明閣 (香港康得思酒店)

朋友好喜歡食中餐，久唔久都會去明閣。整體明關對我嘅印象最深刻嘅就係佢哋試酒師揀嘅酒，尤其係香檳，因為曾經試過一個細酒莊嘅香檳，印象十分深刻 ，今次再去嘅時候，發覺原來已經冇再入呢個世酒………………同媽媽去食飯試過叫一啲平時比較少食嘅菜色，例如鴨掌遼參，燒當歸燒大鱔，同埋蒸豆腐。 那一個鴨掌遼參真是冇得頂呀，遼參十分彈牙，汁一啲都唔咸，清淡嘅味道比較適合老人家。 當歸燒大鱔嘅醬汁味道比較甜，如果可以少啲汁同醬汁不太甜會比較好。我另一個喜歡嘅就係佢哋嘅乳鴿湯， 連骨都可以食嘅。 紅燒乳鴿都可以一試因為脆皮控制得好好。 另外朋友極力推介嘅就係佢哋嘅鹵水豬仔腳，大塊，鹵水汁又做得好。明閣有多個得獎嘅菜色，如果冇咩心水選擇，其實都可以試一試他們得獎嘅菜式，曾經試過龍王三弄，三種口味嘅海鮮煮法都挺特別。