大邊爐火鍋店

营业中

休息中

這家位於九龍城的老字號火鍋店，開業至今已接近19年，餐廳格局似酒樓宴會廳，面積不算很大，可能新裝修過的關係，環境都幾新淨👍火鍋材料每款都十分新鮮，無論是肉類還是蔬菜，質素明顯挑選過，部分火鍋配料更是自家手製，很有心思🥰西班牙黑毛豬｜$168西班牙天然穀飼嘅黑毛豬，份量都幾厚身，每片嘅大小切得好均勻，食落有微微油份，不算太油膩白鱔片｜$88焯大約15秒就食得，口感好爽口，沒有腥味手打三寶丸｜$98有齊牛丸、墨丸及豬肉丸，純手打製作嘅肉丸肉味好濃好香，食落特別彈牙特式魚蓉麵｜$46要用少少技巧將麵慢慢吱落湯中，食落其實係鯪魚肉嘅麵條版，口感軟軟地，賣相幾得意三秒腐皮｜$66係即叫即炸嘅響鈴，好爽脆好粗身，夾起個下脆到有少少腐皮碎灑落，入口腐皮味足油麥菜｜$38浸過椰青湯底嘅菜食落份外香甜，有下火清熱功效，岩曬打邊爐竹蓆茅根水（一酌）｜$72清新解渴，係無添加嘅天然甜味

自從有咗屯馬綫，就不時都會去九龍城食飯，今日就去咗一間老店打邊爐。原來已經開左19年，麻雀雖小，五臟俱全，有多款海鮮﹑肉類﹑蔬果類，選擇多就自然照顧到唔同人嘅需要！另外，火鍋店除咗食材重要，冷氣亦都好重要，呢點呢間餐廳做得好好，大熱天時入到去好快就覺得涼浸浸！🥶麻辣拼海底椰青雞湯｜$108海底椰青雞湯鮮甜有淡淡椰青味，湯料豐富，有椰肉雞件紅棗等等，麻辣湯味道較普通傳說中的封門柳｜$308封門柳即係牛嘅橫膈膜肌肉，其肉質十分鬆軟，無筋唔會韌，而且夠新鮮，牛肉味非常濃郁白鱔片｜$88以起雙飛刀法切，片片都好大片，魚肉爽脆三秒腐皮｜$66即炸嚮鈴上枱時仲熱辣辣，忍唔住即食，十分脆口，完全唔油膩👍淥３秒食就啱啱好掛到湯汁，但又唔會淋晒，由於即炸，等候需時。手打三寶丸 (牛、豬、墨魚)｜$98手打丸真材實料，清楚食到每種丸嘅味道，而且十分彈牙！大邊爐四式餃｜$82皮薄餡靚，粒粒都飽滿多餡，餡料新鮮特式魚蓉麵｜$46鯪魚肉採用了吱嘴嘅方式，吱成麵條狀，魚味香濃，口感不錯

今晚來到九龍城，揀了一間 19年老店的大邊爐火鍋店食火鍋。餐廳裝修企理，座位寬敞舒適。坐下後，侍應先送上餐前小食酸木瓜，木瓜酸酸甜甜，好爽口，好惹味~，為今晚的火鍋展開序幕~~餐廳的自製沙嗲湯底$68，裡面有很多碎花生粒，湯底頗濃郁，灼完食物都帶有沙嗲的香。東山羊肉片$72，份量頗多，帶有羊肉特有的小小酥香，切得較厚身，頗抵食！美國桶蠔$158，有5隻，隻隻肥厚脹卜卜，又大隻，份量足， 美國蠔都好新鮮，入口嫩滑。鮮蝦水餃$52 ，鮮蝦水餃也是份量足，大大隻的，足有八隻，裏面的蝦及木耳都很爽口，味道亦頗鮮甜。白鱔片$88，廚師將鱔片切成長長的薄薄一件，且切成雙開，灼上半分鐘就可以食，腍中常爽，非常新鮮好鮮味！主食要了出前一丁$24 ，份量還有2個之多。及還要了飲品竹蔗茅根及可樂，總括而言，份量足及質素都好高質……

因為早食完晚飯又見肚餓😂隔籬個邊爐精就提議不如去宵夜打邊爐😂行咪行囉…驚得我自己肥呀！想食有質素保證嘅所以揀咗呢間有19年歷史嘅老店😉食飽至瞓得著架嘛！. ✨ 海底椰青雞湯鍋 $108滋陰養生得嚟又清熱👍🏻👍🏻內有大量雞件、海底椰、紅棗等…食埋湯底料都唔錯呀🤭🤭. ✨ 安格斯肥牛 (例) $308二人份都夠食😌每片都有靚靚紋理又脂肪分佈平均！焯一焯就剛剛好！牛味重兼食得出質素💋. ✨ 和哥滋味牛丸 $68手打製成嘅牛丸彈勁十足！最正係每啖都食得出陳皮味道於其中😋沾埋佢哋嘅Xo醬更添滋味😋而且有成十二粒咁多！好抵食！！. ✨ 時令雜菜 $48係兩款當造蔬菜拼成！新鮮翠綠🥬🍀吸收哂牛肉油脂同湯底精華！正！！. ✨藍妹啤酒一支 $20(麻甩係要啤一啤喎) ✨竹蔗茅根水一杯 $18(清甜解渴降火) . 註:除加一另有✨酸菜$15 ✨芥醬$18@人收費

食火鍋同泰國菜，好多人第一時間就係諗起九龍城，我都唔例外，而且九龍城就嚟清拆重建，要體驗九龍城的特色真係要把握時間，今日就揀了九龍城的大邊爐，佢唔係喺地舖，但已經喺九龍城屹立19年，所以唔識窿路好容易睇漏呢間好味的火鍋店，雖然地方唔太大，但係裝修夠晒乾淨簡潔，一邊打邊爐一邊傾偈一流。今天點菜打邊爐最重要湯底-海底椰青雞，椰子味香濃，應該係夠多海底椰，雞件分量十足。配料手切牛頸脊-牛味濃郁北海道帶子-粒粒大大隻墨魚滑-夠晒新鮮好大眼三寶丸炸響鈴炸芋頭粟米烏冬…….一句講晒打邊爐材料最緊要夠新鮮👍

好耐冇食過一間覺得好高質嘅火鍋店 估唔到會喺小泰國九龍城入邊搵到😋 餐廳位於2樓 一入去感覺似高質中菜館多過火鍋店😆 入座後店員會先送上醬料同前菜 醬料嘅沙嗲醬幾推薦 點牛肉好香👍🏻 前菜係酸木瓜 超爽口開胃😍火鍋湯底竟然只係$68起 樣本無抱太大期望 揀左海底椰青雞 點知好有驚喜🤩 雞肉嫩滑有雞味 湯底一開始比較淡 但係食到中後期 雞湯變得好清甜 不知不覺飲左幾碗👅 之後一啲口喝嘅感覺都無 力證無味精👍🏻 火鍋配料我哋就揀左手切安格斯肥牛 大邊爐四式餃 肥牛質素極高 係九龍城嘅手切牛果然有啲料到😎 油脂分布勁靚 有牛味 2個人食例牌岩岩好😍 四式餃有鮮蝦水餃 時令西洋菜餃 莧菜帶子餃同魚皮餃 超好食 超好食 超好食‼️‼️ 4款都各有特色勁好食 特別係西洋菜餃 莧菜帶子餃 餡料味道出色 皮薄餡靚 一定要叫👅另外我哋仲叫咗一個小食 椒鹽甜粟米 茄子 🍆 呢個小食又係💯 本身食椒鹽粟米已經覺得味道不錯 點知茄子更有驚喜 火候岩岩好 外皮香脆唔油膩唔太厚 茄子好腍 加埋椒鹽味真係超正👅 總括而言呢度唔算好平 但係性價比幾高 坐得又舒服 可以encore 🌟

隔咗兩年，再嚟到九龍城城南道呢間大邊爐火鍋店，上次嚟嘅時候屯馬線仲未開通到呢邊，當時仲係要搭巴士先嚟到，今次就可以從宋皇臺站出口行兩三分鐘就到😆沙嗲拼皮蛋湯底($80)今次主要目標係食牛肉，當然要嗌返個沙嗲湯底先夠過癮🤪皮蛋湯底就係簡單地道嘅港式火鍋湯底，同沙嗲一個濃、一個淡，非常之合拍。醬汁碟，可以自行調配～封門柳($308)香港地對牛肉嘅需求極大，作為牛魔王嘅我經常食好多唔同嘅牛肉部位，封門柳係我相對鍾意嘅一個牛肉部位😍佢嘅牛肉味好濃郁，而且脂肪比例極少，肉質嫩滑😋基本上淥兩、三下已經食得，唔需要淥得太熟，就可以食到原始嘅牛肉感覺🥩三寶丸(牛肉丸、豬肉丸、墨魚丸) ($98)師傅逐粒逐粒手打出嚟嘅牛肉丸、豬肉丸、墨魚丸，單單呢一點已經值回票價，每一粒都食到好彈牙嘅感覺😀白膳片($88)自問以前打邊爐好少食魚，不過自從試過打邊爐食白膳之後就愛上咗😎輕輕一淥，夠晒爽口有口感😬西洋菜($38)食得太多肉，叫返個西洋菜平衡返😆

九龍城除咗出名泰國菜，近年來都多咗唔少火鍋店🍲今晚就同2位好友去烚下烚下，近宋王臺站B出口的「大邊爐火鍋店」地方闊落，可以好好享受美食！海底椰青雞湯底🍲 $108大部份湯底都係$68，不過我就非常熱愛椰子雞湯，呢個湯底感覺養生，淡淡的椰子的清香，非常清甜，雞件嫩滑！手切三色肥牛🥩 $448一個價錢食晒三款牛，安格斯牛粒，和牛、封柳門，油脂分布均勻，牛香味濃郁，肉質軟熟👍🏻三寶丸🍢 （牛、豬、墨魚）$98自家手打丸，真材實料，沒有過多粉漿，食落口彈牙有肉香！白膳片 $88切得薄薄的一大片，放入湯底滾約10秒就可以食，味道鮮美肉質彈牙💯特色魚蓉麵 $46份量好大，自己唧落湯底幾Funny 🤣用咗鯪魚肉打蓉，魚香味十足！店家仲有不少佐酒小食，非常適合三五知己聚會👍🏻

自從呢個屯馬綫開通咗之後，多咗去九龍城搵好嘅嘢食😋眾所周知，九龍城泰國菜最出名，但係我發現其實都有好多好好味嘅火鍋店🥰🥰🥰而且好多都非常高質今日食個大邊爐🫕火鍋店😚⭕️手切中三式肥牛安格傳說中的封門柳+ 雪花牛立坊+ 手切安格斯肥牛 $448一見到啲咁靚既牛，真係哇左幾聲💯我自己就最鍾意食封門柳，油花雖然較少，但肉味夠香濃且肉質軟腍🤤🤤🤤其次就係安格斯🫢因為佢雪花平均，煙韌有咬口😬😬⭕️ 白膳片 $886大片膳片🥰放落個鍋度滾大概15秒，食得🥰口感爽脆，冇腥味⭕️手打三寶丸（牛、豬、墨）$98火鍋🍲 火鍋必備🤤無論係牛肉丸、豬肉丸、墨魚丸都係非常之彈牙爽口，而且咬落去會滲出啖啖肉香味😋😋😋⭕️ 特式魚蓉麵 $46想特別啲唔使成日食公仔麵或者烏冬，就可以試吓個魚蓉麵。又有得玩又有得食唧落去都要少少技巧㗎，因為佢本身係鯪魚肉，所以比較軟身，魚味重😊口感都幾得意😎⭕️ 海底椰青雞湯$108 湯底一嚟到，梗係即刻要試飲咗個湯先，好清甜嘅椰青味，好適合夏天食嘅湯底！湯底入面嘅雞肉，肉質都好嫩滑，加埋餐廳秘製辣椒醬一流🤤🤤🤤🤤最後黎枝啤酒🍻&椰青☺️食到🫄咁走😇

第三次嚟呢間餐廳打邊爐…一如既往…一入到餐廳…有着咗正裝嘅服務員招呼…有formal 並帶有尊重既感覺.呢度啲服務員真係個個都好有禮貌～係我好欣賞嘅雖然係一間打邊爐店…佢每一張枱都會有唔同嘅花做裝飾，喺呢啲細微位我會覺得呢間餐廳好有心機！放得好整齊好靚嘅醬料酸木瓜. 脆口嫁～ 好開胃！ 牛拼盤！小貴 但 絕對值得！ 係好有牛既油香味！ 我哋只係叫咗皮蛋芫荽湯底… 清清地咁先食到牛既香味！ 即炸響鈴… 好鬆化～好正呀！ 絕對值得食完再食！

與好友共聚首選必定是打邊爐，而位於九龍城十數年的大邊爐，則是我們的首選火鍋餐廳。大邊爐食物水準穩定，以餐廳傳統自制食物最為出色，例如前菜小食，手打四寶丸，餃子等等。椒鹽茄子粟米，椒鹽豆腐，可以算是大邊爐的特色前菜，即叫即制熱辣辣脆卜卜，味道一流，水準之作。當然餐廳以打邊爐為主，其他食物可以算是中上水準。個人推介三色手切肥牛，牛肉油分分明，牛肉新鮮。西班牙黑毛豬，肥瘦適中，豬肉嫩滑，白鱔片新鮮抵食，肉質彈牙實淨。

大邊爐，一間屹立於九龍城約20年的傳統火鍋餐廳，餐廳以傳統中式火鍋作為主打，價錢中上，食物質素水準之中，餐廳自制餃子，手打丸及小食等等都非常出色。湯底選擇都算多，而且價錢相當大眾化，麻辣湯底併冬瓜瑤柱湯$80，麻辣湯底都不會太油膩，冬瓜瑤柱湯用料足，冬瓜湯底清甜好味。三色手切肥牛，一個價錢三種牛肉三種口感，牛肉油花分明，肉味濃而且厚度適中，絕對超值。手打四寶丸，餐廳自家制作出品，粒粒分量十足彈牙，以蝦丸牛丸最為出色。

見食評咁多讚賞 諗住試下點知淨係打電話 問佢幾月幾號可唔可以訂枱對方已經態度差問有冇菜單佢話俾唔到喎又唔解釋點解唔俾唔緊要 九龍城區大把更好嘅火鍋店淨係講電話已經態度咁差永不光顧

九龍城其實都有好多出名既美食泰菜、串燒、潮州菜、清真牛肉餅、各式各樣甜品原來連打邊爐都有呢一間高質嘅好選擇附近有巴士站又或者搭地鐵喺宋皇臺站b2出口行兩分鐘就到餐廳環境寬敞，衛生乾淨服務都唔錯好適合一班朋友慢慢食慢慢傾食到好夜都唔會有人趕今次叫左海底椰青雞湯底好清甜應該係真材實料食完唔會好口乾其他材料樣樣都好新鮮好食絕對高質素食完如果想食甜品原來仲可以叫餐廳幫手 order 埋附近嘅某間甜品店，送埋上黎嘆埋點品先走

自從宋皇臺站開通咗之後，去九龍城食飯真係方便得多，所以今日我又同M佬嚟九龍城四出搵食。九龍城有好多唔同嘅菜式，但講到我哋最鍾意嘅嘢食，當然就係打邊爐啦！原來九龍城除咗泰國菜之外，都有唔少火鍋店，所以今日就搵咗一間質素都唔錯嘅大邊爐火鍋店。餐廳為慶祝開業18周年同宋皇臺站開幕，依家只要向店員出示某兩個youtuber嘅影片介紹，更可享有折扣優惠（2-4人全單可減200元；5-8人則全單可減400元），記住出示呀！冬瓜鮮雞湯湯底有唔少選擇，今日就揀咗冬瓜鮮雞湯。湯底入面除咗有消暑嘅冬瓜之外，仲有好多雞件同豬湯骨，菜料夠晒豐富！更驚喜嘅發現，湯底原來仲有唔少花膠。整體嚟講，湯底略嫌偏淡，相信係打邊爐嘅時候，湯底會越打越鹹，所以餐廳刻意將湯底選擇淡口味。手切安格斯肥牛例牌嘅手切安格斯肥牛，2個人食份量啱啱好。肥牛雪花分佈平均，肉味香濃嫩滑，輕輕一淥就食得。梅菜豬肉丸豬肉丸好彈牙，咬開仲會爆晒汁，好juicy。但重點當然就係梅菜比例啱啱好，非常香口，完全唔需要點豉油架！四色餃四色餃分別係魚皮餃、鮮蝦水餃、莧菜帶子餃同沙葛爽爽餃。每款都有2位，粒粒都大大隻，餡料勁多。呢度嘅水餃每款都係餐廳人手自家