一家

營業中

休息中

今晚同女女去屋企附近嘅✨一家中華菜館食晚餐。❤️坐卡位好舒服，店內仲有好多特色布置，幾多打卡位。餐廳menu選擇好豐富 ，主打上海菜，有女女最鍾意嘅小籠包, 一籠四件熱辣辣，皮薄餡靚，一咬落去爆曬湯汁💦🦐櫻花蝦麻醬秋葵清新前菜， 秋葵香脆，健康有益。🥢糖醋小排骨酸酸咪咪，非常入味，好開胃，小朋友好鍾意食。🐔炒雞菘配叉子燒餅平時食上海菜都好少食呢款，好有新鮮感。燒餅好似個袋仔咁裝住爽口雞菘，燒餅脆卜卜好滋味。🥤飲品名稱都好有趣：扭擰妹頭🍊柑桔伯爵茶配雜莓及檸蜜爆珠，好fresh🥰溫文爺爺面層係🥥椰子芝士雲，茶底用上伯爵茶配椰子啫喱，幾有創意。