一家

營業中

休息中

身邊的朋友都向我推薦過 「一家」 的菜式，所以這次特意跟好友走進東區吃午飯！果真如此，沒有介紹錯啊！🤩「一家」 是位於筲箕灣筲箕灣道393號形薈地下G04號舖，餐廳裝潢別緻，以舊式復古風為主題，把有歷史價值的木櫃油亮，放有很多復古的裝飾物作點綴。還有霓虹燈掛飾、綠白間條地磚等裝修，非常懷舊又特別，很適合打卡！最重要的是，他們主打中華料理，在這裏可以品嘗到不同經典的菜式、麵食、點心及甜品等！於午市時段，還有性價比高的午市套餐可以選擇，套餐包含了前菜、老火湯及白飯，大家千萬不要錯過！！！另外， 「一家」 有一系列自家品牌茶飲供客人選擇。事不宜遲，先向大家推介這次我們的收穫！自家品牌茶飲 - 可愛細妹飲品像少女般的甜美可愛，以白桃及茉莉花茶調製而成，入口香甜，還有粒粒白桃肉。自家品牌茶飲 - 性感大姨媽 （夏日特飲）是新推出的夏日特飲！飲品以伯爵茶、玫瑰、青檸汁及櫻花啫喱調製而成，花味香氣撲鼻，能夠品嘗到濃濃的玫瑰花香味道！
午市套餐 - 椒鹽小黃魚椒鹽小黃魚炸的剛剛好，炸至乾身，入口香脆，而且一點也不油膩！而套餐還包含了一份前菜+老火湯+白菜一碗，只需要六十幾港幣，就能夠吃到，性價比高非常

筲箕灣新樓盤樓下有個商場都幾多餐廳食肆一入去最養眼就係呢間上海嘢外面有茶飲入面食上海野有別傳統既中菜廳呢度有唔同茶飲一路食飯一路飲天氣禁熱來一杯透心涼真不錯瀟灑契爺個名真係好有趣飲落都好唔錯紅豆綠茶加上芒果芝士雲飲落首先甜甜酸酸，然後有綠茶既清淡一啲都唔膩，好解渴豔麗表姐玫瑰荔枝茉莉茶杞子清清地都好消暑鐘意佢哋茶飲有別於其他重口味家茶既茶飲配搭既味道很不錯上海脆皮素鵝脆皮做得不錯蘇脆不油膩而且素鵝餡料都好足料所以外脆之餘都好好味雜果糖醋魚（半條）雖然得半條但絕不馬虎糖醋魚甜酸度不過酸和甜剛剛好而且條魚即炸，仲熱辣辣脆漿好薄，炸得好脆但又唔會掩蓋魚味韭菜鍋貼好似日本街頭食嘅餃子皮薄多餡韭菜令餃子更加香口正如我坐個位，牆上寫到無餃不歡好值得試啊😋

一家 - 地道上海菜今日黎到筲箕灣一間滬菜館，主打地道的上海菜，首先在餐廳環境已經極具心思，在裝潢、燈光，都有有舊時老上海的味道，菜式亦選擇多。白肉翠紅霞 $198非常有氣派的菜式名，有點像賽螃蟹一樣，將蛋白炒得像蟹肉的口感，當中加入調味，還有大大隻大蝦。蛤蜊豬肝澆頭麵 $85彈牙的麵身，濃稠的湯底，加上鮮味的蜆肉和份量多的豬潤，有特色的澆頭麵。韭菜鍋貼 $50餡料飽滿，皮薄的煎韭菜鍋貼。臭豆腐 $78著名的街頭小食，香噴噴的臭豆腐，外皮炸得香脆，內裏豆腐密度高，配上甜醬和豆瓣醬。香氣二家姐 $34以橙、柚子味為主的飲品，加入蜜糖令味道順滑，以醇香茉莉茶為茶底，再加入獨特的羅勒葉味道，還有口感滿滿的粒粒爆珠。紅卜卜堂妹 $34以士多啤梨、荔枝和蔓越莓的飲品，充滿了果甜，底味是有氣汽水，雙重甜度又夠哂氣。

住筲箕灣真係好方便，東大街出名食街外，多間食店亦相繼進駐lime gala，對於街坊選擇多咗，一家主打上海小菜，仲有各式茶飲 🥤🧋餐廳花咗唔少心思，由門面至室内設計都貫徹始終，裝潢別緻行復古風，霓虹燈掛飾、綠x白地磚、而且空間感十足，啱哂同朋友仔嚟打卡影靚相！櫻花蝦麻醬秋葵 ($68)將秋葵撈好麻醬整齊排列好，面頭灑滿櫻花蝦，一齊食有雙重口感好爽脆，涼拌亦啱哂夏天食外婆紅燒肉，流心蛋 ($138)食過返尋味之一，基本上每枱都會叫，紅燒滷肉非常入味，肥瘦相間嘅五花腩好均勻，肉質鬆化，炒得甘甜香口，雖然帶肥肉但冇膩感，好食到停唔到口😋上海炒年糕 ($98)每次食滬菜，最鍾意點就係炒年糕🥢煙韌帶嚼勁而不黏牙，用黃芽白同豬肉絲配搭香濃醬汁同炒，另加佢哋嘅豆瓣醬真係好味到停唔口‼️鮮肉鍋貼 ($50)煎得皮薄金黄，飽滿鍋貼係濃濃的肉汁，食嘅時候記住小心啲，juicy 到爆汁💦非常外父 ($40)白雪雪姑姐 ($38)兩款都係夏天清暑良品🤤非常外父置頂係帶鹹香嘅奶蓋，伯爵茶底飲到芒果粒粒，估唔到幾夾；白雪雪姑姐係白桃焙茶，清新果香揉合到幽香細膩中炸芝麻團（5隻）($48)必叫🔥外層薄薄一層芝麻炸得香

今日天氣唔好，成日都落雨，都無咩心機買餸煮飯…加上煮飯又唔叻，不如落樓下食算吧！落樓下見到裝修有懷舊風味…. 有卡位坐，又寬躺，環境舒服😌服務員工好好👍🏻一嚟就好有禮貌攞個四寶茶嚟！再攞menu 比你慢慢睇😄仲有特色野飲再配上特別名😂😂⭐️糖醋小排骨⭐️開胃醒神，酸酸甜甜⭐️外婆紅燒肉，流心蛋⭐️流心蛋一流，岩岩好，紅燒肉用既肥豬肉分例岩岩好…肥而不膩，個汁用嚟撈飯好好味😋⭐️醬油煙鴨胸炒飯⭐️炒飯好香，飯係一粒一粒，味道可口，不知不覺會食左兩碗😂😂⭐️上海糯米燒賣⭐️呢個係上海街頭小食，呢度都食到👍🏻👍🏻外面係燒賣皮，包住糯米，食落煙煙韌韌，好有趙口🤭🤭⭐️缸鴨狗玫瑰桂花湯丸⭐️芝麻湯圓已經係流心.. 個湯有玫瑰花，桂花味，好消甜！原來呢度都有做lunch set ，價錢抵食好多👍🏻

今晚試左間中華料理裝修幾有心思連天花都有裝飾左個路軌模仿舊上海嘅鐵路仲有啲百子櫃等等落重本呢侍應送上四寶茶內有雪耳、紅棗、桂圓等等和香片茶葉確有回家一洗客塵休息嘅感覺食物價錢唔貴甚至比某啲連鎖式上海菜館都平我地揀左兩個小食同兩個小菜試下口水雞香辣少麻用上雞脾位所以啖啖肉凍食開胃上海糯米燒賣燒賣食得多上海燒賣未食過用上糯米取代肉饀感覺無咁膩食到醬油香味幾特別👍👍花雕蛋白玻璃蝦球蛋白嫩滑花雕味輕巧玻璃蝦球鮮味配上清淡蛋白令海鮮味更加突出田園上素色彩繽紛用左好多不同蔬菜每款都好有心機咁切到細細粒非常爽口亦都好適合夏天其中最好味嘅細細粒嘅茨實！好喜歡佢個口感非常軟糯好好食！下次再同屋企人一齊再試多啲野先！

之前嚟食過，覺得平靚正又坐得舒服，今次再嚟！小籠包 (4件$50) 熱辣辣，入面超多汁⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣糖醋小排骨 ($78) 新鮮製造，醬汁酸酸甜甜，件數多而且厚肉，好開胃⁣⁣⁣⁣⁣⁣⁣⁣櫻花蝦麻醬秋葵 ($68) 原來秋葵咁樣企都幾靚㗎喎，配合櫻花蝦一齊食有雙重口感，好適合夏天食⁣⁣⁣⁣⁣⁣石鍋鹹肉菜炒飯 ($108) 因為用石鍋上菜，所以食到最尾都仲係好熱辣辣，份量超級多，就算2個人好努力咁食都係食唔哂，最後拎返屋企今晚繼續食⁣⁣⁣⁣⁣棗泥鍋餅 ($68) 呢度其實都有飲品，不過今日想食甜品多啲。落單時叫起，到差唔多食完主菜嗰陣，店員就安排廚房即造，所以上菜時又係超級新鮮。棗泥份量多而且唔甜，棗味仲非常香濃，鍋餅口感脆脆⁣呢度有好多打卡位，訂位記住指明坐邊張檯~

約左朋友喺筲箕灣食晏，上網搵到形薈地下呢間中華菜館「一家」。餐廳裝潢別緻，由門面以至室內設計都花左唔少心思，霓虹燈掛飾、綠白間條地磚、復古收納木吊櫃，處處都流露住近年大熱嘅地道情懷，啱晒同朋友仔嚟打卡影靚相！餐廳主打中華料理，食物分門別類，除左 Main Course、前菜、麵食、點心及甜品等，另外亦設有一系列自家品牌茶飲，供客人選擇。點了小籠包 ($50) 同 菜肉鍋貼 ($50)，小籠包熱辣辣送上，賣相不俗，皮薄餡靚，夾起不易穿，入口有肉香又唔油膩，而且肉汁封存得好好，湯汁豐盈。菜肉鍋貼同樣有水準，底部煎至金黃酥脆，輕輕咬開，外皮質感煙韌，肉同菜嘅比例亦啱啱好，加上一咬落去啲汁就湧晒出嚟，極之 Juicy！另外呢客糖醋小排骨 ($78)  亦好值得推介，不但肉質腍滑，而且甜酸味道亦甚佳，加上骨肉容易分開，方便進食，一口一粒，甘香惹味。擔擔麵 ($70)  味道亦唔錯，湯底好香醇，帶濃郁花生和麻醬香。麵條軟硬適中，富蛋香又爽滑，配上肉碎、炸菜、芝麻同蔥花，滋味滿分。飲品點左：野蠻奶奶 ($40) 同 可愛細妹 ($34)，兩杯都非常足料，前者其實係充滿港式風味嘅紅豆冰，而後者則係白桃

聽朋友介紹，筲箕灣形薈商場，有間新派上海菜館「一家」，於是，我哋星期三大約兩點嚟到筲箕灣搵食。餐廳嘅設計，以舊上海舊香港為主題，例如其中一個打卡位，高大的「疏影條子碗櫃」，疏透雅致，極具古代江南意象，櫃子上的幾個水銀內膽水壺，讓我哋好似回到童年家的感覺。「瀟灑契爺」：芒果芝士雲、抹茶、紅豆（$40）, 芝士雲不膩， 紅豆都佔了⅓杯, 抹茶有少許苦澀，拌勻後清爽好飲;「優雅姑媽」：蝶豆花玫瑰、菠蘿茉莉茶（$34）酸酸甜甜、有玫瑰花嘅香味、夏天飲好醒胃;「上海排骨炒粗麵」（$55），紅油赤醬，正宗上海特色;「小籠包」(4件)（$50），皮薄、餡多、湯汁味道剛剛好；「鮮肉鍋貼」（$50），皮薄金黃、配上濃濃的肉汁，令人食指大動；「炸芝麻團」（5件）（$45），咬落去,芝麻餡流出,加上脆卜卜嘅皮，這一餐令我們非常滿足。

今日午餐來到筲箕灣半新盤形薈地下的商場餐廳 一家。餐廳樓底高，裝修有老上海的復古感。設計上把有歷史價值的木櫃油亮再組合成餐廳的打卡位，主打上海菜。⭐️菠蘿甜酸咕嚕肉$62午市套餐有六七款選擇，已包括前菜青瓜、青蘿蔔老火湯及白飯，咕嚕肉啖啖肉，沒有骨和肥肉，份量足夠下飯👍🏻⭐️鮮肉鍋貼$50鍋貼帶翼，以為日本有這種餃子，想不到鍋貼也有驚喜。煎得外脆內軟，一口咬下去也流汁，皮底煎得十分香脆，必試。⭐️ 小籠包$50小籠包多汁是常識，入口肉汁甜美。兩杯少冰水果茶，一紅一橙。⭐️豔麗表姐$34內有玫瑰、荔枝、茉莉茶和杞子，味道清甜。⭐️香氣二家姐$34以橙、柚子、蜜糖、茉莉茶和羅勒，每一口充滿果碎咀嚼。配搭口感都比得上專門售賣外帶的飲品店，味道更為真實天然。⭐️ 缸鴨狗玫瑰桂花湯丸 $45芝麻餡湯圓又白又圓，飄浮在暖暖的米湯中，配以玫瑰花瓣和桂花碎，在一個河塘似的器皿上，如冬天景象。入口芝麻味道香醇，配上米湯暖笠笠，伴有玫瑰桂花香氣，很美味。▫️老闆是上海人，十分好客，我最喜歡鍋貼和湯丸，有驚喜！

筲箕灣堅係多嘢食！今次嚟食上海小籠包和腰花麵，好味。鍾意佢哋啲卡位設計、好似小屋咁幾靚小籠包 4件Steamed Pork Dumplings with Supreme Broth (4pcs) > 唔錯噃，隻隻都爆汁，肉餡和湯汁非常鮮味，皮做得唔厚亦hold得住啲湯，要趁熱食但小心啲湯唧到成身都係、好似我咁論盡蝦仁腰花麻醬拌麵Noodles with Shrimps and Pork Kidney in Sesame Sauce > 呢個麵量非同小可，女仔胃口細嘅話真係要兩個人share嚟食唔好嘥嘢。豬處理得宜無臊味，口感脆嫩沒有過老幾好食。蝦仁較為細隻都okay爽脆，其他配料有香菇什菇、小棠菜等好夠食。個人推介一定要落麻醬，啲麵食起上嚟又香又滑、正非常外父▪︎芒果芝士雲伯爵茶Earl Grey Tea with Mango Cheese Cloud> 啲飲品名全部改得好搞笑！厚厚帶點鹹香嘅奶蓋成舊雲咁聚係杯頂，仲有啲芒果粒，同伯爵茶攪勻嚟飲係夏天清暑良品・職員們親切友善・餐廳佈置得好用心幾有地方色彩，嚟食嘢之餘可以週圍打下卡

1)椒鹽小黃魚配菜飯脆皮嘅黃花魚，炸得好出色，唔會過火，連骨都可以食埋調味除左加鹽和胡椒，在魚嘅上面澆上咗炸蒜，令黃花魚更香脆。2)上海排骨炒粗麵排骨係好好食，再加埋小棠菜、東菇絲、芽菜做配料，炒得唔油膩。3)東瓜薏米排骨湯，係夏天消暑解渴嘅湯，好正👍。4)開胃小食一碟:紅蘿蔔絲、豆乾絲同雪菜。清清地啱夏天天氣醒胃。5)缸鴨狗玫瑰桂花湯丸食落感覺有玫瑰香，甜酒清甜，回味之下，就感覺桂花嘅味。(缸鴨狗湯丸係一個品牌)湯丸嘅皮咬落去係煙煙韌韌，芝麻餡就鹹鹹甜甜，好好味😋6)高力芒果奶黄真開心用芒果做餡，加入奶黃，甜度適中(在外面通常係用紅豆沙嘅餡)7)清新系列飲品(凍)B霸氣大哥柑桔、伯爵茶、幾片薑、蜂蜜、糖。飲落唔太甜，飲完喉嚨好舒服

隨著時間的推移，舊貌换新顏，形薈呢個商場有人離場，但亦都有新食肆加入，呢日發現咗有間上海滬菜小館，出邊門面裝修幾吸引，再望下啲餐牌，都好啱胃口，於是一於入來試吓。了解咗一至五嘅午市免茶嘅，一律供應四寶茶，有冇第二啲茶選擇？係冇嘅，但四寶茶唔係度度都有得飲，而且老少皆宜，可以免費嘆，正。“椒鹽小黃魚"，小黃魚好似係上海菜的靈魂，聽朋友講，宜家喺上海食個黃魚面都唔平，但係喺香港食到炸到金黃，外皮脆卜卜，入邊啲肉好嫩滑，而成個餐只係六十零蚊，仲有前菜同埋例湯，今日嘅前菜係菜脯，例湯係粉葛湯，好滿足。"咖喱牛筋腩"就唔會太辣，筋腩各佔一半，啱曬鍾意牛筋嘅我同埋鍾意牛腩嘅朋友，平靚正嘅一餐。

午餐時間，臨時決定去試一下筲箕灣尾形薈商廈的上海菜館： ‘一家’ 搭電車最方便，去筲箕灣方向的尾二站落車即是形薈商廈，‘一家’ 就在地座，方便！今日人不多，餐館是簡單裝修，但食過後發現尼度有一大缺點係： 冷氣不足！參考網上推薦，我們三人根據喜好order：1）麻辣香炸鳳尾魚 HKD75.- 果然酥脆鮮美，帶小小甜味，可以連魚骨一起食落，稍微油膩，但可以接受！2）辣椒皮蛋 HKD58.- 純粹係個人喜好的一味涼拌餸，點整都會好食😋3）擔擔麵 HKD70.- 擔擔麵係所有上海菜館中的標配食物，忘了拍原碟圖片，分到碗裡補一張. 味道和想像的差不多，冇期望，亦冇失望！普普通通啦😝4）小籠包 HKD50.-/ 4件 小籠包本身冇問題，但沾點的薑絲醋不給力，薑絲醋好重要，決定能否給小籠包提鮮！‘一家’ 尼度有改善的空間喔 😅5）雜果糖醋魚 HKD198.-/半條。推薦👍 和我們喜歡的松子魚一樣(但人哋唔係松子魚，所以冇撒松子仁)! 雖然係半條魚，但體量絕對冇輸色！魚過油處理的恰到好處，魚肉外焦裡嫩，雜果的酸甜滋味連料汁津入到魚肉魚骨！非

慢慢地發掘筲箕灣的美食，每個星期來這邊參加興趣班，完成後也在周圍看看，今次發現了Lime這個商場，而且給這間中式餐廳吸引著。餐廳的特色裝修，可以慢慢拍照打卡。看看餐牌，原來顯示的價格非常相宜，只是幾十蚊邊有一個小菜套餐。而且坐得舒舒服服的，是不用茶位就可以品嚐足料八寶茶。套餐包括前菜＋老火湯，店員說每星期的前菜個老火湯，會因應當做食物而每星期轉變的，今天的前菜是榨菜肉絲，老火湯非常有驚喜，真的很足料味道很濃郁，金銀菜乾豬骨湯，菜乾的味道很突出，很下火的感覺。什果糖醋魚片酸酸甜甜的糖醋汁，包裹著每件魚塊，熱辣辣非常美味，而且份量也很多，配搭上海菜飯一起吃，真的不錯。京蔥炒牛肉夠哂惹味又夠鑊氣，醬汁香香濃濃的，京蔥夠火候香甜爽口，牛肉嫩嫩的，簡單又考功夫的一道菜。