上海弄堂菜肉餛飩 (歌賦街)

營業中

休息中

今日突然好掛住‘上海‘呢個地方，掛住上海既夜景，上海東方明珠塔…有好多上海既回憶😍😍一於今日lunch 去食上海野😁😁在網上搵到一間叫上海弄堂，一於去食啦！😄😄門口同餐廳裏面既裝修都好中國風，特別在cashier 旁邊既一道屏風,懷舊既裝修。午市優惠🍱⭐️菜肉餛飩 8 隻⭐️$52好大隻，肉好juicy ，新鮮菜同肉既比例平均⭐️上海粗炒⭐️$70粗炒好有彈性，爽口⭐️自製滷牛𦟌⭐️$78牛𦟌唔過淋，口感一流⭐️小籠包 4 隻⭐️$40熱辣辣（小心辣親個咀），皮薄，肉係超多汁午市有豆漿，甘庶水免費奉送滿足既一餐❤️❤️

最近食得多西餐煎炸野攪到有少少熱氣，所以今晚都係去食中菜類型的，朋友搵下中環有咩好食時，見到九記牛腩後面有間上海弄堂，上海菜，小籠包！啱食啦！見到晚市有一人套餐，朋友想食鱔糊，揀埋酸辣湯，加錢轉擔擔麵，加埋豆漿，都好豐富下，我怕食唔晒就加了我想食的小籠包同菜飯算碟花生小食係加埋炒少辣椒一齊炒，好野味，睇波時食一流，連我有點熱氣都忍唔住食了好多酸辣湯平時就少食，其實好似碗仔翅，不過味道就完全唔同，又酸又辣的，其實好開胃，而且食食下覺得辣，但係個種辣又好快會散去！小籠包即點即蒸，上枱時都起晒蒸氣，皮薄但又唔會好易夾爛，咬少少吸晒湯汁都好燙口！又熱又好食！100蚊多d的套餐竟然有韭黃鱔糊，其實都好抵食下，鱔糊又係超熱，即炒夠晒鑊氣，微甜的汁就連韭黃牙菜都無晒草青味，鱔條好彈牙，送飯食一流！套餐加10蚊轉擔擔麵，份量比想像中多，一大碗的！試一啖湯就食到好香濃的花生味！而且辣辣哋，越食越停唔到口，麵唔會煮到好淋剛剛好，麵上面還有一些肉碎，食落更加有口感！最後飲埋杯豆漿同茅根竹蔗水，清下熱氣～

相約好友在中環吃午飯，揀了這間環境優靜的上海菜，好友是上海人，揀得這間一定有一定水準午市套餐多款選擇，我們選了薺菜餛飩，這個薺菜很少見，我也是第一次吃，味道比較清淡，不太濃烈也沒有濃濃的草青味，好友不錯的推介素菜餃，餃子外皮不厚，一口咬下去，先感受到豆腐的豆香味，食得健康，感覺舒服鎮江肴肉，軟熟的肉質和清新啫喱比例剛好，點上醋味道更上一層樓醉雞配菜飯，醉雞入味，但一點也沒有酒的苦澀味，雞肉嫩滑，保持雞的味道又帶輕微的酒香，可選擇配拾白飯，菜飯，擔擔麵或湯麵，最後選了爽口碧綠的菜飯食上海菜必試的上海小籠包，皮薄薄的，但夾起不會太薄而破，師傅手勢不錯，一口咬落，肉汁豐富，值得一試回鍋肉炒年糕，椰菜切成片片的豬肉和年糕吸收醬汁的精華和豆瓣醬的香味和辣味，非常惹味

上海弄堂，坐得幾舒服，提供既茶幾香幾好飲，叫了2份1人套餐，全日都供應，價錢實惠！鎮江肴肉，晶瑩剔透，一粒粒易入口！啖啖肉，再加上薑絲更帶香味。上海春卷，香脆皮薄！脆卜卜幾有咬口，唔會過油膩，不錯。無錫排骨，濃郁入味，醋味夠酸又香！非常開胃，而且紋到好嫩滑，輕輕一咬已經分開！軟骨爽脆，骨膠原感覺豐富。味道酸香送飯一流。菜膽獅子頭，肉球內層好夠粉嫩，肉香十足又夠濃！口感層次豐富！幾好食。店員態度友善，服務不錯。

某報紙專欄介紹呢間野，特登去試，點知就中咗伏叫咗幾樣野，基本上冇一樣好食，係得個雲吞叫做正常少少，其他全部都唔掂，酸辣湯又唔酸又辣，小龍包唔好食，燻魚有泥味，同埋好似好耐之前整定咁。呢樣都未算最癲，叫咗個雪菜黃魚麵，我敢肯定呢碗野係我過去十年食過最難食嘅一樣野，咩味都冇，冇調味，但就有好重嘅魚腥味，係一咬落去就會想即刻lur出嚟嗰隻最嬲係同完個waiter投訴之後佢竟然完全無動於衷，又唔收返又唔換過，照要我地賣單！！！食到一肚氣 呢間野永久!

已經下午四時在這小店附近完成了參觀正找吃的地點，正好來一個上海早夜飯👍🏼👍🏼清靜雅緻的食店，員工態度積極，更耐心介绍奉上清香的大麥茶👏👏香菇烤麩口味地道，烤麩撕碎伴冬菇片十分爽口，醬汁濃淡適中，高分無花巧的一道😋😋家鄉燻魚入味乾身淋上甜甜的燻魚汁十分開胃，魚皮仍爽脆有口感是我至愛😋😋陳年花雕醉雞鹵汁用料足，花雕酒香撲鼻， 雞肉鮮嫩😋😋蔥花開陽拌麵麵條有嚼勁，伴干蔥蝦米干更增香味及咬感😋😋小籠包外皮厚薄適中，饀料肉味鮮而不膩，作小點或主食均可太座意猶未盡欲一試上海甜點桂花酒釀丸子， 桂花加上酒釀清香味醇，丸子極煙韌好有咬感回味的一頓上海早晚餐

中環比人感覺係上班族，但原來橫街窄巷有好多不同的餐飲。竟然搵到間食上海菜，因為疫情邊度都去唔到，好在香港係美食天堂。點左個菜肉餛飩麵，餛飩好大粒，麵的口感好煙韌。上海必試的小籠包，細細粒，一啖一口咬落去最正係個湯汁，再點綴薑醋。必食！煎餃都好大粒，咬落去還有肉汁，再點上餐廳的辣椒醬，絕配。不能不試的上海湯年糕，有上海的鹹味，仲有年糕好滑，配菜入曬個湯味。上海菜春卷，外脆內涵係青菜，好香脆清淡。下次可以再試試其他菜式！

第一次嚟到呢間上海菜 係歌賦街 附近都食肆林立 入到餐廳周圍都黐住一啲有上海特色嘅畫作 我叫咗一個回鍋肉炒年糕 小籠包 同 豆沙鍋餅 全部都係我嘅至愛回鍋肉炒年糕 炒得夠惹味 裏面除咗有回鍋肉同椰菜之外 仲有豆干 而年糕煙煙韌韌 好有口感 係我鍾意嘅年糕質感至於小籠包 我相信都係呢間店嘅招牌菜之一 一咬入去所有湯汁就流曬出嚟 好juicy 好好味 皮薄餡靚最後豆沙鍋餅做為甜品 外皮炸得夠脆 豆沙亦唔會過甜 份量啱啱好如果大家想係中上環食個美味上海菜 推介大家呢度試下

歌賦街，位置不算方便，要爬坡才能到，工作日午餐時段，人流暢旺！主要原因是歌賦街21號，有家九記牛腩！我也是為了九記牛腩，上斜跑到歌賦街，但３次都要排隊，雖然疫情下，幾乎沒有遊客，由等幾十個變成等近十個，但我很懶排隊，就到了旁邊的上海弄堂餛飩，也要等，只等１張枱，也就等了約10分鐘。點了酸辣餛飩麵，１碗有齊我喜歡的酸辣湯、菜肉餛飩、約細的上海麵，酸辣湯很濃稠，小辣偏酸，對我的胃口！菜肉餛飩算大粒，有３粒，餡料多菜少肉，符合均衡飲食的原則！上海麵煮過火了！有點糊，可惜！午市點主食，送冰豆漿，份量不多，但豆味濃郁，好喝！

疫情關係，多了留港瓹窿瓹罅逛街和尋找美食。今日去的是位於中上環的上海菜，餐廳位於內街，除了有不少單點菜色，亦有一人套餐或二人套餐。前菜是辣椒花生，很香脆，一開始便停不了。最終要了一個一人套餐，小食選擇了爽口清脆的青瓜，主食是韮黃鱔糊配菜飯。鱔糊味道香濃，配清爽的韮黃。亦點了一些單點的菜色。包括有上海特色之一是餛飩麵，餛飩用的是小棠菜，肉實皮滑。小籠包亦是上海名菜，熱辣辣，鎖住了肉汁，味道不過不失。

去到中環歌賦街一帶，這裡美食雲集，有各式各樣的店舖。這次去了一家充滿中國風的店舖，環境是舊式中國風裝修，還有不少山水畫和屏風做裝飾🙈。這裡是主打吃上海菜，還有套餐供應。💥小籠包 HKD$40，這個一份有4隻，這個不會一夾即散，證明師傅手工不錯🤩。咬下去裡面的湯汁爆出來，吃的時候要小心一點。豬肉肉質煙韌，肉汁豐富😋。💥蔥爆牛肉 HKD$65，跟餐可選擇白飯/菜飯。這個份量挻多賣相不錯，而且味道很香😛。牛肉肉質嫰滑，口感煙韌，醬汁味道濃郁不咸。💥素餛飩 HKD$52，這個一份有8隻，是素食版本的餛飩。不能吃蝦/素食者，吃這個是個不錯的選擇。裡面有多款不同蔬菜，所以口感豐富。湯底味道甜甜的，不會感到咸。💥酒釀丸子 HKD$32，這個味道很香，而且很足料😍。裡面有很多丸子，口感煙韌軟糯。味道酸酸甜甜的，散發著酒香味但不會太濃烈。隨套餐附送豆漿/是日特飲一杯，另可以用優惠價HKD$16加購酸辣湯/油菜一碟。這次選擇了酸辣湯，味道酸酸辣新的，既開胃又惹味😋。食物質素原錯，價錢一般。

這天放工后與同事一起到附近找餐廳吃飯，非常餓呢我們。 我們找到這家上海菜立馬前往。 我們叫了葱油拌麵，炸銀絲卷（類似炸饅頭不過裏面更加有層次！）， 菜肉餛飩，酸辣湯餛飩，還有小籠包。 葱油拌麵真的很香，而且不是太濃味太油膩，面質也算彈牙。 炸銀絲卷一定要推薦，本人很喜歡吃炸饅頭配煉奶，這個炸銀絲卷除了外脆内軟，裏面還是一層層的，好讓煉奶流進去，分外好吃！另外就是菜肉餛飩和酸辣湯餛飩，餛飩的料很足，好吃。而酸辣湯的料也很足，我和朋友都吃得非常滿足。至於小籠包我們覺得是正常發揮呢。而環境真的挺有風味，我喜歡。總的來説，這家我是會推薦給喜歡上海菜的朋友去吃哦~

講起上海菜，以前通常都會選擇翡翠拉麵小籠包，上海婆婆，上海姥姥或者利小館，但隨着不少連鎖上海菜餐廳水準下降，有些更已倒閉，好食的上海菜已經不多。之前有試過在天后的上海弄堂，不過地理位置不方便我，也沒有機會再去。但今日途經中環，見到有其分店，也就決定了晚餐的地方！進入餐廳時大約晚上七時半，餐廳裏面已經坐滿約八成客人；另外見到不少外賣放在枱上，等候被送貨員帶走。除了本地客亦有一些洋人在這裏用餐。餐廳環境乾淨整潔，而且佈置有特色，坐得舒服。老實說，餐廳的菜式選擇十分多，幾乎每種類別當中的選擇亦有很多款。我跟朋友就點了幾款小菜，主食及湯羹，包括：古法紅燒肉百頁結、黃金排骨、家鄉鹹肉炒津白、酸辣湯及雪菜肉絲炒年糕。一坐低店員已經遞上一碟小食麻辣花生以及兩杯熱茶。麻辣花生香口，麻度十足，但香而不算太辣，感覺有點似麻辣米線不過乾身脆口版本。只是一碟小食已經有驚喜，期待接下來的菜式。之後熱騰騰的酸辣湯就上枱，值得一讚的是用料十分充足，蛋白、雞肉、筍絲、香菇絲等配料是滿滿的。不同配料的口感令到這款湯羹有層次。酸辣湯濃度剛剛好，不過辣味幾重，怕辣的朋友就要留意一下。而酸味則令人食指大動，是一款很好的開胃湯

呢間上海菜之前係晚飯時間食過，對呢度都幾有好感，鍾意呢度係食上海菜之餘，又有飲茶feel今日趕住要返公司，就同朋友過嚟呢度外賣lunch打電話過嚟落單，預返時間過嚟攞就得，好方便。香菇烤麩～之前喺其他地方食多數都係凍盤，但係呢度嘅係熱嘅，原來熱嘅烤麩，香味會更加突出。我加$5要咗一份陽春面，令人驚喜，陽春面同湯係分開上，店家用咗雞湯，食嘅時候將麵條泡落湯度，湯頭清澈，味道甘甘地，麵條彈牙👍👍另外見同事們仲點左花雕醉雞菜飯 、蔥爆牛肉 菜飯、回鍋肉 菜飯 疫情關係，冇得同佢地分享，見佢哋都幾高評價，下次我都要試多幾款先😁

中菜來講我比較鍾意食上海菜，尤其係擔擔麵。之前喺中環返工嘅時候成日都會嚟呢間上海弄堂食午餐，今日見行經呢度，決定入去食飯懷緬下。上海弄堂有唔少set lunch選擇，今日就叫咗一個有前菜同一個冇前菜嘅套餐同朋友share食。前菜簡咗鎮江肴肉，如果就咁叫一碟份量就有啲多，但係作為前菜淺嘗啱啱好。脂肪凍到好似啫喱咁，但係食落又唔會太油膩。之後叫咗陳年花雕醉雞配湯麵，醉雞嘅酒香非常之濃，同時雞肉好嫩好滑，最開心嘅係有雞髀肉！湯麵喺清湯底，麵身軟硬適中。我就叫咗黃金排骨配擔擔麵，黃金排骨炸到金黃色非常吸引，同時仍然保持到肉汁，咬落去好juicy。擔擔麵落足花生醬，聞落去已經非常香，辣度適中，既惹味又唔會太辣，雖然邪惡，食完之後仍有衝動飲少少湯。跟餐加配左個油菜，由相可以見到非常翠綠。甜品方面，叫咗豆沙鍋餅，都算幾大碟，豆沙甜味自然，唔會太甜（所以唔會有罪惡感）。最後叫咗豆漿做餐飲，令到成餐飯充滿上海風味。