影片
更多
2023-02-24
53 瀏覽
好耐無接另一半放工加食飯，原來筲箕灣形薈都幾多餐廳。今次就食咗上海野先。門口已經見到餐廳裝修有花過心思，有種懷舊老上海感覺，係一間適合打卡既餐廳。一坐底就奉上淡茶一壼，最後打開發覺有紅棗同杞子，好似幾養生。雞絲粉皮 ($68)醋跟麻醬的比例洽到好處，兩種味都食得到，十分開胃。葱爆牛肉配薄餅 ($138)爆得好香，牛肉軟腍; 薄餅每塊都堅薄，同塊塊有張蒸籠紙隔著，唔會痴埋一齊。小籠包 ($50)外皮厚薄剛好，包內肉汁充足，豬肉肥瘦均勻。鮮肉鍋貼 ($50)有塊好薄好脆既冰花皮連著5隻餃子，一督即開。裏面也是肉汁飽滿，第一隻被我噴濕咗張枱另外，餐廳既果茶都好吸引，啲名都好搞鬼，好似乜野姨媽姑姐都出齊咁潮爆公公 ($40)其實係巨峰提士芝士茉莉茶奶蓋，飲得出真係鮮果製，最後食埋幾粒提子都好甜。甜美二妹 ($38)橙柚子蜜糖迷迭香伯爵茶，味道偏酸帶少少澀味，底部有爆珠，整體酸酸甜甜，應該好適合夏天飲。
門口已經見到餐廳裝修有花過心思，有種懷舊老上海感覺，係一間適合打卡既餐廳。
一坐底就奉上淡茶一壼，最後打開發覺有紅棗同杞子，好似幾養生。
雞絲粉皮 ($68)醋跟麻醬的比例洽到好處，兩種味都食得到，十分開胃。
葱爆牛肉配薄餅 ($138)爆得好香，牛肉軟腍; 薄餅每塊都堅薄，同塊塊有張蒸籠紙隔著，唔會痴埋一齊。
小籠包 ($50)外皮厚薄剛好，包內肉汁充足，豬肉肥瘦均勻。
鮮肉鍋貼 ($50)有塊好薄好脆既冰花皮連著5隻餃子，一督即開。裏面也是肉汁飽滿，第一隻被我噴濕咗張枱
另外，餐廳既果茶都好吸引，啲名都好搞鬼，好似乜野姨媽姑姐都出齊咁潮爆公公 ($40)
其實係巨峰提士芝士茉莉茶奶蓋，飲得出真係鮮果製，最後食埋幾粒提子都好甜。
甜美二妹 ($38)
橙柚子蜜糖迷迭香伯爵茶，味道偏酸帶少少澀味，底部有爆珠，整體酸酸甜甜，應該好適合夏天飲。
張貼
