洪記海鮮酒樓

营业中

休息中

週末加71 連續三日假期， 星期六想輕輕鬆鬆放自己一天假，放低工作繁憂， 讓心靈休息一下。早上睡個夠才起床， 慢條斯理才出門口， 駕車到西貢市與太太和岳母半日遊， 第一樣活動就係醫飽個肚，腦裏面第一個諗起就係洪記海鮮酒家。天氣炎熱， 我們選擇2樓冷氣廳， 今天飲茶不算多人， 很容易就找到一張四人枱， 仲有陽光燦爛嘅海景。開了 一壺普洱茶和滾水， 便馬上到點心檔攞嘢食，太太最鍾意食蔬菜， 我就嗌咗一碟烚菜心，岳母大人最愛的咖哩魷魚就不能少，去西貢洪記飲茶就算叫腸粉都要叫蝦腸， 試下粒粒都大數量重要多， 喺出面試車食蝦場冇可能有呢個質素， 最後買多一碟傳統嘅豉椒鳳爪， 都非常有水準。呢個年頭想飲餐有質素嘅早餐，食靚點心， 其實一啲都唔易， 一係就鬼咁貴， 一係就排隊排到癲， 一係就啲點心大陸入口充滿味精， 去西貢飲茶 幾點心真材實料， 令我 好有童年嘅回憶。不過路程遠唔可以成日都嚟， 只可以週末或假期 才有時間享受一下，輕輕鬆鬆，行下西貢市碼頭附近嘅週末市集， 偷得浮生半日閑。 享受一下香港傳統嘅點心， 回歸之後連香港人做嘅傳統優質點心都買少見少， 喺西貢飲茶都算係沙漠中嘅清泉。對讀經濟學

平常好少入嚟西貢，都喺因為路途遙遠，而且，近年越嚟越多人入西貢行山、去地質公園、到訪萬宜地質步道……等等，每逢星期六、日都幾塞車吓。雖然烈日當空，最高溫超過35°C，由於工作關係，都要走入嚟西貢郊區一轉。午餐跟負責人一同出西貢市中心嘅「洪記」飲餐茶，是日為閒日，成個市中心遊人唔多。「洪記」叫得海鮮酒樓，又加上臨近海濱旁，食海鮮就梗喺主打。不過閒日晏晝，嚟嘅人都喺街坊多，嘆吓茶，一盅兩件咁。鋪前嘅半露天位，如果夠風都幾通爽，不過，我哋就揀咗上二樓，涼吓冷氣。上到去，其實，跟一般酒樓差唔多，但就多咗一排對海嘅大窗。友人帶路，再行深啲，仲有啲房仔，午市都會開放，入面呢度勝在靜局啲，少騷擾，傾偈最好。點心紙一張過睇晒，除咗一款金牌餐包，全部點心名都專登改為5個字，叫有啲心思，但都喺常見嘅款式，晌呢度唔會有太多花巧嘢。點心分為小、中、大、特、頂點，價錢晌入門口位置或收銀櫃枱都會見到。此外，亦有啲午市待價炒粉麵餐，送老火湯，睇佢定價都頗實惠，明顯都喺搶吓茶記生意。之但喺，茶位$7，又需加一，計埋都應該唔及茶記平。另外，肯花多少少錢，又夠人多，就不妨試試午市優惠套餐，包老火靚湯、半隻鹽焗雞、一條清蒸

父親節下午打去問,平日食開嘅套餐今晚價錢有冇變，點知聽電話嘅阿叔話:唔知喎！點知唧！老細又冇講！我： 而家兩點幾都唔知六點幾嘅價錢？阿叔：係呀！你今晚黎食咪知囉！我： 咁我食午餐，呢一刻有冇變？阿叔： 你黎到坐底咪知囉！我： 咁叫你老細聽，我自己問佢。阿叔： 老細唔得閒！（cup咗我線！）10分鐘後再打去。。。係個阿姐聽。我：啱先個阿叔聽電話，話唔知平時套餐嘅價錢今晚有冇改，連我問而家價錢都話唔知，要我黎到坐底先知！仲cut咗我線！阿姐：佢做到燥底，老細又飄忽，所以未知今晚點，而家呢刻就未改價囉。。。

第一次寫食評。希望可以俾人參考。問侍應2人套餐幾隻蟹，答1隻。叫咗4人餐都係1隻蟹。食完再問4人餐係唔係1隻蟹（唔應該咁問），另一個侍應答應該係，size唔同。如圖未開始食。另外豉椒炒蜆，未試過咁細嘅蜆。响西貢最大兩間海鮮餐廳試過，今次洪記，揀套餐，上次勝記，散叫。都係4個大人1個2歲小朋友。套餐埋單1200$， 散叫2900$，又唔覺新鮮。總結，好差！唔會再去。佢哋依家淨係做遊客生意，或熟客生意。响市區食海鮮好過去同人逼。

明天就要飛啦，有幾日食唔到香港野，相公提議不如去西貢食海鮮餐，當然舉腳贊成。我同相公去西貢食通常揀套餐食，貪價錢穩定，唔會係海鮮價。平時食開金輝，今次諗住試下其他。係西貢行左一圈，唔再試米芝蓮全記，菜式雖然精緻但份量少唔夠食就試左呢間，居然有驚喜。首先講明免加一但唔包茶芥，茶芥每人15蚊，是有點貴。再看白飯價錢，每位又係15蚊，好貴。為了有飽肚感，於是要左份大蝦伊麵。如果你係好鍾意食芝士咁你一定會話正，因為芝士汁實在過多，不是水汪汪的，但我嫌佢過多啦，似芝士蝦湯麵多d，不過蝦係大隻又新鮮的。我地以為蟶子是幾隻細細隻，無諗過每人一大隻，炒得惹味，好耐無食過蟶子皇，好好食。d汁撈飯一流，可惜飯太貴另一個喜出望外菜式就係蒜蓉粉絲蒸元貝，元貝又係大大隻，好滿足薑葱炒蟹都好好食，蟹肉鮮甜，如果呢隻蟹可以大隻d就perfect啦時菜係送的，我們request菜芯，侍應姐姐話如果有就俾呢款菜我地啦，否則廚房自己話事。來的果然是菜芯，份量都ok足夠。Good!最後侍應送上切開的生果橙。呢餐好滿足。

去西貢要食海鮮？對遊客嚟講就可能係。對我地呢D本土人嚟講就唔會係。今日入嚟轉巴士入黃石碼頭再坐船入塔門，趁機會試下去西貢出名既海鮮酒家試下佢地D點心。睇下有無驚喜。環境：得番outdoor有位，好大風，個個行過都好清楚你食緊咩。我自己就唔太Like服務：基本上同茶餐廳一樣。唔好有咩要求。食物：蝦餃、叉燒包、粉果、鮮竹卷……普通酒樓水平，唔好好似我咁有咩寄望。咁就唔會失望。(可能夜晚做海鮮好出色呢？)

好好味的一個晚餐。原來椒鹽鮑魚喺咁好食的。芝士龍蝦麵好濃好香，啖啖肉，麵吸晒啲芝士汁，好正！呠酒蠔香到吖，好大隻。我最最最鐘意個炒蟹，雖然食到蟹已有少少飽，但喺太”野”味了，食慾又大增！瀨尿蝦喺虎紋，有膏，叫咗4隻七個人分。

上層冷氣不夠，但飲茶要想二樓，無得揀，很焗無空調，吃的是海鮮及點心地下很油，有老人家要小心我去過數次，因很多酒家假曰飲茶也満坐，伙記每次也很惡很霸道最經典的一次是我禮貌地問可否將風扇推過一點，因真的很焗，隨即被女伙記破口大罵，你sot架，成場都係咁熱，整得你一個熱呀但是沒有經理或部長，想投訴也無人釆你二樓所有伙記都鍾意就鬧人，隔離台的食客也向我苦笑

今日入西貢去橋咀島。在橋咀島玩完之後，肚餓要醫肚，就到西貢洪記海鮮酒樓食海鮮餐。我們揀了優惠二人世界套餐$488，任選其中四款菜餚。及奉送清炒時蔬一碟。芝士中蝦伊麵底兩隻蝦都幾大隻，不過芝士味不是太濃。我則喜歡濃濃而邪悪的芝士。伊麵都算有嚼勁。清蒸鮑魚仔只有四隻，我和友人每人兩隻，鮑魚仔真是細細隻。一啖就可以食完。味道中規中矩。豉椒炒蟶子用了豉椒來炒蟶子，香氣撲鼻。味道一流，可惜蟶子很小。薑䓤焗海蟹焗海蟹幾惹美。是日清炒時蔬是介蘭介蘭都幾硬，似就咁煮熟，沒有味道。這道菜需要改善一下。

剛剛埋單。除了海鮮，因貴價菜，其他小菜，佢地連煮都費事。點追都無用，1個半小時後唯有自動放棄埋單，食到一肚氣。只是針對我們這一台? 不是。隔離有台相同遭遇，更早拍台走人。至於食物水準，真是一般，我諗求其係港島區揾間食海鮮會更好味和開心。其實呢間餐廳可以講明除了海鮮，其他唔會煮，慳番塊餐牌仲環保。

星期日出橋咀島游水 回程到西貢食海鮮揀選左洪記 因為地方大夠位 及 有戶外可以同帶兩狗二人餐$488 可以揀選4款海鮮 加一碟炒時菜今次揀選了白灼蝦 -鮮甜爽肉薑蔥蟹-薑蔥能入味及蟹肉食一絲絲 無梅蒜蓉蒸扇貝-正夠多蒜蓉清蒸鮑魚-就覺得一般

一家大小到酒樓吃點心基本上是我們家每個星期日的指定動作。 可是要在星期日早上找到一間不用花太長時間等座位， 價錢相宜，而且食品質素挺好的酒樓， 實在是難上加難。 如果有駕車習慣， 我非常推薦大家來嚐一下西貢海傍的洪記海鮮酒樓。 洪記海鮮酒樓是位於西貢海傍行人路上的第一間食肆， 非常好找。 店面面積非常大，分成上下兩層， 有位於下層面海的座位(歡迎茶客與心愛的寵物共同在下層座位進餐)， 也有位於上層設有空調的座位。 座位非常，即使是風和日麗的星期日中午時段也不用等座位的。洪記海鮮酒樓除了售賣點心外，也有供應各款中式小菜及海鮮， 本地茶客及遊客均為座上客。酒樓以鮮蝦作為用料的點心是最受歡迎的。蒸點有鮮蝦燒賣及鮮蝦餃， 炸點有鮮蝦角及鮮蝦春捲。 這次我們點了其中三款。鮮蝦餃: 原隻鮮蝦及碎豬肉的餡料包在晶瑩剔透的餃片內，單單看它們外觀“漲卜卜”的，便知道用料絕不馬虎。 蝦餃用筷子 夾起的時候沒有散開，質地厚實。推!鮮蝦角: 餡料大致與鮮蝦餃相同， 再加入了芹菜粒， 然後泡油炸至金黃。 外層香脆，內裏鮮蝦爽口彈牙， 芹菜粒令口感倍增。推!鮮蝦燒賣: 同樣是原隻鮮蝦置於燒賣面層，上面再加了蟹籽

一家人難得入西貢，緊係要食埋海鮮先走啦。叫左龍蝦，蝦刺身，賴尿蝦等等，澳洲龍蝦肉質彈牙，好味到暈呀賴尿蝦爽口鮮味，又係無得彈，蝦刺身緊係唔使講，新鮮就一定好味！成餐都一流但價錢又真係幾貴，不過間唔中一次就無所謂啦

星期日，外子和我帶同我的母親大人，駕車長驅直進西頁碼頭嘆茶。我們特愛光顧洪記海鮮酒樓，只因那兒的點心大件夾抵食，加上雖然是假日，但那兒有兩層，座位充足，總可以找到座位，是我們一家人週末好去處。只是在假日在西頁泊車比較麻煩，有時我們需要到遠遠的爛地停車場，才有泊位。在洪記海鮮酒樓飲茶，是自助形式的，需要自己拿著點心咭，到點心櫃位蓋印拿點心，風味十足。這次我們叫了蒸排骨、咖哩蒸土魷、豉汁鳳爪和蝦餃。蝦餃是飲茶必點之選，蝦餃總是脹鼓鼓的，一咬下去，滿口都是蝦。但今次的皮比較厚，略嫌有點失水準。

今天中午 2pm 去，近近地同埋應該間間差不多。食物一般。但是服務差，應該係話無服務過。叫野食無人理。叫左個魚湯，平時酒樓食都自動自覺俾多個碗，無！叫佢又唔理你。來錯野仲話我記錯。下次唔會再來。