上海津味小食店

營業中

休息中

放lunch總係要不停覓食，睇下有咩平靚正既飯堂。今日去既呢間，間鋪好細，冷氣更加唔多夠，但為左佢既野食，我覺得都算值。-如果叫普通一餸麵，30蚊有找，兩餸都只係30幾，大大碗好抵-加左腩汁既湯頭唔錯，雖然好似好深色，但其實唔會好重味。雞翼好大隻，連雞翼尖，肉多-去到記住要食佢既雲吞，佢係菜肉雲吞黎，應該係自己包，大大隻，好多料食幾隻已經少少飽好滿足-一碗細豆漿係平時既細飯碗，大碗一變就變左咁大個湯碗，差4蚊，識計數都一定叫大碗豆漿

依一間舖，估計應該都有四十年歷史店內座位不多，人多時需坐到店外，商場內的位置每次必吃都會係雪菜牛腩上海麵豆漿煎餃大碗豆漿以湯碗上，不過今次飲有啲失望，無咩豆味，豆味好淡，得個甜煎餃，韭菜餃多菜少肉，煎到脆卜卜，又大隻雪菜牛腩上海麵如果對以上食物不抗拒，依個係必吃組合牛腩好入味，亦好淋，牛腩唔會太肥，就算有牛筋都係好淋雪菜分量較以往少（n年前），麵質好，煮完唔會太淋絕對要試雪菜豬排上海麵可自選加唔加腩汁

叫了雲吞小辣。28元有10隻小雲吞。辣汁加上蒜和蔥超香哦。而且雖然辣，但又不過份油膩。雲吞裡的材料是豬肉，沒有其他，雲吞皮則是廣東雲吞皮。雲吞普通，但加上香辣的味道，就加回分數。

雙菜(榨菜雪菜)肉絲獅子頭上海麵一檔小弟由細食到大嘅小店，轉過老細，味道雖然有微細嘅轉變，但9成都保留得住！一碗上海麵，麵條粗幼剛好在中間，有咬口、雙菜啱我夠貪心、肉絲多汁、加一粒獅子頭就夠飽肚，咁嘅配搭，$30而已，重點係好食！比起啲成舊水一碗嘅日式拉麵，它們都要行埋一邊^^

今日男友帶我去食上海麵, 佢話呢度D 牛腩好好食, 不過我又想食上海雲吞, 於是就叫咗個牛腩雲吞麵配雪菜 (可選炸菜)~~~~首先要讚下佢個湯底, 夠香夠濃~~~ D 面唔會太淋, 有口感, 配雪菜好好味!!! 而牛腩亦夠淋夠入味, 份量又夠多!!! 不過個雲吞就一般般啦!

回到小時候住的地方⋯對此小店份外有親切感從小吃到大，除了價錢外⋯食物和人都無嘜點變⋯ 一坐下，想也不想⋯就點了雪菜獅頭麵！兩粒大大的獅頭⋯肉質不像出面那樣淋，很有口感！而且醃得很入味，二粒的分量剛剛好，不合太漏！雪菜雖然是配角，但也絕對沒有馬虎，不會太咸但又夠味！如果你不喜雪菜，也可選擇炸菜！麵底是普通的彈牙上海麵，會比出面的較粗身少少加8蚊仲有大大碗豆漿，不過我就覺得淡左少少，未算好飲⋯⋯

這間食店真係由細食到大，在我有記憶以來e間麵店已經存在。我小學的時候是讀上午班的，放學之後同媽媽買一碗麵再加2隻雞翼返屋企食，開開心心又一日，簡直係我童年回憶！剛剛好星期日無野做，未食午餐，就諗住食返碗，懷念一下。麵店門面十年如一日，唔知味道又有無改變。要了一碗雞翼肉絲面及2隻煎餃，一共$3x元，雖然比很多食店要平，但比起以往他已經加價不少了。我很喜歡這店的雞翼，像鼓油皇又不是，但又有濃濃的醬油味！之前有朋友說話好油，但這味道的雞翼我從未於第二處食過！雞翼是全翼，非常入味，而且肉質幼滑。肉絲面其實係無咩餸既，因為肉絲唔多，但重點是個汁，這個肉絲汁非常好味，記得如果唔係叫肉絲面都可以要佢個肉絲汁，值得一試！煎餃可以買$7兩隻或姐$10三隻，我又有其實餸，所以就叫了兩隻！煎餃是韮菜餃，最鍾意佢多菜少肉，面且皮又趣又薄！$7兩隻大推！

就點了菜肉餛飩，上海菜直接吃餛飩，就知道這家店正不正宗結果令我失望菜肉餛飩個頭太大，皮煮得過爛不滑、餡頭居然吃出韭菜？！，餡裡的肉質很粉估計加了很多澱粉，總之如果說正宗是100%，那這家店的餛飩連20%都無法達到，十分失望 :-(下次去滄浪亭試試目前吃的好吃的餛飩還是上海弄堂的比較接近，但它家的餛飩個頭還是太大了，不知道是香港的餛飩皮的問題還是什麼。。

鐘意食上海野既我，去左大WO口去探朋友之餘，梗係睇下附近有無野岩我啦。去到呢間，見到4蚊碗豆漿我已經雙眼發光。之後我即刻入去啦，由於我唔鐘意上海面既質感，就只有叫左豬扒配雲吞、豆漿、煎餃，豬扒:軟"林"，易咬口，不過就起絲既，個人覺得麻麻地雲吞:皮厚，上海北京既特色黎，入面韮菜既味道好岩我，唔會太濃，因為太濃會口臭。煎餃:個皮真係脆卜卜， 又金黃，鐘意香口野既,自然就大愛。至於豆漿我反而覺得普普通通，無咁重豆味。價錢就唔貴，合理價錢，可惜唔就腳，除非因工作，否則都難以成日來食，可惜可惜。

住附近都有段不短日子, 但很少到此店附近尋食. 看過openrice食評後, 決定星期六晚來幫襯 小店只有大小檯共5張, 有一位姨姨負責落單,上菜,收錢一腳踢. 另一位姨姨負責廚房, 聽得出來吃的大部份都係熟客,街坊.  兩人點了一大一小豆漿, 雪菜紅燒牛腩豬扒上海麵, 炸菜牛腩雲吞上海麵, 一碟煎餃子, 豆漿普普通通啦, 紅燒牛腩做得不錯, 夠嫩易咬唔會痴牙, size跟份量都很合理, 豬扒薄薄, 嫩嫩;帶醬油香, 煎餃相當不俗, 兩面金黃勻循, 脹卜卜, 點少少豆辨醬更加好味道!!! 埋單$91, 大滿足! 一定會再來吃!!! 

自從吃過津味小店後，我和baka對這裡的雲吞和環境念念不忘，是日再次漫步到隱世食店，吃一頓上海式下午茶！首先點了上次沒有吃到卻有名的煎雲吞（每隻$3，2隻起），我們吃了4隻。份量飽滿的雲吞煎至金黃色，從雲吞皮隱約看到點點的深綠色韮菜餡。上海雲吞煎過後十分乾身，口感酥脆，但雲吞餡依然豐富，多菜少肉下更突出香濃的韮菜味。湯麵方面，我選了肉絲雲吞麵（＄３０），湯麵的中央放了醃製過的深紅色肉絲，旁邊有三顆圓潤大雲吞，湯底是腩汁，佐有炸菜。今次店員姨姨忘了問配料和湯汁的選擇，後來我想起後急忙問她可否改成炸菜。粗身的白麵口感依然滑溜，今次湯底換成了腩汁，吸收了醬汁後味道更見入味，但略嫌腩汁油膩，有點鹹，下次還是吃回清湯～而上海雲吞沒有使我失望，跟剛才吃過的煎雲吞對比下各有特色，我還是喜歡這種有嚼感的湯雲吞。baka則選了有三拼的牛腩雲吞豬扒麵（＄４２），湯底同樣是腩汁，佐有雪菜，其所用的碗亦較大。新嘗試是切成小件的牛腩，煮得非常軟腍肉嫩，同樣味道濃郁。吃濃味的上海菜怎少得喝凍豆漿（＄３）呢～可能才前不久吃完津味，所以沒有上次般的驚喜水準，不過仍然很喜歡這裡的雲吞，以及那遠離鬧市的街坊風味。

小時候曾有段日子住在荃灣附近，十多年後仍與這小社區結下不解之緣，幾乎每星期都會去一次逛逛。走在擠擁如一的街道，在新式商場林立的現代香港裡，荃灣是其中一個轉變不大的社區，很多街坊小店、景色都能找到小時候的影子。是日我和baka走進這間隱世的上海小食店，人越大，越懷念小時候的一點一滴。如果不熟悉荃灣，這間隱藏在街坊商場裡的小店確實難找，但在假日的午餐時段也有不少食客捧場。食店有分室內室外的座位，室內的位置很少，幸好有位叔叔讓出二人枱，萬分感謝！抬頭細閱張貼在牆上的餐牌，津味以上海麵食和雲吞為主，配搭款式多元化。我點了上海雲吞麵（＄２３）。在落單時，店員姨姨會問要炸菜還是雪菜，因家母有時都會在家中醃雪菜，所以我選了前者。一大撮呈淡黃色的炸菜絲放在上海白麵上，旁邊放有三隻上海雲吞。自家製的炸菜絲美味爽脆，很開胃！白白圓圓的上海麵驟眼看有點像烏冬，但卻比烏冬幼細，稱不上有嚼勁，但質感順滑。雖然上海雲吞只有三顆，但每顆都份量十足，絕不欺場。雲吞包得很漂亮，脹卜卜，餡料是韮菜豬肉，多菜少肉，味道香濃豐富，而且很喜歡這裡的雲吞皮，軟滑得來有咬勁。baka則點了雲吞豬扒麵（＄３３），他也選了炸菜及加腩汁

這裡還有$3豆漿 $23 1個上海雪菜紅燒牛腩面她們老了 做事慢了 忍耐點吧 水準維持了 牛腩入味又淋 相信老人家吃也沒問題~而且牛腩有奶味的，雪菜沒有渣的~價錢幾年前和幾年後相差只是1-2元 那裡找？便宜 又 好味 足料填得飽肚子那裡找？不過 環境衛生不要想像很好。

逢星期一都是小妹的上課天，上課前當然要把肚子填滿才能專心上課！看到食評家的推介，便二話不說的扑槌！小店位於荃灣花園後的富麗商場，平常搭車經過只看到荃灣花園的外貌，誰又會知道原來荃灣花園後有多間食店呢？小店面積不大，只能放置5張枱，每枱上除筷子桶外，還有醬油、醋、辣椒油和豆瓣醬以供調味，Menu呢？大大的印在牆上，任誰也看到！（除了店內牆上外，店外的牆身亦印有菜牌）得到食評家的介紹，選擇困難症的小妹很快便下定主意！1. 豬扒淨雲吞2. 油菜（全走）3. 熱豆漿（細碗）豬扒淨雲吞看到成品，被份量嚇親！豬扒兩大塊，雲吞七大粒。豬扒肉厚且嫩，不用費勁便能咬開，色水雖深但味道出奇的淡。韭菜雲吞又大又圓，菜多肉少，比例剛剛好，韭菜之多令整個雲吞充滿韭菜香，配上湯底，小妹一口接一口吃過不停！份量實在太多，大概下次只點淨雲吞便已足夠！油菜（全走）生菜全走，原意想健康一點，但小妹不敵味道太寡，最後下了醋（醬油乃老抽，有色無味）熱豆漿（細碗）幸福其實可以好簡單 - 天寒地凍且飢寒交迫之際，來一杯熱飲，幸福極了！街外的豆漿多是極甜，而且毫無豆味可言，但這兒微甜且充滿豐富豆香，是古早婆婆豆漿味。也許別人會認為

聖誕節的當天，老公和我沒有安排與家人或朋友的聚會，不要以為我們可閒著享受二人世界，其實我們特意騰出一天，好好為26日 Boxing Day 的火鍋派對籌備。早上起來，便換上衣服出發到荃灣去，準備穿梭於荃灣兩個街市，為十二人的派對精心選購火鍋食材。所以在消耗體力與腦力之前，必須來一頓豐富的午餐。來到津味，小小的用餐區全滿了，證明她是一家深受街坊愛戴的小店。津味主要提供上海麵食，雲吞、豬扒、雞翼等餸料，價錢由二十多元至三十多元不等，定位親民。侍應姐姐為我們在店外加開一張摺檯，室外天空海闊，不被束縛的自由感覺尤其適合我的性格！當今三元能買到什麼？津味的小碗豆漿，才三元一碗，感覺就像時光倒流。先來一碗熱、一碗凍的豆漿，豆味不濃，幸好不算太甜，就當是滋潤一下喉嚨吧！雪菜紅燒牛腩上海雲吞麵是老公的選擇。紅燒牛腩肥瘦勻稱，燜煮得軟腍潤滑，加上醬汁非常入味與可口，每口牛腩也充滿花椒、八角等香料的芳香。上海麵條幼身滑溜，不過我較愛粗身、具嚼勁的上海白麵條。上海雲吞形狀漂亮，一咬雲吞皮有嚼感，合符我們的口味；餡料亦不乾，唯一可惜的是韮菜味道不夠香濃。每款麵食，均可選擇雪菜或炸菜。老公的雪菜爽身，味道清香，