麵尊

营业中

休息中

聽朋友講咗好耐話麵尊好正，又係良心小店💛呢排終於試到佢喇。估唔到CP值真心幾高，本身叫咗一人一碗車仔麵，但因為太正兼抵食，要追加多碗😋1️⃣香菇貢丸五香牛腩美味齋公仔麵🐂🕵🏻‍♂️：9.5/10 🕵🏻‍♀️：9.5/10香菇貢丸夠晒彈牙，腩汁有少少唔夠濃味同埋蔥唔太夠多。最抵讚係個五香牛腩，鋪滿半個碗咁多，近乎入口即化，牛嘅膠質又多。以十蚊一個餸黎講，個牛腩簡直抵到傻。2️⃣豬紅蘿蔔咖喱魷魚油麵🦑🕵🏻‍♂️：8/10 🕵🏻‍♀️：9/10嗌咗咖哩辣湯底，啲咖哩辣醬係擺係匙羹到分開上的，幾貼心。魷魚係玻璃魷嗰隻，好爽脆。蘿蔔清甜，豬紅好似豆腐咁嫩，唔會過熟，nice👍3️⃣紫菜豬頸肉蠔油冬菇粗麵🐖🕵🏻‍♂️：8.5/10 🕵🏻‍♀️：8/10紫菜索晒湯汁，蠔油冬菇都好入味，豬頸肉就普普通通，稍嫌太硬身。佢個麻辣湯底都幾辣下，唔太食得辣嘅朋友可能要嗌少辣。

車仔麵大家都食得多，不過依家啲價錢通常都去到好貴啦。早排行過銅鑼灣，見到有間車仔麵，居然只係$10一個餸，好似幾抵食咁喎，咁就入去試吓啦。🥰🥰我叫咗河粉底，送有咖喱魚蛋、滷水雞翼、墨魚丸，個湯底其實幾唔錯，夠味但又唔會太濃。個人覺得滷水雞翼幾出色，醃得夠入味！😆😆餐廳仲有自家製辣椒醬同咖喱醬，味道都幾好，不過小弟唔係好食得辣，所以就冇叫太多，佢哋自己有一樽樽買，鍾意食嘅不妨留意下。😍😍

星期日lunch time，排隊等位等咗一陣。職員執完枱安排入座，發現張凳近椅背位有幾灘細灘嘅水，似係湯汁或飲品滴咗落去。可能職員見唔到喇，自己拎紙巾抹返先坐。叫咗個咖喱魚蛋、紅腸、咖喱牛柏葉米粉+腩汁，咖喱魚蛋-無咖喱味紅腸-正常咖喱牛柏葉-好淡口、無咖喱味得少少辣味米粉-正常不過份量唔多，我女仔偏細食都係啱啱夠腩汁-無腩汁味男朋友叫咗豬大腸話味道ok，但係話咖喱魷魚同咖喱牛柏葉都無乜味，油麵太硬，同埋唔夠飽。

之前每次前來看到排隊等位的長長人龍都放棄，今天早了下班，下定決心等一等餐廳有包裝精美嘅麻辣醬及咖喱醬出售，包裝上印上明星老闆其中一隻狗作商標，部分收益會作慈善用途，甚有意義店舖面積不小，能同時容納大約30位食客！牆上有一塊大餐牌，列明麵類和配料選擇食客需要在點餐紙點菜，每個餸菜和麵底約為$10-$12！湯底可以選擇腩汁、麻辣或是咖喱辣罐裝飲品有雀巢檸檬茶、無糖可樂及可樂淨豬頸肉軟腍肥美，滷得相當入味油麵及伊麵的軟硬度剛好！麻辣湯底褐色，濃得來帶甜，可以任添，麻得過癮每款餸份量十足！豬大腸洗得乾淨，不會有太多肥膏

Lunch經過銅鑼灣，同事介紹一間美味車仔麵一定要嘗試，那就去了這間車仔面餐廳。午飯時間較多人，排了20分鐘左右就有位了。餐廳是設於地鋪，而且每樣東西都統一價錢，令消費者感覺較好。點了豬大腸、五香牛腩、咖喱魷魚、墨魚丸、河粉、湯底是麻辣汁。每樣食材質素不錯，質感也剛好，不會過熟或未熟，分量也足夠男士食，唯獨不足是各食材獨立的味道較不足，餐飲也較昂貴，但這性價比在這地區已很不錯了。總結：可以再嘗試其他食材。

之前聽講過呢間車仔麵，據聞好出名，所以轉等出銅鑼灣，打算試下。的確，按環境嚟講，係幾特別，好有特色同傳統車仔麵嘅風味。食物選擇嚟講，都頗大路，唔算太過特別。我就叫咗豬紅（$10）、蠔油冬菇（$10）同滷水鴨腎（$10），要咗粗麵（$10）；另外加咗碟白菜全走（$20），total $60。先講嗰麵。份量算好多下，唔駛加底都好夠飽。粗麵較淋身，同出面比較爽口嘅全蛋麵有些許分別。嗰湯底好鹹，基本上一啖都唔飲得；甚至仲鹹過啲鴨腎，蓋過晒鴨腎嘅滷水味。蠔油冬菇就唔駛講啦。用蠔油炆過，再浸係嗰咁鹹嘅湯底，可以話係鹹上加鹹，唔推薦。豬紅都好一般。太鹹，但係好碎，一放落口就裂開晒，完全冇彈牙嘅感覺。反而最叫得過嘅係滷水鴨腎。好有咬口，叫做勉強救番碗麵。最後係白菜全走。冇希望就冇失望，算係咁啦。店員友善，服務態度唔錯。不過按食物質素嚟講，就可以話係冇乜驚喜啦。

今日同老婆去銅鑼灣買野 原本諗住去食Hungry Monkey 點知過咗午餐時間冇得食lunch set 唸緊食咩好就見到對面間麵尊好多人排隊 於是就過去排埋一份🤪排隊時後面有pair情侶 個男仕係咁同個女仔講 「咖哩魚蛋 好正⋯⋯酸斎又好食 ….個牛腩都好正⋯⋯咖喱醬唔錯㗎⋯⋯」（下刪五十字）等了差唔多半個小時多 被安排入座 鋪頭地方不大 多是2人至4人枱 $10 一個餸 最低消費$38 - 如果唔想自選 有大、細尊（如下圖）揀我同老婆就揀了油麵 各自揀了四個餸😀豬紅 咖喱魚蛋 豬皮 同 豬頸肉 酸斎 貢丸 鴨腎 同 牛腩望落細細碗 但原來份量都唔小 湯底好入味 咖喱魚蛋幾出色 同出面食開的唔同 豬頸肉 鴨腎 同貢丸 都幾正 值得一試唔夠湯底可以再加仲可以另買醬埋單一百元 唔收加一 今時今日在銅鑼灣兩個人食個飯都隨時over $100呢間的確抵食 一定會再嚟 下次試埋其他餸

放工先嚟落大雨，真係寸步難行，好彩公司附近有好多食肆，搵一間坐低食下嘢又避一下雨。面前一間車仔麵店，記得同事講過質素不錯。裝潢比較年輕化，始終銅鑼灣區，吸引大批年青人幫襯。大尊-豬紅，蘿蔔，咖哩魚蛋，豬紅，菜，紅腸，豬皮，楝選自己喜愛的麵款米粉。我比較貪心，追加了酸斎和生根。賣相不錯啊！酸斎酸酸甜甜，夠入味，好有口感。咖哩魚蛋非常爽口。豬皮處理得好，乾淨，食得放心。要讚一下湯底，真的不會飲後口乾。

麵尊————————————————位於銅鑼灣登龍街18號V Point地下5號舖————————————————今日晏晝12點幾 去到登龍街既「麵尊」…好彩前面只有兩個人等緊!!點解話好彩呢 因為食完既時候,出面已經大排長龍……😂😂😂今次 我同男朋友一人叫左一碗, 一碗叫左冬菇,豬大腸,蘿蔔,雞翼(咖喱辣)一碗叫左墨魚丸,魚蛋,豬皮,滷水鴨腎(麻辣)我覺得雞翼豬大腸都好好食 滷水鴨腎好入味但係份量太少 得幾舊仔😢魚蛋墨魚丸都係普通質素😆但係麻辣醬幾好食😋!! 價錢來講喺銅鑼灣算係幾抵!!!!☺️$110值得一試😄

與友人外出，飢腸轆轆，唯天氣酷熱，不想食米飯，友人誠薦一餐室名麵尊。尊者，崇高之義，足見廚師信心。門後稍為多人排隊，於門外等候片刻入座。車仔麵餸選擇頗多，小弟點豬大腸、酸齋、咖哩魚蛋、五香牛腩配以幼麵加麻辣汁。另凍奶茶一杯。酸齋吸收香濃湯汁，開胃醒神。咖哩魚蛋口感略硬，辣味突出，有微淡陳皮香。五香牛腩肉質尚算軟嫩有嚼勁，小弟已入花甲亦不費勁，細嚼有香料味道，不錯。豬大腸肥美可口，醬汁入味，不錯。麻辣汁應該是店家自製，辛辣而有後勁，與湯汁混合後味道匹配。小弟喜幼麵質偏硬，不錯。凍奶茶略淡，茶味略淡，未算出色，有待改善。麵餸選擇頗多，每款皆用心處理，味道不錯，下次定必品嘗其他麵餸，惟飲料未算出色，若飲料有進步，定必錦上添花。於銅鑼灣鬧市來說，價錢合理，值得一試。

心思思又想食車仔麵，見登龍街嘅麵尊唔使排隊，就同同事一齊入去食登龍街好多拉麵店，但呢間車仔麵長期都排長龍，主要因為佢嘅湯底真係夠晒正宗😋腩汁湯底好入味，香濃唔算太鹹！車仔麵配料選擇非常多，就算揀配料都要揀成10分鐘🤣丸類、肉類、蔬菜類、牛腩、魚皮等每款$10，我哋大概揀咗三至四款配料我叫咗蘿蔔、咖哩魚蛋、雞翼、生菜粉面座揀咗米粉咖喱魚蛋超香咖喱味，爽口彈牙！蘿蔔爽口鮮甜，吸晒啲腩汁湯底，好正啊朋友嗌左牛腩、美味齋、生菜牛腩份量好多，而且炆到好淋，夠晒入味啊！美味齊吸晒腩汁湯底🥰🥰豬頸肉一大份一齊share食豬頸肉半肥瘦 配滷水汁好夾口感爽口 啖啖肉，推介❤️另加配豆漿 同利賓立😬食車仔麵都可以好好味

#kopo銅鑼灣#kopo💸麵尊車仔麵🍲⁡朋友介紹食麵尊😁所以走去試試第一次去 見排哂長龍👫👭👬就走了第二次見條龍唔長 等15分鐘就有得食😁叫左餸冇耐就即卡上枱 效率好高⁡$價錢見圖🔖4.1/5分- 叫左腩汁 冇叫辣的湯底 味道剛好 唔會太鹹- 湯底算清澈 唔會多油或者太深色- 餸的份量不算多 但勝在夠出色👍🏼 唔會求求其其- 比較喜歡大腸和冬菇 夠淋身又入味🥰🥰- 咖喱魷魚彈口 但冇咖喱味🤣⁡📍 麵尊 (銅鑼灣)銅鑼灣登龍街18號V Point地下5號舖#kopo銅鑼灣#kopo港島線#kopo港式#kopo車仔麵⁡#hkfoodie#foodiecouple#hkfoodblogger#hkfood#foodiegram#hkfoodiecouple#kopo131

經過好幾次登龍街, 都見到呢間車仔麵餐廳門外都大排長龍, 一直有興趣試試呢間係咪真係咁正, 剛巧平日未到放工時間, 竟然唔洗排隊, 即刻入去食碗先!餐廳內面積不大, 地方企理,自行Click order揀食咩, 每款逐一收費, 免費汁醬選擇, 組合出自己最喜歡嘅車仔麵配搭。每次食車仔麵, 我都必食特定好幾款配料,車仔麵好快上檯, order了6樣配料, 原來如此豐盛, 完全覆蓋整個麵底。豬大腸: 口感極之爽彈又入味豬紅: 鹹鹹地, 幾入味雞中翼: 鹵得好林, 有淡淡鹵水味鹵水鴨腎、牛柏葉: 質地爽唔硬咖哩魷魚: 切成條狀, 食到魷魚本身味道, 因為本身都Order了咖哩辣落湯, 所以表面都唔太覺有咖哩汁, 質地爽口醬汁加入了咖哩辣、腩汁、蔥, 其中餐廳將"咖哩辣"以匙盛好, 可比食客自行加入調辣度, 咖哩辣令湯底辣辣地幾惹味; 配上微微彈牙油麵, 好飽肚!至於同行朋友所揀嘅配料同我差不多, 只係分別在於麵底同揀了咖哩魚蛋、豬皮咖哩魚蛋: 不是彈牙果種, 口感實實地豬皮: 入味又爽飲品方面冇套餐價, 都以單點Order 罐裝飲品/手調飲品全日免加一, 對於高消費嘅登龍街黎講, 呢間算係較

以前去親cwb, 車仔麵首選～新記同榮記！今次嚟到銅鑼灣，就有新選擇，就係~麵尊! 呢間唔算好新，不過就成日要排長龍！今次特登揀下午茶時間嚟，就唔使排咁耐隊！招牌嘅有分大尊同小尊～📍大尊（$42)：豬紅豬皮紅腸魚蛋生菜，同車仔麵必備嘅蘿蔔！📍小尊（$40)：就冇咗生菜魚蛋好大粒好彈牙，最出色係蘿蔔，勁入味好淋身好爽甜，好想再encore!!豬皮都好有咬口，唔係薄chit chit 一塊仔！首選麻辣汁，次選咖喱汁***🧡仲可以一樽樽買走，返屋企撈麵食，正啊！

夜晚喺銅鑼灣搵又平又好食嘅嘢似乎有啲難，不過麵尊真係可以做到好多人嘅長期飯堂！除咗係黃店之外，佢嘅質素都唔錯～ 舖頭雖然唔係特別大間，坐得幾舒服(・∀・)📌米線+墨魚丸+牛腩 (~$30) 首先要讚湯底！👍🏻甜甜地仲有少少腩汁味，好好飲但係唔口渴。米線軟硬適中，食落彈牙爽口。成碗份量都唔少，CP值好高！😆📌白菜仔($20) 🥬 出街好驚食菜因為好多都煮得唔腍，味道好「清新」不過呢碟就煮得啱啱好，係熟咗嘅質感，配上蠔油味道錦上添花～------------------------Noodles shop with the best soup base! Having dinner in Causeway Bay is always expensive, Min Jun is one of the quality dining options but save your pocket at the same time!Rice noodles with Cuttlefish Ball + Beef Brisket (~$30) The amount is soo generous! The