一家

營業中

休息中

聽朋友介紹，筲箕灣形薈商場，有間新派上海菜館「一家」，於是，我哋星期三大約兩點嚟到筲箕灣搵食。餐廳嘅設計，以舊上海舊香港為主題，例如其中一個打卡位，高大的「疏影條子碗櫃」，疏透雅致，極具古代江南意象，櫃子上的幾個水銀內膽水壺，讓我哋好似回到童年家的感覺。「瀟灑契爺」：芒果芝士雲、抹茶、紅豆（$40）, 芝士雲不膩， 紅豆都佔了⅓杯, 抹茶有少許苦澀，拌勻後清爽好飲;「優雅姑媽」：蝶豆花玫瑰、菠蘿茉莉茶（$34）酸酸甜甜、有玫瑰花嘅香味、夏天飲好醒胃;「上海排骨炒粗麵」（$55），紅油赤醬，正宗上海特色;「小籠包」(4件)（$50），皮薄、餡多、湯汁味道剛剛好；「鮮肉鍋貼」（$50），皮薄金黃、配上濃濃的肉汁，令人食指大動；「炸芝麻團」（5件）（$45），咬落去,芝麻餡流出,加上脆卜卜嘅皮，這一餐令我們非常滿足。

今日午餐來到筲箕灣半新盤形薈地下的商場餐廳 一家。餐廳樓底高，裝修有老上海的復古感。設計上把有歷史價值的木櫃油亮再組合成餐廳的打卡位，主打上海菜。⭐️菠蘿甜酸咕嚕肉$62午市套餐有六七款選擇，已包括前菜青瓜、青蘿蔔老火湯及白飯，咕嚕肉啖啖肉，沒有骨和肥肉，份量足夠下飯👍🏻⭐️鮮肉鍋貼$50鍋貼帶翼，以為日本有這種餃子，想不到鍋貼也有驚喜。煎得外脆內軟，一口咬下去也流汁，皮底煎得十分香脆，必試。⭐️ 小籠包$50小籠包多汁是常識，入口肉汁甜美。兩杯少冰水果茶，一紅一橙。⭐️豔麗表姐$34內有玫瑰、荔枝、茉莉茶和杞子，味道清甜。⭐️香氣二家姐$34以橙、柚子、蜜糖、茉莉茶和羅勒，每一口充滿果碎咀嚼。配搭口感都比得上專門售賣外帶的飲品店，味道更為真實天然。⭐️ 缸鴨狗玫瑰桂花湯丸 $45芝麻餡湯圓又白又圓，飄浮在暖暖的米湯中，配以玫瑰花瓣和桂花碎，在一個河塘似的器皿上，如冬天景象。入口芝麻味道香醇，配上米湯暖笠笠，伴有玫瑰桂花香氣，很美味。▫️老闆是上海人，十分好客，我最喜歡鍋貼和湯丸，有驚喜！

筲箕灣堅係多嘢食！今次嚟食上海小籠包和腰花麵，好味。鍾意佢哋啲卡位設計、好似小屋咁幾靚小籠包 4件Steamed Pork Dumplings with Supreme Broth (4pcs) > 唔錯噃，隻隻都爆汁，肉餡和湯汁非常鮮味，皮做得唔厚亦hold得住啲湯，要趁熱食但小心啲湯唧到成身都係、好似我咁論盡蝦仁腰花麻醬拌麵Noodles with Shrimps and Pork Kidney in Sesame Sauce > 呢個麵量非同小可，女仔胃口細嘅話真係要兩個人share嚟食唔好嘥嘢。豬處理得宜無臊味，口感脆嫩沒有過老幾好食。蝦仁較為細隻都okay爽脆，其他配料有香菇什菇、小棠菜等好夠食。個人推介一定要落麻醬，啲麵食起上嚟又香又滑、正非常外父▪︎芒果芝士雲伯爵茶Earl Grey Tea with Mango Cheese Cloud> 啲飲品名全部改得好搞笑！厚厚帶點鹹香嘅奶蓋成舊雲咁聚係杯頂，仲有啲芒果粒，同伯爵茶攪勻嚟飲係夏天清暑良品・職員們親切友善・餐廳佈置得好用心幾有地方色彩，嚟食嘢之餘可以週圍打下卡

1)椒鹽小黃魚配菜飯脆皮嘅黃花魚，炸得好出色，唔會過火，連骨都可以食埋調味除左加鹽和胡椒，在魚嘅上面澆上咗炸蒜，令黃花魚更香脆。2)上海排骨炒粗麵排骨係好好食，再加埋小棠菜、東菇絲、芽菜做配料，炒得唔油膩。3)東瓜薏米排骨湯，係夏天消暑解渴嘅湯，好正👍。4)開胃小食一碟:紅蘿蔔絲、豆乾絲同雪菜。清清地啱夏天天氣醒胃。5)缸鴨狗玫瑰桂花湯丸食落感覺有玫瑰香，甜酒清甜，回味之下，就感覺桂花嘅味。(缸鴨狗湯丸係一個品牌)湯丸嘅皮咬落去係煙煙韌韌，芝麻餡就鹹鹹甜甜，好好味😋6)高力芒果奶黄真開心用芒果做餡，加入奶黃，甜度適中(在外面通常係用紅豆沙嘅餡)7)清新系列飲品(凍)B霸氣大哥柑桔、伯爵茶、幾片薑、蜂蜜、糖。飲落唔太甜，飲完喉嚨好舒服

隨著時間的推移，舊貌换新顏，形薈呢個商場有人離場，但亦都有新食肆加入，呢日發現咗有間上海滬菜小館，出邊門面裝修幾吸引，再望下啲餐牌，都好啱胃口，於是一於入來試吓。了解咗一至五嘅午市免茶嘅，一律供應四寶茶，有冇第二啲茶選擇？係冇嘅，但四寶茶唔係度度都有得飲，而且老少皆宜，可以免費嘆，正。“椒鹽小黃魚"，小黃魚好似係上海菜的靈魂，聽朋友講，宜家喺上海食個黃魚面都唔平，但係喺香港食到炸到金黃，外皮脆卜卜，入邊啲肉好嫩滑，而成個餐只係六十零蚊，仲有前菜同埋例湯，今日嘅前菜係菜脯，例湯係粉葛湯，好滿足。"咖喱牛筋腩"就唔會太辣，筋腩各佔一半，啱曬鍾意牛筋嘅我同埋鍾意牛腩嘅朋友，平靚正嘅一餐。

午餐時間，臨時決定去試一下筲箕灣尾形薈商廈的上海菜館： ‘一家’ 搭電車最方便，去筲箕灣方向的尾二站落車即是形薈商廈，‘一家’ 就在地座，方便！今日人不多，餐館是簡單裝修，但食過後發現尼度有一大缺點係： 冷氣不足！參考網上推薦，我們三人根據喜好order：1）麻辣香炸鳳尾魚 HKD75.- 果然酥脆鮮美，帶小小甜味，可以連魚骨一起食落，稍微油膩，但可以接受！2）辣椒皮蛋 HKD58.- 純粹係個人喜好的一味涼拌餸，點整都會好食😋3）擔擔麵 HKD70.- 擔擔麵係所有上海菜館中的標配食物，忘了拍原碟圖片，分到碗裡補一張. 味道和想像的差不多，冇期望，亦冇失望！普普通通啦😝4）小籠包 HKD50.-/ 4件 小籠包本身冇問題，但沾點的薑絲醋不給力，薑絲醋好重要，決定能否給小籠包提鮮！‘一家’ 尼度有改善的空間喔 😅5）雜果糖醋魚 HKD198.-/半條。推薦👍 和我們喜歡的松子魚一樣(但人哋唔係松子魚，所以冇撒松子仁)! 雖然係半條魚，但體量絕對冇輸色！魚過油處理的恰到好處，魚肉外焦裡嫩，雜果的酸甜滋味連料汁津入到魚肉魚骨！非

慢慢地發掘筲箕灣的美食，每個星期來這邊參加興趣班，完成後也在周圍看看，今次發現了Lime這個商場，而且給這間中式餐廳吸引著。餐廳的特色裝修，可以慢慢拍照打卡。看看餐牌，原來顯示的價格非常相宜，只是幾十蚊邊有一個小菜套餐。而且坐得舒舒服服的，是不用茶位就可以品嚐足料八寶茶。套餐包括前菜＋老火湯，店員說每星期的前菜個老火湯，會因應當做食物而每星期轉變的，今天的前菜是榨菜肉絲，老火湯非常有驚喜，真的很足料味道很濃郁，金銀菜乾豬骨湯，菜乾的味道很突出，很下火的感覺。什果糖醋魚片酸酸甜甜的糖醋汁，包裹著每件魚塊，熱辣辣非常美味，而且份量也很多，配搭上海菜飯一起吃，真的不錯。京蔥炒牛肉夠哂惹味又夠鑊氣，醬汁香香濃濃的，京蔥夠火候香甜爽口，牛肉嫩嫩的，簡單又考功夫的一道菜。

形薈商場又多咗幾間新餐廳，今次同朋友試咗呢間上海菜，餐廳裝修得幾有特色，帶點懷舊風😄仲有幾個打卡位📸我諗著住旗袍嚟打卡一定好正🤪午餐menu每星期都會唔同，價錢由$55-$72不等，套餐包括前菜，老火湯及白飯朋友鍾意食辣就叫咗廚師推介嘅🌶水煮魚 $72水煮魚集麻辣鮮香味道於一身，水煮汁油香而不膩口👍🏻用上黑魚，魚肉比其他魚更厚身，而份量亦好多，魚肉滑嫩鮮美，入口麻辣十足！🍆醬燒四季豆茄子 $62醬燒汁超惹味，但唔會過鹹，四季豆同茄子超入味，送飯一流老火湯每日唔同，仲要係冇味精架👍🏻前菜係菜脯，超鍾意食😋

一碗老火湯、一碟家常小炒和一碗熱飯，看似簡單，但卻滿載著家的味道！來到這間上海菜館「一家」，餐廳用上不少古色古香的木製傢具配合五光十色的霓虹燈牌，感覺傳統得來又帶有創新的特色。我們四時左右抵達，餐廳還有午市套餐供應，價錢相當實惠。午巿客飯套餐$62，包括一款小菜、前菜、老火湯及白飯。另有多款午市特選麵餐$55，還有酸菜和水煮系列都只是$72。午市餐牌每星期轉換一次，老火湯和前菜亦每天不同。小籠包（$50）熱騰騰的小籠包粒粒飽滿，薄薄的皮包著滿滿的湯汁和肉餡，加些少薑絲和醋一起吃，一啖一個，十分滿足。午市客飯套餐-韮黃蝦仁炒蛋（$62）炒蛋炒得嫩滑又有蛋香，蝦仁爽彈加上韮黃，增添口感。這碟家常小菜最適合配上一碗白飯。午市麵餐-雲吞擔擔麵（$55）擔擔麵的湯底帶有濃郁的花生和麻醬的香氣，加入芝蔴和辣油，更添麻香。麵條爽彈並且份量十足加上大大隻的菜肉雲吞, 吃完這碗麵，真是飽到晚飯也不用吃！老火湯和前菜每天都有不同款式，今天是冬瓜薏米湯，消暑去濕又解滯，是一款夏天時令的湯水。室內Menu

平日去筲箕灣多數在東大街搵食，今日決心試新嘢，去形薈商場搵吓有乜吸引先。大部分都是見慣見熟的連鎖店，唯獨在地下有一間裝修相當有特色的中華菜館比較吸引。餐廳以舊上海舊香港為主題，處處見心思，例如高高吊起的舊木櫃，牆上的舊香港相片，全木框的卡位等，連泡茶的茶壺和濕紙巾都與別不同。這樣的環境，我本抱着都應該幾貴的心態入內試下，誰知價錢不但不貴，還要抵食！它的午市客飯套餐（有前菜、小菜、老火湯和白飯）都只是$62，午市特選麵餐則只是$55。茶價呢？完全免費（$0）！而且是有桂圓、紅棗的四寶茶，好飲又養生。餐廳向街的一角是它的姊妹店：家茶。家茶是一間喫茶店，有不少果茶、奶蓋等，全部都取了有趣名字。這些飲品不但可在餐廳內享用，還做特價：原價$40，現在只需$28。價錢唔貴，食物和飲品有水準又真材實料，值得推薦。小龍包（$50）輕易用筷子夾起，全個放入口，爆汁。什果糖醋魚片（$62）有七塊厚肉魚柳，酸甜汁酸甜適中不嗆喉。雲吞擔擔麵（$55）三大粒雲吞皮薄餡靚，擔擔湯底有香濃花生味，最欣賞是麵的質地，軟滑好食。前菜和老火湯（$0）涼拌青瓜爽脆，青紅蘿蔔湯清甜夠料。「溫文爺爺」：椰子芝士雲、伯爵茶、椰子

This afternoon my friend and I had lunch at a Shanghainese restaurant called Yi Jia at G/F of Lime.Economical lunch sets of various choices were offered. Price ranged from $55 to $72. 10% service charge was required.Each lunch set included an appetiser, daily soup, a bowl of steamed rice and a main course.We chose deep fried fish with sweet and sour sauce and simmered sliced fish with pickled vegetable broth.Appetiser was refreshing. Soup with water melon was nice, too. Steamed rice was frag

臨時選擇一間餐廳係8號波到之前食飯一坐低就感覺餐廳環境非常靚 碗碟都好精緻選擇咗幾款平時食上海野都會叫嘅菜式每一樣都無令人失望 非常好食1.排骨麻醬拌麵麻醬味好香濃，調味調得好好，仲會有埋平時叫麵嘅湯，可以話俾咗兩種食法食客揀。 排骨亦炸得好酥脆，肉又好嫩唔痴牙。2. 小籠包多汁得尼皮又夠薄，而且蒸嘅時間岩岩好完全唔痴張蒸紙，好輕鬆就可以夾起唔會漏湯，湯汁亦好鮮甜。個人覺得再重少少薑味會好食d。3. 紅燒肉加溏心蛋超好食。 有飯一定要嗌飯嘅好食。推介

🏮新派中華菜館🍖 什果糖醋排骨 $62心中抱有100個❓…lee個唔係生炒骨咩？味道唔錯，酸酸甜甜，份量大，個人覺得甜左少少，一個人食曬會好膩。2個人2個餸share 岩岩好🍄 素雞毛豆燒豆腐 $62素雞有豆香味💓 豆腐嫩滑…d配菜都好好味！送飯一流！🥣 前菜+ 湯 （免費）今日餐湯係粉葛排骨湯，有家的味道。飲個湯健脾祛濕..唔錯～ 前菜係菜脯，非常開胃，就咁食都唔會太鹹餐廳裝修有心思，聽店員講係出自日本設計師之手😍但其實佢係新派上海菜，宜家主餐牌仲有7折！性價比高，味道又幾好，極力推薦大家試下👍🏻

疫下香港沒有晚市堂食，只有外賣，但外賣也有很出色的，這店使人驚喜，食物質素高，而且價錢合理，已經不知不覺連吃數天。湯是苦瓜排骨豆湯，清甜滋潤，熱氣全消。菜譜夠爽口，跟飯一起吃，真是一流。紅燒獅子頭也不是隨隨便便的貨色，肉質嫩滑，還帶有肉汁，配菜的冬菇香味夠濃，筍也夠爽，旺菜索滿了肉汁非常好吃。黑醋雞柳，外脆口，肉質嫩滑，醋比較甜甜酸酸非常使人開胃，份量充足。飯，夠軟熟，而且香，一定要多飯。還有一個回鍋肉也是非常好吃的，今次沒有影相，再點這個就跟大家分享。

一家 (筲箕灣)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•麻辣香炸鳳尾魚•臭豆腐•小籠包（4隻）•海鮮澆頭麵•怪味雞•炸芝麻團••••••••••••••••••••••••••••••♥️食評：前菜小食已經好驚艷！鳳尾魚依家已經好少地方有得食😚店員特意同我哋推介麻辣香炸鳳尾魚呢道菜，果然非常之唔錯，好香脆，唔油膩，成條魚仔連骨全部都可以吞，食到有少少麻香，真心推介呢道菜！臭豆腐已經好耐無食，以前冬天行街聞到超臭嘅話都會試吓😝😝😝喺餐廳度食臭豆腐反而係第一次，呢到嘅臭豆腐都夠臭，而且有我食臭豆腐必定會配嘅辣豆瓣醬，唔錯！好耐無食過高質嘅小籠包，呢到嘅小籠包皮夠薄之餘仲要好大夠肉，湯汁當然都係爆出嚟咁多，我自己覺得係幾高質，而且夠香，下次會試埋佢嘅蟹粉小籠包！今次係第一次食澆頭麵，佢有配唔同配料，今次揀咗海鮮，海鮮種類同份量都算多，有蜆、蝦、魷魚等，呢款麵嘅湯比較傑，係一款好特別好有特色嘅麵。怪味雞可以話係今餐畫龍點睛嘅一道菜，前面嘅菜式已