明閣 (香港康得思酒店)

朋友好喜歡食中餐，久唔久都會去明閣。整體明關對我嘅印象最深刻嘅就係佢哋試酒師揀嘅酒，尤其係香檳，因為曾經試過一個細酒莊嘅香檳，印象十分深刻 ，今次再去嘅時候，發覺原來已經冇再入呢個世酒………………同媽媽去食飯試過叫一啲平時比較少食嘅菜色，例如鴨掌遼參，燒當歸燒大鱔，同埋蒸豆腐。 那一個鴨掌遼參真是冇得頂呀，遼參十分彈牙，汁一啲都唔咸，清淡嘅味道比較適合老人家。 當歸燒大鱔嘅醬汁味道比較甜，如果可以少啲汁同醬汁不太甜會比較好。我另一個喜歡嘅就係佢哋嘅乳鴿湯， 連骨都可以食嘅。 紅燒乳鴿都可以一試因為脆皮控制得好好。 另外朋友極力推介嘅就係佢哋嘅鹵水豬仔腳，大塊，鹵水汁又做得好。明閣有多個得獎嘅菜色，如果冇咩心水選擇，其實都可以試一試他們得獎嘅菜式，曾經試過龍王三弄，三種口味嘅海鮮煮法都挺特別。

外子帶我去食米芝蓮明閣作生日飯地點就腳啦係正朗豪坊隔離只係由朗豪坊過去條天橋度門有D難開啫 話說訂左6:30, 但我早到啦6:10就到喇全場得我一個人包左大約半個鐘頭場開始有人黎過多陣就已經全場坐滿至少8-9成 咁因為法國5月嘅關係就連中菜都響應出左個法國5月菜單加少少想像就會好法國架喇 咁我地就唔一定要跟住個潮流黎行嘅我難得黎到當然要食佢出名野啦咁我地又得2條友試唔到幾多唔同嘅菜式所以我地叫番個米芝蓮盛宴盡試人家得獎菜啦用OPENRICE COUPON仲有85折但用左折就冇得儲里數啦自行選擇自己喜歡嘅優惠方法 明閣精選拼盤(松露金菇蟲草花, 至尊蜜汁叉燒)舊叉燒好好食呀得獎菜係唔同D下次一大班人食要叫一整碟慢慢嘆 濃湯海中寶有鮑魚, 海參等海鮮的清燉湯清到不得了好味道 酥炸釀鮮蟹蓋呢個嘅蟹肉多到超誇張呀雖然係炸野, 但唔油膩架,只有淡淡肉原隻南非湯鮑扣天白菇上枱時, 侍應話係X頭鮑魚跟手外子問我咁數字係咪愈大愈好佢上了一堂寶貴嘅數學堂全部都係好林, 好味道 蝦籽關東遼參爆和牛粒話說侍應見我地食左第一道菜問番佢地攞MENU影相佢就好窩心咁俾一份MENU我地睇住黎食啦但好搞笑地佢俾我地份

今次係掹車邊 跟大廚到明閣 食晚餐 👏🏻👏🏻👏🏻 檯上的小食&調味料有～琥珀合桃，xo醬 及豆乾豆醬 ～ 很 like 🤩至尊蜜汁叉燒 ～ 暖暖的～ 口感軟綿綿， 蜜汁提升了叉燒的味道 👍🏻👍🏻😍松露金縷衣 ～ 驟眼睇落去跟本是家常的煎鯪魚鬆餅 😆 當然食材是比較高級，用了黑松露及免治雞肉 😚 食落口很juicy 😘 黑松露不會 搶走雞味 😊 配菜的金瓜條外脆內軟， 略為多蒜 減低金瓜的清甜 😋 琥珀羊肚菌千頁豆腐～ 豆腐排得靚 🤩 唯獨一粒不合群的 頑皮杞子 很礙眼 😆 味鮮，有羊肚菌的香氣 及杞子的甜 😁 豆腐當然滑溜芒果燕窩糕 及 桂花杞子糕 ～ 噴曬煙嘅甜品，兩個糕點都好清甜～ 為這餐畫上完美的句號 😍😍飢point : 7 /10#hungermarch #飢詩 #非飢詩

環境優美，坐位舒適，服務本來很好，可惜有敗筆，如飲鐡觀音或普洱，建議茶葉自備。未點茶葉時我特別詢問鐵觀音的茶水是偏啡還是青綠，一位女侍應回應説是偏啡，是熟茶。我聽到她說”熟茶”時眼前一亮，因為不㯵茶的基本上不會用這詞，剛好我想要熟茶，就點了鐵觀音。茶來了，侍應幫我倒茶，茶湯青綠⋯⋯我看一下壺內的茶包，茶葉被茶包袋包住，仍然清晰可見茶葉碧綠，唉！我再次詢問侍應，想確定一下是否有兩款鐵觀音，為何我要求重焙火的熟茶卻來了清香。殊不知，剛剛很內行那位女侍應，堅持這個鐵觀音是熟茶不是清香，還説泡浸久一點茶湯會變深啡色🤦🏻‍♀️。我不是教育部，所以要求換一壺普洱代之。可惜普洱也是中下品，不甜也沒有麥香。很內行的侍應姐姐一再強調普洱是熟茶，全香港的茶樓都只供熟普，沒有生普，謝謝提示👏🏻這個’鐵觀音’，極盡只可以叫濃香，而且不是正味，也不是鐵觀音種。食品部分：乳豬很好，必吃！反而力推的义燒一般，蝦餃燒賣腸粉炒麵正常，沒有比同級餐廳突出。

朋友升級介紹這間米芝蓮食肆，當然一定要試他的首本名菜，包括他的八小碟，那味义燒簡直是令人齒頰留香，燒的火喉適中，而且肉汁甜滑，另外那個懷舊菜蝦子扒抽皮，也是令人一試難忘，其他的包括鎮江醋黑毛豬和香煎牛舌粒，對食肉獸來說實在是一個明智的選擇，其中哪個松露金菇蟲草花，賣相一絕，總括來說這所餐廳，實在名不虛傳，在食材和賣相都是達高水平 ，而且侍應的招呼殷勤，環境高貴，看得出廚師的用心做功和 與食物的配搭都是一流的，實在不枉成為享負盛名的米芝蓮食肆，雖然價錢也不菲，但是人一世物一世，也需要試一試這所高檔的米芝蓮食肆，實在要給他一個讚。

是日好友介紹食一間好味中菜 一試難忘太白醉翁蝦 真係會係你面前用酒整醉啲蝦，你會睇到d蝦跳雨跳下，雖睇住佢殘忍左😆但又真係好新鮮好味，啲肉質，鮮甜爽口仲有淡淡既酒香！讚叫左半隻雞，朋友每次黎都有點雞食，果然係好滑😂仲有呢個糖醋豬，用黑醋加糖整 食落口外脆，酸甜襯埋d豬肉不得了，雖然痴牙但都忍唔住係咁食！和牛炒飯，好味道，但略為油左少少😂最後叫咗兩個甜品一個蛋白杏仁茶一個木瓜雪耳糖水！兩個糖水都好正，但我最愛蛋白杏仁茶，價錢雖係酒店中菜貴左d,但值得一試！

因為uncle生日，他素食者，宜家好難揾到飲茶可以甘精緻中餐，又健康唔油膩無味精，叫左幾樣點心小菜，有個彩虹仙子，非常健康有心機，材料豐富，(太好食，忘記相機食先)，系大大新鮮去皮番茄包住雜菌銀耳等素材，樣樣菜式都精緻，重點甜品，別出心裁，乾冰配合中式甜品糕點，甜味適中吖，杏仁茶有香味好滑溜，環境舒適，服務細心，餐後茶凍左，他地幫我換埋新茶葉，uncle話普洱茶至少10年以上架真材實料，真心推薦見客聚會，重要場合首選中菜點心!

年初三想食下米芝蓮中菜，選了明閣，因較就腳。選了兩款得奖菜式及以為較「安全」的炸子鸡。想叫醉蝦，下單後，待應過來説今天冇海蝦。龍皇三味:上错菜，吃了另一款煎蝦及炸雪魚之類。是雪虾、冇味。雪魚還可以，一般的材料，多油但乏味。煎该比炸会較入味。綠野仙踪: 今姑炒東姑加D松子。炸taro。咸咸地之外，食材及味道冇咩特別。一般小炒皇可能会比佢好食，所以得獎的地方可以比大家猜猜猜一下。炸子鸡: 一上菜就知不妙，隻鸡好大隻。大雪鸡，冇味，D肉好嚡又乾，D皮可以。可以食ouble boiled soup。好食:歺前X O酱、caramelised walnut 。下次都係去返唐閣。

今晚同友人去食飯，友人鐘意食中菜，但兩條友食中菜叫唔到啲乜，見到明閣有一人餐，所以就去試下。我地睇完全個餐牌，好多碟都想試，但散叫又叫唔到太多碟，但一人餐裏面有啲又覺得有太普通，有幾碟好想試但散叫又無得叫，一定要叫一人餐先食到，諗來諗去都決定唔到，最後侍應哥哥好好咁提議我地叫一個一人餐，再加兩至三樣散叫，嘩！咁我地就可以試到好多唔同款既食物。首先是明閣三小碟，本來對尼碟無乜期望，因為覺得只系燒味併盤，但個义燒同個豆腐都好有驚喜，銀稔醬配豆腐好特別。之後系散叫既陳醋銀雪魚，好味，啲陳醋好香好甜。再來散叫的芝士焗蟹蓋，雖然好多蟹肉，但無乜特別，食完好漏。之後食左唔記得咩名既大蝦三味，😛其實頭先點菜咁苦惱就系為左想食尼個菜，點知出尼麻麻地，個用尼浸窩粑既蝦湯唔夠熱，所以浸唔到入味，煎蝦球都好味，最後個酒釀浸玻璃蝦球個味怪怪的，我唔識欣賞。之後上既都系套餐既菜，最好味系個椰皇花膠湯，好清甜，個欖角鹹檸和牛炒飯都炒得好好，啲飯炒到一粒粒！而且啲材料配搭好特別。最後就系佢地既signature dessert甜夢仙境4款甜品各有特色，我個人最鐘意個豆腐布甸，好香黃豆味。總括尼講系一餐沒有失望的米芝

狗年開年飯在明閣，盡亨中菜精髓。片皮鴨皮脆肉嫩，沒什麼油脂，乳豬也是皮脆兼多肉汁，此店燒烤十分出色。炸子雞肉嫩不實，外皮也薄脆，配上有點味道的炸蓮藕薄片作伴碟，賣相亮麗。另外黑豚肉叉燒又是另一不吃不可的名物，外脆肉嫩，令人大快朵頤！黒醋酥炸黑豚骨能保留豐富的肉汁，配上醒胃的黑醋，減低大塊肉的飽滯感覺。紅瓜子班則蒸得剛好，肉滑魚味濃，餸飯一流。大魚大肉後，總要伴點蔬菜才行！此店蔬菜菜式較為清淡，盡量保留原味，可能要平衡肉類的濃味。

一向對明閣都係情有獨鍾, 因為我結婚時係響朗廷酒店6/f 罷酒嫁,個時專登請明閣師傅煮我地既酒席嫁😍😍... 除左個份歸屬感佢地既食物同服務質素都好有保證, 所以今次我老豆既60大壽我地毫不猶豫都去左明閣擺左幾圍去大宴親朋. 一早我地已經同佢傾左一圍既特式菜, 明閣黑毛豬叉燒呀,火同翅等等... 不過成圍菜不得不題就係上面的呢個大蝦球蒸蛋白🤤🤤佢地好精緻咁係以位上. 一打開個個蛋白都蒸到滑啫啫,上面有一個蝦籽湯響面,令到個蛋白更加精瑩. 上面既3粒蝦球大而爽口, 成餐飯真係令到大家都滿足又開心!

與家人在周末飲茶就是幸福。今次一試有星星的明閣。走型格氣氛，有點暗再配上射燈。四個人叫了些點心和一個小菜。*養生三色餃*這個味道好，餃皮煙韌。牛肝菌及羊肚菌的味道很出。*帶子百合菜苗餃*對比起三色餃，這個餃皮較削身。餡料平平。*鵝肝荔甫芋角**蜜汁叉燒包*這個味道較甜，是比較古老的口味。*韮黃鮮蝦腸*這個韮黃還不錯。*柚皮排骨**蟹子鮮蝦燒賣**蛋散*很鬆脆，夠糖漿。*壽桃*個人口味喜歡少餡多包，這個剛好相反。蛋黃有油香，蓮蓉則一般。

打算在老公生日到這裡享用晚餐，提前一週才能訂到位，果然是熱門米芝連餐廳。餐厅在地鐵旺角站C3出口朗豪坊對面的康得思酒店6樓。門口有人帶位，報上姓氏已知道我訂的位置，非常高效。這次做凖備功夫，上各大食評找了一下熱門菜式，但始終两個人，食量有限，所以只點了一份燒味三重奏、半份龍皇披金甲、半隻炸子雞和一個芝士焗蟹盖，另叫了两份花膠雞絲羹。先上了燒味三重奏，份量不大。叉燒半肥瘦，又不會太甜，味道恰到好處；燒豬皮脆肉嫩；海蛰比平時吃的更肥更嫩。第二道菜是花膠雞絲羹。雞湯味道十分濃郁，花膠絲的膠質令羹更粘稠，正😋另配了一小碗薄脆，倒入羹中一起食便唔會太熱氣。飲完湯已9成飽。第三道是蟹盖，反而令人略感失望，芝士味十足，但與所釀入蟹盖內的食材的契合度一般，沒有驚喜。第四道是好評如潮的得獎菜式龍皇披金甲。侍應見我們祇有两位便提議點半例。聽從建議後發現一例真的是吃不完。将蝦肉打成蝦膏釀在龍躉魚上再用慢火炸，好費功夫的菜式，吃起來也確實很够火候，炸得剛好，鎖住了海鮮的鮮嫩。炸子雞相對於上一道菜來講，難度略小，自然也不會失手，雞皮非常脆薄，雞肉嫩而多汁👍🏼两個人一共1600+，物有所值。

餐廳在酒店內，入去的長廊古色古香，好有中國風。裡面服務員服務態度很好，各方面都訓練有素。環境整潔優雅。食物很精緻，雖然份量偏少，味道全部都不錯。是一個不錯的選擇。

為準備下月爸爸媽媽結婚紀念，是日去左明閣視察環境同飲茶。餐廳位於朗豪坊康得思酒店六樓，一出𨋢就到。午市包房最低消費為一萬蚊，其實一般食一圍價錢已夠了。畢竟係酒店餐廳，環境同service都一定有保證嘅但論食物質素的話，個人認為只屬一般，性價比不高。同等價錢的話，Ritz Carlton嘅天龍軒同四季嘅龍景軒都做得比較好，難怪今年會下降至一星水平。飲食市場競爭激烈，要保得住招牌必定要做好食物水準和創新，無回頭客的話，都好難喺市場上生存。不過爸爸媽媽喜歡呢度嘅環境，下個月依然會喺度食飯的，希望會有意外驚喜啦。