明閣 (香港康得思酒店)

今日有食神，難得中午可以一嚐二星米芝蓮食府。三人行，沒有叫午市套餐，反而點了三款點心，一款素菜，一個炒飯，還有一個五目飯。論環境：雅緻的裝潢，柔和的燈光，而餐廳選用的顏色都讓人舒服，枱和枱之間有一定距離，一點也不逼，香港的餐廳，基本上只有高級一點的才能做到。豆漿鮮百合百果莧菜，交代了走油，廚房有心思地連鹽分也沒有加入，上桌時更配上鹽瓶給你去調味，對於喜歡清淡的朋友來說安排的確細膩。豆味突出，湯底濃郁，感覺新鮮。素餃子：我只嚐了一粒綠色皮的菇餃，皮不是說很韌的那種，餡料也比較油膩，不會過鹹，菇味突出，只是太油。蝦餃，四粒大蝦餃配上一粒BB蝦餃，不太好肉類的我吃了一粒BB餃，蝦味鮮，肉爽，加上裡面的配菜，蝦餃的確不錯。五目飯：好小的一碗，大概就是一個茶杯的份量，定價98，真心說，Overprice，配料有不同的菇類，牛肝菌，金針菇，配上醬油，老實說調味太重手，鹹呀。和牛鵝肝超飯，索價300多，我沒有吃，因為，鵝肝，和牛加上炒飯，油份超標。但聽友人說，味淡，吃到第二碗他們已經說油膩，一鍋有五六小碗的樣子，論份量，相比之下好像比較划算。整頓飯下來，沒有被驚艷到，二星的評級或許是來自晚餐？最後三

同朋友聚會，訂了中午枱吃飯，各樣食物水準很高，蝦餃，叉燒飽，蛋撻樣樣都好吃。但選擇比較少，點完第一輪已經找不到其他食物作第二輪點選，對10人以上又想吃多種點心有些不夠。

由於常常即興想去「明閣」飲茶，經常也沒有位置。就算星期六日下午兩點半，他們也會說座位已滿。但由於長假期關係，可能好多人唔係香港，所以昨天竟然突然即興去「明閣」，也有座位。相約了兩位朋友，但由於塞車關係，遲遲未到。由於我太肚餓了，先點蝦多士先吃，邊吃邊等。侍應問我，用不用等朋友才上菜？我說不要等，越快上越好，等他們看不見香脆蝦多士，有鹹蛋黃香，炸得金黃香脆，多士不油膩。還記得在旺角一間明星開的小店吃過一次蝦多士，多士像海綿一樣吸晒所有油，結果要經理退貨。這次之後，很少再吃蝦多士，但「明閣」這一個，我極力推介。所以朋友來到的時候也點了一份給他們。叉燒腸粉，皮薄餡靚，腸粉晶凝通透，恰到好處。點了兩款蝦餃，兩款也出色。普通的筍尖鮮蝦餃，皮薄喊靚。但另外一款貴妃醉蝦餃，就會推介俾大家，因為不是很多地方有這款點心，也是明閣推介的特色點心，酒味香濃。椒鹽鱈魚粒，外層香脆，脆漿厚薄恰到好處，鱈魚仍然滑溜。松露蛋白蟹肉餃，我就覺得味道一般，松露香不夠突出，也吃不到蟹肉，有點像松露蔡螃蟹餃而且。他們的點心可按照你們人數而點。原本因為很想回味他們的鵝肝和牛鍋燒飯以來，但昨日的飯有點失望，不夠芳香。（也忘了拍

由於本人係非常之揀飲擇食，所以以下就只介紹幾樣我有試過嘅小菜了食評是隔了差不多兩個禮拜才打的，所以細緻的地方就不太記得了，隱約記得那吸引我的叉燒包熱辣辣，皮脆，不會過甜，裏面的叉燒醬甜絲絲的，充滿着蜜汁，而且有叉燒肉粒，尚算有咬口這道菜是不是椒鹽豆腐？不太記得了，皮做得很薄，炸漿不會過多、過厚，而且豆腐是很滑的，可是豆味不算太濃叫了兩碟腸粉，我比較欣賞的是下面的XO醬豉油王炒腸粉，光看顏色已經覺得很吸引了，每條腸粉也炒得很均勻，顏色相若，這是我挺欣賞的，自己做腸粉的時候，我認為比較難控制的便是食物的顏色了，不愧是酒店餐廳的水準而上面的腸粉平平無奇，不過不失吧蝦多士，原本是一碟四件的，但是可以按照人數逐件加，欣賞，光看照片就覺得吸引了，但是吃下去味道卻不及它的賣相啊哈哈，這些都是我不吃的，所以就只是拍照，不加評論了

很久沒有到明閣飲茶了，今天終於因為開會到旺角，立刻訂位松露蟹肉餃松露很香，蟹肉夠份量鹵水豬腳仔(定豬仔腳？)非常非常入味，非常非常腍，水準依然炸子雞上桌時剛炸好，皮脆肉嫩，但每次仍覺得旁邊的炸藕片更美味蝦餃很飽満當然不少得甜點啦～杏片香芒卷忘記影芒果味不算突出，但剛炸好，所以芒果肉是暖暖，但外面包住的杏片夠香脆，搶回不少分數，細細件，剛好。埋單有點貴，但多謝大大人慷慨讓我在回程時滿滿的暖暖的繼續搏殺！

久別重來，味道也有分別(退步)😅同朋友兩位女士，食量不大，故只點了2個點心: XO醬炒腸粉:香口，但略嫌多由一點，同普遍酒樓沒異。咸水角:脆口，餡不多(岩我心意) ...❌黑松露牛粒鵝肝炒飯❌(忘記影相)太油，食落有陣羊"蘇"味😑(本人唔食羊，好怕陣穌味) 向職員查詢，回覆話係和牛味😓乜和牛係甘既咩？我食過好似唔係ga bro....個飯真係太太油啦😑我成個下午+晚上，都間中會"err"反陣油益，食左杯檸茶都無幫忙😓甜品杏仁露就幾好味，聽職員說，是師父自家磨的，又真係幾香和幾結，唔似沖粉劑般。另吃了桃包，比拳頭大一點，感覺包皮都幾軟身，但蛋黃太硬(唔夠散)，職員話是廚師自家搓麵粉做的，不是工場取貨，可惜我見識少，又食唔太出分别。總括: 前兩年來，記憶中樣樣都好好吃。久別重來，感覺遜色不少.....腦海浮現: 「廚如逆水行舟，不進則退」，普通炒飯都會過油，飯粒唔乾身，真係有失 "星之身分"😟希望不要因應有星後卻水準失手

這一間米芝蓮二星中菜店近來成為吾家之飯堂。每逢做節食飯，都不用細想毫不猶疑就算在此落腳....無論食物以至服務，這兒絕對也配得帶上車胎人的光環。當然在價錢上亦然啦....今天晚上的菜色有好多道之前都也試過了....椒麻汁醋香黑木耳依然爽脆 ， 醋香及麻辣味依然恰如其份；七味金磚豆腐依然外脆內軟滑，豆香濃郁。店内推介的這個脆藕片琥珀合桃之前卻完全沒有試過，我承認確實是走漏眼了 ---- 藕片脆得如像吃薯片般薄又脆; 琥珀合桃色澤光亮甜而不腻又帶脆甘....再來便是主菜 ---- 乃是化皮乳豬一大隻可也....儘管溫度是不太夠但幸好尚算皮脆肉嫩。 特別要讚的是底下瘦肉的部分 , 鹹香味十足....十餘年前旅遊發展局美食大賞得獎菜龍皇披金甲依舊風采依然 ---- 蝦膠爽彈而滿有鮮味  ; 墊底的龍躉魚塊軟滑而實淨並沒有散修修之弊， 鮮味盎然 。 而且最重要是無論蝦或是魚肉都是弄得非常乾爽不油 ；更不能浪費的是置中的那好幾隻蝦頭，内裡的蝦膏甘鮮而味美....當然少不了的還有我最愛的蝦籽鮮菌素千層。 蝦籽味鮮不腥而菌香四溢 ; 蠔油獻味厚而濃郁不過杰最合拌飯....每次做節枱上必備的咕嚕肉反倒只

同BABE 去明閣慶生，又係預留左WINDOW SEAT，但CORDIS 位於旺角，就算WINDOW SEAT 都無乜野睇。好想飲D 老火湯，叫左個花膠老鴿湯，有一大塊厚身花膠，仲有半邊老鴿，個湯好清，覺得唔夠咸，應該無乜落調味料。另外BABE 唔知叫左個咩湯，用壺上，份量小小地，無乜特別。一心想食蟹蓋，係芝士同酥炸之間我揀了後者，果然無令我失望，熱騰騰，fill with 蟹肉同洋蔥，仲有淡淡椰香味，讚呀！我之前睇d post 話明閣服務麻麻，我終於明白為何，我叫左乳豬炒飯，佢見我二人都唔主動提議半份，味道有強烈蕃茄味，乳豬肉砌碎到幾乎找不到。仲有個炒蛋大蝦，蝦彈身，合格！整體來說算過得去，我倆二人食到好飽好飽，大家記住記住叫炒飯要叫半份，咪做大嘥鬼！

週中跟同事一齊去明閣食公司飯，收工後8點幾入座，招呼唔錯幾好，可惜由落單後到第一道菜上檯，等咗差唔多25分鐘，第二道菜又相隔20分鐘(係第一道菜食完起計)，之後幾道菜才正常番，唔知廚房發生乜事，入座已經唔算多客，近9點更疏落，都要等咁耐至於食物水準ok，話晒都有米芝蓮名頭，唯獨粉絲蟹煲有少少失手，普通咗啲。反而乳豬有驚喜，甜品亦都唔錯。侍應喺大家進食期間會不時為我地既杯加茶，又會換碗換碟，態度都十分誠懇。總括嚟講食物水準中上，值得一試，埋單7個人食埋甜品大約三仟幾。

一行四人的生日飯，選擇了明閣，因為同行中有兩位長輩，所以就選擇一間較得體的餐廳。餐廳環境的確不錯，枱與枱之間闊落，感覺開揚得來又有私隱。　　容讓我在此題外話一下，今次坐在一個窗邊位，一邊廂看著餐牌上$1000一位的set dinner，另一邊廂看著外面旺角的舊樓，一晚一位的價錢，可以讓他們一家吃上多少天呢。心中難免有一種忐忑，不是要吐嘈去享受一下有甚麼問題，而是提醒自己或是有能力讀這篇食評的你，社會上，還是有另一邊的。　　好了，說遠了，回來吧。今次沒有點set，只是散點了幾道菜。首先點了壺菊花，茶會一直以小蠟燭暖著，保持溫度，菊花挺香的。是晚點了「蜜汁叉燒」、「茶壺松茸竹笙湯」 、「鳳梨咕嚕肉」 、「梅菜芯蒸茄子」和「上湯浸時蔬」 。蜜汁叉燒是待應「推介」的，但感覺有點伏，味道的確是可以的，不會太咸或太硬，但就沒想像中的特別，不值一試。「茶壺松茸竹笙湯」是第二道到的，湯以茶壺裝著，觀感雅致；雞湯濃郁，配合竹笙，口感清爽，唯份量有點少，如果以碗盛上的話，大概只有一碗而已，但還是值得推介的。接著是「鳳梨咕嚕肉」，嚴格來說，是鳳梨咕嚕「扒」，肉很大份，雖然跟平常對咕嚕肉的認知

一間米芝蓮5星級酒店，侍應服務態度連普通酒樓都比不上，唔會有下次！1）每個侍應都目無表情，叫加茶，換碟等都冇反應回覆.2）個碟放満骨好耐，要叫兩次先幫換新.3）4人食咗HKD 2200也不算失禮吧！付錢時一句多謝都沒有.

2星米芝蓮？食物真係一般點解酒店餐廳服務態度可以咁差食餐飯可以熱到出汗，焗到頭痛。正常客人都會叫你開大D個冷氣，你搵部風機開到最大對住我吹，四眼Captain話係咁架啦熄咗佢囉，你同我講米芝蓮？酒店？我覺得好差🙈

這裏食物頗有水凖，服務方面態度表面上算是有禮，但計整體表現以平常酒樓來說是ok的，但若以這級數(一星+酒店餐廳)來說就有點奇怪。怪事1: 三人叫了三碟食物後（4人份量的八小碟+龍皇披金甲一碟+伊麵一碟），waiter説怕我們不夠吃需要再點菜與否，我拒絕了沒有再加菜，後來追加了一早預計了要吃的兩個甜品，最終結果是飽肚的，如果加多一個菜便吃不完了。怪事2: 分好的伊麵有幾條靠在碗邊掉在碗外，賣相慘不忍睹，而且吃完碗中的麵後沒有人自動添加，直至叫了甜品後才告訴我們還有一大碟麵並放下叫我們自己分（語氣有禮的）。還有是當晚是平日星期四晩，並沒有爆場，人手是卓卓有餘去應付客人的。以下介紹一下食物：XO醬和素XO醬素 - XO醬主要材料是豆干，野味程度比起來也不遜色。明閣8小碟 - 這裏的叉燒據說是用上西班牙黑豚肉，吃下有焦香又帶點肥美很好吃，百靈菇粒配上wasabi豉油有點像魚生，豬手很軟滑入味，牛舌有點像午餐肉般鬆化香口龍皇披金甲 - 嫩滑肥美的鱈魚配彈牙蝦膠，再用香口的方式炸出來，精采！超好吃！龍蝦湯蟹皇伊麵 - 味道淡口，分好後賣相很難令人接受脆蔴花/蛋散 - 香脆又香甜雷沙湯丸 - 流心的

今年公司的中秋團年飯安排在明閣食，飲中茶也是一個不錯的選擇搵路時，先發現原來朗豪坊酒店已經改左名，同朋友一齊去果陣仲差啲搵唔到😂入到餐館，第一個感覺便是冷氣唔夠，感覺有點焗叫茶時，叫左普洱，味道唔算苦澀，適中甘香去到邊間酒樓都一定要試蝦腸，唔少得既點心🤗🤗腸粉皮唔算太厚，蝦亦有三粒，大大粒另外重點唔少得既伴料，辣椒同豆瓣醬，好香好香，辣味剛剛好，令到每樣點心都好惹味今次公司午餐也不錯，下次可以帶媽媽去嘗試😋😋

媽媽正日生日，當然要安排餐好既中菜同佢慶祝。由於父親節黎明閣飲茶，收據尾寫住“tasting menu有85折”，所以就打算黎試下米芝蓮2星既晚餐。😋😋😋我地一行4人，分別order左2個$638和2個$538既tasting menu。既因為我和媽媽唔食牛，叫不同menu又可以試多D菜式，一舉兩得！😁明閣既菜式唔係傳統粵菜，係fusion. 媽媽係老人家，始終喜歡傳統口味，對於部分fusion菜感覺麻麻！😅最後，我地仲有4個預早訂左既壽包做甜品。哇！原來壽包係拳頭咁大個架！😍😍😍我地實在食唔晒，4個人只係share左1個咋！其餘既就帶返屋企慢慢嘆！不過，4個超大壽包就發揮左重要既作用，就係同我地影相啦！😆😆😆總括黎講，我都幾滿意呢餐晚飯。雖然食餐飯成6百幾蚊1個人，但餸菜都有較為名貴既材料，包括燕窩，海參同和牛。以米芝蓮2星黎講，1餐晚飯咁既價錢尚可一試！😁原來响酒店消費滿$1,500就可以申請酒店既membership咭，之後黎幫襯就有85折啦！👍