洪記海鮮酒樓

营业中

休息中

趁着母親節，來到西貢，怎麼可以缺少吃海鮮的節目呢。看到洪記海鮮酒樓所佔的門面，有着一排排的乾淨衛生魚缸，養着非常新鮮的海鮮，我們1家5口便決定一試。正值中午，便點了一個優惠二人世界，優惠價488元，可以選擇四道海鮮，在附送一道青菜。白灼海鮮蝦🦐（5/5⭐️）美食佳餚，肉質鮮美，是海鮮中極品，熟道剛剛好，只有非常新鮮即叫即煮的海中蝦才能煮出如此鮮甜美味，份量以二人餐來說也非常龐大。豉椒炒聖子（5/5⭐️） 餐廳居然是奉上蟶子皇四隻，平常在外面的餐廳來說單單是這一碟蟶子皇每隻最少$100 以上，所以以這二人餐總計$488來說真的非常超值！加上蟶子肉非常彈牙，為本地新鮮蟶子。芝士波龍伊面底 （4/5⭐️）龍蝦足料，伊面也煮得彈牙，可惜略嫌芝士味不足，龍蝦芝士汁也難以覆蓋整盤伊面，只能說可能伊面份量也太足了吧 清蒸鮑魚仔（3/5⭐️）以豉油香蔥清蒸本地小包魚，由於調味單調所以不過不失，如能加上陳皮絲吊出鮮味會更佳。椒鹽賴尿蝦（4/5⭐️）熱辣好吃，肉質鮮嫩，當季食材，適宜順道，更有益哉。清蒸海上鮮（3/5⭐️）與一般家常菜無異，不過不失。力推西貢此餐廳，性價比超高我們當天已encore，分別在午餐和晚餐也

回想在實施限聚令初時，西貢碼頭及海旁是人丁單薄，餐廳內的食客也稀少，感覺荒涼｡在疫情穩定後多了人群外出消費，當然包括我及友人，也會趁週日空閒時間到西貢行行食食｡由於上次吃過旁邊米芝蓮的海鮮菜館，今次我們被洪記菜館的夥計遊說進內吃晚餐。我們之後選了四人套餐，有自選菜式，夥計說套餐不收加一，隨後我們選了……※芝士龍蝦伊麵 ~ 芝士醬汁很濃稠也偏咸，伊麵煮得太久很腍不彈牙，龍蝦切件部位散，肉不多，是失敗之作!※豉油皇海蝦 ~ 在套餐之中這道菜式是優秀的，海蝦雖然尺寸不大，但炸得香脆，豉油調味剛好，份量足。※清蒸鮑魚仔 ~ 吃這道菜式感覺很差，因為看上去鮑魚沒有洗淨，裙邊有黑色，肉表面也有些漬，就這樣拿去清蒸給客人是不當吧？※蒜蓉粉絲蒸扇貝 ~ 扇貝內的肉很細小，蒸得偏老，粉絲不爽口，調味不過不失｡※豉椒炒聖子 ~ 份量足夠大慨是一人一隻，但是每吃一啖都有沙，根本吃不進去，真的很失望｡菜館最後送了一碟清菜給我們，菜的種類是不能選擇的，這碟椒絲腐乳通菜份量少得過份，不但炒得過熟，腐乳味道不足無鑊氣，確實從未吃過如此差的炒菜｡這一餐盛為988？錯了! 雖說不收加一，但原來茶芥小碟是有加一的，有點取

我從來未試過寫食評，今次真係要寫，因為真的好難食。兩個人叫在二人餐，第一樣芝士龍蝦伊麵，芝士無芝土味，但其怪有d蒜茸味，仲要好咸，我問侍應哩個係芝士味點解有d蒜茸，佢話個個師父煮法吾同🤣第二樣薑冲蟹，又係得過咸字。第三樣白灼蝦，哩個吾咸，但d蝦肉好淋，完全吾爽。第四樣白灼花螺，好在哩個無出事正常，第五樣白灼生菜，唯一覺得最好食的一樣嘢。哩間嘢d食物咁難食，都吾明白點解有咁多人食。食完之後兩個鐘要不停地飲水

太耐冇行西貢海鮮街都係有唔少既變化，行行下想搵間餐廳食海鮮，見到呢間餐廳做優惠$498/2人餐就叫4個餸佢地仲會送一碟清菜，講真睇落去真係幾抵，餸一上黎，份量都幾多真係幾抵而且又有魚又有象拔蚌又有龍蝦又有鮮魷全部都係海鮮，真係食得好開心啊見到咁多人食，又咁熱鬧真係好值得食落去，完全係普遍餐廳既水準，唔會太咸太甜又唔會太多油，碟碟都十分均衡，味道同水準都唔錯呢，最後仲食到我們兩個好飽飽咁返屋企，真係好多既滿足

去完郊遊喺西貢市中心落車，就順便去西貢食一食海鮮餐！我地叫左個二人餐$488加一，但係去到埋單先知原來茶錢係$20位！所以，加埋其實係$581 二人餐可以叫4樣海鮮，我地叫左白烚海蝦、芝士龍蝦伊麵、清蒸鮑魚仔、蒜蓉粉絲蒸扇貝。白烚海蝦幾高質，隻隻蝦都幾大隻，又熱辣辣。而且蝦肉夠實淨，不錯！如果可以鮮甜啲，就更加好喇。芝士龍蝦伊麵都幾好。份量夠大，伊麵同蟹肉都好多，好夠食。龍蝦肉唔痴殼，代表佢幾新鮮。個蟹鉗最好味，好多肉，肉質亦唔錯。芝士味亦幾好，不太鹹。至於鮑魚都幾彈牙，食落都算新鮮。而調味都幾好，唔會掩蓋左鮑魚嘅味。比較失色係扇貝。調味幾好，粉絲同蒜加埋幾好味。但扇貝唔新鮮，佢個肉竟然唔連殼！而且佢竟然得兩粒，份量太少有啲可惜 。炒生菜就送嘅，佢有啲辣椒點綴下，都ok。不過就太油太鹹喇！另外，因為我地坐户外，啲餸凍得好快！所以，下次冬天黎食真係要坐返室內。至於服務亦好好，侍應換碟斟水幾快，值得一讚！

過年一早過嚟西貢飲茶一路都以為西貢係呃遊客食海鮮啲嘢唔方好食，估唔到呢一間嘅點心又幾好食喎，佢話係即叫即蒸， 蝦餃好大隻又彈牙， 牛肉球都好香，叉燒包餡料好足， 糯米雞好大件， 依家出市區好少咁足料， 四個人食咗 十個點心 ，大約300蚊，都唔算好貴， 下次可以考慮再過嚟。

好少寫負評因喜歡欣賞每間餐廳，呢間真失望。首先茶壼沖的水是凍的，每一壺添的水也是凍的，從來沒有飲到一杯熱茶。叫了四人豪華海鮮餐，應該快靚正，第一道菜的凍雞已經等了40分鐘，室內枱不算人多，吹了伙記兩次才到，第二道菜基圍蝦又等了20分鐘，第三道菜瀨尿蝦又等了15分鐘，第四道等白菜又10分鐘，魚同扇貝最慢，一碟食完一碟都要等好耐，前後吹了伙記無數次，伙記的態度也不好。白菜好細碟又凍，魚同扇貝也不是熱上，只是暖，要即食放多5分鐘即凍個隻。剛好有朋友在洪記的第二層用餐，我問他們上菜是否好慢，他們說上菜好快，影了一張相全枱都是餸。我們隔離枱比我們遲入也已經上了所有菜。最後同伙記投訴，伙記話二樓是廚房，廚房上菜慢他們控制不到，今日星期日人較多，咁即係話樓上樓下的上菜速度可以差咁多？咁坐外面位呢？總之每上一碟菜也要吹，服務收拾餐具也很慢，最後叫埋單收錢最快最有效率，結果等了差不多兩小時才上齊菜。西貢有好多好質素的餐廳，如果叫餐都上咁耐又凍，大家吃得不愉快，沒有下次。

每次入西貢食海鮮都係幫襯洪記海鮮酒家。佢係近巴士總站第一間鋪頭。可以揀有一樓，地下，同坐係路邊。我哋通常都會坐喺路邊，冬天時都不用怕涷，因為店舖有好多支用石油氣發動即暖爐。不過如果假日都好爆，坐外面枱痴枱都幾迫。而大多數都會食煙，煙味都勁。我地大多都只會叫散叫，而唔叫套餐。海膽，好新鮮，食落去仲有啲鹹鹹地嘅海水味，每一格入邊有兩大塊非常厚的海膽，食落去一啲都唔腥。象拔蚌刺身鮮甜美味，一隻都好似唔夠食甘，其餘切剩嘅部位，拎左黎煲粥，超甜超好食。大大隻聖子，蒜蓉蒸加粉絲，最簡單食法龍蝦🦞伊面啲龍蝦啖啖肉椒鹽賴尿蝦好大隻，又係好好食一圍10個大人，食到好飽好滿足

第一次帶嫲嫲去西貢食海鮮！去左洪記！4個人叫左個二人餐。都好多野食。再加左瀨尿蝦同龍蝦。撈海鮮個姐姐好好人。比我屋企人拎住海鮮影相。食物既生熟程度岩岩好。份量足。而且服務員有禮細心。嫲嫲好開心。下次會再黎。

一行9個人食海鮮，我地揀左個8人套餐，另外再炒多一碟麵。8人套餐都有兩款，咁因為我地想食瀨尿蝦，其中一個套餐冇，所以目標清晰就叫果個餐!咁果度D人都好好嘅，其中一樣海鮮係扇貝，但我地比較鍾意蟶子，問一問可唔可以改，佢地都好幫手幫我地改左，咁呢兩個差不多，成本都差不多，所以應該冇問題卦，其他就真係唔知喇...講番海鮮，首先就係蝦，份量幾多，而且見到都覺得幾肥壯，唔會好似好瘦咁，之後食落D肉都好爽，唔會食到有D霉霉地嘅肉，所以應該黎講係新鮮，個味就係正常味道，太特別好味又唔會有哈哈，但食得出係新鮮。之後就係蟶子，個樣都係肥，炒得好惹味，佢擺番8隻殼係度，雖然唔係D肉痴住個殼，但我地講番出黎食左幾多，夾番埋都係有完整8隻 XD 都好多肉食丫，正!上湯龍蝦E麵，味道煮得好好，唔會太濃，仲有龍蝦鮮味。龍蝦肉略為少左DD薑蔥炒蟹，呢個係好味!!!! 我連D蔥都食晒咁滯!!! 蟹都幾大隻幾肥瀨尿蝦，一共4隻，椒鹽一定好味又惹味，冇得輸!! 不過唔知係咪瀨尿蝦唔當造，呢轉瀨尿蝦冇乜膏，但多肉搭救啦。鮑魚，有16隻!!!!!!!我地係冇諗過....雖然唔係話好大隻...但佢8人餐預一人兩隻..好似好多，

西貢食海鮮，真係好怕海鮮價，尤其對海鮮唔熟悉的顧客。套餐多數比較優惠，也不用多想要吃那種海鮮。點了個二人餐，其實加個飯的話，分分鐘四個人食都仲得。先有大隻，肉質實淨彈牙的白灼蝦，鮮甜味配辣椒豉油更明顯。豉椒大蟶子，很鮮甜，但切得不夠細，其帶煙韌的爽口會變得有點難咬。豉椒汁沒有過濃味，單吃也不會膩口或口渴。蒜蓉蒸扇貝，蒸得久了一點，不過內臟那一塊還是嫩甜的。蒸倉魚的時間就剛剛好了，一口一口很快就吃完了。最後的時菜都完全吃不下了。

臨近母親節，突然想食海鮮，就入左西貢搵食，可能長假期關係，周圍都係人，特別係遊客，好多外國人都坐左outdoor位置，一邊食中式海鮮一邊飲住藍妹吹吹海風，我地一行6人坐底就同侍應講想食乜，基本上有少少廚師發板feel可能今晚人太多，上菜方面有啲亂來，因為通常炒飯果啲係最後先上，今晚第二味已經比左碟炒飯我地，食左立即飽左五成。第一味椒鹽鮮魷好夠鑊氣，份量好多跟手黎左隻波士頓龍蝦跟芝士伊面底，個伊面吸哂啲芝士味超正，隻龍蝦又夠大隻，我地6個人都食唔哂跟著有白灼蝦、薑蔥炒蟹，白灼蝦冇梅蝦全碟都新鮮，蟹就細隻左啲，不過好多蟹膏勁香跟手有條斑，不過略嫌蒸過龍，有少少鞋仲有半邊豉油雞、蒜蓉炒菜心、蒜蓉粉絲蒸元貝哩三樣都中規中矩，整體而言都好好食6個人食都仲要打包左2盒走

叫咗母親節四人套餐$988(節日後$788) +炒蜆!海蝦，龍蝦加伊麵底，焗蟹，清蒸粉絲扇貝，原本蒸鮑魚但太旺賣哂，部長阿有換了碟豉椒炒大花甲，再有碟蒜蓉炒白菜，加了碟豉油王炒麵，最後送大大個新奇士橙同提子。所有海鮮夠新鮮，海蝦夠大隻，佢話平時送埋海鮮湯。  仲有鮮甜生果送!埋單$1107 西貢食唔敢話好抵，但一定唔係貴！！！

週末的晚上與家人來到西貢共渡一美好晚飯喜愛吃海鮮的屋企人好快被招待到樓上雅座吹著海風，有著美好的海景坐了不久已有熱茶熱情招待餐牌有不少選擇：特濃芝士焗龍蝦伊麵底、古法椒鹽鲍魚、淸蒸海上鮮 、白灼海生蝦 、香蒜椒鹽墨魚 、聖子 、星級椒鹽豆腐、 碧綠泡蝦球 、蒜茸粉絲蒸元貝 、白灼海螺 、薑蔥炒蟹、 豉椒炒蜆、 奇脆菠蘿咕嚕肉、 秘製鹽水雞腳等等我們下樓去魚缸去選新鮮會動的，老人家都說有得㨂先至系老闆最後選了我們平時在家製作不了的龍蝦，鮑魚，聖子，元貝整頓飯鮮味十足，功架一流，入開西貢的朋友值得一試

週末好天氣一家人去西貢行下。下午經過都依間幾多人，又有點心食，即管試試。對住個海飲茶食點心吹下海風都幾舒服寫意。咁就不如叫隻本地龍蝦嘆下啦。上湯伊面底細路都中意，可惜佢煮得勁咸，沒有其他味道可言。完全浪費了很好的食材。為食的小孩都咬兩啖就唔肯食了。隨便飲個茶吹下風可以，海鮮就三思了。