麵尊

营业中

休息中

🍽麵尊 (銅鑼灣)📍銅鑼灣登龍街18號V Point地下5號舖.#如果是吃貨不妨黃一點🔸 🍜三餸車仔麵 $40無嘢食就想食麵尊，小朋友口味嘅朋友仔最啱。佢個湯底好似瑞士汁咁，甜得來又夠清。豬頸肉係必定要試。份量夠多就唔再講，每一塊都係半肥瘦。好少食車仔麵會食雞翼，但係因為呢個湯底實在太似瑞士汁，我又覺得好似要配雞翼咁。面底平時會嗌粗麵，今次試咗佢個米線都仍然保持到車仔麵風味，配魷魚都仲係好夾。銅鑼灣慳錢首選。.#利利仁飲食雜誌港島區 #黃店 #銅鑼灣黃店 #黃色經濟圈 #雞翼#車仔麵 #銅鑼灣 #黃店推介 #黃店美食 #noodles #foodie #nomnom #hongkong #cwb

​🤍麵尊​​小妹一直都有follow開人氣Youtuber Kiki&May 🤟🏻有次睇佢地介紹咗銅鑼灣尼間車仔麵之後🍜我就一直bookmark住😚尋日終於食到喇👅果然好味！​​最值得讚係個環境🤣麵檔尼講算好好坐👍🏻唸下榮記、老闆娘、星林居😂坐係入面食好食係好食😝但一路食一路r痕🤭對比之下尼間算環境超級正💯​​♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*,.♥,.*​​◽️三餸車仔麵 7/10 (HKD 40）​​尼間鋪頭係逐個餸咁計錢💵每個餸HKD 10(包括粉麵)🥢我就叫咗豬大腸、鹵水雞腎、咖哩魚蛋河粉🤟🏻豬大腸不過不失🤣​雞腎煙韌👍🏻最驚訝係咖喱魚蛋唔係陳皮魚蛋😸係大粒魚蛋！雖然魚蛋唔算太入味👀但都算誠意十足😛​​另外我仲夾左男朋友嘅蘿蔔同咖哩魷魚🦑蘿蔔超口超入味😋推薦！咖哩魷魚唔算入味🧐但就幾彈牙😌​​湯底我就叫左麻辣汁🌶 🤣我覺得唔夠辣🙃有d小失望🤓食食下個湯底仲係甜甜地🤣有小小似深水埗文記😸​​Overall尼講，雖然麵尊冇榮記同文記咁好味🤣但都算我食過top 3好味嘅車仔麵！​​♥,.*,.♥,.*,.♥,.*,.♥,.*♥,.*

👉對上一次食《麵尊》，已經係好幾年前嘅上環店。銅鑼灣店開咗咁耐都未食過，皆因每次也大排長龍而放棄！😳.👆今次特意提早晩餐，果然湊效，可以舒舒服服慢慢嘆 👏.我哋各自都叫咗《大尊》，再加2⃣️款唔同餸再交換食，即係大尊加4⃣️拼呀～😅📌大尊 $42 ：豬紅、豬皮、蘿蔔、咖喱魚蛋、紅腸、菜 ～ 呢啲車仔麵靈魂，都做🉐️唔錯，好入味！📌加餸每款 $10 ：豬頸肉  +  咖喱魷魚 + 豬大腸 + 五香牛腩 ～ 每份$10份量足都幾抵食：豬頸肉、大腸、牛腩都夠腍入味又唔太肥，尤其豬大腸，兒時味道返晒嚟😋📌湯底：揀咗咖喱辣 + 腩汁 ～ 小羹咖喱醬放旁邊，唔食辣嘅都冇有怕，不過我加晒都唔係好夠辣😅👆加咗腩汁後色澤呈深啡，重口味嘅我覺得啱啱好 ～ 食🉐️車仔麵，唔要重口味，唔通要清湯咩😅⁉️📌淨炸魚皮 $20 ～ 大大包嘅炸魚皮非常酥脆，浸湯2⃣️秒入口，人間極品也👍✅唔夠辣嘅，枱面🈶️辣椒油、辣椒醬 🌶自製辣度。我都加咗2⃣️大羹辣椒油，味道即時提升🔥P.S. 我係一個《葱》控，寫咗多葱，所以葱量double 🆙 ～正呀～👏

每款麵都係$10 除咗公仔麵同埋伊麵要$12小編同朋友叫咗2碗3餸麵🥸油麵幾好 而豬紅鹹咗啲啲牛柏葉有少少辣 但無乜咖喱味牛腩就中上 普普通通牛腩汁湯底幾好味另一碗都係叫咗腩汁湯底麵底就叫咗幼麵 但略嫌個麵太淋 可以煮得爽口少少🥴雞中翼好入味 煮到雞肉幾軟身豬大腸同樣都好入味 同埋處理得幾好 冇異味滷水鴨腎完全唔韌 好爽口🤤評分:7.5/10

同朋友行完時代廣場，行過去VPOINT 搵餐廳食嘢，離遠見到一餐廳門口有多人排隊，原來是食車仔麵嘅麵尊，我和朋友都好耐冇食過啦，都好想試吓，一於加入排隊等候入座。餐廳地方不算大，但客人流量都好快，因為客人在排隊的時候，店員會比食物紙寫定要食的食物，待準備下一枱入座時，店員會收咗食物紙落單比廚房，所以客人一入座好快有得食。車仔餸、麵、醬汁都有不少選擇。我自選豬大腸、豬紅、豬皮、咖喱魷魚、咖喱魚蛋、雞翼配幼麵和咖喱辣汁，豬大腸清洗乾淨，沒有異味，鹵得入味有口感，雞翼、豬紅入味嫩滑，咖喱魷魚爽口，咖喱魚蛋彈牙，幼麵掛上咖喱辣汁湯底，彈牙惹味！除咗自選另外有大、細尊選擇，朋友揀咗細尊：有豬紅、蘿蔔、咖喱魚蛋、紅腸、豬皮，另外再加五香肉丁和雞翼，配油麵和咖喱辣汁。店家用咗懷舊公雞碗，增添不少色彩！車仔麵除咗食物，湯底也很重要，呢度啲湯底調得好好味，原來其中係加入自製嘅咖喱醬和麻辣醬，標明不含防腐劑和不加人造色素，還些回家煮嘢或做湯底都唔錯！如需飲品另加錢。

由細到大都好鍾意食車仔麵，以前好鍾意食個檔車仔麵鋪已經結業，依家想搵間真係好食啲嘅都難，真係買少見少，每當我出去食飯，首選總是想食車仔麵，最近比我搵到依間啱我口味嘅鋪頭，雖然門面裝修比較新派，但的確真材實料，好睇又好食我已經黎食過兩次，每次都要排一陣隊，店員都會派定點餐紙比啲客寫定食咩，好彩入座都快，等十分鐘就有位，門口量好體溫寫埋紙仔就入得一坐低就遞上點餐紙，唔洗五分鐘就送上期待已久嘅車仔麵啦! 平時我多數叫河粉，今次就叫左油麵，揀左豬大腸、豬紅、蘿蔔、濃汁香菇貢丸、咖哩魷魚同豬頸肉、配左麻辣汁，油麵麵質煮得剛剛好，爽口彈牙，不得不讚大腸滷得非常入味，軟熟得黎又肥瘦適中蘿蔔炆得好腍清甜無渣香菇貢丸一咬落去好多汁，有啲似正宗台灣貢丸，夠哂香！豬紅似足細個食嗰隻韮菜豬紅口感同味道，豬頸肉同咖哩魷魚就不過不失啦，朋友夾左件蠔油冬菇比我試，估唔到超正，炆得勁入味同腍而爽滑而麻辣汁提升左成碗濃湯味道，濃郁又帶點麻香，都有啲料到，辣得過癮，愈食愈開胃另外仲叫左個淨炸魚皮 (大)，賣相普通，但食落好驚喜，香脆惹味，味道唔會過鹹，好適中，完全無油溢味，就咁食或點湯食真心正！食左一半，店員見到我地碗麵

行過銅鑼灣想食車仔麵，打開app見到麵尊，唔知佢原來咁出名，午市烈日當空都大排長龍！好彩車仔麵返枱都快，我又得一個人，所以等左15-20分鐘左右就成功入座。大部分餸同麵都係$10@，銅鑼灣黎講算係好抵既價位。我叫左豬腸、墨丸、蘿蔔、米線，要腩汁湯底加蔥！完全冇諗到車仔麵湯底可以咁清！十足牛肉麵湯底好清甜，豬腸超入味，入口感覺好清爽，蘿蔔都好甜好好味，最近食得濃味野多，呢餐真係好refreshing！

收工近近地搵d野食，麵尊繁忙時間本身都keep住要等幾張檯，見唔算好餓就等下啦雖然要等幾張檯，但其實人龍去得好快，唔算等好耐先講一講個環境幾香港feel，暖黃色嘅橙光令人感覺好舒服位置唔算逼，唔會因為為咗做多幾檯生意就排到密密麻麻。靠窗吧檯仲可以望住出面食～餸嘅款式唔算好多，車仔麵檔嚟講叫適中，好過一啲餸好多，但冇樣好食嘅車仔麵檔本人係酸齋愛好者，嚟到麵尊一定要嗌酸齋，佢哋嘅酸齋浸落湯到唔會冇咗酸齋本身嘅味道豬紅、炸魚皮都好出色湯底記得要加麻辣，佢哋嘅自家製麻辣醬真係好好食不過食完有d口乾，可能味精會比較多

Bookmark左呢間車仔麵好耐，今次終於試到！趁上堂六點前去到唔洗點等位，order左三餸米線，加腩汁湯底，餸叫左雞中翼、滷水鴨腎、濃汁香菇貢丸。熱辣辣車仔麵好快就準備好！加左腩汁嘅湯底出色，好味但完全唔會得咸字，米線吸哂d汁超正！滷水鴨腎滷得入味而且超爽，分量都唔少懷疑有成個鴨腎。濃汁香菇貢丸真係有汁咇出嚟好juicy! 雞翼都唔錯。銅鑼灣$40食到呢個質素嘅車仔麵真係唔容易，足料大碗而且坐得舒服，係我quick dinner之選！

同朋友去登龍街搵野食, 友人想食濕濕地既野, 而我地又見到想試好耐既麵尊跟住我地就走左去排隊好彩食車仔麵既人都係食得快, 咁我地排左陣好快就入到去了門面睇得出係幾新派既車仔麵, 令人期待基本咩都係十蚊均一價咁, 我好貪心, 咩都想試下, 圈下圈下就揀左唔少入到去見到都幾老香港既餐牌就裝飾, 幾有情懷好快就有野食, 我就左好多, 我揀幾野特別黎講啦, 豬腸佢都清得幾乾淨, 唔好食落好肥咁, 而腎又幾好咬口, 豬皮同蘿蔔都幾入味, 車仔面必點架啦, 最後想提下炸魚皮係好脆口, 同車仔麵好夾而友人就點左個細尊加多少少餸, 細尊係四十幾蚊好多餸都試到下, 其實幾抵, 佢話咖哩汁都幾嫩味, 幾正咁最後我地一人叫一罐野飲, 都係十蚊, 真係好易計數總結食落都唔錯, 而且位置方便, 唔怪得咁多人幫襯啦

我地分別叫咗淨餸同公仔麵，先講講啲配料，墨魚丸色澤相當有光澤，顏色則白至雪，食落去彈牙有咬勁且不黏口，鮮甜的墨魚味，拌勻滷汁後相當入味。魚皮餃則餃皮較厚身，入面餡嘅魚香鮮甜。另外，濃汁香菇貢丸加入手切嘅香菇，入口鮮香爽口，非常入名。淨食方面，我地對炸魚皮真係讚不絕口，金黃嘅賣相，鬆化嘅口感，浸滿湯汁後鬆脆嘅魚皮慢慢變軟，果種半脆半淋嘅口感非常有層次，比起平時嘅食法更加有新鮮感！其次，我地仲叫咗豬頸肉淨食，肉質嫩滑，但不會太多肥肉，口感軟滑爽彈，拌入腩汁更為惹味，真喺使人難以抗拒。

一支公出銅鑼灣想食得輕盈啲，其實一個車仔麵就得，唔洗下下食老譚嘅😏之前想食麵尊好耐嫁啦，次次出親黎都排晒隊，今次特登早少少去食，唔係一陣又排長龍🙊•👅 蘿蔔牛腩炸魚皮米線要試一間車仔麵好唔好食，一定要食佢啲蘿蔔！蘿蔔又甜又無渣，正野黎嫁咼🤪牛腩唔係一般嘅一舊舊，佢係一塊塊，鹵得好入味，又唔肥😋重點黎啦！係佢個炸魚皮！勁脆又大份🥳大佬呀10蚊份你仲想有咩要求先😌沾埋湯食無得輸✌🏻其實佢個湯底做得好出色，因為夠濃味，我叫米線都食到啲湯好夠味😋

完全唔記得點解嗰日會同腦細走咗去銅鑼灣，應該都係送貨㗎喇，呢間車仔麵上次擺市集已經好想試，難得有車仔麵咁光鮮仲要咁多人排隊，同埋銅鑼灣分店環境舒服過上環好多！不過市集食麵太唔方便所以就冇買到🤣今次終於有機會堂食！🍜腩汁魚皮餃豬頸肉豆卜伊麵 $42 我對鹼水麵敏感，佢個伊麵就有鹼水⚠️好彩善解人意嘅腦細肯用佢個河粉同我交換，我哋就係咁將啲餸換嚟換去🤣湯底好濃郁，完全唔係街邊車仔麵level🤯豬頸肉油脂均勻，唔會有太多肥膏👍🏻而且切成肉片容易咬啲冇咁狼狽，魚皮餃同豆卜都正常發揮，只能說個湯底真係令一切昇華！我本身有加咖喱辣，但換咗碗麵就冇咗🤣🍜腩汁大尊河粉 $42腦細碗大尊有齊晒豬紅、蘿蔔、咖喱魚蛋、紅腸、豬皮同菜🔥超級豐富兼抵食，有晒車仔麵必食item，心多多的你必點🤤

星期五，諗住食餐簡簡單單，同同事去登龍街麵尊食車仔麵，佢哋裝修比較新派，摩登時尚，都幾旺㗎，好多經常要排隊等位，又見有幾多外賣，今日我哋都要等咗一陣先有位😅車仔麵嘅特色係有多款配料同麵底配搭，圈住點菜上嘅選項就得，難怪一直都咁受歡迎，而湯底辣度，腩汁，蔥花多少都任選😉五香牛腩、酸齋、豬紅、鹵水鴨腎米線米線大大碗，湯底有八角味，加咗腩汁同葱花，牛腩軟腍入味，鴨腎豬紅一口size,豬紅唔腥，鴨腎爽脆，酸齋索埋湯汁，更加好食😋豬大腸、咖哩魷魚，美味齋粗麵豬大腸唔多膏，又冇羶味，鹵得又腍又入味，咖喱魷魚切條，方便易食😋炸魚皮卜卜脆，帶少少鹹味，正👍飲埋豆漿同凍檸樂，埋單祇係百零蚊😄

放工係銅鑼灣搵食，經過見呢個裝修ok，而且唔貴，就入去試下，點知就發現驚喜🤤價錢的確抵，最低消費只係$38所以我就叫咗個三餸車仔麵，包括時菜、白蘿蔔、咖哩魚蛋，三個餸同個湯底都好好味，真係好想經常嚟食🤤😂環境都舒適，每張枱都有提供酒精搓手液，呢個都幾貼心嘅侍應嘅服務亦都好快，我成餐用咗半個鐘都唔洗😂我6:30pm入去都唔洗等，6:45pm左右發現店外已經開始有人龍🙈絕對係銅鑼灣嘅平靚正之選🤩👍