一家

營業中

休息中

中式陳設，每幅牆都有唔同嘅特色怖置入座後，店員即奉上八寶茶香辣炸茄子 $58遠望似炸魚仔，參考上海脆鱔嘅做法，改以茄子而製，條條酥脆，甜而不漏，幾有驚喜！黑醋排骨 $118超濃黑醋，好開胃田園上素 $118素食都可以好豐富，有鮮百合丶白果丶鮮淮山丶新鮮芡實丶雲耳丶蒜芯丶粟米芯丶毛豆丶甘筍丶蓮藕片丶紫薯片丶薑片；細細粒黃豆咁大嘅原來係新鮮芡實(問店長介紹先知)，第一次食，煙煙韌韌，幾得意～ 素菜鍋貼 $50鍋貼餡有白菜丶紅蘿蔔丶香菇，皮脆內軟溫文爺爺 $40椰子芝士奶蓋丶伯爵茶丶椰果，伯爵茶味特別出，上海菜有呢類茶飲，係幾估唔到嘅～失魂堂弟 $34番石榴丶橙丶梳打水 製成，好fresh，解膩良品炸芝麻團 (5隻) $45即炸熱辣辣，流心黑芝麻餡，甜度啱啱好！

今天朋友推薦筲箕灣形薈地下商場主打滬菜（上海）／中菜館的一家。環境型格盡顯中國風，有不少特色打卡位可以影像。餐廳經典上海點心，傳統菜餚包羅萬有。櫻花蝦麻醬秋葵，擺盤漂亮，秋葵上面灑滿粉色櫻花蝦，加上麻醬香酸甜辣，口感一流。醬蔥牛肉配薄餅，肉質鮮嫩軟腍，滿口牛香，包上薄餅，口感比美北京烤鴨。田園蔬菜，色彩繽紛，健康夠水準。點心菜肉鍋貼，底部煎至金黃色，皮薄餡靚，點醋食鮮甜又香口。主食石鍋鹹肉菜炒飯，熱辣辣香噴噴，菜肉香味滲透到米飯里，口感豐富而滿足。餐後甜品缸鴨狗玫瑰桂花湯丸，玫瑰花瓣點綴很吸睛，湯丸軟糯，桂花香濃郁，流沙芝麻餡甜度恰到好處。想吃正宗的上海菜，一家是個好選擇！

星期六搭船過咗港島東嗰邊行逛散步，夜晚依然好熱☀️，所以無去東大街掃街，而係去咗形薈搵食。之前嚟過呢個商場，知道有唔少餐廳，呢晚就幫襯咗位處地下嘅「一家」。雖然唔係成日行經，但我對餐廳印象深刻，皆因記得佢嘅裝修好靚。從門外已經略為感受到中式復古風格🏮，室內環境更加矚目，令人忍唔住打卡。除咗我之外，相中遠處嘅情侶亦自拍緊😆。餐牌設計亦同樣精緻，菜式種類繁多，每樣都好吸引，令人花多眼亂👀。由於太熱，胃口一般，所以點嘅菜式較為清淡，而幸好食物出品亦能符合期望。小籠包($50/4件)，食得上海菜當然唔少得小籠包🥢，小籠包新鮮熱辣蒸起，無得輸。我認為好食嘅小籠包係要皮薄餡靚，但外皮唔應該咁易穿，需要承托住入面嘅肉汁。餐廳嘅出品完全達標！整得好食嘅話，基本上原味勝過晒一齊其他口味，就好似呢件咁😋。臭豆腐($78)，朋友見到臭豆腐即刻勁興奮話要食🙈，我本身就唔太感興趣。出奇地臭豆腐唔太「臭」喎，味道無想像中濃郁，亦唔似街頭小食嗰浸味，不過食落堅係聞到豆腐經發酵嘅味道。豆腐外皮炸至酥脆，而入面就有啲似豆卜嘅口感，配甜醬同辣醬食好夾。白玉蒸蝦球($128)，白玉其實係指蒸蛋白🥚，口感順滑。蛋白面頭放置咗四

餐廳位於筲箕灣形薈，主打上海菜，環境好大，坐得舒適，多人黎都冇問題👍🏻，裝修行中式懷舊復古風，綠白色地磚 懷舊木櫃 霓虹燈 ，每處都係打卡位📸！如果夠大膽著旗袍/復古服裝黎打卡，都真係幾襯幾正😂😂，比cafe更好影🤣。除左餐廳，隔離個間手搖店都係佢的，店內叫/淨外賣飲都得🤣。-💵 砂鍋雲吞雞二人套餐 $398✨另設加一超抵食！二人套餐3-4人份量😂😂💕 醉香豬手拼香辣炸茄子👅好味指數：7.8/10老闆超好人🥹我唔係好食到好油好辣既野，佢就轉左拼個糖醋小排骨比我☺️。豬手酒味唔會太濃，老人家都食得。排骨糖醋味好濃郁！肉質軟腍多汁，重口味人士必點！-💕 砂鍋雲吞雞👅好味指數：8.5/10湯頭夠清又有咸香，飲完都冇口渴。雲吞有5粒，皮薄餡滿，另外雞都入哂味，肉質嫩滑😍，娃娃菜索哂精華，仲正🤤-💕 雜果糖醋魚片👅好味指數：8/10份量超多😂又厚又大塊😍，3人食都夠，糖醋味濃，酸酸甜甜，調味偏向酸小小個種，炸得都好香脆，魚又夠滑☺️-💕 瑤柱津白👅好味指數：8.5/10娃娃菜配瑤柱真係好正☺️索哂咸香味又多汁，份量多都唔小心自己食哂😂。-💕 小籠包(兩隻）👅好味指數：8/10一拎起已經多湯到滴汁☺️ 皮

公司附近有一間新開上海菜的餐廳, 最喜歡試新餐的我又怎會錯過。-進入餐廳看見有一排三個小屋的卡位, 好特別。另外餐修風格具有50、60年代風，真是一個打卡不錯的地方。-HK$75上海脆皮素鴨~濕潤的腐皮，內藏冬菇, 是一款傳统素滷凉菜-HK$58 香辣炸茄子~師父好刀工，將茄子切成絲, 之後再炸。吃起來有點甜又帶一絲絲辣味，硬脆的口感, 送酒也不錯。-HK$68紅油抽手~皮薄又多餡的抽手、蒜末、蔥末再加上辣油變成四川名菜之一。-HK$45 上海糯米燒賣~是上海特色小食之一。外型與燒賣一樣, 趁熱食，是軟糯質感不黏牙。-HK$138椒鹽肉排配金元寶~外酥內嫩的肉排, 帶點咸香, 另外造形可愛的金元寶, 真令人不捨得吃；-HK$34 優雅姑媽~呷一口感受到濃郁玫瑰香味，再配茉莉茶, 真是一種優雅感覺-HK$34 聖格大叔~好大杯的巨蜂菠蘿汽水哦, 內有好多菠蘿肉, 超解渴

約半年前疫情嗰陣每星期都起碼去一家堂食或外賣三四次，住左係筲箕灣咁多年呢間上海菜雖然價錢唔平，裝修及環境亦不過不失，但勝在味道夠正宗及有水準，同埋覺得嗰陣個男經理服務態度好又細心所以才經常光顧。不過後來我自己搬左過九龍之後就好耐無幫襯。尋日番開筲箕灣探家人於是帶埋佢地去一家諗住回味一下，入到去氣氛已經唔同左加上假期堂食都無乜客已經心知不妙，坐左一陣見唔倒之前個男經理我估佢應該無做，而家呢班侍應一係低頭識玩手機一係就圍埋傾偈，舉手又睇唔到要大叫先識埋嚟最後仲要落錯單。點心方面叫勉強保持水準，但其餘嗰幾樣炒餸真係不敢恭維，等得耐都算碟碟一係無味一係就太鹹，我唔駛問都知肯定換咗大廚啦，成家人都覺得極度失望！我見最近啲食評讚到天上有地下無咁好明顯係鱔稿，當然亦唔排除佢哋味覺有問題，無論點都好上天係公平嘅呢啲低水準餐廳最終都會被市場淘汰。

#一家 係一間另類嘅上海菜館，主打地道的上海菜，而裝修都做到好似舊時上海咁，好多打卡位都好有特色。📸📸田園上素 $118 呢碟有好多平時好少食到的素菜，如茨實、准山、白果，少油少鹽，唔單止色彩繽紛，仲要非常健康養生 🤩白玉蒸蝦球 $128賣相好高貴，鮮蝦好飽滿且爽口，加上又嫩又滑的蒸蛋白，味道偏為淡少少，令到蝦的鮮味更加突出。上海糯米燒賣 $45今次係第一次見識上海的街頭小食 - 糯米燒賣，糯米釀入燒賣皮，細細粒咁，非常容易入口。糯米粒粒煙韌飽滿，加埋滑溜既燒賣皮，簡直絕配！辣椒皮蛋 $58醇厚香濃的皮蛋，加上辣椒同豉油吊起鮮味，非常開胃的小菜👍🏻👍🏻紅卜卜堂妹 $34士多啤梨梳打的酸味，再襯埋新鮮士多啤梨同荔枝果肉，清爽又健康！嬌滴滴侄女 $40以芒果為主題的沙冰，飲落芒果味重，唔算好甜。飲品有埋芒果果肉同奶蓋，層次感十足！

朋友好介紹，今晚去筲箕灣呢間主打中菜、滬菜和上海菜嘅餐廳吃晚飯。因為阿仔同我都愛吃上海菜及小籠包。到達餐廳，環境裝修格局十分中式風格，很適合一家聚餐，亦啱三五好友相聚，二人撐枱腳亦都不錯。卡座尤其精緻，有不少靚靚打卡位。《小籠包》近年食過最出色，皮厚薄均勻，吾會一夾起就爛皮，而且肉碎很香，包子超勁多湯汁，好好味。《口水雞》微辣帶酸甜，蒜香、花椒油香，不太搶口。雞肉切得好靚，肉夠嫩滑。《上海炒年糕》入口軟綿綿，加入冬菇及蔴油更添香味，配上椰菜絲，微爽增加口感。《白玉蒸蝦球》蛋白清香，加上蟹籽，仲有大蝦鮮甜肉爽彈牙。《缸鴨狗玫瑰桂花湯丸》盛載甜品的碗十分靚，令這一道甜品苑如一件藝術品一般。糯米綿香軟滑，桂花香濃，甜度不太重，味道啱啱好。飲品餐牌亦一絲不苟，名稱都很獨特。《風趣舅父》，綠色的由茉莉花茶，蘋果汁，青檸汁混合而成，味偏微酸，啱啲不喜歡太甜的朋友仔。《性感大姨媽》，粉紅色很吸晴，有咬落似珍珠的櫻花啫喱、玫瑰香、伯爵茶，青檸汁，又香又甜十分清新怡人。整體來說，餐廳各方面都製作認真，食物味道、餐具、賣相都用心，筲箕灣一間令人驚喜，很值得推介的餐廳。尚有很多經典名菜，絕對要再來發掘。

放假去咗筲箕灣呢間上海餐廳，出咗地鐵站行一兩分鐘就到，餐廳好多打卡位，好少中菜館會裝修得咁靚，去中菜館都可以打卡，好正！餐牌好多選擇，基本上你諗到嘅上海菜都有得食，另外仲有好多特飲俾你揀，全部都好吸引全部食物上碟都好靚，佢用嘅杯碟都好有特色，值得一提嘅係佢嘅餐具全部都好乾淨，好少食到中菜館係咁衛生企理。最重要當然係食物質素，佢所有食物嘅食材都好新鮮，非常足料，咁嘅價錢食到呢個質素，好值得推介糖醋小排骨小排骨整得好好食，甜度適中，排骨煎得好香，每粒切得細細舊，一啖一舊，正海鮮澆頭面好多海鮮，有蜆、蝦、魷魚，全部海鮮都好新鮮，好爽口，一啲都唔覺得霉，另外個麵質都好好，加埋芡汁，給盡海鮮湯嘅精華，好好食鮮肉鍋貼鍋貼外皮煎得好脆，個餃子皮都好彈牙，裏面好多肉，一咬開好多汁，點埋啲醋食好好食小籠包去上海店食嘢梗係要叫小籠包，呢個小籠包好出色，上碟熱辣辣，皮薄餡靚，一咬開啲肉汁充滿成個口😍😍全部食物都非常好食，超級滿意

約咗住喺筲箕灣嘅朋友食晚飯，我就提議試吓喺形薈地下商場新開嘅上海菜館「一家」。餐廳佈置十分講究，尤其中間柱位掛滿各種類型的舊式木櫃，實用之餘亦搶眼。頭盤先來了一碟櫻花蝦麻醬秋葵 $68。秋葵本身無味，配合適當嘅麻將給香脆嘅櫻花蝦，非常可口。我然後點了一家蒽油白切雞 $128，大量嘅蔥花加上少量嘅花雕酒，令白切雞呢嘅鮮味非常突出。朋友想要清淡啲，點了山藥蘆筍溜魚片 $138，口感清新而且非常健康。鮮肉鍋貼 $50，每啖咬出來都有份量十足嘅肉汁，好味。我仲專登試吓餐廳新出嘅特製飲品 -爽快舅母 $50，牛奶、紅豆、芋圓，三隻非常配合。最後點咗個甜品高力芒果奶黃 $60 作總結，令整餐飯非常圓滿。

今日嚟到筲箕灣形薈嘅一家食飯 , 餐廳裝修極具傳統中國風 , 同時有好多特色打卡位 , 新舊共融 , 食飯 + 打卡同時進行 ! 口水雞 ($88) 口水雞嫩滑 , 就算係非雞脾部位都唔嚡口 , 配埋惹味微辣嘅口水雞汁 , 食唔停口 山藥露筍溜魚片 ($138)菜式感覺養生健康 , 唔好以為健康菜式一定唔好食 , 呢碟絕對會俾到驚喜你 ! 魚片滑溜 , 山藥爽口 , 好好食 ! 我覺得呢個餸菜簡直係老少咸宜 !! 👍👍 鮮肉鍋貼 (5隻) ($50) 睇賣相就知好食 , 肉汁爆出嚟 😲😲 底部煎至金黃香脆 ! 大大隻 , 好有滿足感 !缸鴨狗玫瑰桂花湯丸 ($45) 賣相同樣冇得輸 😍😍 酒釀入面仲有粉紅色嘅玫瑰花絮 🌹🌹 非常精緻 , 我諗大部分女仔都會被佢吸引 ~ 湯丸係芝麻流心餡 ! 甜而不膩 ~溫文爺爺 ($40)椰子芝士奶蓋 , 第一次試椰子味芝士奶蓋 , 幾特別 , 好香 ! 茶味突出 , 椰子 jelly 令口感更豐富 ! 甜美二妹 ($36)呢杯係橙 , 柚子同蜜糖嘅伯爵茶 , 加左香草迷迭香 , 茶味同香草咪同樣突出 , 酸酸甜甜的 , 好開胃 😋總括而言 , 餐廳裝

今晚去咗筲箕灣去食上海嘢，一直想試好耐，成日經過見到裝修好別緻，另外一邊有淨係嘢飲賣，等咗好耐，今晚終於有機會去食下🥰鋪頭樓底好高，好闊，而且裝修好特別，有啲懷舊風，鋪內有唔少嘅打卡位，員工服務態度好好👍🏻賓至如歸嘅感覺😆🍴 櫻花蝦麻醬秋葵🍴完美配合麻醬同秋葵，秋葵每條都係翠綠，唔老，再配上櫻花蝦，係一個清爽嘅前菜🙂🍴山藥蘆筍溜魚片🍴本人極喜愛食山藥🤤，好爽脆，魚片唔係普通龍脷柳，問過員工，原來係採用黑魚，雖然唔知係咩魚😂但好滑，冇骨！重點！再加上山藥，整個菜都好滑，完美配搭🥹🍴 紅油抄手🍴抄手唔算好特別，特別在於醬汁，有生蒜頭，撈埋一齊好惹味😋🍴 蝦仁腰花麻醬拌麵🍴腰花原來係豬腰，一向好怕出去食豬腰，怕洗唔乾淨，會有陣臭味，呢到竟然異常地冇味，洗得乾淨，麻醬另上，可以自行調配，不過建議可以點醋，會更加夾😙🥤紅卜卜堂妹/嬌滴滴姪女🥤飲品名稱好似全家祖宗都講哂咁，好有趣🤣好精緻嘅食物，裝修別緻，都令人坐得好舒服，又唔會好嘈，食環境都值得去嘅地方🥰

平時喺東大街覓食，留意到附近有個新商場叫形薈,決定去睇吓有咩新食肆。暫時有幾間餐館進駐，但係我被門口一間裝修得非常別緻嘅上海菜館叫「一家」吸引。一入去，就覺得餐廳裝潢別緻，好有復古感，好似真係去左上海餐館的感覺，好岩大家打卡！最種意個中間個綠白間條地磚，好懷舊。而且餐廳每個角位都有一個特色打卡位😍😍午市有客飯套餐，套餐已包前菜、小菜、老火湯和白飯，只需$55-$72不等，超抵食！我哋兩個人，所以叫左個午市套餐再叫少少點心同多個小菜去分享！❤️水煮魚 $72（午市套餐）分量十足，魚肉滑嫩鮮美，加上水煮汁麻辣，完全帶出魚嘅鮮香! 最重要，魚肉好厚身，對唔係薄切！對於套餐來講，絕對不得了，因為平時一個小菜都唔止呢個價錢👍🏻❤️小籠包 ($50) 一籠有四個，新鮮滾熱辣！皮薄餡靚，肉汁封存得好好，仲要好多湯汁。不得不讚，佢個皮好薄，但係夾起嚟絕對唔會穿！❤️糖醋小排骨 ($78) 雖然每粒都細粒，但係份量超級多，有成10幾粒！肉質腍滑，輕輕一咬，肉同骨就會分開！醃得好入味，所以超甘香惹味，用來送飯一流！❤️缸鴨狗玫瑰桂花湯丸 ($45) 必食之選！因為呢款缸鴨狗湯丸在中國好出名，但香港好似未有零售

午餐時間黎左呢間一家試下見佢午餐好抵食咁🤭🤭🤭有小菜，前菜、老火湯同白飯加5蚊可以轉菜飯添😛另外仲有一種四寶茶飲叫左2個午餐一個係菠蘿咕嚕肉一個係醬炒茄子黑豚肉轉左一個係菜飯老火湯係青紅蘿蔔粟米湯前菜係榨菜肉絲落左order 5分鐘左右就上餐都算係幾快👍🏾👍🏾成個餐只有前菜既味道最好😅😅😅😅咕嚕肉都整得幾鹹😒湯都鹹左啲😒😒茄子黑豚肉既味道都算係適中菜飯同白飯都係唔同既米菜飯既米食落去有啲黏同有少少飯焦白飯既米就乾啲硬啲乾身左啲，要咬耐啲

一家（ 筲箕灣）今日晚飯同阿女去筲箕灣撐枱腳，餐廳食物豐富，有多款選擇。環境方面，餐廳走懷舊風， 設計花心思 ，有好多舊式嘅擺設， 充滿懷舊色彩 ，好特別。*餐廳提供花茶，有紅棗、杞子、雪耳等材料， 飲落好舒服、甜甜地。有滋補清潤嘅功效， 好飲又養生。1. 葱油伴山藥 $50 山藥食落好爽甜。面層鋪滿炸過的葱絲，非常香。淮山健脾開胃，幫助消化。2. 小籠包$50阿女嗌咗籠小籠包。小籠包細細個，但充滿肉汁，而且豬肉非常鮮甜。趁熱食，非常美味。3. 什果糖醋魚（一條）$390 糖醋魚大大條，呈金黃色，賣相非常吸引。面頭鋪滿醬汁、菠蘿粒 、三色椒同蝦仁。糖醋魚酸酸甜甜，好開胃。魚肉鮮嫩無比，冇腥味，炸過後非常香口。4. 石鍋鹹肉菜炒飯$108用石鍋裝住可以保溫。炒飯好香口，飯粒粒粒分明。鹹肉美味，更有好多菜粒，口感豐富。5. 缸鴨狗玫瑰桂花湯圓$48 甜品有純純的酒味、陣陣的桂花清香，同玫瑰花的香味。裏面仲有粒芝麻湯圓，湯圓的外皮煙韌，餡料流心，芝麻味濃郁。