞，實情是炸韮菜餃，兩大隻金黃香脆，過到口癮又飽肚，不過成碟都係油🙈最後整一大碗甜豆漿，兩枝飲管齊齊飲, so sweet💏

富麗商場好細，但環繞成個場周邊地舖，大部係食肆呢間店面積細細，但中午時段，非常爆滿，要加開檯櫈係店舖門口，放便食客呢度有菜肉雲吞，牛腩，雞翼，獅球，加麵、米粉、米線等叫左個淨菜肉湯雲吞跟雪菜$30（或榨菜），雲吞有七大隻，裏面包滿餡，菜多肉少，雲吞皮好薄好滑，雪菜冇咸味，但好爽脆，加咗少少腩汁，所以個湯有點花椒八角味煎雲吞2隻$9，即煎，好香口，但較油，食完碟低好油，最攪笑係凍豆漿，可用杯$5或碗上$4（用碗平$1），豆漿有豆味，但甜左少少

這店於荃灣花園對面，位置就好隱蔽，如果唔係哩頭活動的人，真係唔知有間上海美食路過門口，見到裏頭食客，飲豆漿係用碗上的，立刻勾起童年回憶，細個嫲 嫲帶我去的舖頭，有咸甜豆漿，同粢飯，豆漿唔用杯，係碗上的但哩度係供應湯麵類，煎雲吞，湯雲吞，仲有牛腩，上海獅子頭都有，但無粢飯，無咸豆漿叫左個紅燒牛腩淨雲吞，榨菜，豆漿，哩度係叫左食物，食物到枱就即刻付款牛腩有花椒八角味，醬油色好重，但唔咸，有嚼頭，但較瘦，雲吞有七隻，多餡大隻，雲吞皮滑，裏面菜多肉少，有少許韭菜味凍豆漿，有豆香味，够凍，但較甜

其實都好多年前來過吃，之前午餐時都要等位才可以食很久，沒想到十多年後還在，當然見唔多人就入去食咗個午餐啦，入到去其實沒有什麼不同，當然係食番之前食開嘅 雪菜豬扒麵 ，再配了一個細豆漿，一共三十二元。好快嘢食就嚟到喇 ，面的樣貌同好多年前食嘅都係一模一樣 。叫了暖豆漿，點知原來係完全吾凍，有少少失望呢，都唔算十分濃豆香，但係可以接受。 雪菜食落去有少少甜味，而且雪菜味都幾濃味道，唔錯。豬扒醃得幾好味道不錯，但是偏鞋身 ，反觀上海麵煮得十分之好，夠彈牙。面份量亦都好多，而且都算滑溜， 整體嚟講都係好飽肚， 其實這裡餃子都十分好食，但係因為今日食不完的原因，所以就諗住下次再和朋友一齊再來。

由細食到大，記得廿年前左右小學時期就開始食，價錢平易近人，好好味道，雖然選擇不多，但每款食物都好味，個人推薦煎雲吞（即炸超脆）、牛根腩，不過地點較隱秘，推薦在附近居住或工作的大家去食

街坊小店,首先說店內的職員全是女性, 上了年紀的, 平均應有55以上吧, 所以請不要厭棄她們慢, 至於食物, 本人認為高質, 味道不錯, 推介牛腩及煎餃, 很好味, 湯底很濃夠味。麵亦可以跟雪茶或炸菜, 非常惹味。午餐時間, 如果人多, 會開至走廊位置, 夏天會較熱, 雖然有抵飲大豆漿一大湯碗也只是幾塊錢。室內地方的坐位不是太多, 但街坊生意吧, 等一下, 大家很快吃完便會離座的了, 這些小店, 買少見少, 希望大家繼續支持。

一個月起碼食一次既津味超級正！其實已經唔使睇餐牌，不過今次就寫食評就影下啦！牛筋上海麵係特別推介，餐牌得牛腩嫁咋 😏每碗麵可揀雪菜/柞菜，我就例牌雪菜，因為真係同啲粗身上海麵好match。牛筋俾超多，仲要大部分都好林好入味。多筋連少肉，食到Lam Lam 脷！上海麵係普通正常麵質，米粉都唔錯！幼身既連埋濃味湯既感覺，但可能就唔要咁多雪菜好啲，會冇咁重口味。細碗豆漿$4！超抵好好飲！$33埋單真係唔會再搵到，支持小店！

牛腩汁夠曬味，炸雲吞比較油膩和普通，但住在附近的食客都會叫黎食，上海麵質偏硬，但佢五香牛腩係比較出色，份量都係正常食一碗夠哂飽，最後仲可以叫多一碗大既豆漿（雖然味道比較淡），價錢都相對平民（$30-$40左右），這間也算是荃灣區的一間小店。

今晚工作得晚又嚟呢度開餐, 好彩趕及佢未收工, 不過店內都係如常爆滿, 也因為阿姐連風扇都熄埋所以就好焗熱吓, 今次食咗獅球麵, 煎餃麵, 豆漿, 店內告示新一年要每樣加價兩蚊度, 其實味道都係一貫keep到如一, 唯一既係每次食完都超級口乾, 大概太重味精了吧...

叫左個獅子球豬扒麵, 才40蚊, 估唔到有2大舊獅子頭, 同2大塊豬扒, 抵啊! 豬扒味道正正常常, 是`普通煎豬扒, 獅子頭是炸過的, 軟軟的, 但又唔會肥膩, 如果係蒸唔係炸就更好。麵是上海白`麵,本身無咩味道, 唔係我中意GE麵條, 不過整體係好抵食。另外叫左13蚊3隻煎餃, 其實係炸的, 又係好大舊, 炸得唔算好油, 餡係九菜豬肉,足料。我見台台都叫呢~

明明呢間鋪頭同我屋企好近，但從來都冇食過，今次因為避雨先撞左入去食見個MENU大部份都係拼雲吞🥟或牛腩🐮，斷估呢2樣應該係皇牌，於是叫左個雙拼一次過試曬雲吞五香牛腩米 $39 加豆漿 $4一見到碗河已經有受寵若驚嘅感覺，D餸超大份！3粒脹卜卜嘅雲吞加幾條厚實嘅牛腩再加堆雪菜已經鋪滿曬個面，留意返個碗係大個我塊面架下😳🥢先試湯頭，味道好濃但唔係一味死鹹嗰種濃，而係好香嘅花椒八角味，感覺餚左好耐👍🥢再嚟雲吞，係我最愛嘅韭菜餡，菜同肉嘅比例剛剛好，超足料塞爆隻雲吞咁齋，3隻等於其他地方5隻嘅份量，個皮仲要有O趙口好開心🙆‍♀(好怕D煮到腍曬嘅皮)🥢嚟到牛腩，雖然大舊但炆得超腍超入味，每啖都充斥住花椒八角嘅味道，肥瘦均勻，同埋有我鍾意食嘅筋位😋🥢最後豆漿，比起主角就遜色不少，冇乜豆味