一家

營業中

休息中

筲箕灣形薈有好多特色餐廳，有機會真係好想試曬佢地，今次就去左【一家】既中華菜館。裝修非常特別、而且位置都好舒適。 櫻花蝦麻醬秋葵：排得好靚，好打卡able。上面有原條秋葵、而下面有D切片秋葵，可以有兩種唔同口感。而麻醬又幾香、櫻花蝦又有獨特既鮮味同口感。 紅油抄手：醋味同辣味唔算太重，雲吞粒粒飽滿。 椒鹽排骨配金元寶：金元寶炸得好酥脆，搭配甜酸醬酸酸甜甜，唔錯。椒鹽排骨椒鹽味唔係好夠，不過排骨肉嫩又無咩肥膏算幾好。 炸芝麻團：放左一陣都好熱同脆，裏面係黑芝麻餡，好香甜，非常不錯！ 冬日飄雪：冬天限定熱飲，裏面有雪梨、薑、青檸、杞子等等。味道唔會太甜，但薑味比想象中重、好暖胃，非常適合冬天。 溫文爺爺：椰子芝士雲+伯爵茶+椰果，椰子芝士奶蓋好香濃，好正、伯爵茶又唔會好甜、而椰果分量都好多。非常推薦。