麵尊

营业中

休息中

鍾意食車仔麵嘅無人不曉久仰「麵尊」大名⋯終於難得一個人去銅鑼灣可以試食車仔麵🤩人龍已經見到⋯好彩算快有位店嘅收費劃一$10/份，但最低消費$38，唔飲野嘅我唯有揀多樣餸啦 3餸麵$40店員細心問我係咪第一次食 同我推介豬頸肉 雞翼 牛腩 真係好nice! 由於我一定會叫蘿蔔 酸齋，試食唔到咁多款最後揀咗牛腩 佢話算多同埋冇牛筋 好稔嘅 冇牙婆都食到😆第一次食叫左蘿蔔、牛腩、酸齋 本來係叫伊麵 但冇哂咁食米粉啦！佢出名係個麻辣醬 仲可以買樽返屋企嫁！我比較重口味 所以兩個汁都要哂咖哩辣同麻辣！送餐時發現原來都幾大碗 份量算多 銅鑼灣區$40 好抵食！牛腩食落去真係唔係好似 睇相都覺得似牛肉片🤣🤣蘿蔔唔係我心水 我鍾意偏爽嘅因為 酸齋正常水準 整體都好食個麻辣醬其實冇咩辣，但係好強烈嘅花椒味好彩我有叫咖喱辣， 湯底有味好多，不過我覺得冇咩辣 問店員可唔可以加辣佢就好驚訝😦問我食唔食得辣🌶️我話ok呀 加多兩匙辣各一丫😆食完時收碗 店員再次驚訝 🙀你食得都好辣下，我哋再加兩匙比你都食哂😂😂😂😂😂乜平時好少人加辣？食完覺得個辣醬都唔錯 但未至於驚為天人 因為我食過呢種椒麻醬 食物方面唔係好入味

最近睇到某個foodie嘅IG post搞到我心思思想再去😆呢幾次去都係食「大尊」(HKD42)一碗車仔麵有晒我鍾意嘅嘢豬紅、咖喱魚蛋、蘿蔔、紅腸、豬皮、菜只有揀麵類就搞掂 唔洗煩😆😆湯底我多數會加腩汁食麵嘅時候直接飲埋啲湯完全冇問題(飲完之後我完全唔覺得口渴😁)豬皮、蘿蔔整到好入味最緊要係喺銅鑼灣呢個旺區以咁嘅價錢就食到碗質素唔錯嘅車仔麵另加墨魚丸+$10午飯時間去真係超多人嗱嗱聲食完碗麵就走喇(因此啲相都係求其咁影🙈)⭐️只收現金⭐️不設加一

第三次到訪銅鑼灣麵尊，仍然保持水準🤤每樣餸都好好食，好難選擇🤣 佢地嘅車仔麵可以揀麻辣汁、咖喱汁同腩汁，特別推薦麻辣汁同咖哩汁，夠晒香濃🥰豬大腸•魚皮餃•咖喱魚蛋•雞翼尖•咖喱牛柏葉•米線（$60）用左咖喱做醬汁嘅魚蛋同牛柏葉本身已經煮琴到入晒味，再配埋麵尊自家製嘅咖喱汁，令味道更香濃✨ 豬大腸係必點餸之一，洗得乾淨，冇豬臭味👍🏻豬大腸•蘿蔔•咖喱魷魚•五香牛腩•油麵（$50）蘿蔔超有驚喜，清甜無渣，煮得夠腍，無論配咩湯底都係好好食😚，推薦！ 牛腩炆得夠腍同入味，唔錯😆淨豬頸肉（$30）麵尊嘅淨豬頸肉係一塊塊咁上，肉質鬆軟，用醬汁炆得入味，唔錯✨

每次都大排長龍嘅《麵尊》，要等齊人先可以入座🙈，我哋等咗大約15分鐘左右就入得去🤪，雖然唔係特登慕名而來，而係純粹想醫飽肚，但呢個食物質素值得再come back!😙豬頸肉+豬大腸河粉 加豆漿 (total$42)睇到啲餸嘅份量就知非常抵食‼️😋🐽點餐時朋友話豬大腸係必點，一於試試佢🤤豬大腸有五大嚿，滷得好淋好入味，果然係必食，推薦‼️🐷豬頸肉都有三大塊，又係滷得好入味，爽口唔柴，略嫌脂肪部份有啲多，不過整體都唔錯🤪我點嘅係河粉，夠爽滑，有水準😚亦試咗少少朋友嘅米線，比出面嘅米線更彈牙😍鍾意食米線嘅一定要試吓🤤🤤

經過銅鑼灣，見呢間車仔麵店好似幾多人食又唔使等位等太耐又見佢好多款餸可以揀，就同朋友決定食呢間， 排隊等咗大概15分鐘就已經可以入得，排緊隊嘅時候會好細心咁，俾定張紙你圈低食啲咩，咁坐低之後好快就有得食同朋友啲餸撈亂食，另外再嗌咗一個淨炸魚皮share，呢間車仔麵啲餸同個湯底都唔錯朋友覺得最好食係個炸魚皮， 一路食一路讚午餐肉好抵食， 餐廳厚切啖啖肉咖哩魚蛋都好彈牙，鹵水鴨腎都好入味，好好食豆卜都正，因為個湯，個豆卜索咗啲湯，所以個豆卜好入味朋友都話個咖哩辣汁，同個腩汁湯底都好味，下次經過銅鑼灣一定要再encore呢間

每次經過登龍街都計畫下次一定要吃車仔麵，今日計畫終於實現。餐廳樓底高，可以彌補地方空間感不足的問題。為了方便上班族，這裡設有不少單人座位，可以對著窗口慢慢吃。每款菜統一$10，如果不想思考，也可以選擇大尊車仔麵。我們點了兩碗車仔麵，這碗配料有咖喱魚蛋、咖喱牛柏葉、蠔油冬菇、美味齋、豬頸肉和豬紅。麵底是油麵。我很喜歡湯底，濃郁而香，豬頸肉厚厚一片，入口彈牙爽脆。另一碗是紫菜、豬大腸、五香牛腩、雞中翼、咖喱魚蛋、濃汁香菇貢丸車仔麵。雞翼很入味。牛腩更似牛肉，煮得很軟，很入味。麵底是米粉，另外加了腩汁。豬大腸特別好吃，洗得乾淨，軟軟糯糯得口感很好。

好開心試左呢間車仔麵搵得返細個食街邊車仔麵嘅味道🤤我係平日未夠七點時黎到當日唔使排隊 我叫左5個餸豬紅 豬腸 牛腩 蘿蔔 山根 配米粉加辣🌶🌶 呢d都係我平時食車仔麵最愛嘅餸唯一對我來講美中不足嘅係呢度嘅魚蛋唔係陳皮魚蛋所以我揀左山根五個餸都10分好味最喜歡就係豬腸 同牛腩😍好軟腍入味呀蘿蔔非常清甜車仔麵湯底 👍🏻👍🏻👍🏻 濃郁朋友就點左豬皮 魚蛋 豬腸 豬紅除左好食 仲想讚下 豬皮豬腸都處理得好乾淨食完一次 已經諗定下一次幾時再去食😋

麵尊係我其中一間最鐘意既車仔麵，鋪頭係銅鑼灣登龍街，算係呢一帶最抵食既餐廳😆餸大部分都好食既，不過牛腩就好伏🙈湯底腩汁香濃偏甜，亦可以加咖喱辣醬同麻辣醬，上枱果陣會將醬放係匙羹到，兩種我都試過，都係正常地好食，唔會話好有特色，但佢個麻辣醬同湯底係幾夾，油麵爽口冇咩鹼水味麵 ($10) 每款餸 ($10)通常車仔麵既餸我都會揀啲炆煮既餸，我覺得咁先可以睇得出餐廳有冇比心機去煮每個餸。蘿蔔冇渣，炆得軟淋入味，亦有蘿蔔甜味😋豬紅煙韌有咬口，一咬落去香甜既汁爆哂出黎，係暫時食過車仔麵最好食既豬紅😝冬菇爽滑入味，同豬紅一樣咬落去會爆汁，好好食😋貢丸爽彈有肉味，都正之前有食過豬大腸同牛腩，豬大腸比較肥，同埋膻味比較重，我就唔太鐘意膻味重既豬大腸🙈 而牛腩真係好難食，完全冇牛味，味道同煲完湯既豬肉係冇分別，質感好似用超多鬆肉粉醃過既肉咁，好懷疑果舊係唔係牛腩黎，舊舊我都要跟埋麻辣醬一齊食先食得落🙈價錢: $50/位環境: 6/10味道: 7.5/10性價比: 7.5/10

夜晚喺銅鑼灣搵又平又好食嘅嘢似乎有啲難，不過麵尊真係可以做到好多人嘅長期飯堂！除咗係黃店之外，佢嘅質素都唔錯～ 舖頭雖然唔係特別大間，坐得幾舒服(・∀・) 📌米線+墨魚丸+牛腩 (~$30) 首先要讚湯底！👍🏻甜甜地仲有少少腩汁味，好好飲但係唔口渴。米線軟硬適中，食落彈牙爽口。成碗份量都唔少，CP值好高！😆 📌白菜仔($20) 🥬 出街好驚食菜因為好多都煮得唔腍，味道好「清新」不過呢碟就煮得啱啱好，係熟咗嘅質感，配上蠔油味道錦上添花～

喺銅鑼灣想食平平哋嘅嘢，就揀車仔麵🍜🍜🔸粗麵，咖哩辣揀咗咖哩魚蛋、豬紅、雞中翼、酸齋👍🏻 粗麵彈牙，咖喱辣揀咗多辣，整體味道比麻辣出色少少，👍🏻 豬紅嫩滑有驚喜💯 酸齋軟熟我都好推薦💯 魚蛋同雞翼都唔錯👍🏻🔸幼麵，麻辣揀咗濃汁香菇貢丸、蘿蔔、豬皮、五香牛腩👍🏻 幼麵吸湯，麻辣揀咗中辣，唔係辣到流晒汗嗰種辣，應該個個都啱食👍🏻 貢丸濃味，蘿蔔清甜而且煮得勁冧又無渣🥰 豬皮同牛腩都好入味🥳

同朋友係銅鑼灣shopping, 突然開始落雨, 於是係附近搵間餐廳食野, 順便避雨。見到呢間主打車仔麵餐廳, 門外出現人龍, 羊群效應下我地又排隊入去試試。每位最低消費$38, 全日無加一, 可自由選擇唔同配搭同埋麵底, 每款都係$10, 相對銅鑼灣地舖黎講, 價錢算合理。我就揀咗油麵, 豬大腸、豬紅、雞中翼、咖哩魷魚、咖哩牛柏葉, 再免費加調味料, 咖哩辣、腩汁、蔥油麵熟透, 軟硬剛剛好所有餸菜都幾好食, 而且很入味,豬大腸好林, 雖然有少量豬大腸中有油層連帶, 但食落又唔會太油豬紅爽滑, 份量多。雞中翼質地好林, 輕輕咬就容易骨肉分離。咖哩魷魚、咖哩牛柏葉: 兩款都好爽口, 而且咖哩好惹味。額外加咗咖哩調味, 用匙羹盛好, 可因應自己喜歡辣度和濃度加入湯底, 非常滿意!朋友所選嘅配搭跟我差不多, 只有少許分別,豬皮入味爽彈; 鹵水鴨腎爽而不韌; 五香牛腩好林另外order咗兩罐雀檸。

今日要去銅鑼灣買嘢，所以下午去咗登龍街的麵尊食晏～～去到門口，要排大約15-20分鐘左右先可以入座，人山人海。在排隊時點餐，入座後10分鐘就有得食。豬頸肉🐷：用滷水醃過，但醃得太耐，結果令豬頸肉變淋，肉質太老，無咬口。滷水鴨腎🦆：都係用滷水醃過，鴨腎爽口入味。仲有惹味嘅蠔油炆冬菇、酸齋同河粉，配咖哩辣汁。咖喱辣湯底因為被滷水汁同酸齋的酸汁中和，不會太辣，香濃而有層次。因為門外仍有大量人群等候入座，所以大家都係快快食完離座，亦都因為咁，難得地享受到片刻嘅寧靜時光。——————————————————————————————餐廳評分（5分為最高）美味：🐤🐤🐤🐤環境：🐤🐤🐤🐤🐤服務：🐤🐤🐤抵食：🐤🐤🐤🐤可達度：🐤🐤🐤🐤

收左工7點左右去到等位，等左10至15分鐘左右就入座。等緊位既時候已經可以寫定點餐紙。入座後好快d麵都黎。每次唔想念食咩就會叫既大尊 -$42 (4/5) 有齊豬紅，蘿蔔，咖哩魚蛋，紅腸。豬皮，菜。豬紅，紅腸，豬皮都好正，蘿蔔勁淋勁入味，唯一美中不足就係有小小渣。咖哩魚蛋就相對普通。友人分別點左比較特別同值得一試既配料有: 炸魚皮👍🏻貢丸👍🏻魷魚👍🏻仲有豬腸👍🏻全部都好好味😋總結: 佢個湯底 (我加左腩汁同小麻辣) 真心正，明知唔健康都忍唔住飲左2啖。值得一讚係服務態度幾好，比起傳統車仔麵店好太多，有禮貌。好多配料都好正，下次要再試多幾款😋😋😋

下班時頓覺很想吃肉一番以消除壓力 便四贏閒逛 尋找獵物🤣 途經麵尊 看見店內客人寥寥無幾 立刻把握機會入內試試馳名車仔麵！點了蘿蔔、酸齋、五香牛腩、豬頸肉、濃汁香菇貢丸、咖哩魷魚🦑 麻辣汁✨ 湯頭很甜 牆上還貼有可免費加湯的memo 〰️五香牛腩是一片一片的 很冧身 老人家也能吃的牛腩！豬頸肉醃得甜甜的 爽口彈牙 不錯吃！蘿蔔鮮甜冧身👅酸齋就是正常的味道 過過口癮也是不錯的選擇！濃汁香菇貢丸好好吃！！彈牙 爆汁！ 香菇和豬肉的味道不分上下 非常濃郁！！我最喜歡這個！咖哩魷魚🦑的咖哩一早被濃湯洗刷乾淨了🤣 份量也不少 可以更爽彈〰️枱上附有很多調味料 包括辣椒油、醋、豉油等等；用上即棄筷子🥢感覺上更衛生！辣椒油🌶️則是較為失色 不香不麻不辣的〰️可能是店家的麻辣醬做得太出色了🤣-店員大部分服務態度殷切又勤快〰️衛生也不錯 😌

<牛腩咖喱魷魚豬頸肉米線腩汁麻辣小辣多蔥> $40 已經係第四次食🤣 野食好快黎到 叫多蔥真係好多蔥真係好滿意 牛腩超多舊 好誇張 每舊都唔細 至少有6-7舊 佢地個質感唔同一般嘅牛腩 係好似啫喱 而且好入味 讚 咖喱魷魚都有5-6條又好多 有少少咖喱味 最讚係超易咬 唔會韌 最後有三舊豬頸肉都好厚身 好食❤️ 個湯底好似無以前咁好食 但記住一定要加佢嘅辣椒醬 叫左麻辣都要加 超正💕 唔係好食得辣都可以落少少🥳整體：唔貴 又好鬼高質嘅車仔麵 有驚喜 又乾淨 坐得好舒服 最緊要啲料超多 好誇張🤩🤩