一家

營業中

休息中

🉐超多手調飲品選擇🉐特色裝潢香辣炸茄子🍆喺出面好少見到呢個菜式，就係將茄子刨成絲，然後拎去炸，每一條都沾滿甜甜辣辣嘅醬汁，以前菜來講份量超多，而且好香脆，叫嚟送酒係最佳選擇。單耳秋葵👂🏻🥒呢一款都係涼拌前菜，單耳即係小雲耳，加埋秋葵粒令人好開胃。外婆紅燒肉👵🏻🥓紅燒肉煮得好淋好入味，所以脂肪位置好重膠質，醬汁濃郁得來，又唔會太漏，仲有開邊溏心蛋🥚，值得一試。滕椒豆干絲炒苦瓜🌶️🫑雖然唔係個個都鍾意食苦瓜，但係呢度嘅苦瓜炒得好夠味道，仲有唔少豆干絲，有少少辣味。溫文爺爺🍺失魂堂弟🍹餐廳嘅飲品名稱好特別，每一款都有獨特嘅名稱，有超多款式嘅手調飲品選擇，而今次我同朋友試嘅飲品前者係椰子芝士奶泡🥥🧀、伯爵茶同椰子啫喱調製而成；而後者就係番石榴、橙🍊同汽水🥤調製而成，兩杯都超大杯，絕對能夠解渴。