一家

朋友介紹筲箕灣有間上海菜話好好食，咁就放假同佢去試下原來餐廳連續3年拎到米芝蓮必比登推介，相信質素一定有保證店內裝修帶點古色古香，坐位寬敞，仲設有特色梳化卡位，用餐環境舒適，適合一家大細聚餐食物方面:口水雞 : 口水雞肉質保持鮮嫩，淋上特製麻辣醬汁、麻醬及老乾媽，豐富嘅味道，口感有層次小籠包 : 小籠包即叫即蒸，皮薄餡靚，湯汁豐富，熱辣辣食夠曬鮮味酸菜魚片 : 酸菜魚份量好多，魚肉肉質滑嫩，入便仲有酸菜豆芽、娃娃菜及寬粉，味道濃郁石鍋蟹粉烏米飯 : 米飯用上太極圓形圖案，賣相非常吸睛，一邊係滿滿嘅蟹黃蟹膏蟹肉，另一邊係口感煙韌嘅烏米飯，味道鹹鮮濃郁，令人回味無窮，仲要每日都係限量發售，有機會一定要試棗泥拉糕 : 將紅棗蒸爛後去皮去核搗成棗泥，加入其他配料再蒸熟，口感煙韌，滿滿喱棗泥味道，清甜鮮香香茅檸檬薏米 : 薏米有助利尿去水腫，香茅檸檬清熱解膩長氣嫲嫲 : 將熱情果與茉莉花茶調製而成，再加埋羅勒嘅香味，味道酸甜，口感層次豐富…查看更多

今日黎左筲箕灣試下一間連續3年攞米芝蓮嘅餐廳食上開海菜.  試食午餐先, 如果好食之後再食晚餐. 佢地都有LUNCH SET 都經濟實惠個價錢.  酸菜魚（午餐SET）$83跟前菜、例湯、白飯(+$5 轉左菜飯), 菜飯好香,  酸菜魚, 肉質嫩滑,  全無魚骨, 魚肉好多,   酸辣度剛好.  配飯一流. 燒汁爆炒牛肉 (午餐SET) $70   好惹味, 鑊氣夠, 牛肉肉嫩爽口  ! 外婆墨魚烤紅燒肉流心蛋  - 本身我自己超鍾意食紅燒肉,  紅燒肉工序多. 屋企好少會煮, 所以出街食飯, 如果有呢款都好大機會會叫. 而且店員話呢個係得獎菜式. 好有驚喜, 紅燒肉肥瘦平均, 肉質嫩滑, 炆得入味,紅燒醬汁甜美而且仲配有墨魚好爽嫩惹味，仲跟埋一隻流心蛋都好有水準，配白飯一流！七里莊酒糟醉雞個醉雞又係要讚！香醇嘅酒糟味, 滲透曬成碟雞 , 雞皮爽滑，雞肉肉嫩軟熟,  一款好出色嘅開胃冷盤！花雕酒味香濃，將雞肉都醃得夠入味！高力芒果奶黃有D特別, 係奶黃同埋芒果醬嘅味道而唔係傳統紅豆.  芒果清新香甜, 配上糖霜,  熱辣辣炸蛋白微脆 , 常高質素的, 口感外酥內軟 ! 野蠻奶奶其實係紅豆冰，用料足有椰奶味特別香濃溫文爺爺伯爵茶底清清地.  配椰子芝士雲. 無咁膩. 特別一提店員服務都好到位有善. 有任何需要都會盡快幫忙. 一家筲箕灣筲箕灣道393號形薈地下G04號舖…查看更多

筲箕灣「一家」連續3年於米芝蓮必比登推介餐廳上榜，主打上海家常菜，以及真材實料的獨家手搖飲品，飲品名稱更貫切主題以一家人稱呼命名，相當有創意。*此餐廳收取全單10%服務費。一家蔥油白切雞（單點$138），表面鋪滿蔥花山，醉雞汁採用花雕酒、雞汁、蔥油製作，新鮮走地雞雞皮口感爽滑，雞肉肉質鮮嫩，雞味濃香，配以蔥花、醉雞汁食用，食落帶有淡淡酒香，同時，降低雞油油膩感。蟹粉拌意粉（單點$138），即拆蟹肉份量多，味道鮮甜；蟹膏味道甘香；意粉口感不會過於軟腍，食落充滿蟹油香味，內有毛豆仁。滕椒豆干絲炒苦瓜（單點$88），苦瓜口感爽脆，食落容易入口，豆干絲口感幼細，配以豆豉、蒜片食用，食落類似豉汁炒涼瓜。麻辣香炸鳳尾魚（單點$78），表面鋪有香蔥、黑芝麻、白芝麻，鳳尾魚口感酥脆，魚身裹滿蜜糖、麻辣醬汁，會越食越辣。菜肉鍋貼（單點$58），鮮肉鍋貼，一咬噴汁，豬肉餡料肥瘦適中，配以黑醋食用，味道更佳；菜肉鍋貼，皮薄餡多，每隻餃子都好飽滿，底部煎得金黃香脆，食落類似冰花煎餃。炸芝麻團5粒（單點$49）， 口感外香脆內軟糯，芝麻餡料口感流心，味道濃郁，配以白芝麻、黑芝麻食用，食落好香口。丫頭（單點$45），採用芒果肉、紅肉番石榴、紅肉番石榴汁、椰子芝士雲、櫻桃啫喱、冰塊製作，椰子芝士奶蓋口感幼滑，味道清甜，櫻桃寒天水晶球口感Q彈，整體飲落四重果香味道。香茅檸檬薏米水（單點$34），採用冬瓜、檸檬片、薏米、香茅、冰糖製作，薏米份量多，飲落味道酸甜，略嫌香茅味道欠奉。茶芥（兩人$8），四寶茶，自家製，內有紅棗、杞子、茶葉，飲落茶味清香。一家地址：香港筲箕灣筲箕灣道393號形薈地下G04號店舖…查看更多

米芝蓮上海菜，果然名不虛傳！見到秋天有得食蟹皇小菜！即刻狗衝😎點了一個雞絲粉皮做前菜粉皮QQ的感覺配上麻醬，非常之開胃蟹黃玉帶拌鍋巴秋天一定要食蟹皇！原粒帶子好新鮮，煮熟咗都勁大粒！有料到！加上蟹肉味道非常香濃！蟹肉應該係用人手拆肉！鍋巴脆卜卜，夠鮮！夠脆！夠香！是味覺上的衝擊！個人比較喜歡佢仲有少少豆苗嘅清新香味！果然是米芝蓮食府！將食物認真做，就是好吃！上海小籠包呢度必食嘅上海小籠包！即叫最蒸熱辣辣，千萬要小心爆出嚟的肉汁辣嘴，皮薄餡靚，師傅將每一粒小籠包都包到一模一樣！一家蔥油白切雞用上勁多新鮮蔥，將雞的香味引發出嚟！有少少花雕酒味，令白切雞的味道更加豐富！每一啖雞肉都配上大量鮮蔥，好而且不會太鹹！高力芒果奶黃估唔到奶黃同埋芒果嘅味道有幾夾，芒果嘅清新中和咗奶黃嘅’漏‘，配上甜甜的糖霜，和熱辣辣的炸蛋白，是非常高質素的甜品！善良姨婆熱情果酸酸甜甜，適合夏天飲嘅飲品！野蠻奶奶紅豆冰嘅味道，椰奶味特別香濃一致認同，依間店舖真係老中青都殺晒，有茶飲之餘，又有廢水飲！食物傳統得來有新派元素！係用心製作嘅上海小店！…查看更多

今次同朋友食咗筲箕灣連續3年攞米芝蓮推薦嘅「一家」，裝修帶點古色古香，位置又寬敞，坐得舒服冇壓力，人員服務都好貼心～我哋今次貪心啲，唔係淨係叫飯粉，而係叫咗幾款小食同小菜試試：❀ 麻辣香炸鳳尾魚：鳳尾魚炸到好酥脆，食落甜甜地、少少辣，再散發芝麻香，係一個惹味嘅佐酒小食！推薦！❀ 韮菜鍋貼：外皮煎到金黃焦香，韭菜與豬肉比例剛剛好，餡料好多汁，韭菜味濃郁❀ 外婆墨魚烤紅燒肉流心蛋：紅燒肉經燉煮後，肉質多汁腍滑，墨魚爽脆惹味，配埋隻流心蛋，配白飯一流！❀ 干煸四季豆：四季豆炒至乾身，口感焦香爽脆，配合醃製咗嘅肉碎及其他香料，味道香濃惹味❀ 高力芒果奶黃：不是傳統的高力豆沙，而是餐廳的特別甜品，裏面餡是芒果奶黃醬，很有驚喜，酸酸甜甜，口感外酥內軟，糖粉加分飲品方面「霸氣大哥」柑桔薑味明顯，配埋新鮮果香，值得試；「香茅檸檬薏米水」清新滋味，飲完口留淡淡香茅檸檬味，好舒服。總括嚟講，支持下小店又有米芝蓮背景，價錢合理，食物質素穩定，真係值得一試！…查看更多