明閣 (香港康得思酒店)

冬至食飯, 決定再次嚟明閣，因為呢度地方夠大，環境舒服。因為冬至多人，所以今次係濃縮Manu, 有幾款想食嘅食物今日都唔做。唯有試下其他菜色。叉燒：必食！呢個叉燒真係好好味，厚切，肉質鮮嫩，咬落啖啖肉，有好香嘅蜜味同叉燒味。冇乜肥膏，但有少少筋，咬落帶點爽口。極力推介！鹵水豬手: 呢個前菜值得一試，好林好入味。鵝肝和牛燒飯：本來對呢個飯好有期望，但希望越大失望越大，個飯好多油，冇乜和牛，食咗半碗已覺得膩。所謂燒飯只係將飯炒完再放落個鍋度。松露金鏤衣：呢個係松露配雞肉嘅一道菜。松露係我嘅至愛，雞肉都算滑，但整道菜冇乜驚喜，味道不過不失，反而側邊的南瓜條幾爽口。總括嚟講，今次嘅食物不過不失，甚至有點失準，可能係冬至嘅緣故，下次都係避免節日嚟食啦...

今次來到明閣, 當然是想一嚐得獎名菜, 最後決定的菜單為 : 品味明閣- 日1. 五香燒肉 + 椒麻汁醋香黑木耳 + 鹵水豬仔腳燒肉=> 香脆, 有水準鹵水豬仔腳 => 入味椒麻汁醋香黑木耳 => 有驚喜, 好喜歡這味道2. 濃雞湯菜膽燉燕窩湯清甜, 燕窩份量不欺場3. 龍皇披金甲伴時蔬果然名不虛傳, 魚肉質鮮甜彈牙4. 原籠荷香雲腿花菇蒸雞小巧精緻, 但味道偏重5. 迷你至尊蜜汁叉燒飯真係好迷你, 但叉燒質惑好好, 夠爽6. 楊枝甘露好香濃, 是我的至愛

有時獲冠以2星的光環，也未必是好事，主要原因係客人會用較高的expectation來幫襯，間接令客人失望的機會率大大提升。明閣好明顯俾米芝蓮抬高了，食物水準不穩定，service有好又有不好，是令PJ失望的2星餐廳。這裡的環境非常優雅華麗，環境這一項是攞滿分的。可惜的是receptionist真的令人有些少掃興，她並不是沒有禮貌，只是沒有高級酒店員工應有的禮儀吧了。另外要讚這裡的醬芥，XO醬的瑤柱味超香，素食麵筋醬味道濃郁，連醬芥都有細心為素食者準備，抵讚。片皮鴨(半隻)索價$408，如果好食咪唔貴lor；好可惜...真係一啲都唔好食。皮一啲都唔脆，肉不嫩但也不致於鞋口。薄餅好型咁用蒸爐保温，一開蓋其實都係好快凍哂。薄餅不夠濕潤，無麵粉香，是十分普通的貨式。吃罷好掛住沙田18。片皮鴨是兩食的，我們選了生菜炒鴨崧。鴨崧加了松子，口感不錯，非常濃味。無特別好又無特別唔好，即係都係好普通。生菜好矝貴，每人分得一塊，剩下好多鴨崧要空口吃。終於輪到好評，明閣八小碟好好食，8樣小食中，首推叉燒，又腍又香，鹵水豬脚仔亦十分出色。冰鎮白靈菇口感又滑又爽，幾得意；黑椒牛脷大家都喜歡，牛脷煮到好腍。較失色

到明閣用膳不下十次,食物的質素不斷有進步.可惜服務人員的工作態度一次比一次差.這無疑破壞了食客欣賞食物的心情.面對客人的反映,只懂推經理出來道歉.其他工作態度惡劣的員工懶得理你,反正五星級酒店與米芝蓮的聲譽都不關他們事.白費了廚房的心機！

朋友同我慶祝生日，建議這家米子蓮中菜館。因我甚少到旺角區，怕人多車多，我都係首次嘗試這餐廳。我總結的：。不知是否我沒有點他們signature dishes, 我真係唔覺係米子蓮二星菜餐廳。論排場，論服務，亦比同是2星的夏宮及香遜色。 出色的是鎮江汁黑豚肉，肉味香濃，肉質腍滑，黑醋製的醬汁，酸酸甜甜，正好配豬柳的肥腴厚味，而又不會蓋過豬肉原味。而且每件件頭大，份量足，抵食。 我們都喜歡冷盆，點了八小碟，上海菜。我都係個句：依家摩登上海莱總比不去上世紀的老舖。其中只有百靈菇配青介及豉油尚算新穎有特色。味道清甜爽口，鹵水豬腳，去骨，皮嫩肉滑又不膩。其他如烤夫丶牛脷等一般而且。我對他們的鹽香雞就失望了，雞肉是嫩滑，但應該是冰鮮雞，而且頗細隻。我估一隻咁樣大細的新鮮雞，頂多一百幾十元。餐廳收三百幾蚊（加一後）半隻冰鮮雞，仲無乜特別煮法，上菜presentation都幾求其，咁嘅價錢食水深d喎。而附上的淮鹽醬及葱油亦屬一般貨色。因我吃慣家母煮的鮮雞做的白切雞或羗葱雞，對雞可能要求係高些哬。五目兩面黃，是兩面黃配菜蔬。上菜時發現不是慣常見，麵條兩面亁煎烘成pizza型狀，而是似普通炒麵。鮮魚湯浸時

有過上星期的中伏經驗，隔天湊巧得知出示公司職員證光顧米芝蓮一星的明閣有八五折，立即打電話留位飲茶。星期日及公眾假期的午市分兩個時段，早段時間為十時三十分至十二時四十五分，晚一點的由一時十五分至三時，當天我們吃畢坐到二時半便離開，未知它會否夠鐘叫你走。到達才得知原來朗豪酒店已於上月尾完成翻新並正式改名為康德思酒店，由奢華路線改行商務及休閒路線；一家人比原定時間早了二十分鐘抵達，一時正店員帶領我們入其中一個空空如也的偏廳就坐，天真的我們還以為它有大量空桌，怎料不消半小時整個廳都坐滿了，如想到來用餐還是先致電訂坐較好。店內環境是寬敞且堂皇的，望著對面充滿時代感的朗豪坊，桌子大大張，像我們點了一檯點心也不用移來移去、東擠西夾，還有檯與檯之間的距離算闊，有私人空間之餘亦坐得舒適。筍尖蝦餃王 $68上星期吃到的蝦餃實在太差劣，總得找回好一點的平衡一下心理；打開蒸籠蓋的一刻始知四粒正常大小的蝦餃中間還有一粒迷你蝦餃寶寶，實在精緻可愛；蝦餃皮不黏筷子、煙韌有致，餡料滿滿是調味得宜的蝦肉和不覺膩的豬肉汁，偶爾吃到些筍粒，不錯。鮮蝦燒賣 $68燒賣同是熱辣辣的上桌，看上去和平日在街外吃到的無分別，蝦肉和豬

收到升職的通知家人為我興祝選了在獨得米芝蓮的星級中菜明閣。其實之前也來吃過多次但每次也能保持高水準。前菜的九小碟：我至愛的是海蜇另外的八種味道其實也想當不錯。這裡的燒味也十分出色乳豬即叫即燒上桌時還是熱的每件入口也是脆的。叉燒肉質軟滑蜜味香濃好吃。今次我們各人自選個人喜歡的炸釀蟹蓋或焗釀蟹蓋我不太喜歡吃用麵包糠炸至很脆的東西所以選了焗釀蟹蓋用匙羹和叉弄開內裡即見豐富蟹肉入口鮮甜。較為名貴的菜式如砂鍋上的鲍魚鵝掌做得極為好吃但我只嫌鲍汁過多！其他菜式全部星級的水準就連咕嚕肉這裡也做得很酸甜味道令人不住地吃。甜品用乾冰伴著上桌時煙霧升出來眼睛先吃入口更覺味道一流！總括而言每次來明閣吃飯越多人越好因為可以吃到更多菜式！

朋友總說我每個週末喜歡歎一盅兩件這個習慣很搞笑，也許是想說我似老頭子吧(笑)? 之前其實一直比較喜歡吃日本菜，直至遇上明閣，才開始迷上了中菜的。今日帶着戰戰兢兢的心情重來，不知道再回頭，明閣的一切有沒有變樣。接待處職員的笑容和服務態度依舊親和，今次我們被安排坐在旁邊的大廳，穿過小走廊，看見一片金碧輝煌，雖然樓底較低，不過很有空間感。可惜我們的坐位不近窗，亦沒有古玩擺飾，個人還是比較懷念正門那邊的圓形小廳。這兒的蝦餃形態飽滿，色澤白裡透紅，每隻的大小都均勻得很，中間還有朵捏成翠綠小花形狀的，非常漂亮。餃皮彈牙，入口有少許爆汁效果，內餡的蝦仁大大顆，爽口有湯味又嚐到蝦鮮，賣相和味道跟記憶中一模一樣。兩寸半大小的流沙包是明閣另一亮點，掰開包身的流心效果令人心花怒放，雖然質地比較稀身，不過包身預留了擠壓的空間，所以不會有令人狼狽的爆潟場面。熱燙香軟的包身，不黏牙，帶有濃郁的鹹香，同樣令人懷念。上次來的時候沒有嚐過這兒的腸粉，今次點了蜜汁叉燒腸，感覺很夢幻。端來的一碟，聞到迷人的麻油香。瘦叉燒薄切，甜甜的混有青蔥香味，明明夾起來手感結實，入口卻滑嘟嘟，很不錯。山竹牛肉球的賣相很平實，顏色似乎比一

相約兩位好朋友食飯，選擇了地點方便的明閣，lunch食點心就試過，今次係第一次食晚飯。餐牌上單點好似唔太化算，所以3個人點咗2 sets 晚餐食。雖然今日係平日但都滿座，始終酒店級中菜，服務及禮貌一流，食物味道及賣相都好滿意包括海膽伴雙鮮、煙燻魚凍、桂花蓮藕香肝、祖奄豆卷，好味精緻松露百花雞、秘製雞肝醬百花雞，醬汁好配合好match、好鮮味滑滑豆腐配上金箔，賣相一流又貴矜，可惜份量太少味道ＯＫ，太少花膠呢個就好多燕窩好香鴨肉味、雲吞好滑和牛夠嫩滑，入口即溶龍蝦夠爽，麵底又脆香噴噴荷葉飯夠乾身並帶出陣陣鴨香豆腐芝麻凍布甸、燕晶凝、杞子桂花榚、芝士凍撻精緻甜品又有視覺享受，用大量乾冰做出仙境視覺效果

食物還好. 但服務極差. 五星級酒店+米芝蓮星級餐廳 既不知所謂服務同朋友訂左位食午餐, 因為天雨, 所以我地都係T-SHIRT, 短褲, 拖鞋, 訂位時問左無問題...唔知係咪因為咁所以俾人白鴿眼..第一差:我地on time去到門口,我: 你好, X生訂左兩位.女侍應: xxxxx, 阿麻? ( xxxxx為朋友英文名 , 連請問都無聲, 眼尾都無望過你一眼)我: 係呀之後靜左廿秒...佢都無應過我地...女侍應: e邊, 帶你去坐底先.第二差:坐底立即點左茶, 之後叫完點心... 由叫茶計過左6~7分鐘, 都仲未有茶/水到....第三差:叫完點心無耐, 就開始有一陣燶味, 久久不散, 過左一陣終於有一枱女人出聲, 佢先話唔好意思. 有客人點既火炎xx燒燶左, 之後個侍應就走左.....第四差:除左一開始黎茶同埋單叫做幫我地加過茶之外.... 全程都係自己幫自己...茶壺無水都係自己加啲熱水入去... (但係對面枱外國客既服務就十分欣勤.. 上菜又解釋一輪, 又不時幫佢地加酒)第五差:格離枱內地客全程過普通話, 個侍應就同佢地講野就講廣東話.... 怪第六差:我隻茶杯係裂既...仲

甜品拼盤，視覺享受，用大量乾冰做出視覺效果，豆腐芝麻布甸，不會太甜；燕晶瑩，通透啫喱有燕窩，下面是楊枝金露布甸，好吃又好看，我鐘意；焗芝士撻，芝士餡香軟幼滑，撻皮鬆脆；杞子桂花糕也是足料清甜，但好細件！大件D會開心D。會再去捧場。女友一定會好鐘意！ 

爸爸的生日飯。一早訂左檯去明閣慶祝，順道試一下菜 。明閣內裏的裝修不錯，空間很闊落。坐得很舒服。菜單一早就找人寫好，所以一坐低就有得食。講一下xo醬，不太辣，但絕對好食，一定要試。另外還有個啫啫通菜煲，沒有影相。但小菜才最考廚師功夫，偏咸，但這本來就是這個菜的特色，絕對好味 。好了，閒話少說，看圖開飯 。

今年家母的生日宴竟在我一向心儀欲往已久的"明閣"擺陣。真是有一種未出發先興奮的感覺...數年前曾和老友在這裡喝過一餐茶，喝後給人留下一個頗深的印象。東西著實確蠻有水平的...想不到這次重臨，一隔便是好幾年了....當知道有機會來吃晚飯時，小弟在心中已擬定了有好幾款今次一定要點的....其中一樣便是叉燒。它走的是偏重蜜味的路線。店子用的是厚肉的脢頭，雖切成大大件甚粗身的但肉卻是能一咬即斷淰軟得可以，而帶筋的部位更是帶點點爽口，絕對是靚叉燒的表表者。我最愛吃的部位，固之然是邊緣帶些少許焦焦的燶肉....另一款前菜海蜇三重奏，將海蜇以三種不同烹調的手法呈現出來 ---- 芹香海蜇頭味道是最清爽的，嚐到的盡是芹菜的幽香以及海蜇頭的爽脆咬勁，確是一擺進口便爽至嗦嗦聲的；醋香紅海蜇相反就濃及搶味得多，醋味不會過酸且色澤鮮艷，走的是較為濃香的路線；XO醬海蜇絲入囗既夠惹味又夠香辣，絕對是送酒佳品....個人認為此叉燒更出色的是眼前的七味金磚豆腐。所謂的七味應是指灑於豆腐上的七味粉而並非豆腐有七種味道那麼厲害。不過論賣相以至味道都是上上之選 --- 豆腐的色水呈金黃十分漂亮，外皮則香脆而內裡的豆腐是超

I'm slowly finding my way around Hong Kong and while I don't know it as well as SC, I was pretty happy that I made my way across to a presentation gig at the Langham Place Hotel in Mongkok solo. Ha, if you know Hong Kong, you're probably thinking that it's so easy to get to Mongkok from Central, and you're right. However, throw in a few million people all trying to get around at the same time, along with being naturally clueless when it comes to public transport and general directions, well, let

慕名來訪「明閣」，品嚐這間米芝蓮二星食府。坐落於朗豪酒店六樓，無論是餐廳門外的裝潢、室內的陳設、服務等都具有高級食府的氣派。甫坐下，侍應笑意盈盈地詢問我們要什麼茶，茗茶包括普洱、香片、壽眉、鐵觀音、龍井、菊花，任君挑選。餐牌菜式種類繁多，看得我們花多眼亂。能摘下米芝蓮二星，使人每道菜都想品嚐。而為了惜食免眼闊肚窄，只能從中取捨。京式片皮鴨 (半隻$388)片皮鴨二食。鴨皮油亮，皮脆肉嫩，不油不膩。先以薄餅配以佐料京蔥、青瓜、甜麵醬等伴食，鴨架起肉和其他配料同炒做生菜包，兩者皆味美。龍皇三弄 ($128)這是2014年香港旅發局「美食之最大賞」的「海鮮-蝦」組別的銀獎得獎菜式，包括鮮蝦濃湯脆米、蔥爆虎複球、花雕粉絲蒸虎蝦。以蝦作為主角，利用多元的烹調手法帶出食材不同的味道。按次序，先吃濃湯脆米，味道鮮甜的蝦湯內有一只蝦、菌末和香蔥，再配以脆脆的米通，口感具層次。爆炒虎蝦醬汁香濃，啖啖肉有質感，炸蝦頭入口香脆，蝦頭下的薯蓉中和了熱氣的感覺。花雕粉絲蒸虎蝦內有菜苗碎，酒味極濃郁，吃下每一口都充斥每個味蕾。此得獎菜以蒸、炒、炸等烹調方法帶出蝦的鮮味和不同的可塑性，而且賣相一流。激讚!明閣鮑魚蛋