上海弄堂菜肉餛飩 (電氣道)

營業中

休息中

去開維園嗰頭，當然要順便搵吓食啦！突然間諗起想食上海野，腦內就浮現出上海弄堂這個名字。所以就試一試位於天后嘅上海弄堂。餐廳空間於門外一眼睇晒，雖則店舖比較細，但座位都尚算舒適，好適合三五知己飯聚聯誼。晚市時間都有套餐供應， 10分抵！肴肉端出來，夠凍👍🏻肉味香，點黑醋佐以薑絲，十分清新！用來作開胃菜一流！炒膳糊係我自己任性唔理朋友喜好點的😂膳肉香軟！味道適中，唔太鹹。膳比韭黃還多！連平日唔食膳糊的朋友都食得好開心！上海炒年糕，炒得香噴噴！年糕好有咬口，煙煙韌韌！唔好睇佢咁深色，一啲都唔鹹，令人一口接一口，不停食🤤就算分店，質素都維持得好好！以後諗起食上海野，一定會諗起「上海弄堂」！

在天后站出來，有很多食肆，中西日泰，在街口Corner位的上海食店。牆上有以前6，70年代的香港相片，懷舊得來也很優雅。 菜牌有很多選擇，都很經济實惠，圖文並茂，樣樣都想試。最後點了久違了的醉雞為前菜小食，花雕的芬香鮮味，滲在雞肉內。 跟著是傳統的燻魚，稍稍煎得硬了少許，味道卻是一流的。 跟這個是菜飯，多營養。 上海雲吞，湯底不錯 總括位置非常方便，價錢合理，坐位舒適招呼貼心。味道很好，很滿意！

天后地鐵站一帶向來都有好多食肆選擇，而今次見到上海餐廳嘅價錢都非常實惠，加上食物選擇好多，所以決定入去一試。見到個餐牌就被午市套餐吸引。個套餐大約係80蚊就已經有好多選擇，而且套餐包括一個小菜，一個主菜同埋一個麵食，又抵食又好味。我哋叫咗一個黃金排骨麵同埋一個無錫排骨菜飯，小食就分別係青瓜同埋雲吞，我哋仲加咗豆漿添!😋我最欣賞嘅就係黃金排骨，麵粉炸得好脆，皮薄，排骨肉質鬆軟，估計炸嘅時間同火力都啱啱好，可以鎖住排骨嘅肉汁。無錫排骨都好好味， 醬汁嘅甜味唔會過多，而且肉汁滲入去個罘排骨令到佢好入味😍小菜方面，我地仲叫咗小籠包同春卷。春卷炸得入味而且口感豐富，小籠包反而係重點所在。小籠包皮薄餡靚，最裏面好多肉汁，肉質都好有口感，食完好滿足!店員服務好好，環境寬敞舒適，食得好暢快! 一定會推薦家人同朋友再黎幫襯😋

好耐無來過食飯, 所以來回味下, 中意呢度既服務又好又細心, 員工嘅服務態度，係真接影響食物本身嘅味道醉雞，一吃就知道是一份很出色的的雞。有酒香，也有雞香，醃得入味，啖啖濃濃的酒味，入口芳香，雞肉同已成膏狀的雞油，加上酒香地吃入口，很是滿足。小籠包的濃濃香香肉汁，就在這頂上的小洞，滲發出來,入口，有肉汁，而且是濃香味的肉汁，而且，肉汁早在蒸煮的過程中滲入了在小籠包的包皮之中，增添這小籠包的香口程度，食四隻嫌少，但我的胃亦的確是沒有再多的空間。煮得幾香口, 四季豆都幾鮮甜, 咬落卜卜聲咁好爽口, 是一道色香味俱全的菜最喜歡的菜式之一不誇張每個餛飩都像水餃一樣, 皮我覺得很厚實有咬勁, 內餡很扎實夠味店子雖然小小, 但內裏裝潢簡潔,牆上掛了字畫和油畫, 簡樸優雅, 富有懷舊的老上海色彩。其實之前已經試過跑馬地分店, 菜式大致上一樣, 種類很多 

上次係跑馬地食過佢嘅分店，覺得都幾正宗食物都幾足料，所以今次經過見倒都入左去食舖面雖然唔係好大，但坐落都好舒服嘅，餐牌同響跑馬地嘅一樣。小籠包，每次食上海野都要叫黎食！餡料依然一樣咁多，啲汁多到一匙羹都唔夠裝，一啖過都食唔哂菜肉餛飩酸辣湯麵，一次過滿足哂我三個願望，有菜肉餛飩，有酸辣湯，有麵酸辣湯都幾足料，每一啖都食倒餸，而個麵嘅質地就偽硬身，唔容易浸到林哂菜肉餛飩真係好正，食完酸辣湯果幾隻唔夠皮要再叫菜同肉嘅比例岩岩好，我鐘意佢夠多菜，咁樣可以中和左啲肉嘅飽濟感，心理上覺得健康啲紅燒肉百頁結百頁結本身係冇味嘅，不過加埋係度吸哂啲汁好正，索哂啲味好入味，而舊肉就入口即溶，好正

朋友在銅鑼灣睇戲後便到北角尋找美食，聽說這間鱔很好味於是我們便進去了。 雖然有漏單情況可是職員很快便補上 韮黃炒鱔糊 HK 128 炒得很乾身得鱔及韮黃，碟底又沒有餘下很多油，果然不錯 陽春麵 HK32 麵的軟硬度適合老少咸宜，清淡湯底配鮮綠色的菜。家鄉燻魚HK 68 魚弄得很乾身又入味，採用新鮮鯇魚腩，有魚骨頭但晤多。茅根竹蔗水 HK17 是以一杯杯計算，很清淡，適合剛吃了濃濃的麵。1 人套餐 HK 98 蠔油時菜 上海炒年糕配豆漿 1人套餐 HK 82小食菜肉餛飩4只主菜雪菜肉絲湯麵 配豆漿

今日同個fd系銅鑼灣行完街又吾知食咩好 行左去天后個邊 因為多d野簡 我地入左去食呢間 岩岩我個fd 因為佢系素食既 而入面又有野比佢簡我地叫左籠小籠包入面4粒 因為佢吾食肉既關系 我自己一口氣就食哂4個lu 小籠包大概等左15-20分鐘 因為系即叫既做既 小籠包吾算太大粒 但都吾細粒 一咬入去 d湯就流出黎 而入面d肉都幾嫩口 加埋醋就剛剛好！之後我朋友叫左蝦仁炒蛋蝦仁炒蛋雖然系真系貴左d 因爲佢吾算太大份 不過2個女仔食系岩岩好既 男仔就差少少 但佢味道都幾好味 有少少濃 岩哂送飯 入面既蝦大概有8-10粒 而且都彈牙 之後我叫左個醉雞隻雞幾嫩口 肥肥地 而且好有肉地 肉同骨既比例系1比4 吾系得骨 酒味都幾濃同幾香 而且幾入味 應該都醃左好幾個鐘 而雞皮都清理得幾乾淨 吾會有雞毛系上面 最後仲叫左2杯豆漿 稱為甜左少少 但都ok整體來說 我都會再黎 畢竟有上海菜既風味

上海弄堂 滬菜之選今天難得有假期，和媽媽一起出外走走，媽媽鐘情上海菜，所以就黎到上海弄堂吃個下午茶。排骨菜飯酥炸過的排骨，外脆內裡肉汁夠，不會太乾身，配上上海菜經常見到的菜飯，非常典型的一道菜式。小籠包即叫即蒸的小籠包，皮薄是必須的，一咬開內裡的湯汁要溢出來才算滿意，這裡的小籠包也做到這效果，必試！牛腱面啖啖肉，厚切的牛腱，當中的筋令牛腱非常有咬口，肉味夠，唯獨湯底不太濃和面有點過老帶軟的感覺炸銀絲卷非常出色的甜品！炸得呈金黃色的銀絲卷，內裡的層次很多，吃起來時很有口感，不會飲吃饅頭般，配上煉奶後不得了！酸辣湯偏酸帶點少辣的湯，有點羹的感覺，非常開胃。

今晚相約好友到天后晚飯，而我建議吃上海菜，所以她便帶我到離天后地站維園出口不遠的「上海弄堂」吃晚餐，而且原來對面馬路便有過海隧道巴士站，真方便我過海之後回家呢！我們各點了一人套餐：「一人套餐 $82」四款小食中選了《菜肉餛飩4只》而主菜選了《雪菜肉絲湯麵》另加$5點了豆漿菜肉餛飩大隻而且用上湯浸著，所以能夠保存熱度和不會黏在一起。菜肉餡料入味，皮亦平均的薄，熱湯也有淡淡的肉味，清淡好喝。雪菜肉絲湯麵的麵條不會過稔，所以夾起來亦不會輕易截斷，湯底清所以雪菜肉絲很有提味作用，與麵條一併入口很讚。「一人套餐 $98」四款小食中選了《蠔油時菜》而主菜選了《上海炒年糕》另加$5點了豆漿時菜方面要了白菜仔，但朋友說過稔，而我就喜愛軟稔的蔬菜，所以這點喜好因人而異，如果喜歡爽口一點的時菜或許可以事前跟店員溝通一下。上海炒年糕道濃而不咸，很適中，拌湯麵的話很不錯。年糕軟度適中有嚼感，但一定要襯熱吃。另外，聽聞這裡的《家鄉燻魚HK 68 》很不錯所以點了一客。以往在外邊通常吃的都是比較乾身只有甜味，但這裡的是用上新鮮鯇魚腩醃製，所以咬開仍有水份而且魚味依然，好吃！人多的話餐廳還有其他套餐選擇呢。服務：會

在宏宏的港島區中最喜愛的就是天后附近的食肆，這個地方照顧到早午晚及消夜。今天找到了天后地鐵站A2步行約2分鐘的上海弄堂菜肉餛飩。餐廳環境清潔。即使留了單也會即時跟進。多款套餐選擇，適合有選擇困難症的我們！韮黃炒鱔糊 HK 128 韮黃及鱔也入味，也弄很乾身，油不多且沒有魚骨，很滋味，送麵一流！陽春麵 HK32 麵的軟硬度適合老少咸宜，清淡湯底配鮮綠色的菜。醉雞擔擔麵 HK 75醉雞跟麵是分開上，酒味較為重，很適合重口味的我。雞皮又爽又滑，肉質也很嫩滑。擔擔麵中加入花生等配料，有多種質感。家鄉燻魚HK 68 魚弄得很乾身又入味，採用新鮮鯇魚腩，有魚骨頭但晤多。茅根竹蔗水 HK17 是以一杯杯計算，很清淡，適合剛吃了濃濃的麵。

今天放假同朋友去了維園中秋綵燈會影左幾張靚相，再過對面附近天后好多食肆中找到間上海餐廳食午餐，很久都沒有食過上海菜。 港島區原來都有4間分店的，而這店內約有6-7張枱 地方都唔錯，只是冷氣不太足夠 牆上掛了懷舊上海灘風景畫 餐牌上有飯有湯麵、湯飯仲有多款小食選擇 點了兩個套餐奉送凍豆漿 套餐醉雞菜飯 酸辣湯包括切成絲的黑木耳、嫩豆腐、 打散的蛋花。 入口帶點微辣滿滿一碗多料豐富的材料感覺味道不錯，酸酸的十分開胃 套餐排骨擔擔麵 上海排骨即豬排炸得甚香脆 擔擔麵每一條都很口感爽彈，湯底濃郁芝麻和花生香味 仲有少少辣十分惹味，喜歡濃味朋友這個都不錯。 炸銀絲卷是我一直好喜歡點的食物之一 雖然熱氣一點還是愛吃 金黃色的外脆皮裡面一條條的口感層次感 趁熱吃的小籠包，店員即時提示我們要快快趁早吃 雖然皮都可以接受但餡同肉汁濃郁鮮香一口其實都可以食曬。

今日難得早左收工, 就約友人去天后條" 食街" 搵下有咩好野食由天后地鐵站開始行..由於周圍太多餐廳, 根本就唔知揀咩好....行下行下去到一條比較黑O既橫街, 見到有間鋪係黑暗中亮起燈光,..好特別, 感覺好WARM, 就想入去試下,(好彩入得黎早, 坐多一陣, 出面已經有人排隊,)一坐底, 店員就逢上一杯清茶,,可以一路飲茶一路睇下有咩好食, 由於太多野想食, 一時三刻揀唔落手, 我一於交哂比友人拍板, 有前菜,有主食, 有點心, 當然嗌埋主打O既"菜肉餛飩"!好快就上左個前菜,, 一食落口, 不得了 蘿蔔又甜又爽又冇辣味, 海蜇爽口又入味, 好難得兩樣都好味, 加埋一齊就更加好味,(如果好味O既海蜇可以再多返D 就PERFECT 啦)好快個醉雞擔擔麵就出現了,一望落去, YEAH!!!!有雞脾, 每件都切得好大舊, 又冇碎骨, 擔擔肉!! D 雞好滑好嫩又入味, 連D 骨入面都有汁!用黎浸雞O既花雕質素幾好, 飲左D 落肚, 個胃即刻有D 暖氣, 成個人都舒服左,擔擔麵有花生香味, 麵質有麵粉香,又彈牙, 唔錯!主打O既菜肉餛飩果然同出面街食到O既唔同, 菜同肉都係粗切, 非常爽

在天后上完堂、順道去附近的電氣道覓食。上海弄堂是一間上海家常小菜館、地方唔算很大、但看得出食客都是住附近的街坊、帶同小朋友來午餐。菜肉餛飩 （8只）$48餛飩比平時吃的大隻、皮軟滑、餡料很多、味道亦唔錯、幾抵食。小黃瓜 $38 色澤偏深、小黃瓜爽脆、不過略嫌有點太酸。滷牛𦟌擔擔麵 $65 要了微辣、湯底色澤橙紅其實並不辣、反而有種䓤和香料的香氣。麵質爽滑、牛𦟌很軟稔、完全唔會嚡口。醉雞肉質嫩滑、酒味唔算重。

今日同朋友行左cwb一陣街,都肚餓既...就去左天后搵野食天氣熱口淡淡經過上海弄堂見到又有少少想食上海野就走左入去牆上面都好多好傳統咁既畫,之後坐低左就睇下餐牌有咩食今日叫左3個菜無錫骨,回鍋肉,上海炒年糕無錫骨--肉好有質感,咬落軟骨度好有咬口,肉味濃...份量都好足下,夠晒飽肚上海炒年糕--炒落黎好香濃既醬油味,個年糕有咬口感回鍋肉--肉唔算肥,配料連肉一口咬落去感覺仲正,有椒同蔥非常好配合仲有菜....咁樣食落就冇肥膩既感覺仲有好fresh既感覺...

公司嘅同事快要調走，本來上星期約好咗請佢飲茶餞別，點知這個年青小伙子非常客氣，竟然「靜雞雞」走去埋咗張單，由於已經夾唔到時間再吃，所以決定趁周末去天后「Blesscuit Bakery」給他買份禮物，以表心意。辦完事後，沿著電氣道往北角方向走，喺清風街天橋底見到這間「上海弄堂菜肉餛飩」，反正午餐還沒想到吃甚麼，一於在這裡解決。拉開趟門內進，店裡地方不大，一眼望曬，細心一數，只有約廿個座位，牆身掛有畫作和一副弄堂對聯，配上一室淡雅裝潢，流露出點點舊上海風情。打開餐簿，食物選擇都幾豐富，有阿娘餛飩、小食/點心類、阿啦菜(冷盤)、肉類/雞鴨、河鮮類、蔬菜/豆腐，另外亦有湯羹、煨麵/湯麵、飯類及飲料，茗茶每位 $3，而且全日免收加一。之前和朋友在另一間分店吃過家鄉燻魚 ($68)  呢道非常傳統的上海菜式，覺得水準不俗，所以決定重溫。魚塊上桌前已分成小件，挾起一看，切得厚薄適中，內外炸透而不焦燶，肉質實淨，入口魚皮鬆脆，加上面頭偏甜的醬油，惹味香口。接下來輪到品嘗小食和點心，先上桌的上海春卷 ($28)，一客兩條，外形短小精悍，面層炸至色澤金黃，咬下非常香脆。廣東人嘅炸春卷，餡料多數是豬肉、韭